純粹個人意見，歡迎留言(English caption on next post) - 寫這段文章的時候心情紏結，因為怕將會得罪別人，不過我覺得一定要人講真話！ 如果想無藥健身在香港興起，個人認為要將一部份熱愛健身運動員，Youtuber或網紅拉近至外國水平。網上留言話上台比賽嘅有邊個冇用藥，又或者用藥後都要堅操等等。其實如果環顧香港健身風氣，冇藥健身簡直少之又少。點解會係咁呢？因為香港冇藥健身水準好低(自己也是），假設香港有多一點如Matt Ogus，Layne Norton, Omar Isurf ，Jeff Nippard等科學化健身，我覺得冇藥健身風氣將會好好多。 - 其實健美最重要係基因，但係基因我哋冇辦法控制！Layne Norton 講過，冇下個10年苦功喺訓練和飲食上都冇資格埋怨基因！以下係我留意到有三個冇藥健身人士弊病，亦係七八年前我希望有人同我講過嘅說話。 -圖片一：我在skip legs day的日子. 最大弊病係唔操腳，特別係體態運動員，因為覺得評判唔睇，所以冇必要練，因而大部份時間都在訓練胸，手，膊，背。有好多研究已經指出大肌群訓練動作如硬拉，深蹲，臥推會增加自然生長激素同睾丸素。比起bicep curls（二頭彎舉）同 shoulder flies（肩飛鳥）有過之無不及！跟住你會聽到一大堆人話腰痛，腳痛⋯ -相片中162 lbs維持了一年 第二個弊病是希望長時間處於低體脂狀態，因為想二十四小時都有腹肌。我諗有少少生理常識都知道，無藥健身人士在低體脂如（男生6-8%)都好難增肌，除非你係新手又或者係一個癡肥人士（減脂增肌中）。你喺網上見到九十日瘦身大法嘅教練同學員，絕大部份喺現實生活身型都好似一條柴或一條樹枝。在好嘅打燈同攝影技巧下再加上後期加工，睇落去又真係幾型嘅。不過你有冇發覺佢哋全部都冇展露一雙比香港女仔更瘦嘅Barbie腳? 唔好睇呀嘛⋯⋯ -ego lifting片為做而做 最後個人認為好多人仲相信只要有mind muscle connections（肌肉感受度），就算舉得好輕都一定有效果！我敢大膽D講句只適用於用藥運動員！又或者跟某一個IFBB pro 寸勁訓練，就覺得有一日可以變成佢咁，算吧啦，請你上網睇睇外國無藥專業運動員，有邊一個唔係做到全程動作，肌肉感受度加大重量？試問你見過奀挑鬼命嘅人可以蹲每邊三餅半高組數同高下數未？所以絕大部份冇藥運動員適合DUP 模式訓練！ - 最後我希望將我所學到嘅交托俾下一代，希望佢哋明白到有個好嘅訓練根基比任何土炮訓練重要，我亦明白到自己年紀開始大，我希望能為我所愛的運動略出綿力。給年輕一代多一條路選擇！ - Whenever, whatever, have a great day! - Dain II Ironfoot: Thorin, you cannot do this, you are a King ! Thorin: This is why I must do it!