CCASS顯示，外資大戶續增搬貨來港

退休很難？呢條人生數學題識計一定會咁計……
https://bit.ly/3qMTkaB

［北水一日買咗34萬股1137！］全日都不過係200萬股成交，都幾係嘢。幾時成間買起？

唔係好覺有其他人講呀下！

TLDR：第一個星期1137冇乜北水買，但去到第二個星期（即係早幾日），星期二已經買34萬股，星期二買多5萬股。

＝＝＝＝＝＝＝＝＝＝＝＝＝＝
已經2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！

＝＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。

1. 記住，除非你拎出嚟自己名，否則你買股票default 十居其九都係nominee，例如你經恒生買莎莎，在莎莎嘅股東紀錄上只見到恒生個名唔見你（＊）。咁在CCASS（中央結算系統持股紀錄查詢服務）（https://bityl.co/8kJA）嘅持倉一樣，只會見到邊間行邊間行，你嘅大名一般唔會出現，你同恒生其他買莎沙嘅客，全部pool埋一齊的。

2. 但始終，你睇CCASS，睇莎莎會見到 德意志呀 恒生呀 耀才呀咁，跟返唔同券商去分，因為每人都有一個「參與者編號」

3. 但如果大陸佬經港股通買港股，就有啲唔同。所有經深圳或上海港股通買嘅同一集股票，都會集埋一齊。即係你經東吳證券買莎莎，你朋友經西楚證券買莎莎，全部都係會集埋一齊的。

4. 嗰個大統領叫做「中國証券登記結算有限責任公司」，編號: A00003及A00004。同樣地，你睇股票機見到呢兩個「牌」，就係所謂嘅北水在掛

5. 所以呢，一間公司有幾多股份係啲北水持有住，係每日睇得到嘅。有個別可以去到五六成係北水持有（但背後可能係幾百萬個唔同嘅人）。匯豐都去到9%，仲要未計平保啲貨

6. 咁而同樣地，每一日，北水拎住每一間上司公司幾多股票，亦都全部睇得到。然後你拎任何兩日比，就睇得到佢地增持咗乜 減持咗乜。

7. 以上種種，你去睇下個表就明（https://bityl.co/8kIt）

8. 之前寫過（https://fbook.cc/3c8a），王維基隻1137，9月6號入咗深圳嘅港股通名單（留意上海係冇的，另一個名單），但未發市。但其實好快手，去到9月9號嘅「花紙」已經見到有。由於係T+2，兩日後先結算，所以9月9號見到，即係9月7號有人買，入咗嘅第二日咋。買咗幾多？買咗2000股咁大把。

9. 然後曾經試過見到去到得返1000股，即係一手。但，留意唔一定係佢沽咗一手留一手，可能係佢沽晒但有另一個人買。實情就算日日係2000股，都不能肯定冇沽，可能係換咗幾十個大陸人。我地只能睇到aggregate 嘅數

10. 不過正如我篇文講，第一個食螃蟹嘅人勇敢，打後就有更多人食。

11. 去到9月16號，登登！北水持股去到34萬股！（343,000 to be exact），即係一日掃多咗34萬股！

12. 然後去到9月17號，登登登！去到39萬股！

13. 好啦，如果你係好貼市場嘅，應該留意到有個問題：唔係9月16號（星期四）當日已經停咗北水？做乜仲有？

14. 答案就係頭先講嘅T+2，16號17號你見到嘅嘢，即係14號同15號發生的。

15. 咁順手就可以解答埋你，點解9月16號星期四就停咗港股通。因為，9月16號嘅嘢，就會兩個交易日後，即係9月20號星期一結算。

16. 你話，有乜問題？星期一香港冇假放喎，有結算喎。係丫，但大陸放假嘛！所以一樣冇。

17. 所以你見到其實好多日子都開唔到的，香港同大陸是但一邊放假固然唔得，但如果係個結算日放假，都係唔掂的。所以除咗香港或大陸嗰日放假，仲有十日八日係因為呢啲原因冇北水。夾埋，一年有嘅日子大約係225日左右。而正常普通港股交易，一年大約250日。

18. Anyway，北水買呢34萬股，多唔多？你同成間公司比當然唔多（持股0.04%），但，你估真係成間公司掃起咩。你要考慮埋1137本身成交都唔多

19. 幫你查埋，北水買34萬股嗰日，1137都大約只係200萬股成交，即係北水佔咗17%，唔算好多，但亦唔係細數。

20. 幾時開車呢？本人係持有的。

（＊）但當然你係可以去投票的，你可以同你嘅券商講，佢背後一定詛咒你，但只能照做，因為係你嘅權益，佢冇權阻你去。佢話唔得你可以投訴甚至告佢。

＝＝＝＝＝＝＝＝＝＝＝＝＝＝
已經2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！

＝＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。

今次方便大家貼全文啦。

昨天個post講到天發又多了九千幾萬股，同日建行亞洲少了九千幾萬股手，似乎又是射倉，又或是有人同佢對賭而收返嚟？實在有太多可能性，但唯一不可能的就是增持。

//

按彭博報道，住建部已通知恒大（3333）的債權 銀行，恒大將暫停支付下周到期的利息，究竟堅定流，過多幾日就知。近日傳媒報導，大劉御用的劵商天發證券，在上周增持了7,600萬股，以當日的收市價計，價值約3億元，難道大劉在恒大瀕臨賴債之時，決定出手托價？不過早兩星期，大劉的太太甘比，就向港交所（388）申報，減持了631萬股，究竟邊樣先真？

若是尋常散戶，見到御用劵商增持，直覺會認為是大劉出手，但這個並非必然，無錯，天發證券的確是御用劵商，但天發手持的股份多了7,600萬股，不代表是大劉增持了7,600萬股。按CCASS顯示，交易日是在9月8日，而當天恒大的成交是1.57億股，換言之接近當天一半的成交，但戰友又要留意返，天發證券如果全天都不停買入恒大，行家們一定睇到，傳媒當日亦會即時報導，去年的9月25日正是這樣。再細心睇上星期三的CCASS，顯示天發證券多了7,600萬股，但同時德意志亦減少了7,572萬股，這個蛛絲馬跡或顯示，股份極有可能是射倉而不是真正的增持。

射倉機會較大

而甘比則在8月26日申報，減持了631萬股恒大，股權由9.01%減至8.96%，老婆早兩星期沽，老公上星期買，絕對係無問題的，但重點就是他們是一致行動人士，股權是要加起來，而按證劵及期貨條例中的權益披露細則，當股權的百分比數字上升或下降，是需要在3個交易日內申報，套用在此例，跌穿或升穿9%都要申報，甘比最新是持有8.96%，而天發證券增持7,600萬股，等於0.58%股本，假如這7600萬真的是大劉掃入，股權再次升穿9%，按例就要申報了，但今天已經是「交易」後的第五天，港交所的權益披露仍未見有關資料，所以反證了這些股份不是大劉的增持，配合返上文所講，更大機會是射倉而已。

恒大身陷危機，雖然滿地都是花生殼，亦經常有人幫手計住甘比及華置（127）輸了幾多，但往往就忘了一件事，大劉是縱橫股壇的高手，今次無疑是押錯注，但大劉有心讓消息外露時，例如早兩年高調用天發掃恒大，我們才會輕易看到，無啦啦多了7,600萬股，老婆又減持了幾百萬股，而又全世界都知，相信內裡必有因，但恕青冰道行未夠，睇唔通高手的伎倆了。

//

大茶飯│天發證券「增持」不代表大劉買貨（青冰） - Yahoo新聞