[RO FAQ]

居然有人比番呢篇文我睇. 其實我咪已經節錄左. 咁又唔爭在講下, 小弟不才, 但都係RO. 唔止, RO 左好多年添. 全部公開資料唔怕講. 4號牌RO 我好似掛左7年 (中途有斷過啦, 比人炒左嘛). 講真 1, 2, 3 號牌 公司都要我掛, 但我 thanks but no thanks. 又唔係有人工加.

呢啲 1, 2, 3, 4, 6, 9, 行內叫 1 仔牌 4仔牌 , 我就做 4仔RO 做左好多年. 種活動就要不同既RO, 唔夠RO 你檔野係開唔到門做生意的. 而RO 唔係話批就批, 證監不致於驗屍咁驗, 但都可以搞你好耐, 亦唔係乜人都拎到

咁文入面講既係咪真? 當然都係, 唔少大陸公司請人只掛牌 唔使做野甚至聽聞工都唔使番, 係有四五皮野. 而係講緊1, 2, 3, 4 之類. "呢啲係 cheap牌". 是真的, 我都見過, 但其實又唔係咁過癮. 唔係話咩會背鑊之類. RO 所謂 "負責人員" , 有人以為收安家費之類, 但可以話你知, 爆過鑊既就知, 要上身既唔係RO 都會上, 要甩身既係RO 都可以冇事, 好彈性.

咁文中話齋, 最值錢係 6 號 9號牌 RO, 個牌亦都係最值錢, 原因你另外問人, 反正我都冇拎過 6號9 號, 無謂扮內行.

咁真係, 1仔RO, 或者我既 4仔RO , 都真係唔值錢既. "咁仲做?" 咁一來, 唔係你做邊個做? 我公司出既報告, 全部我最後睇, 而老細唔會睇. 咁當然我係RO. 二來, 有啲公司 要求啲 RO 份約要耐啲. 咁有啲人話好, 有啲人話衰. 咁就視乎你炒公司定公司炒你. 好似我舊公司, 我做左RO, 順手將我由 一個月通知 改做三個月, 咁佢炒我時 賠三個月 再加 年假呀 長期服務呀之類, 幾和味的.

咁咩人先做到RO? 既然 1, 4仔 RO 一街都係, 咁都真係唔使好叻. 斷估我都唔係好叻. 咁但,亦唔係阿豬阿狗都做到, 我都唔係阿豬阿狗. 證監會睇番你日常做乜呀, 經驗呀之類. 聽聞你之前犯證監違規都影響, 但唔好問我, 我白白凈凈冇性病, 從來冇呢啲問題.

比個rule of thumb 你, 你大約預做到 中層管理都已經夠料拎RO 牌. 即係你係成個部門最廢/最新既就多數未夠班, 但亦唔使去到 部門主管, 多數副手都已經夠做. 我做4仔RO 時都未坐正部門主管啦.

咁RO 係唔會主動加人工既, 但對你搵工都可以有啲幫助. 再一街都係都好, 你舊公司拎到 呢啲 1, 4 仔RO, 咁你去到新公司照計都十拿九穩. 反之亦然. 咁白白凈凈拎到RO 既, 搵工當然有啲著數既

【只可以怪自己（方卓如｜方如玉帥）】bit.ly/2quRw9W

#RO 貴過會計師，我師傅一定係為我哋香港人嘆息，有感 #本地人 在金融中心嘅位置漸入水尾，就快生靈塗炭無處容身。

而家RO起碼四五萬一個月，仲係唔使點做，淨袋。資本世界自由市場，有呢支歌仔唱？原因係中資大量買牌或自行申請，個個都做券商或基金，霎時間邊有咁多RO坐鎮？

RO變咗 #殼股，供不應求，價錢上升。但係市場識 #啤殼，中資都識啤RO。假以時日，中資真正做嘢嘅人可以成為RO，佢哋袋四五十萬都得，點解仲要畀四五萬你？

-------------------------------------
#EJMarkets 逢交易日早上8:45及下午4:15 Live 市況直擊!
緊貼 EJMarkets，把《信報》專頁設定為「搶先看」（see first)
更多股市資訊及分析 → www.ejfq.com

#信報 #今日信報 #金融中心 #香港人 #水尾 #方卓如 #方如玉帥