問：
你好! 2013 DSE 出左一條咁樣既論述題: Do you agree that the Paris Peace Conference (1919) created more problems than it solved? Explain your view with reference to the inter-war period (1919-39). 題目寫明只限於1919年既巴黎和會，咁請問可唔可以寫同樣由巴黎和會簽定，但係時間係1920-23年既Treaty of Trianon同Treaty of Servres? 我聽唔同既歷史老師有唔同既睇法，希望你可以指教一下!

答：
Halo，唔好意思啊，因為我呢排比較忙，所以遲左回覆。

其實你所指嘅條約都係屬於巴黎和會條約體系嘅和約，但既然2013年呢條題目已經寫明左「Paris Peace Conferebce (1919)」，題目唔單單寫明係巴黎和會，更加有1919年呢個年份係到，咁我就偏向建議你應該集中討論返1919年內嘅相關內容會好D。換言之，1920年對奧匈嘅《特里亞農條約》(Treaty of Trianon)同1920年對土耳其嘅《賽佛爾條約》(Treaty of Servres)都唔應該包括在內。假如你係考試嘅時候，你唔肯定岩唔岩嘅話，我建議你唔好寫，因為唔寫好過寫錯。

對德、對奧地利及對保加利亞嘅條約都係1919年簽訂，包括：
對德：《凡爾賽條約》
對奧地利：《聖澤門條約》
對保加利亞：《納伊條約》

但係，係呢條題目裡面，其實你應該唔好單單將討論集中係條約，而係應該集中於巴黎和會裡面嘅內容，例如對德國、對意大利、對奧匈嘅安排，以及「民族自決」、成立「國際聯盟」等等。

問：
想問下師兄當年準備會考和高考世史有何心得？
另外本人剛買回試卷 資料題39/50分 論述題10/30分 想請問師兄在論述題選題方面 應該先以提問用語深淺為選題前題還是以對題目的熟悉度來選題?? 感謝師兄幫助

答：
其實你呢2個問題都係同學幾常問嘅問題，而我亦都好早之前就係Blog到分享過架，分別係呢4條連結：

會考 - 中五溫習策略：http://cyruzho.mysinablog.com/index.php…
高考 - 中六溫習策略：http://cyruzho.mysinablog.com/index.php…
高考 - 中七溫習策略：
http://cyruzho.mysinablog.com/index.php…
考試 - 考選題：
http://cyruzho.mysinablog.com/index.php…

先講講準備嘅心得方面，其實首先你要知道歷史科分數比重係邊到，其實資料題佔左50分，比重好大，而且同學係資料題部分可以拎到嘅分數比例一般都會較論述題高，例如以你嘅情況，你39/50分，即係拎左接近80%分數，相反，論述題你只有10/30，換言之只有33%左右分數。所以，當你知道資料題比重大D，而且亦都相對比較容易拎分嘅時候，你更加要先操起資料題，甘樣對於拉高你嘅分數好大作用。一般而言，如果你想5**嘅話，建議資料題目標分數要有45/50分。

至於論述題方面，普遍學生表現都比較差，甚至乎總分拎5**嘅同學係論述題部分都係可以拎得20/30。實際上，選題嘅時候應該要優先考慮題型，因為答題方法一錯嘅話，你內文或者表達都會跟住錯，咁會令到你分數偏低。相反，如果你架構岩，論點正常，無離題，係考試裡面已經算係一篇好嘅Essay，通常都有10分起。既然你係上年考，我又舉個例子，2013年嘅考試分別有以下呢2條題目：

4. 你是否同意巴黎和會(1919年)產生的問題比它解決的更多？試參考兩次世界大戰之間(1919-39)的史實，解釋你的看法。
Do you agree that the Paris Peace Conference (1919) created more problems than it solved? Explain your view with reference to the inter-war period(1919-39).


6. 「冷戰為歐洲所帶來的好處比禍害多。」試參考1946-91年間歐洲發展的史實，評論此說能否成立。
‘The Cold War brought more benefits than harms to Europe.’ Comment on the validity of this statement with reference to Europe’s development in the period 1946-91.

其實上面呢2條題目屬於同一類題型，叫「多少類比較題」，係要比較多少，即係項目A多過項目B，定係項目B多過項目A。既然係屬於比較題，當然要搵同一個比較點去比較，例如巴黎和會個條，你應該搵比較點，例如巴黎和會只能小程度上解決德國復仇的問題，但對德國的過度苛刻就成為日後希特拉崛起及導致大戰爆發的要因。咁既話，你就係點對點比較，更加容易凸顯出產生問題多於解決問題的意思。

但係，由於好多同學都用錯答法，只係先講晒巴黎和會解決左咩問題嘅point，然後再講巴黎和會產生左咩問題嘅point，結果只能分述，未能作出比較，所以分數就偏低。

所以，題型對於同學選題好重要，如果想係論述題方面表現穩定，判題同答題架構正確係遠遠重要過你對於課文掌握得熟唔熟。