之前同大家分享過呢個好可愛嘅婆婆。佢雖然有腦退化，有時會亂啲，但大部份時間都好精靈好可愛。佢今個月2號肚痛入院，懷疑係急性膽管炎做咗個ERCP（膽管造影）。我第一次接觸佢都係5/6號嘅事，嗰時佢做完ERCP剩係差條氣抖得唔好，甩埋O2就有得返屋企。嗰時佢仲係一個成日話要揾工人接佢返屋企嘅婆婆，我揾咗個理由話「工人今日放假接唔到妳呀」，佢答「佢放假都唔話我知嘅，佢好耐冇放過假喇，係應該要放假嘅」；每朝物理治療師來同佢行路，佢都好開心行幾個圈都唔捨得返上床（因為佢冇得落床），行完下晝又會lur我幫佢解安全背心，話佢明明上晝都有得行來行去；食粥每次都話要分俾細路食先，但最後怕浪費就會好快食完一碗；每次俾藥佢食，佢都好乖地逐杯飲晒，知道唔駛俾錢仲會話「多謝晒妳喔」；佢唔記得好多好多野，每日見完都唔記得我，但佢會同我講佢男人（幾年前過咗身）好錫佢，成日放假都會揸電單車車佢去西貢食野，佢仲會好記得佢啲仔女嘅事⋯⋯總之我一直以為佢好快就可以返屋企。 上一次分享係講到佢大約12號開始情況變差咗，個人精神差咗，胃口差咗，主要係因為佢年紀太大（94歲）又有啲心臟病嘅舊底，ERCP嘅程序本身都有一定風險，特別係容易帶來一啲影響心肺功能嘅併發症，總之呢個婆婆就好不幸地develop咗心臟衰竭。病理嘅野唔講咁多，總之佢因為心臟衰竭，令佢有肺水腫，抖氣都好困難，要聞住氧氣；佢成個人都好腫，特別係四肢；個心跳得好快好用力都唔可以有效咁pump血，令佢個人好攰、冇力，冇足夠嘅血供應去腦部都令佢神志開始冇咁清醒。對上一次睇佢係15號，佢仲可以同我傾計，只係講野少咗，聲線弱咗。我拖住佢隻好腫嘅手，佢都仲會話「妳隻手好凍，要着多啲衫」。點知過咗個幾星期之後，佢已經差咗好多好多。 琴日再睇佢，佢冇再話要返屋企，因為佢已經唔係好同人溝通到；物理治療師來睇佢，佢唔再係好開心地行幾個圈都唔捨得返上床而係攰到唔想郁，只係想瞓喺度；派餐佢已經唔係食粥，因為吞野差咗要食糊，但佢多數都話唔食，又或者只係食一兩啖；每次俾藥佢食，佢都仍然係好乖地掹大口食晒，但佢唔再講任何野，唔再問「要幾錢呀」，就只係靜靜咁食完就合返埋眼⋯⋯望住佢，只係覺得好心痛。 琴日我第一次見有屋企人來探佢，入院最初期佢都有問過點解冇人來探佢，我地解釋係因為肺炎唔准探病；但到可以有人來探病嘅時間，都已經係因為佢情況太差⋯佢個仔同一個孫仔來咗睇佢，但只可以留半個鐘。我見到佢地都好關心婆婆，孫仔聽到婆婆話熱，佢就默默用張紙幫佢撥涼。但大部份時間婆婆都冇講野，可能係太攰，可能係唔清醒，但無論如何，當佢終於見到佢成日掛喺嘴邊嘅屋企人嘅時候，佢都已經冇辦法好好同佢地傾計，好好感受團聚嘅温暖。 短短半個鐘好快過，屋企人走咗之後，婆婆一個人瞓喺床，合埋眼又再次沉睡。嗰一刻我用眼睛記實呢個畫面，今日就畫低咗。喺佢人生嘅最後階段，如果可以有多啲時間俾屋企人陪住佢，哪怕只係捉住佢隻手，至少佢可以少啲孤單。但就係因為武漢肺炎，好多好多公立醫院嘅病人都要自己默默承受呢啲痛苦，就算屋企人有時間，都因為防疫措施帶來嘅限制令佢地唔可以盡最後嘅孝道，把握最後去愛嘅機會。好心痛婆婆嘅同時，我就更加嬲中共，所以我好想同呢幅畫同文字提醒住自己記得呢一刻嘅憤怒，永永遠遠都唔可以麻木。永遠都唔會。 婆婆，我已經唔奢望妳會突然變返之前咁精靈，雖然我真係好想好想好想見到妳可以出院⋯但既然已經唔可以，我希望妳每日少啲痛苦，可以瞓得好，發好夢。我愛妳呀婆婆。#staycutewardsharing

Saya takde vaksin untuk sembuhkan penyakit dan wabak covid19 tapi saya ada #snowysanitizer untuk lindungi awak daripada penyakit dan wabak ni. Saya tak boleh ada untuk semua orang 24jam untuk menjaga dan selalu mengingati tapi saya harap dengan cara ini #snowysanitizer mewakili saya untuk sentiasa menjaga awak dan famili. Tolong Jaga diri. Jaga family. Sampai kita berjumpa lagi. Mungkin ada yang masih tak sedar lagi, Betapa bahaya yang bakal menanti, Mungkin bila dah terkena pada diri sendiri, Baru nak menangis tak henti... Saya tak mendoakan untuk terjadi... Tapi tolonglah ada sifat simpati... @snowybyazarazmi @pristineimprint #kautungguakudatang #donthatespreadlove #kitajagakita #moistureglowessence #snowybyazarazmi

返到屋企分享今日感性店主又眼濕濕咗嘅經歷。 話說因為疫情關係，學護實習每日只可以入一格病房，話touch wood有事都容易啲trace返接觸過邊啲病人喔。然後上星期同大家分享咗電單車可愛婆婆，我咁啱之後都唔係再入佢嗰格，所以一路都冇機會睇下佢點，一心仲諗住佢應該出埋院（因為上星期見佢都話plan返屋企）。 點知今日一入格—— 咦，係嗰個婆婆。不過過咗短短一星期，佢個狀態變咗好多，搞到我第一眼認唔到佢。其實佢入院係因為膽管炎所以入來做ERCP（經內窺鏡逆行胰膽管造影），上星期除咗因為本身腦退化會有時醒啲有時傻啲，亂亂地嗰陣會嘗試爬床之外，都冇其他大問題，仲好精靈；今日再見到佢係聞住O2，個樣好虛弱，連郁都唔想郁，冇出過聲。嗰下已經有啲傷心，因為我成日覺得如果睇住一個病人由好地地突然變到好差，係傷心過照顧一個一直都係咁差嘅人。 我好深刻2017年我人生第二次出實習，要揀一個case來做功課，主要都係identify佢有咩問題，再諗個care plan去幫佢，再evaluate個成效。嗰陣我喺QE內科實習，我揀咗一個好可愛嘅伯伯，佢攤喺床個樣好似攤喺沙灘𥱊咁樣。佢仲會擺埋支拐杖喺床，話因為要預備隨時出院。有次佢要離開病房去做檢查，佢仲好開心咁同我講：「我走喇！byebye！」呢個伯伯仲會睇小說，總之好醒好精靈。點知有日返到去，張床換咗第二個伯伯，我心諗：啊，佢出咗院我都冇機會同佢講byebye添。係過咗一陣，我嗰個好好人嘅老師無啦啦同我同做功課嗰個partner講：「原來你地個伯伯肺炎，突然差咗，所以插咗喉入咗房仔呀！」佢之後帶我地入房仔睇下個伯伯，佢前一日仲好精靈，嗰一刻卻插住喉瞓緊。嗰一刻因為我實習經驗仲好少，所以一下感觸湧咗眼淚，個老師見到仲即刻安慰我話：「哎呀見到伯伯突然轉差妳一定係好傷心，快啲去廁所洗個面🥺」呢次經歷令我好深刻好深刻，可惜我到完實習嗰日佢都仲插住喉，唔知佢最後點。但我到今日仲記得佢個名，仲係會不時記起佢。 講返電單車婆婆，因為已經有過呢啲突然傷心嘅經歷，所以今日一見到佢情況比上星期差咗，我都冇再超傷心，只好默默地追返佢呢個禮拜啲排板，睇下佢做咩事。原來佢呢個星期已經plan咗兩次返屋企，但每次醫生話聽日出院，佢第二日就會有啲突發野出唔到院。好似近呢幾日咁，佢心跳無啦啦有啲唔正常，個人又腫又抖氣唔順又心口痛，似係心臟衰竭，總之又有堆野要搞，搞掂先有得諗出院。 到食飯嘅時候，佢冇再話食唔晒，反而係默默地食得好慢好慢。但當佢攞起匙羹食野嘅時候，呢格嗰個姑娘勁開心，原來呢個婆婆呢幾日都係要人餵，今日難得地精神好啲自己主動食野。雖然佢冇再話要分啲粥俾人食，甚至冇再問要幾錢，反而好清楚知道自己喺醫院；但佢依然係好錫後生仔，我行埋去，佢會遞佢枱上嘅牛奶俾我，話：「攞去飲啦！」婆婆真係好好。 食完之後，我趁夜夜地冇人，又冇咩做，就攞咗手機俾佢睇電單車幅畫。佢好努力咁張開眼睇，但佢同我講：「我得返一隻眼咋！」我知佢都係睇唔清，唯有同佢描述。「呢度有個公公婆婆坐住電單車呀！」「哦！坐電單車！」「妳之前同我講伯伯以前會揸電單車車妳去新界食野，所以我就畫咗呢幅畫，特登想俾妳睇。」佢笑一笑咁話：「係呀，好耐以前嘅事喇。」我拖住婆婆嗰對腫咗好多嘅手，佢話：「妳隻手好凍呀，要着多啲衫呀！」我話：「知道喇。妳要加油，快啲好返呀！我會為妳祈禱！！」佢話：「好呀，祈禱。多謝。」拖住佢隻手嗰下，感受到佢隻手好暖好暖，再望住佢嗰個好慈祥嘅樣，嗰下湧咗啲眼淚，仲要忍唔到，唯有一下華麗轉身，狗衝去咗攞張紙巾抹眼淚。 好啦，我知係有啲誇張，但嗰下真係會好感觸。希望婆婆快啲好返，可以返屋企，可以精神返。加油呀婆婆，加油加油。#staycutewardsharing #staycuteprocreate