【深圳 + 東莞IMAX（加埋其他香港冇嘅格式）觀後感文章總覽】

因為《#水行俠》大陸早半個月上映，估唔到小弟發完文已經有幾位讀者話會上深圳睇IMAX，問我邊間好。其實我每次睇完都有寫文章，為方便大家，都方便我唔駛又再搵來搵去，所以唔駛再問我，俾大家一個Post睇曬參考一下。

預咗出得呢個Post又會俾人無限聯想，我一定收咗錢兼且背後別有陰謀，再用政治角度圍剿我兼且瘋狂Unlike，你喜。

利申純粹係出於自己鍾意睇IMAX，同埋好多戲IMAX版只有大陸上，香港冇得上，甚至如《水行俠》咁大陸早過香港，所以我先返大陸睇。

文章如下，自行閱讀：

東莞華南Mall萬達影城（Laser IMAX）：goo.gl/LccwLs

深圳CGV壹方城（SPHEREX）：goo.gl/R9zZyZ

深圳CGV壹方城（IMAX）：goo.gl/TYEBLC

深圳盧米埃影城華強路九方（IMAX）：goo.gl/WH3Bm2

深圳橙天嘉禾卓悅匯影城（IMAX）：goo.gl/HKWZ2T

深圳星美國際影商城（IMAX）：goo.gl/nf5JZd

深圳中信國際影城（IMAX）：goo.gl/1mPMjR

深圳UA KK MALL（IMAX）：goo.gl/84QZ1Z

如果講最方便最近香港，一定係UA KK MALL。

如果你問我最鍾意，一定係東莞。再次重申全亞洲唯一一間70MM IMAX喺曼谷、最近香港嘅Laser IMAX係東莞，全香港都全深圳都係俗稱「假IMAX（Liemax）」嘅Digital IMAX，所以其實深圳同香港感覺相近。不過，因為《水行俠》冇用IMAX拍，個人又覺得唔駛走到上東莞睇。

如果想試「杜比視界」（Dolby Vision），最近都係要上東莞睇，喺萬達影城南城店。

如果你就咁問我深圳最鍾意，我會揀中影國際影城＞盧米埃影城華強路九方＞嘉禾卓悅匯。

另外，深圳IMAX開得太過快，仲有幾間我未去過－－快到我唔知仲有冇其他，有漏請補上，包括：萬達影城海雅廣場、百老匯電影中心萬象天地店、橙天嘉禾影城觀瀾湖店、百川影城新沙天虹店。前兩者未有機會去，後兩者實在太遠，有去過朋友可以留言分享觀感。

要留意係，「中國巨幕」、「POLYMAX」之類同IMAX完全無關。

最後，請唔好又留言問我點買飛、邊間平啲、交通點去、邊間冇人講嘢之類問題。

呢個Post我稍後會再Share。

【原創小說】
香港正式上架，各大書局均有代售，海外讀者亦可於網上書店購買，詳情請看：goo.gl/3g4Hk8

－

【自製南美明信片】
正式開售，購買全套可以向你寫點心意：goo.gl/Dfmpbc

－

【IG請follow】www.instagram.com/travelerwithmovie

【終於有間大陸IMAX令我失望】

大陸開戲院開到仲多過便利店，我不斷係咁試深圳甚至廣州嘅IMAX同新設備戲院，都唔夠佢開得快。上次去壹方城睇《後來的我們》SPHERE X版，先知同一間戲院又有個IMAX，但果時太趕就試唔切。今次特登走返上去同一間戲院睇《狄仁傑之四大天王》IMAX，對呢個IMAX院就幾失望。

唔止冇其他深圳IMAX咁正，感覺上仲差過香港幾間IMAX，幾乎拍得住Moko－－咁當然，佢都仲好少少，好難差得過Moko。個幕係長方形已經扣分，仲要戲院感覺幾窄，如果坐頭幾行都幾累，而音響效果都唔係特別標青，同普通戲院冇咩分別。有少少覺得求其搵個「中國巨幕」、Polymax之類「大陸山寨IMAX」院個幕，甚至同場嘅SPHERE X都應該大過佢。

下次試下深圳BC個IMAX先。

#其實我唔明點解我不是藥神要有IMAX
#更不明白點樣4DX

【延伸閱讀】深圳首家SPHERE X院初體驗：goo.gl/LuRR8w

【‼十週年放映活動，搞唔搞得成睇你支持喇】goo.gl/6o8hpk

‼小弟本新書完咗書展，都仲可以搵我買架 🇭🇰 | goo.gl/J9QdBR

‼台灣書局亦已上架，可去文中連結購買 🇹🇼 | goo.gl/xzCymP

【IG請follow】www.instagram.com/travelerwithmovie

【戲院冷知識：大陸到底有乜MAX？】

剛剛有讀者朋友又中咗伏，都同大家分享一下呢個問題。

其實IMAX同「中國巨幕」，或者大陸戲院無數個「MAX」嘅影院，係有分別嘅。

喺大陸睇得戲多，自會發現大陸有勁多唔同「MAX」，無論係中國巨幕（DMAX）、保利巨幕（POLYMAX），近年仲有更多4K MAX。你唔好理佢個名幾似IMAX，但其實全部都係同IMAX冇關係。

因為大陸好多時都有「Blackout期」，再加上唔係套套大陸片都可以IMAX（雖然近年真係乜叉大陸片都可以IMAX），所以大陸就自行研發咗呢一堆「MAX」，去頂替IMAX冇片源嘅真空期。

雖然呢堆嘢係「山寨版IMAX」，但如果戲院配備得好嘅話，其實聲畫都唔差，有時大陸部份戲院會將「杜比視界」（Dolby Vision）戲院叫做「巨幕」，而呢個格式據聞係極正嘅，目前香港都仲未引入。當然，都睇吓佢個「中國巨幕」係堅定流，曾經喺南京睇過一次「中國巨幕」，個幕仲細過海運。

其實，香港都有「中國巨幕」，佢嘅英文名叫CGS，亦即現時百記力谷嘅數碼港一院。改裝後我未睇過不便評論，但提都唔提「中國巨幕」都啱嘅。你試吓叫個院做「中國巨幕」，數碼港會唔會更加少人去？😂

如果分唔清的話，總之你見佢戲院Sell到又Atmos又4K又Dolby Vision乜乜物物，就肯定唔係IMAX，IMAX基本上就只有Laser/ 70mm/ Digital IMAX，唔會走去叫4K嘅。

➡新書銷量已遠超一半，你唔係仲未買呀？即請下單 | goo.gl/J9QdBR

➡台灣書局兼網上平台亦已經上架，可去文中連結購買 | goo.gl/xzCymP

【IG請follow】www.instagram.com/travelerwithmovie