【石地射門鞋：Phantom Venom Pro IC 實測 】 . Hypervenom嘅停產，取而代之嘅係Phantom Venom。Phantom Venom嘅出現，外表令人諗翻起舊時嘅T90😁。Phanton Venom釘Boot頂級版Elite阿靴之前就試過，射門嘅體驗的確係幾唔錯。而今次，阿靴就試埋頂級版平底Phantom Venom Pro IC，同大家深入講講喱對Boot嘅特性🤙🏻。 . Phantom Venom Pro IC同 Vapor12 Pro IC非常接近，鞋面用上網狀質料，讓大家有種舒適得嚟亦貼腳嘅感覺。Phantom Venom Pro IC唔同嘅位置係佢鞋帶向外傾斜，腳內側鞋面足球面積增加，同時上面有一條條嘅突出嘅膠質紋理，期望令大家有更加好嘅射門體驗，Nike亦表示設計係可以令射門更準繩及富力量🤔。Phantom Venom Pro IC鞋後身用上合成皮，鞋帶位置同上代Hypervenom Zoom Phantomx Pro IC一樣，擁有Flywire cables，令波Boot兩側同腳更加貼服🤙🏻。 . 除此之外，Phantom Venom Pro IC鞋帶位置嘅前方有一個富少量彈性嘅布料包住，目的係期望令大家踢波時波Boot會緊貼前腳掌🔥。而緩震層面一如上代，佢係用上Air Zoom緩震底，期望比大家有適量緩震之餘，亦不減其靈活度。但不得不提一點，Phantom Venom Pro IC鞋底非常特別，佢鞋底好似釘Boot Elite版本一樣，前掌位置呈“*”字狀，而且鞋底兩邊位置會微微突起，期望比大家有更強嘅靈活度👍。 . 於整個實測過程上，啊靴最滿意係Phantom Venom Pro IC嘅射門質素💥。Phantom Venom鞋型較修身，亦正正同啊靴腳形非常接近，波Boot非常之包腳，而且非常貼腳，加上鞋面內側較大嘅觸球面積，令射門非常具力量，鞋面上嘅凹凸膠紋當然不及釘Boot Elite版本強大，但因為波Boot非常Fit腳型嘅關係，射門係非常去，而且會較容易射到既飄又衡嘅波☄️。至於腳內檔射門上，受惠佢嘅凹凸紋理，腳內檔嘅曲線球發揮亦非常理想，貼腳設計亦令曲線球變得急勁。 . 盤扭層面上啊靴亦感滿意，緩震同靈活一直呈反比例，兩者往往難以兼得🤦🏽‍♂️。不過啊靴就就認為Phantom Venom Pro IC擁有一個較平衡嘅數值。Air Zoom鞋底一直係較硬，但阿靴認為佢相對上代有改善，質感係無咁硬，但亦唔好期望好似Lunarlon／React底咁軟。但亦都係佢果種較硬嘅質感，加上佢特製嘅鞋底形狀，令Phantom Venom Pro IC比其他Nike嘅頂級版本平底波Boot更富靈活度，亦增強到盤扭層面嘅靈活感😯。 . 於長傳層面上，Phantom Venom Pro IC非常食力，所以需要時間調節長傳嘅力度，但整體發揮算不錯，可以輕鬆作較柔嘅長傳😇。至於短傳層面上，質感屬於爽朗，而且短傳路線屬於穩定，呢一點係阿靴感到驚喜嘅地方。 . 每對波Boot都會有佢好同唔好嘅地方，阿靴其實就麻麻地Phantom Venom Pro IC鞋帶嘅前方位置。話說鞋帶前方位置有一塊布料遮蓋住部份鞋帶，因為布料相當之無彈性，啊靴覺得佢會影響到穿著時鞋頭嘅舒適度，亦有可能令較闊腳掌嘅波友難於穿著🤦🏽‍♂️。啊靴亦認真有諗過剪咗塊布佢，分分鐘可以增強舒適度😂。 . 此外，如果波友要追求優質嘅緩震，Phantom Venom Pro IC未必會適合，啊靴反而會建議Phantom Vision Pro IC／Lunar Tiempo Legend 7 Pro IC，畢竟React底同Lunarlon底均較優勝😉。 . 至於Size上面，啊靴平時Nike著US8，Phantom Venom Pro IC著返US8就非常合適🥰。鞋型層面上，啊靴就認為佢屬於中至窄鞋型。 . 阿靴感激今次 @hkgballboot 嘅波Boot提供。 . Phantom Venom Pro IC 實測報告： 盤球：●●●●◐ 控球：●●●◐ 短傳：●●●● 長傳：●●●● 射門：●●●●● 靈活：●●●●◐ 避震：●●●◐ . ——————————————— Follow me🔹 @hkfootballreview ——————————————— 📌 Hashtag #屎波裝備多 分享你嘅靚boot~ ——————————————— #屎波裝備多 #phantomvenom #phantomvnm #nikefootball #nikehk #nikehkg #波boot #波砵 #足球鞋 #footballboots #soccercleats #足球 #香港足球 #ballboot #hkfootball #gameoverpack #靴實測_nike

. 七人足球相信係大家响香港最容易接觸嘅足球運動⚽️。 . 平底波Boot五花八門，唔少波友會感到煩惱，究竟邊一對波Boot更啱自己。今日，呀靴就同大家淺談平底波Boot嘅種類，我哋就由香港嘅門市零售價開始🤙🏻。 . 呀靴時不時會去唔同嘅運動舖留意波Boot👟。而市面嘅平底波Boot可以大致分為三個價位。質素亦會隨價錢有唔同，一般嚟講，越高價位所配置的科技亦會越高級。 . 第一個組別係約九百蚊或以上😇，例如Adidas會有Predator Tango 18+，Nike就會有高筒系列波Boot Mercurial SuperflyX Elite，亦會有Mizuno的Morelia Indoor，佢哋都係係最頂級版本，用上嘅科技亦會最先進👍，Predator 18+會用上Boost緩震底，於Superflyx Elite會用上Flyknit，至於Morelia Indoor就會用上頂級袋鼠皮。 . 第二個價位係約五百至九百嘅水平🤙🏻。Adidas會有X Tango 18.3，Nike就會有Lunar Tiempox Legend Pro，NB就有Audazo Pro同埋日牌Mizuno嘅Monarcida Sala Pro。佢哋嘅用料無頂級版嘅高級，但係用料上已經非常充裕😌，例如X Tango18.3的合成比鞋面貼腳而且有Techfit襪套型鞋舌，Tiempox Legend Pro雖然用上牛仔皮，但都保留到Lunarlon嘅緩震系統，Audazo亦會有唔錯嘅跑鞋緩震，Monarcida Pro鞋頭位置亦會用到袋鼠皮😎。 . 第三個價位係約五百或以下嘅價位，佢哋用料傾向普通😉，波Boot只可以提供基本嘅保護同鞋身用料，例如Adidas會有Copa Tango 18.4，Nike就有Zoom PhantomX Academy，Puma亦會有Future2.4 Indoor等等。喱啲款式外型同其他版本接近，但係一般嚟講只得少量緩震🤦🏽‍♂️，亦無特別嘅物料同科技，鞋面亦會較硬，需要較長時間先可以「開鞋」。 . 總括嚟講，平底波Boot嘅選擇的確非常多，呀靴就記得之前有波友分享到自己試過貪平買Boot🙈，點知發覺到對鞋唔多掂，當中包括波Boot接近沒有緩震，鞋面質料生硬，亦有刮腳嘅狀況🤦🏽‍♂️。 . 至於點先可以揀到對啱自己嘅Boot，價錢嘅分割只係一個簡單劃分，講到尾，都係要睇波Boot嘅型號同相關嘅評價😉。但係平均咁講，按性價比去，呀靴會建議大家買第二價位嘅選擇，當中零售價正價七百至九百嘅波Boot性價比普遍會更高🤙🏻，加上門市不時會有減價，有啲時候只需約四到五百的價錢，就可以買到原價約八百嘅波Boot🙌，不過當然，顏色就唔係最新推出嘅選擇。 . 📸:朗仔(原來已經係上年影🚬) ——————————————— Follow me🔹 @hkfootballreview ——————————————— 📌 Hashtag #屎波裝備多 分享你嘅靚boot~ ——————————————— #屎波裝備多 #波boot #波砵 #足球鞋 #足球 #香港足球 #ballboot #soccercleats #footballboots #nikefootball #nikehkg #nikehk #hkfootball #tiempo #tiempox #tiempoxfinale #futsal #五人足球

Hypervenom Phantomx 3 Pro(舊名為Hypervenomx Finale)响最近黑金色系列上面就轉咗新鞋面用料🤙🏻。上網望多望，原來Nike偷偷哋响FastAF Pack由第二代升級咗去第三代(但係FastAF用料未升級)😯。呀靴就一直有留意佢嘅變動，但一直未拎到實物，亦都同唔到大家講佢質料係咪好咗。 . 由黑金去到最近嘅Just Do It Pack，呀靴今次終於拎到對實物返嚟，對波Boot白白淨淨非常靚仔😇。今次呀靴亦都認真同大家比較下前後三代Nike Hypervenom平底無筒貴版嘅分別🎊。 . Hypervenomx Finale 第一代(黑色)用上NikeSkin，鞋帶兩邊用上Flywire，一出嘅時候呀靴就覺得非常滿意👍。因為鞋面感覺算林同貼腳，而且鞋底緩震比以往Hypervenom平底有所提升。呀靴會覺得好過高筒Hypervenomx Proximo，因為Proximo初代嘅鞋面係較硬🤦🏽‍♂️。 . Hypervenomx Finale 第二代(灰色)同樣用上NikeSkin亦都有Flywire，進化嘅地方係對Boot用上咗新Skin，不過呀靴就略嫌佢塊皮較為生硬，生硬會影響球感，開鞋時間亦都會較長🤷🏻‍♂️。此外，第二代嘅鞋底用料大改革，用上咗Nike嘅Air Zoom科技。Air Zoom用料緩震唔及Magistax Finale/Tiempox Finale嘅Lunarlon，但係佢優勝嘅地方係响反應上面，佢俾到一個更靈活嘅反應比大家👍。 . Hypervenom Phantomx Pro第三代(除FastAF)嘅鞋面就Upgrade咗去新質料，摸落就有啲似Mercurial Vaporx Pro嘅網狀鞋面😯。呀靴就認為佢哋用料接近，網狀質料上面亦都會有一粒粒嘅膠粒，用嚟增強大家嘅球感。新鞋面質感相對以往嘅Hypervenomx平底更加林，同時令波Boot更加輕巧👍。佢亦保留住Hypervenomx Finale 2嘅優勢：Flywire加上Air Zoom。 . 今次嘅升級，呀靴就認為係一個非常大嘅進步，亦都徹底激活咗Hypervenom系列嘅優勢：靈活同射門🙌。全白嘅Just Do It配飾非常清新，鞋身亦都用上反光一剔。Hypervenom無咗打斜兩截色嘅設計亦令波Boot更加時尚❤️。 ——————————————— Follow me🔹 @hkfootballreview ——————————————— 📌 Hashtag #屎波裝備多 分享你嘅靚boot~ ——————————————— #屎波裝備多 #hypervenom #hypervenomx #phantomx #phantomxpro #justdoit #justdoitpack #波boot #波砵 #足球鞋 #足球 #香港足球 #ballboot #soccercleats #footballboots #futsal #futsalshoes #nikefootball #nikehkg #nikehk