【電玩】傳「GTA三部曲」高清重製版將於年底上市 Switch都有得玩 雖然「GTA三部曲」重製版已經傳咗好多年，但隨住Take-Two（Rockstar母公司）近期大規模下架多個舊作Mod，加上最新一期財報又揭露有多款遊戲重製緊，令傳聞變得愈嚟愈可信。據媒外媒Kotaku引述消息人士報導，Rockstar Games正採用Unreal Engine重製《GTA 3》、《GTA SA》以及《GTA VC》等經典作品，最快今年10月底登錄PC、Xbox、Playstation、Switch以及手機多個平台。 據報導所指，「GTA 三部曲」同樣採用遊戲引擎「Unreal Engine」重製，結合新舊圖像，一位聲稱睇過實機片段嘅人表示，出到嚟嘅效果就好似舊版GTA裝咗好多個高清Mod咁，遊戲介面（UI）得到更新之餘，亦保留返原有經典風格。遊戲將以捆綁形式發售，一買就要買晒三隻，而且只有數位版本，冇得買碟。 文中亦提到，如果「GTA 三部曲」重製版反應唔錯，Rockstar Games唔排除會重製埋《Red Dead Redemption（碧血狂殺）》。 #GTA3 #GTASA #GTAVC #RockstarGames

🔫💰🚗 《俠盜獵車手：聖台北》 很開心這次能與 @rockstargames 合作 以主角”艾斯奇德”視角體驗一場穿梭台北大街小巷的冒險。 分享抽”博士大禮包” 內容含一百萬遊戲幣 及 跟屁蟲Doggy一隻 . . . . . . . 好啦唬爛不下去了 最近滿愛玩GTA 來畫一波 有需求歡迎找我 好談💵💵 其他作品⬇️ @asskid_graffiti #gta #rockstargames

【遊戲】前Rockstar Games主腦Dan Houser 創立新遊戲公司 講起Rockstar Games，大家一定諗起《GTA》同《Red Dead Redemption》系列，而講起呢兩個系列，就不能不提當中極為精彩嘅故事。不過創作出呢啲故事、而且係Rockstars Games創辦人之一嘅Dan Houser於去年年頭就已經離開咗Rockstar Games，最近就被網民發現佢似乎開咗另一間遊戲公司。 據《GTA Forum》上嘅一名網民發現，Dan Houser喺6月23日註冊咗一間名為「Absurd Ventures in Games」嘅英國公司，而網民又順住「Absurd Ventures」呢個名，發現一間註冊於今年2月，名為「Absurd Ventures LLC」嘅美國公司。似乎就係Dan Houser離開Rockstar Games之後成立嘅新公司。 由於「Venture」有「投資」嘅意思，所以有人估計「Absurd Ventures」兼非一間遊戲製作公司，而係一間投資遊戲製作嘅公司。但另一方面「Absurd Ventures in Games」嘅註冊文件中就話佢係一間「開發預先做好嘅互動式休閒及娛樂軟件」公司，加上Dan Houser嘅銜頭係「製作人兼創意總監」，似乎又係一間遊戲製作公司。睇黎都要等到有進一步消息先能夠確認啦。 Dan Houser 與哥哥Sam Houser於1998年創立Rockstar Games，並開始為《GTA》系列撰寫劇本，久唔久亦會兼任埋製作人。同佢亦係《Red Dead Redemption》系列、《Max Payne 3》等遊戲嘅編劇，絕對係Rockstar Games嘅靈魂人物。不過喺去年2月，Rockstar Games母公司Take-Two Interactive就宣佈Dan Houser離職，而且冇公佈離職原因。而哥哥Sam Houser就繼續留任Rockstar Games製作人。 #GTA #RockstarGames