😮😮😮😮😮😮

【澳洲極限挑戰之旅】
睇電視嘅奥運賽事已經滿足唔到你哋班運動發燒友？有無諗過親自去澳洲試下玩一啲「一生人一次」嘅極限運動挑戰下自己呢？以為運動淨係可以強身健體咩？Out 啦！運動除咗可以增強心肺功能同幫你變大隻之外，更加可以練「大」你個膽，自信心返哂嚟之餘，心靈亦都會因此而放鬆㗎！近年唔同種類嘅極限運動都好受年輕人歡迎喎，想型啲後生啲？一於睇以下呢四樣澳洲嘅有幾好玩啦！

1.澳洲V8超級賽車

鍾意睇賽車嘅你一定唔會對 Clipsal 500 呢個名陌生喇！佢係澳洲最大嘅汽車賽事，亦都係澳洲電視收視率最高的節目之一。有得睇，就緊係想玩埋一份㗎啦！明嘅明嘅！V8超級賽車的確係會令人熱血沸騰嘅！澳洲唔同城市都有認可嘅V8超級賽車場可以畀你哋親自登上超級跑車，體驗一下賽車帶嚟嘅刺激感同不一樣嘅體驗㗎！

圖片來源📷 : V8RACE Experience

2.凱恩斯高空跳傘（Cairns Skydive）

喺凱恩斯高空跳傘，你得到嘅唔只係一個極限體驗，仲有嘅係你可以由4000多米嘅高空俯瞰凱恩斯嘅絕美風景！喺高處一躍而下，你就可以用自己嘅身體去擁抱呢個美麗嘅地球喇！係咪爽歪歪先！你可唔可以想像到自己已經化身成一粒隕石？因為你墜落嘅速度係會達到每小時220公里咁多㗎！下一粒隕石仲唔係你？

圖片來源📷 : Skydive Cairns

3.塔斯曼尼亞划船漂流 （Franklin River Rafting）

塔斯曼尼亞嘅 Franklin River 係澳洲現有未被開發嘅天然河流，不論你係喺河邊露營定係順河漂流，都可以令你有不一樣嘅體驗。鍾意刺激娶係要玩划船啦！特別是當船漂流到激流嘅時候，坐喺隨時有機會傾覆嘅小船上，一定會令你覺得好 hyper! 可以話係一次令人腎上腺素急速飆升挑戰啊！

圖片來源📷 : Franklin River Rafting

4.澳洲衝上雲霄初體驗

你曾經以為「飛」係一個遙不可及嘅夢想，但只要你喺澳洲，想「飛」就再唔係一個夢﹐而係一個確確實實嘅體驗！放眼大地嘅飛行之旅，就由澳洲成為你嘅起點啦！不論你身處悉尼、布里斯本定阿德萊衚都好，你都一樣可以親身體驗駕駛真實飛機嘅樂趣，感受呢種筆墨形容唔到嘅興奮！

圖片來源📷 : Jet Flight Simulator Sydney