📺 喺Netflix都睇咗幾套真人Show，包括有Blown Away(比拼製作玻璃)、Next in Fashion(時裝設計)、Interior Design Masters (室內設計)及The American Barbecue Showdown (美式BBQ)。套路大致一樣，但因為要比拼嘅嘢不一樣，每次都有啲睇頭，唔會悶，前題係你都要對呢樣嘢有興趣先。 有樣野喺比賽途中會諗，到底我要please評判、符合要求，定係超越上一次嘅自己？官方答案梗係我全都要，但喺有限時間又會點選擇。仲有一樣嘢就係呢啲咁嘅比賽好主觀，你未必欣賞第一名嘅作品，又或者你支持嗰個參賽者喺頭幾個回合已經被淘汰，總之All about judge and that’s it~ 至於喺咁多套真人Show入面，我覺得最特別係Blown Away (吹出個未來; 中文譯名真係搞唔掂) 去到決賽剩返兩個參賽者，一個係擁有巧手嘅工匠，另一個係有想法有creative嘅artist，要喺限時內製作玻璃及佈置Showroom去表達一個idea，而二人都有幾個得力助手去將idea執行出嚟，兩個人嘅作品都好靚，但最後係有Creative嘅嗰個勝出。我嘅推論係1個工匠加上巧手(助手)= 可以做出好靚嘅野；但 1個Creative人加上巧手(助手)= 靠賴助手做到好靚嘅藝術品，甚至將自己啲Creative延伸到另一境界。要成為一個Artist, 唔係淨係整藝術品咁簡單，Creative都好重要 。又伸延咗去諗好多野，就好似一班人入面如果全部人都係同一類人睇開同一類嘢，佢哋極其量都只係做到差唔多嘅嘢出嚟，但如果呢班人mix with唔同性質/平時睇開唔同嘅嘢，大家互相靈感衝擊吓可能會有更多意想不到嘅嘢走出嚟，呢樣野幾值得諗吓。仲有好睇嘅位係在於啲玻璃製成品一日未完成，佢都有爛嘅可能。 最後我就係想講吓The American Barbecue Showdown, 佢唔係美女廚房嗰種搞搞笑笑嘅煮食比賽，而係認真燒烤比賽嗰種，烹飪比賽除咗味嚐，賣相都好重要，只可惜BBQ完碟碟都一樣，已經冇得食仲要冇野睇，每次要foul邊個同最後邊個贏我都冇咩感覺。我淨係知我好想BBQ, 完！ #BlownAway #NextInFashion #TheAmericanBarbecueShowdown #Netflix #Netflix劇集