【作為80後，見證電視台的興衰。】

我係80後，生於電視汁撈飯的年代。放學睇卡通片，夜晚追連續劇，假日睇遊戲節目，年尾睇頒獎典禮，係好多香港人集體回憶。如果夜晚有大結局，收工會立即趕返屋企，甚至約三五成群食茶記一齊睇。當時香港人睇電視大過天，亦係TVB最風光時期。

TVB經典劇集，隨口數得出，大時代、原振俠、美味天王、大鬧廣昌隆、西遊記、尋秦記、衝上雲霄、烈火雄心。當然仲有羅嘉良系列：天地男兒、天地豪情、難兄難弟、創世記、流金歲月、先生貴姓……每套都深入民心，回味無窮。如果你都係電視精，總有一套改變你人生價值觀，而我就受到「撈家」影響，由細立志要向商界方面發展，做商場大亨嘛，建造屬於自己的「無煙城」。當時電視劇影響力真係好大，可以營造一種社會風氣，聞說衝上雲霄出街後，投考空姐人數急劇上升。打一個比喻，當年追電視劇，就好似依家後生仔都用Instagram、telegram、連登，你無追的話，同朋友之間就少一個共同話題。

見證TVB由全盛時期，節節衰退跌入谷底，可以話關網上串流平台崛起事，又可以話係TVB咎由自取。持住壟斷電視台市場，多年來不思進取，編劇求求奇奇，製作是是但但，題材翻炒又狂抄，管理層大搞山頭文化，契仔契女有着數，非我族類無運行，導致積下的因，結成今日的果。依家香港人開電視，選擇不再限於免費電視台，可以連上YouTube、Netflix，世界各地劇集，任君選擇。再反觀TVB，台前幕後有名氣的已離巢，受新一代觀眾嫌棄，廣告商相繼離棄，收視屢創新低，盈利由盈轉虧，正慢慢步向ATV後塵。

其實我已經無睇TVB好耐，不過知道將會重播美味天王，童年回憶返晒嚟，亦令我有所感觸。無論對TVB有幾厭惡，舊日精彩劇集陪伴我渡過無數夜晚，都係鐵一般的事實。所以未來幾星期，我決定每日抽1小時，坐定定等睇美味天王，回歸昔日煲劇日子，懷緬當年最光輝的歲月。

套劇雖然有返咁上下歷史，但卡士強勁同劇情跳脫，相信重播仍會製造起不少話題。如果大家同我一樣，寧願追舊劇多過新劇，無疑係對依家TVB失望及不滿，又或者在大家的潛意識裡，TVB在電視歷史中的任務已經畫上句號。

【作為80後，見證電視台的興衰。】

我係80後，生於電視汁撈飯的年代。放學睇卡通片，夜晚追連續劇，假日睇遊戲節目，年尾睇頒獎典禮，係好多香港人集體回憶。如果夜晚有大結局，收工會立即趕返屋企，甚至約三五成群食茶記一齊睇。當時香港人睇電視大過天，亦係TVB最風光時期。

TVB經典劇集，隨口數得出，大時代、原振俠、美味天王、大鬧廣昌隆、西遊記、尋秦記、衝上雲霄、烈火雄心。當然仲有羅嘉良系列：天地男兒、天地豪情、難兄難弟、創世記、流金歲月、先生貴姓……每套都深入民心，回味無窮。如果你都係電視精，總有一套改變你人生價值觀，而我就受到「撈家」影響，由細立志要向商界方面發展，做商場大亨嘛，建造屬於自己的「無煙城」。當時電視劇影響力真係好大，可以營造一種社會風氣，聞說衝上雲霄出街後，投考空姐人數急劇上升。打一個比喻，當年追電視劇，就好似依家後生仔都用Instagram、telegram、連登，你無追的話，同朋友之間就少一個共同話題。

見證TVB由全盛時期，節節衰退跌入谷底，可以話關網上串流平台崛起事，又可以話係TVB咎由自取。持住壟斷電視台市場，多年來不思進取，編劇求求奇奇，製作是是但但，題材翻炒又狂抄，管理層大搞山頭文化，契仔契女有着數，非我族類無運行，導致積下的因，結成今日的果。依家香港人開電視，選擇不再限於免費電視台，可以連上YouTube、Netflix，世界各地劇集，任君選擇。再反觀TVB，台前幕後有名氣的已離巢，受新一代觀眾嫌棄，廣告商相繼離棄，收視屢創新低，盈利由盈轉虧，正慢慢步向ATV後塵。

其實我已經無睇TVB好耐，不過知道將會重播美味天王，童年回憶返晒嚟，亦令我有所感觸。無論對TVB有幾厭惡，舊日精彩劇集陪伴我渡過無數夜晚，都係鐵一般的事實。所以未來幾星期，我決定每日抽1小時，坐定定等睇美味天王，回歸昔日煲劇日子，懷緬當年最光輝的歲月。

套劇雖然有返咁上下歷史，但卡士強勁同劇情跳脫，相信重播仍會製造起不少話題。如果大家同我一樣，寧願追舊劇多過新劇，無疑係對依家TVB失望及不滿，又或者在大家的潛意識裡，TVB在電視歷史中的任務已經畫上句號。

真·香港人·童年回憶

【 有片睇！終於聽到戴蘊慧Live唱《我係小忌廉》】
「兒歌之夜」完整歌單請Click：http://bit.ly/2xwtptS

就算，你平時幾憎恨幾討厭幾鄙視TVB，今晚，你都會忍唔住扭開十萬年冇睇嘅翡翠台。

如果，你係在香港土生土長的70或80後，今晚，你更加冇理由會忍到唔坐定定睇翡翠台。

因為今晚播出的第一集《流行經典50年唱爆周末》，主題是「兒歌之夜」，這是2010年《兒歌金曲頒獎典禮》停辦之後，近年無綫首度邀請最多歌手，於同一個現場演奏的音樂節目中獻唱兒歌。

除了《家燕媽媽》之外，所有選曲都是經典兒歌之作，歌聲一響，歌手一唱，你一定起晒雞皮，然後不會介意在facebook曝露年齡一邊同Friend子洗版式留言一邊跟住唱，讓自己變回一晚小朋友，這就是名副其實的集體回憶。

今集，大家少有地無視歌手的唱功優劣，齊聲合唱，當中最最最最最最需要推介的，當然是戴蘊慧32年來首次在公開場合獻唱《我係小忌廉》。這套卡通於1985年在翡翠台首播，再由鄭國江為原裝日版主題曲譜上廣東詞，然後交給彼時只有16歲的戴蘊慧錄音，事隔32年之後，戴小姐已貴為祖母，但依然保養得宜，重回舞台獻唱那些年的兒歌，歌藝雖疏於訓練，回不去那時候的清秀聲綫，但依然聽得入耳，至少聽得出那些根基，我反複聽了四次，一邊聽，一邊唱。

最後想說一句，80年代，香港很多流行歌詞都寫得好好，像「倚明月唱出心中理想志願」，其實是鄭國江呼應卡通片中，有一幕小忌廉真的坐在月亮上唱歌，「倚明月」，多麼的詩情畫意，那時候，流行文化產物會暗地裏散發出文藝氣息，一邊看今晚的節目，一邊暗自概嘆。

（24092017）

＃游大東 ＃流行經典50年 ＃我係小忌廉 ＃集體回憶 ＃兒歌 ＃TVB ＃戴蘊慧 Old Hong Kong Lovers 香港集體回憶 香港今昔 Pazu 兒歌網