作為GTA fans , Share高質post！ 全文如下： 利申先：只屬個人意見，其中一個玩法，供參考。 啱聽就思考下，唔啱聽都思考下，一齊開放討論改善。 本人玩GTA5，都玩左大半年，通常同朋友組隊，一行五人。 經驗累積，都有小小心得可以同大家分享下。 本隊第一大共識——唔打陣地戰 陣地戰係零勝算，係零啊！ 因為實力太過懸殊，而啲警察NPC都好狡猾，放水俾你地玩個零鐘 反正啲玩家都推唔到，得閒射啲tear gas俾你地玩下，消磨你地體力意志 企到攰又可以換班，爽。 重點係，警察NPC係呢一兩個鐘入面一定係唸緊點部署架啦 結局離不開大圍捕，然後四散，死既死，傷既傷 第二——做副本任 咁大家就會話，屌，你地唔係打陣地，唔係上前線，有撚用咩 確實係，我地承認自己冇前線玩家咁勇武，暫時都未有心理準備作出犧牲 所以我地每次出黎都係專心副本，玩過00年代既online game都知道 任何onlinegame，打副本永遠都係性價比最高！ 組隊不停刷，係跌靚裝既好機會，相對上又唔洗死好多 （而大家可以想像下極端資本主義社會下，邊一方持份者最大聲音，當然係資本家啦） 第三——高空戰士 若然附近冇適合既副本打，咁我地會選擇做高空戰士 打仗黎講，制空係具有絕對決定勝負之要素 所以你拎左制空點，基本上可以拍定手架啦 玩制空點兩大要訣，小心cam+準備後路 避開左cam就可以話無敵架啦（當然都係要小心為上） 因為NPC警察係有一定陣型，亦都唔會冒險進入不明建築物 所以佢哋唔會貿貿然衝上黎 第四——不做裝備撚 唔好做裝備撚，玩個遊戲好似玩cosplay咁，行動起上黎就變雷狗 基本black bloc夠曬，要改善既係個人體能，操fit個身型 以靈敏取勝，唔係力量！（真前線另計） 第五——靈活變動 唔好次次出黎做同一樣嘢，減少風險 我地通常都隔幾次就轉定位，有時都會上最前線，有時都會做下左膠，行行企企， 有時做下哨兵，做下後勤，多方位體驗先可以全面了解整個遊戲架嘛 最重要係可以減少風險，俾自己休息下都要 最後，我地點都係屬於龜縮玩家架啦，唔怕承認 因為我地相信有命先可以過到關，否則就會卡關，呢世都無機會！ 我地都唔似其他小隊咁高調，因為高調百害而無一利， 除左某龍小隊作為精神代表鼓舞大家。 今次開po都係因為黎緊GTA6轉左玩法， 睇啲流出就知，NPC既路線好明顯， 就係將各玩家定性為恐怖份子，以反恐規模黎打壓玩家。 黎緊難度至少跳左兩個級別，所以一字記之曰： // 再者，當本應解決社會問題的人選擇漠視社會問題，反而熱衷於將香港的命運放上賭桌作政治豪賭，我們需要的，不是以自己寶貴的生命與之對賭，而是在患難中的忍耐、老練和盼望。 // ——梁天琦,2019 https://lihkg.com/thread/1994147/page/1