熱門Ptt文章

[爆卦]Ssys stock是什麼？優點缺點精華區懶人包

雖然這篇Ssys stock鄉民發文沒有被收入到精華區：在Ssys stock這個話題中，我們另外找到其它相關的精選爆讚文章

在 ssys產品中有6篇Facebook貼文，粉絲數超過0的網紅，也在其Facebook貼文中提到， ［持倉全公開］「個圖右邊令我諗起魚缸啲溫度計」。又，當然唔止呢度呢啲，文入面仲有。「呢度係10個倉嘅其中1個」「咁當然係最大最勁嗰個」 TLDR：台上一分鐘，台下十年功。練武不練功，到老一場空 ＝＝＝＝＝＝＝＝＝＝＝＝＝＝ 月頭訂最抵！一週年！比別人知得多。subscribe now（https...

　同時也有3部Youtube影片，追蹤數超過14萬的網紅RagaFinance財經台，也在其Youtube影片中提到，【Raga Finance：一股定輸贏 20210127 -- 3D Printing/Beyond Meat】 嘉賓：黃耀宗 (利達LW A.M.基金經理及合夥人) 李穎琳 (利達LW 高級主任 - ESG及投資者關係) 全版本： https://youtu.be/GxBi180NQHM ...

「ssys」的推薦目錄

ssys 在 Nguyễn Quỳnh Anh Instagram 的最讚貼文

2021-04-23 10:01:37

Do what you want😊#hewbf #smptmw #Ssys...

  • ssys 在 Facebook 的最佳解答

    2021-09-06 03:43:02
    有 126 人按讚

    ［持倉全公開］「個圖右邊令我諗起魚缸啲溫度計」。又，當然唔止呢度呢啲，文入面仲有。「呢度係10個倉嘅其中1個」「咁當然係最大最勁嗰個」

    TLDR：台上一分鐘，台下十年功。練武不練功，到老一場空

    ＝＝＝＝＝＝＝＝＝＝＝＝＝＝
    月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
    ＝＝＝＝＝＝＝＝＝＝＝＝＝＝

    邁向2000人訂！Two thousand people can't be wrong！（扯，幾百萬人冇訂添！）．搵人填埋佢，下一個目標當然係3000！

    1. 之前好多讀者係咁叫我公開個持倉，我係拒絶的。但畢竟答應咗，唯有萬般不情願咁除。不過都唔係除晒。名單就有晒，但絶大多數冇銀碼。講過了，留返少少私隱，以前青樓女子腰間都綁返條紅線咁，「我冇除晒」。況且，太少錢驚畀你恥笑，太多錢又怕你綁架我

    2. （實情，你覺得我會有幾錢？唔通我得幾十萬夠搞台灣投資移民又夠買埋樓？但，如果我有幾億，仲會寫Patreon？）

    3. 不過我再講一次，你話我家長式態度都好，我覺得呢啲list係害咗你的。我知，個個想抄功課嘛。但邊有咁簡單？信我，唔work的。

    4. 首先我唔少嘢陳年買落。我就當你而家開始跟，但好多人連睇文嘅耐性都冇（但想致富，你唔覺得矛盾？）。況且你亦好可能做唔到隻隻跟，因為可能你咁啱冇錢。就當你跟都好，到升少少，或者一個浪打埋嚟，你又會走咗啫。唔信？你睇我在呢度講咗幾多次ASML？咁係咪個個都贏250%？我當我唔係一買就講，咁至少都有100%，你又有冇？

    5. 以前都有啲熟朋友，問我拎啲長渣嘅股票名單，咁我有畀。但你發現，同一餐飯嘅朋友，有啲人就輸錢，有啲就贏大錢，有啲表現仲好過我。問題係你本人，唔係啲股票呀。

    6. 咁我做嘅，唯有名單照畀你，但分享下我買嗰時嘅心路歷程，同埋用呢啲例子又去示範返我平時講嘅嘢咯。「其實我本書都係講呢啲」

    7. 睇圖

    ============================================================

    8. 一反常態，由最廢嘅講起。首先，輸到趴街跌八成嘅，開埋名，SSYS，3D打印股喎，N年前了。嗰時興咩3D打印嘛，改變世界嘛，等同而家啲咩氫能呀 扑青呀 SAAS呀 齋燒鵝 杏仁奶 咁咯。之前仲有隻ONVO Organovo，印個腎出嚟自己用。嗰時仲有隻DDD，3D System，聽名都正.，我朋友（真係我朋友）買完輸九成幾，但都冇走，點知今年炒發夢股時契媽又買返炒起，結果由輸九成幾變咗輸五成，佢快手走咗人。教訓？你個故事再好，啲科技再巴閉都好，唔等於你會賺錢。3D 打印冇改變世界咩？有喎。但你隻嘢就係輸到趴街。同2000年好多科網股差不多，互聯網係改變世界喎，但唔等於你買嗰啲股會賺錢。

    9. 另外，你都見有兩隻跌超過70%嘅，「就都係今年新鮮滾熱辣的」，都有讀者輸錢。但，有乜計？我都輸埋一份，兩份咯。包生仔咩。但贏幾倍嘅你有冇跟先？

    10. 好啦，都係輸錢啲嘅，煙仔股啦，都四五年前買，後來佢買電子煙JUUL瀨晒嘢，我一度輸一半，但冇止蝕。今年就生猛，歷年又派到下息，計埋唔使點輸

    11. 仲有？黃金ETF啦，舊年一開Patreon就講買金，因為印錢通脹。結果真係通脹，但唔係升黃金，吹咩。不過買得唔多，亦其實輸得唔多。

    12. 升得少嘅，Verizon啦，17年尾買，都唔知點解會買，應該主要係錢太多身痕。留意嗰年股市好好，而我轉咗去星展加左一截人工。真係沽就考慮沽呢啲，唔使輸錢但又冇乜賺

    13. SalesForce啦，仲好笑。佢話買Slack，我就買佢。結果CRM買Slack買得貴！我就買CRM買得貴！齊齊消化不良，股價高位即隊。但始終間公司正正常常，咁慢慢就上返水面。見唔見到同咩3D打印股嘅分別？你間公司一路有增長有錢賺，就算買貴咗啲都有得追返上嚟。

    14. 好啦，講啲得意之作。呢隻SCI勁！你見我呢度同Patreon都極少講，因為……唔記得咗！到升咗幾倍我先發現有買到隻咁嘅嘢！做乜？做殯儀。但如果你97年高位追，一樣有排坐。固然好多時事後先知咩係高位，但，首先你可以睇多次上一段。另外，所以咪叫你唔好all in 同一時間一大舊錢買落同一隻股票，然後仲要九成摸頂高位跌兩成又低位打靶止蝕。

    15. 至於JP Morgan迪士尼呢啲，一早買落。咁你見到教訓係乜？係要時間呀哈利。畢菲特話齋，你去搞大9個女人，都唔可以1個月生個B出嚟的。

    16. 仲有？坐穩呀！你睇迪士尼？明明疫情重創，完美風暴，戲院又死樂園又死體育又冇得播，仲要畀NetFlix狂打。但我有冇走去沽咗佢？一有「不利消息」就沽走，咁你真係永世唔使買股票的。等「明朗化」？刁，到「明朗化」時升咗幾十位啦，到時你咪摸頂。蘋果25000億市值都仲有人質疑盤生意得唔得呀。「你點知聽日唔會執笠？」「但如果唔執呢？」

    17. 呢度你見，24隻之中，9隻至少升到100%（有2隻好接近），當中6隻超過200% ，1隻超過300%

    18. 啟示係乜？唔係我好巴閉，而係我示範一路都講，但成日畀人串嘅兩樣嘢：

    19. 首先，一兩隻掂嘅股票，可以頂好多隻出事嘅股票。你咪串我幾隻嘢輸七八成咯，但有何問題？你唔買咪唔會輸錢，升一成take profit 跌一成止蝕咪唔會大輸，have fun。

    20. 第二，股票係要坐的，你見升得多嗰啲都係比較早期買。ASML之類兩年250%，係好少有嘅例子。「雖然我唔識tech唔識整光刻機」

    ============================================================
    21. 記住，呢個圖只係美股嘅大倉，另外仲有堆細倉（咩LVMH 愛馬士我提過嘛，唔在呢度的，「同埋其他係歐洲股」）。

    22. 至於美股個垃圾倉組合，Patreon入面都有貼出嚟。一個月15%，勁過晒所有倉，勁過股神。但買得3萬港紙，有春用咩。我一度都睇到懷疑人生，其實係咪亂買就得。但由我買咁細咪畀咗答案你：而家贏梗係也文也武，但我係有預會輸晒的。

    23. 當然仲有港股，都公開埋，但除咗呢排成日講嘅王維基1137，就係隻升十幾倍嘅安踏2020（貼過啦），仲有一個開嘅港交所388，以及高位插水一半我都仲唔使輸錢嘅騰訊700外，都冇乜特別。咁嘅市況，神仙咩。

    24. 但，雖然只得一手，但我隻安踏13蚊渣到上160，一度幾乎200蚊。何止10倍股？10鳩幾倍股呀！Take profit？why？定你覺得190蚊冇沽而家160蚊我好傷心？你出出入入，有幾多隻嘢贏到10倍？

    25. 不過話說回頭，港股輸好多嘅，亦都少，好多都月供。然後仲要多數都派到下息，咩長江基建1038之類，計埋啲息就輸錢變贏錢啦。

    26. 至於我最新會買乜，文入面都有講，但唔好期望係咩特別嘢，都係悶嘢。Sexy嘢就梗係開個新post啦

    ＝＝＝＝＝＝＝＝＝＝＝＝＝＝
    月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
    ＝＝＝＝＝＝＝＝＝＝＝＝＝＝

    邁向2000人訂！Two thousand people can't be wrong！（扯，幾百萬人冇訂添！）．搵人填埋佢，下一個目標當然係3000！

  • Raga Finance

    ssys 在 Raga Finance Facebook 的精選貼文

    2021-01-27 21:24:10
    有 8 人按讚

    【Raga Finance：一股定輸贏 20210127 -- 3D Printing/Beyond Meat】

    嘉賓：黃耀宗 (利達LW A.M.基金經理及合夥人) 李穎琳 (利達LW 高級主任 - ESG及投資者關係)

    全版本：

    https://youtu.be/GxBi180NQHM

    第一節：Reddit，Gamestop(GME) ，美股狂潮如何部署，Beyond Meat (BYND)合作事宜的睇法

    https://youtu.be/WNkmx0PVNAk

    第二節：3D Printing, SSYS, NNDM分析，Q&A

    https://youtu.be/9knkvkezqFc

    成為 RF 鐵粉團的一分子！只需港幣 $40 一個月，即享獨家影片及專屬貼圖優惠！
    https://www.youtube.com/channel/UCETuQf4lzTrfevoHdSGo8Ew/join

    www.RagaFinance.com

    RagaFinance Facebook:

    https://www.facebook.com/ragafin/

    👉是日焚道 - Everyday's Vin! 加入Patreon
    http://patreon.com/calvinchoy

    ◎◎◎訂閱 ◎◎◎

    ▶
    Ragazine : https://www.youtube.com/channel/UC5DWcqCjBne2-wRnrjxkuHQ?sub_confirmation=1

    ▶
    Raga Finance: https://www.youtube.com/channel/UCETuQf4lzTrfevoHdSGo8Ew?sub_confirmation=1

    #ragafinacne #BeyondMeat #LW
    ------------------------------------------------------------------------------------------------------------------------------------------
    免責聲明：《Raga Finance》竭力提供準確資訊，惟不保證絕對無誤，資訊如有錯漏而令閣下蒙受損失（不論公司是否與侵權行為、訂立契約或其他方面有關），本公司概不負責。

    同時，《Raga Finance》所提供之投資分析技巧與建議，只可作為參考之用，並不構成要約、招攬、邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關建議招致損失，概與《Raga Finance》主持、嘉賓、編輯及記者無關。

    同時，《Raga Finance》所有節目或資訊，相關內容屬作者個人意見，並不代表《Raga Finance》立場。

    Raga Finance

    網址: www.ragafinance.com

  • IEObserve 國際經濟觀察

    ssys 在 IEObserve 國際經濟觀察 Facebook 的最佳貼文

    2021-01-08 12:49:24
    有 254 人按讚

    不過昨天最扯的，還是3D列印類股
    DDD最為兇猛單日翻倍漲104%，SSYS漲了快40%
    之前ARK比較相對不起眼的ETF PRNT隨著ARK名氣增加，成交量也逐步上升，結果真的信乾媽得爆噴

    至於暴漲理由？看了看新聞覺得是有點弱，我覺得市場情緒應該佔比較大的比例

你可能也想看看

搜尋相關網站