【歌在人心 大膽創新 羅文——十問】 1.聽講羅文一開始係唱英文歌？ 答：無錯，之前都講過羅文其實一開始係夾band唱英文歌，尤其係Beatles嘅歌。之前廣東歌未流行，加上當年Beatles紅遍全世界，唱廣東歌會比人覺得唔夠潮甚至會比人覺得cheap，之前大多數人都係唱國語歌或者英文歌。許冠傑嘅蓮花樂隊，泰迪羅賓嘅Teddy Robin and the Playboys，Joe Junior 嘅 Joe Junior and The Side Effects等樂隊全部都係唱英文歌。 2. 佢之後唱過國語時代曲？ 答：係呀，佢「山歌戀」歌唱比賽之後受到作曲家王福齡欣賞，60年代尾做左電影嘅幕後代唱或者唱電影插曲，當時廣東歌仲未流行，所以就唱國語歌比較多。最出名嘅國語歌就有《愛情的代價》、《水仙》等。之後，佢就去左日本發展，出左幾首單曲。 3.咁佢點解會忽然間翻黎香港唱歌？ 咁係因為無綫1977年喺日本叫佢翻黎唱《前程錦繡》嘅主題曲，其實《前程錦繡》係一套日本嘅電視劇，本身係由中村雅俊做原唱，咁無綫買左呢套日劇之後就搵左羅文翻唱主題曲。《前程錦繡》一出之後爆紅，羅文發現香港似乎有發展空間之後就決定留喺香港發展。 之後羅文仲同原唱中村雅俊一齊合唱呢首歌，仲喺屯門兆康苑拍左個mv架！（文末有link重溫） 4.聽聞佢之後都係唱電視主題曲而出名？ 答：無錯，之前都有講過佢係唱《前程錦繡》、《家變》同埋《小李飛刀》之後爆紅，《射雕英雄傳》就再創高峰。呢d全部都係同名電視劇嘅主題曲。70年代大家對電視劇主題曲都為之瘋狂，因為果個年代大家都開始有電視機，睇電視對個個黎講都好重要，所以電視劇嘅主題曲就當然會非常流行。 5.《家變》呢首歌好似好大突破？ 答：《家變》呢首主題曲的確好大突破，當年廣東歌好少好少唱d具有哲學味道嘅歌曲，通常以情歌或者小數勵志歌為主，而「知否世事常變，變幻原是永恆」呢句說話更係唱到街知巷聞。呢首歌亦都係羅文同埋黃霑合作嘅第一首歌，黃霑話當時去錄音室睇羅文錄呢首歌，一聽到佢唱最後嘅「永恆～～～～～～～～」佢話：「走得啦，食宵夜啦，仲睇乜鬼呀，梗好啦！」（文末有link重溫） 6. 話說《書劍恩仇錄》點解佢又唱鄭少秋又唱？ 答：唔講你可能唔知，秋官嘅名曲《書劍恩仇錄》原來羅文都有份唱，黑膠上面都有收錄佢嘅版本。《書劍》係1976年嘅作品，比1977年《前程錦繡》早一年，當時羅文仲喺日本發展緊，無綫叫佢翻去香港唱，唱完羅文就翻日本，點知無啦啦發現「點解有兩個版本？」當時播呢套電視劇嘅時候仲要一晚鄭少秋版本，一晚羅文版本，或者片頭就秋官唱，片尾羅文唱。顧嘉煇就話其實當年係仲係鄭少秋嘅女朋友肥姐介入推薦秋官唱呢首歌，所以出黎就無啦啦有兩個版本（參考新聞，下面有link）。 7. 聽講佢出過概念專輯？ 答：1981年，羅文出第一隻出概念專輯《卉》，農曆新年推出，裡面全部嘅歌都係用花黎命名，可以話係一大突破，當年係好少/甚至無概念專輯呢個concept，偏偏羅文就係別出心裁。裡面最紅嘅歌就當然係《紅棉》，呢首歌係鄭國江老師寫嘅，本身係寫俾另外一隻唱片，點知隻唱片出左之後無左呢首歌，點知佢最後知道原來羅文好鍾意呢首歌，想放入《卉》裡面，農曆新年再推出（參考自羅文·歌在人心第二集）。而《卉》上面嘅大字就係張徹導演嘅手筆（參考光與影的集體回憶3）。 無幾耐，又係1981年，羅文出左第二隻概念專輯《仲夏夜》，主題係夏天。《仲夏夜》係一隻充滿左爵士味道嘅碟，當年點會有廣東爵士樂？所以羅文前衛就係咁解。買呢隻專輯另外送一隻碟叫做《末了情》，呢隻碟嘅封面更加係用羅文嘅全裸相做封面，係超級大嘅突破。 8. 全裸？ 答：全裸。羅文係香港第一個公開全裸寫真嘅男藝人。 話說羅文影《仲夏夜》呢隻碟嘅相嘅時候，其中有一張就係上身裸露，下身就白褲。但係羅文話當時影相嘅全部都係朋友，咁就無啦啦建議著泳褲半蹲咁影相。點知影影下褲都除埋........本身話自己留念，點知比唱片公司流左出去，仲要做埋附送碟《末了情》嘅封面.......（參考自無線節目-歌在人心-羅文 第二集14:39） 9. 羅文有無歌係備受爭議？ 答：有，《波斯貓》。潘偉源作詞，「床上你相送溫暖深宵」、「不穿衣衫多麼俏」呢d句子當時評為意識不良，教壞細路，冒犯女性。潘偉源就喺港台節目《不死傳奇》話：「最後果句搖著尾擺腰扭腰低叫，人點會有尾？由頭到尾都係講緊一隻貓。」 10. 獅子山下呢首歌有咩特別？ 答：一路以黎，大家都係覺得羅文呢首歌係最值得留意，最值得讚嘅歌。原來呢首歌其實無咩故事，一開始推出嘅時候仲係無咩反應，之後有人甚至係覺得呢首歌係被過分吹捧。呢首歌原來係大約90年代嘅時候好多人加多左個「香港精神」嘅意義上去，先突然之間又紅翻。呢首歌本身原來只係一首簡簡單單嘅電視主題曲。當然，呢首歌對依家好多香港人嘅意義都非常重大，呢件係一件好好嘅事。但好多人依家對羅文嘅認識就只有「獅子山下」，其實，羅文有更多值得我地留意嘅好歌。 （文章太長，reference 留言附上）

【 經典日劇《東京愛的故事》突然翻拍 】 _ 改編自日本著名女漫畫家柴門文同名漫畫的經典日劇《東京愛的故事》（簡稱《東愛》），1991年1月7日於富士電視台「月9」（周一晚上9時）時段首播，隨即掀起追劇熱潮，收視率長期維持在20%以上，去到大結局更衝上32.3%最高收視紀錄，至今依然是「歷年『月9』收視超過30%集數」的第8位，及後此劇在香港和台灣播出亦大受歡迎，正式開創90年代的日劇黃金歲月，帶挈劇中3位主角：飾演永尾完治的織田裕二、飾演赤名莉香的鈴木保奈美，以及飾演三上健一的江口洋介紅遍亞洲，在當今的日本演藝界依然甚具叫座力（例子包括日版《SUITS》邀請鈴木與織田再合作即成傳媒焦點）。亦因為《東愛》太過深入民心，去到今時今日依然有不少劇迷會因為「丸子」最後選擇跟「莉香」分手，跟「里美」（有森也實飾）結婚而氣憤，也有人會覺得「莉香」那種總是迫得太緊的愛情觀會令人窒息，還有由小田和正主唱的主題曲《突如其來的愛情故事》，30年後仍百聽不厭，所謂經典，就是如此。 _ 既然好劇本如此難尋，近年在日本當地無論劇集口碑與品牌形象都大不如前的富士電視台，索性將這套29年前首播的經典劇目「循環再用」，今天（24/1）突然宣布翻拍《東愛》，「令和版」經已煞科，將於2020年春天在OTT平台「FOD」以及Amazon Prime Video上架，演員名單及部份劇照亦一併公開，新版的永尾完治、赤名莉香、三上健一以及關口里美，分別由22歲的健太郎（原名伊藤健太郎）、25歲的石橋靜河、26歲的清原翔和21歲的E-girls成員石井杏奈飾演，與原版首播時4位演員的年紀相若（當時除鈴木為24歲外，其餘皆為23歲）。 _ 既然稱為「令和版」，故事順理成章會改在2020年發生，當年創作《東愛》的柴門文對於這次翻拍計劃非常興奮：「我很期待這套電視劇還沒出世的年輕演員（伊藤健太郎、石橋靜河），會如何演繹完治和莉香！」雖然原作者打晒「開口牌」力撐，網民卻彈多過讚，認為翻拍《東愛》毫無必要，而且起用年輕演員駕馭經典角色能力成疑。的確，珠玉在前，觀眾直接將新舊版拿來比較無可避免，單單看過「令和版」的角色造型，原本留長髮的「三上」變成鬈髮，論外型，新版的清原翔跟原版的江口洋介相距甚遠，如何有魅力吸引萬千少女？有傳當年鄭伊健的髮型靈感其實是來自「三上」，而「莉香」由鈴本保奈美變成石橋靜河，不是不美，但無法令人拍案叫絕，她跟清原翔散發出來的氣質明顯平庸得多，倒是健太郎仍然保留到當年織田裕二飾演完治的憨厚神態。 _ 「令和版」不再由坂元裕二編劇，而是由北川亞矢子負責改編劇本，據報道指，1991年的版本，故事發生在一家東京運動用品廠商裏，新版則跟隨原著回到廣告公司裏去，另外亦有媒體報道指劇中赤名莉香其中一句著名對白：「完治，我們來做吧！」也將會在鏡頭前再次演繹。此外，為迎接2020年東京奧運，食肆、辦公室等地方將由2020年4月開始全面禁煙，但原版完治和三上都是煙民，劇本和畫面處理上怎樣呼應這些社會政策改變？但更重要一點，電視劇在流行文化的功能上，畢竟用作紀錄不同時代實況，一個怎樣的城市，才會孕育出怎樣的角色特徵和魅力，90年代初日本東京仍然經濟繁盛，乃世界焦點，東京人總是散發出一種教人欣羨的魅力與自信，這一點在原版幾位主角身上都感受得到，惟經歷「失落的20年」，日本經濟疲不能興，「令和版」《東愛》能否再次在觀眾面前呈現出這種大都會氣息？同樣值得留意。 _ （28012020） _ #東京愛的故事 #東京愛情故事 #東京ラブストーリー #日劇 #健太郎 #富士電視台 #鈴木保奈美 #織田裕二 #江口洋介 #石井杏奈 #清原翔 #石橋靜河 #yautaitung #游大東 #游大東影視筆記 #東京 #tokyo #japan #hkig #hk #28012020

舊文，有朱茵唔睇睇珠西，何苦？ ———————————————— 【曾經有個高中生，趕返屋企睇朱茵～】 請明瞭，我心癡，這是毫無心理準備下突然想寫的一篇。 1.初中年代的我是個熱愛球類運動的小夥子。每個放學後，例牌駐守籃球場，揮灑青春的汗水…… 2.上了高中，不再打波——我給波友們的解釋是：要預備會考了，不得不放棄Basketball。狀甚無奈的我從此謝絕波友們邀請。 3.其實我只是為了一放學即搭81K返屋企然後連校服都唔換趕住收看《閃電傳真機》——嚴格來說，是為了欣賞朱茵。 4.朱茵有甚麼吸引我？我不知道，只知道1992年某一天睇完《逃學威龍2》，腦海便Keep住浮現她——她在戲中的一舉一動一顰一笑、她的嬌嗔和嬲怒、她對愛情抱持（過分）浪漫幻想的天真，以及佢個靚樣——Yes，吸引我的，就是所有構成她的物質與非物質元素。我明顯將戲中那虛構的「Sandy」跟現實的「朱茵」，混淆了。 5.我不知道自己把那餅經由Laser Disc複製的錄影帶翻炒了多少遍（但其實我不認為《逃學威龍2》好睇，根本只是將首集Copy一次，但又冇晒首集趣味），只知道自己深深被這個100%的女孩吸引，書又唔溫，波又唔打，不能自拔…… 6.1993年，對朱茵來說極重要的一年。電影，她拍了《超級計劃》（可惜她的角色可有可無，主要用來製造危機）、《的士判官》（可說是女主角，但因成齣戲由始至終的主角只得一個：黃秋生，做吳孟達個女的朱茵其實純屬配角，作用，是為那個暴戾的Universe加添一點可愛和調皮，以及吸引男性觀眾如我入場觀看）、《風塵三俠》（也是配角，但如果冇咗佢，成齣戲要扣五十分）——但最重要的還是兩齣電視劇，《原振俠》&《都市的童話》，而當中又以《都市的童話》更重要。 7.故事的主要設定，應該參考了桂正和《電影少女》——一個虛擬少女錯誤地來到現實世界，不自覺地跟人類男主角日久生情，嚴重地愛到不能自拔，但又無奈地注定不能一起，嗚嗚。配合埋由黎明主唱的主題曲《傻癡癡》，實在為我帶來一種如夢似幻但又有層悲哀墊底的甜絲絲感覺。這種複雜（到要動用多組形容詞來描述的）感覺，在電視史上，只有《都市的童話》帶過給我。你可以話有冇咁誇張吖，但，就係咁誇張。 8.最大功勞是朱茵。且讓我再誇張一點：朱茵絕對是上世紀90年代初最重大的發現——唔知點解地，她就是能夠為一個普通角色Add上難以估計的Value，把普通變得好唔普通；而如果，好彩地，角色本身已經寫得極度精彩，朱茵就更能動用她那得天獨厚的特質，讓該角色成為不能磨滅的經典——例如，紫霞仙子。 9.她就是這麼與別不同，單憑一雙眼已足以訴說塵世間各種不同情緒。只是到了後來，可能為了挑戰自己、或開發自己更多可能，又或……我都唔知點講好了，總之就是走去同馬德鐘拍那齣甚麼誘惑……OK，你可以話我偽君子，但看在眼裡，我是傷心的。 10.好多年後，當我正在為「浪漫月巴睇90s」煩緊寫乜時，「朱茵」這名字突然在腦裡唔知邊忽閃過，然後寫了以上一大段字，我終於明白：朱茵絕對是構成「我的90年代」中不可或缺的重要成份。只是當年那個為了收睇《閃電傳真機》連波都唔打的月巴，就像《都市的童話》的她，化成泡沫，煙消雲散。這一刻有點感觸的我，只想祝福朱茵永遠快樂。 #浪漫月巴睇90s #朱茵