Semalam dirumah 🧡

《多功能空姐》 可能你都聽過有空姐空少講佢哋要溫書，因為份工要每年考試續牌，先至可以繼續飛。 「明明搭飛機嗰陣見佢哋都只係派下餐行行企企咁，乜派餐都要考牌嘅咩？」 少年你太年輕喇！如果只係上嚟派下餐，咁唔提供餐飲服務嘅廉航，咪可以唔使搵服務員上飛機囉？其實平時冇事冇幹，空姐空少可能就只係派下餐，「Coffee or TEA？」下就可以收工。但係有起事上嚟，空姐空少都可以有好多唔同嘅職責，真係「身分角色隨時匯合你」嘅。 01 | 空中侍應 好多同事都唔太鍾意被人叫空中侍應，但無可否認，喺機艙入面斟茶遞水係我哋其中一項最常見，亦係最最最基本嘅工作，所以喺外人眼中，的確同侍應分別不大。「空中侍應」呢個稱謂，好概括咁描述咗我哋喺九成風平浪靜嘅航班上嘅工作內容。 02 | 杯麵外賣仔 由於呢個任務只限長途機上先至存在，加上一個長途班上，單係送杯麵嘅工作量足以媲美派一次餐（或者多於一次），所以我刻意要將呢項工作分開列明，以證其地位！每次喺飛機上面又長又窄嘅走廊上來回運送杯麵，我都覺得自己好似清仔，即係某大牌子公仔麵上面嗰隻公仔。 03 | 尋找失物專家 不時有乘客會同我哋講唔見咗嘢，然後我哋就要攞住支電筒喺機艙入面尋失物。係就係巡邏，但係我哋絕對唔係cosplay緊看更。 04 | 滅火專員 萬一喺飛機上不幸遇上火警，《衝上雲霄》就要即刻crossover埋《烈火雄心》。滅火筒可能有乘客都識用，不過飛機上啲滅火筒喺邊，乘客就未必會知道喇！ 05 | 急救員 唔講你未必會知道，成日都會有人上咗機之後同我哋講佢哋唔舒服。當然唔係次次都真係咁病，但係航班上真係有人需要簡單急救嘅時候，空姐空少係絕對勝任有餘嘅！ 06 | 逃生專家 以上種種都可能未必一定要空姐空少先做到，就算講緊急救呢類需要專業知識嘅活動，消防處都話任何人都可以幫手做心肺復甦啦！只有第六項係一定要空姐空少先能夠勝任，而呢個都係我哋呢份工作存在嘅原意。現今航空安全已經進步咗不少，大家都好放心外遊，搭飛機易過食生菜。 不過 touchwood有意外發生，飛機需要迫降嘅時候，幾時可以開門？點樣可以開門？邊道門開得？邊道門唔開得？假設漂流海上之後，點樣提升生存率等等，你絕對唔會搵到比空姐空少更加清楚呢啲問題嘅解決方法嘅人！ 當然仲有好多，例如洗廁所呀、推輪椅呀等各式各項瑣碎工作內容就唔詳細講喇！有人會話做空姐空少即係空中大打雜，咩都要做。咁樣講，某程度上都唔係錯嘅。既然知道空姐空少同時身兼多職，希望咁多位可以高抬貴手，體諒一下空服員工作上嘅難處。 #多功能空姐

Hula me, baby ⚡️#utahlee #choosehula #houseofstylehk #popstargirlboss #reducefashionwaste 📷 by @ninjalakaty @joinhula