【到底《#刺殺小說家》可以有幾爛？】

#到底可以有幾爛系列

1. 有一種戲你抱住朝聖爛片心態會好興奮，因為真係爛得好開心，但有一種戲即使抱住朝聖爛片心態，都會驚訝於點解可以爛成咁

2. 套戲大陸同台灣都俾人插到上天，完全捨棄一切情理、覺得觀眾入戲院就要享受你嘅爛果種無恥之心，係會令你睇到好嬲，點解我要受呢兩個幾鐘嘅苦？睇時不斷有觀眾頂唔順中途離場

3. 寫小說可以改變現實世界，好多戲都拍過，呢套完全冇任何情理，佢話乜就乜，連解釋下兩件事有咩關係都冇，到最後搞場大龍鳳原來就係一宗「私了」嘅低能復仇計劃？

4. 任大陸寫手吹到幾神，sorry點吹都挽救唔到人物角色超平面，平面到你完全唔care佢哋死活，無啦啦走個九唔搭八角色出嚟要生要死，i don't fuxking care，只想佢哋快啲死曬，喂完咗佢啦好冇

5. 劇情同樣九屁不通一塌糊塗，講真個所謂「小說家」寫唔到落去，係因為本小說已經爛到一個兜唔到地步，男主角出現只係令佢唔會徹底爛到尾，請唔好覺得自己係個神級小說家

6. 因為「戲中戲」太爛，兼且套戲都實在太爛，觀眾最有反應係最尾無啦啦走支機關槍出嚟，當場恥笑到極致，一套戲最深刻地方，竟然係因為佢沒有最爛，只有更爛

7. 雖然香港冇IMAX版，但畫面比例係咁變，應該IMAX都有「俾多26%畫面你睇」效果。就算你扯到畫面幾大，都難掩極明顯「CG Battle」，電腦特技假成咁根本support唔到、道具同戲服都極粗糙，幾場所謂大戰連手機遊戲宣傳片都好過佢

8. 無論係現實定「戲中戲」都建立唔到人物關係、故事背景，講咗大半套戲都唔知做緊乜，不如嚟場終極決戰。你完全唔知佢哋做乜要打、打嚟為乜，先天已經投入唔到，加埋假得驚人特技效果，仲要拖長嚟打，不如自己打機好過？

9. 唔知係我睇到已經出曬神諗多咗定套戲有心「參考」，你見到好多經典作品影子，好似《魔戒》、《未來戰士續集》、《鬼魅山房》等等，但全部都唔拖唔水，睇到懷疑人生

10. 冇睇《人潮洶湧》，但單係呢套同《唐人街探案3》爛到入骨髓，大概中國觀眾都唔係白癡，一味有大卡士大場面就大讚。呢個時候《你好，李煥英》堅有劇情有人情味咁走出嚟，大家俾兩套爛片轟完後，唔難想像點解會個個二刷三刷《你好，李煥英》，喂好嘢唔需要有卡士同大場面，都一樣會感動到你囉。

⚡奧斯卡優惠祭現進行中！貨品低至免費送俾你！請即睇：https://bit.ly/3mWtG10

‼️電影網店全新貨品已上架，低至$5起，快啲嚟搶購啦：https://bit.ly/3qLPkpk

【Patreon加強版】尊享優惠、更多深度獨家電影文章：https://www.patreon.com/travelerwithmovie

📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://bit.ly/3a9wOzy
或使用Payme link：https://payme.hsbc/jackyhei
或透過Paypal捐款：paypal.me/jackyhei

【IG請follow】www.instagram.com/travelerwithmovie
【MeWe請Follow】mewe.com/p/travelerwithmovie

🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu

【《Wandavision》（第一、二集）：Marvel咁玩法堅有趣喎！】

我諗大家諗都冇諗過，睇完《蜘蛛俠：決戰千里》後就再冇Marvel睇，而下一套《黑寡婦》更有傳迪士尼考慮唔上戲院－－如果係真，大家望都望Disney+香港唔好咁早有，但另一方面，Marvel劇的話，你又會想Disney+香港快啲有，起碼唔駛「搵」得咁辛苦－－你明我講咩嘅。不尤其是，當你見到Marvel片頭、加埋隻音樂，以往如果你係第一日就入戲院睇IMAX嘅觀眾，一般都會一出就全場歡呼，今日喺電腦面前睇硬係差咁少少。

後知後覺，唔知原來《Wandavision》唔係一次過上架，而係逐集逐集咁上，暫時一集得半個鐘，都幾吊癮嘅。原本打算睇曬先出po，睇咗頭兩集又幾得意，都想分享下。

由咁多條預告所見，《Wandavision》明顯係向60年代sitcom致敬，因為頭兩集都係黑白（除咗某啲畫面，同埋第三集應該唔會黑白，睇完就明不劇透），都用到方形畫面比例。作為Marvel一貫節奏明快易入口嘅style，呢套MCU第一部延伸劇，頭兩集就實驗味濃，玩到咁，個人覺得係幾大膽嘅。睇到好多評論指同MCU暫時毫無關係－－我直頭話暫時唔覺同超級英雄有關，耐性唔好觀眾分分鐘不明所以「棄劇」。

套嘢雖然拍到sitcom咁，又間中會出現極詭異情節，呢啲「真。詭異」情節個人覺得仲心寒過所謂「Marvel第一套恐怖片」嘅《新異變人》，對於最後直接影響《奇異博士2》會點發展，表示期待。細心留意，又唔可以話同MCU毫無關係，到底有乜彩蛋、詳細觀感，全文請即看：https://www.patreon.com/posts/46270142

🏆2020年我的十大電影名單現已公佈，有咩最愛最差電影，一文盡看：http://bit.ly/3igsQKl

📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://bit.ly/3a9wOzy
或使用Payme link：https://payme.hsbc/jackyhei
或透過Paypal捐款：paypal.me/jackyhei

【MeWe請Follow】：mewe.com/p/travelerwithmovie
【IG請follow】www.instagram.com/travelerwithmovie

🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu

【就嚟答咗十萬次咩係IMAX鏡頭】

除咗IMAX戲院點分好，每次IMAX鏡頭時，都有讀者問我，點樣分一套戲幾時係IMAX鏡頭、用IMAX拍又會點。一般IMAX片唔代表有IMAX鏡頭，上一套係《復仇者聯盟4：終局之戰》，其他全部都冇IMAX鏡頭，下一套係《#神奇女俠1984》。一如以往，IMAX好簡單一圖對比曬話你知。

留意返，除咗曼谷，全亞洲已經冇曬70mm IMAX，所以唔駛理。

最簡單最簡單分別係，銀幕會冇咗上下黑邊，成為Full screen填滿成個IMAX巨幕，香港因為冇一間係正規IMAX巨幕，你未必有個好明顯分別，但老蘭用得幾分明，所以都睇得出－－Micheal Bay你應該分唔清。如果係真IMAX格式銀幕（如東莞、台北），係可以俾你完全融入咗畫面，比例分野都極明顯。

《#TENET天能》或者要俾大家分到咩係IMAX鏡頭，開場華納係一般有上下黑邊嘅闊銀幕，一到開場歌劇院就會扯到Full Screen，對比好明顯，俾觀眾一種「沉醉式體驗」。

《TENET天能》未至於成套戲都係IMAX鏡頭，文戲都係普通有上下黑邊闊銀幕，去到動作大場面、有浩瀚鏡頭畫面，先會用上IMAX鏡頭。如果分唔清，個人推薦留意中間一場飛車場面，主觀鏡頭配上IMAX全幕，最明顯feel到個效果，如同親歷其境，個心都離一離。如果動作場面太投入你分唔到，文戲有一場帆船戲，都係用上咗IMAX鏡頭，令文戲講嘢都好震撼。

睇「老蘭」戲你都堅持唔睇IMAX，去普通戲院，咁你可以忘記我上面講過嘅嘢。

《TENET天能》觀後感、香港IMAX推薦文章，可看留言連結。

📣即訂Patreon加強版，閱讀更多精選深度獨家電影文章：https://www.patreon.com/travelerwithmovie

📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://payme.hsbc/jackyhei
或使用QR code：https://bit.ly/3a9wOzy
或透過Paypal捐款：paypal.me/jackyhei

🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu

【IG請follow】www.instagram.com/travelerwithmovie