六年，唔係一個開始，係香港人嘅一個里程碑 呢個係一個關於醒覺嘅成長小故事 常識科同報紙從小都係我唔喜愛嘅嘢 07年 施政報告 曾生恢復東北發展，應該係我第一次留意到時事 雖然好似事不關己 但想像唔到如果hometown同大陸相隔嘅地方打通咗 香港會變成點 政治，往往就讓人感到事不關己但其實水浸眼眉 09 年元朗菜園村收地，係我第一次去關注時事 應該係我人生第一次見香港人抗議去爭取屬於自己嘅嘢 2012光復上水應該係我第一次參與遊行 要企到最前線嗌口號嘅小屁孩 當時嘅我真係未分清雙非新移民同水貨客 淨係覺得喺上水同黨鐵一眾支蝈人好乞我憎 到第二次嘅遊行同踢喼行動後 係第一次經歷嘅失敗 「今日上水，明日香港」係當時嘅怨念 2014雨革，我係準備考Dse，期待study leave嘅中六生 佔中前，我嘅對計劃嘅睇法僅止於「我要真普選」 政黨嘅嘢我唔識分，望住學民思潮同學聯我冇任何感受 唯一有留意嘅係有牽涉基督徒嘅三子嘅發表 但我都係用一個好客觀，好似旁觀者咁去睇 就好似做緊LS Ers paper咁 去分析原因同利弊 直到928佔中開始了 黑警向人群射出tg，人神共憤 凌晨時分，係最後一年Sportsday前嘅一晚 學民思潮嘅同學吹雞，學界都要全力support了 一鼓作氣咁去做咗學校召集人 一頭霧水嘅我只好同同班嘅商議咁短時間有乜做到 然後同級嘅好多人都好給力 繼而吸引咗校方同唔少校友嘅注意 全晚電話冇停過，都冇乜瞓過 好記得當日真係一嚿飯咁 和理非到一個點 校方好配合 所以冇不合作運動出現 連校長都讓時間出嚟俾我上台發言 不過和理非個勇字唔係掛心口... 當時我係唔敢上台 最後搵咗個師兄Carry 直頭成場佔中都係維持呢個模式 冇留過夜只係止於坐喺旺角街頭摺吓紙 去幫港發聲做吓網英 冇乜付出嘅我望住各地散場 各人被捕 淨係覺得輸咗 「大家做到咁都冇用？」 「都係做返港豬算」 呢個懦弱嘅和理非去到魚蛋當日 喺旺角撚完狗返到屋企都係有上網插掉磚嘅手足... There is a life about to start ; When tomorrow comes 一絲絲嘅內疚同悔意 化成逼自己進步嘅動力 可以做嘅只有努力同努力 你若放棄，誰衛你城？ 我若放棄，誰衛我城？ 共勉之。 #skhcyss #20

閉關4天 #那年清澀時 #呢2條友何來全校最mk #raphaelhouse#skhcyss#lamklassmate

如何回到當時 #lamklassmate#skhcyss