🌸 #girlsfoodies台灣菜#girlsfoodies中大 🌸​ 【 ​ 💛 #GF_List 】 ​ ⭐👉🏻 : 用校外餐廳標準評佢好似太嚴苛，因為價錢比出面平得太多。咁講，係中大無台灣菜選擇嘅環境之下，都有8/10🥰 但如果開係出面，就係普通嘅台式餐廳。 ——————————————————​ 有良心店進駐中大，狗衝去幫襯！第一日試業出餐比較混亂，下面千字文詳細會講。勁好彩撞到有朋友嚟食，互相分享咗小小。食物整體質素ok，有啲幾好食，有啲麻麻哋，大家想知就睇哂成個post啦💛！​ —————————————————​ 1️⃣ 環境篇 ​ ​ 成個環境都好chill，佔地有UC CAN咁大(好似再大d) 。不過略嫌有啲昏暗，同埋啲枱好似未到齊。有坐地下嘅榻榻米位。​ ​ 佢哋嘅餐具好撚靚，全部都係打卡撚想攬住鍚嘅日式碗碟，連紙巾都有印花，癲🤯不過有兩樣擔心：一、佢哋出餐分好多次出，每次出都用一個tray，結果食完成餐我哋張枱有勁多個tray同小碟，怕餐廳遲啲再多人啲，會洗唔切😣​ ​ 二、啲碟靚得嚟望落好脆弱，但學生有時都係粗心大意嘅司機，好怕會好快跌爛😭​ ​ 2️⃣出餐篇​ ​ 排隊時店員已表明要等20分鐘以上。買完飛會有個電子感應器，有得攞就會響，都係取替叫num嘅好方法。不過出餐稍為混亂，但第一日營運絕對明白，見到店員都忙到噴煙。有排我哋後面嘅一組客人不停催促，結果佢哋食完走埋，我地啲嘢食都未有。魯肉飯、涼拌菜看似較快上菜嘅食物，都等咗近1小時先有🙈​ ​ 3️⃣有乜食​ ​ 餐牌setting 分為 lunch (開舖至1500) 同 tea (1500-1900)。每個主食都可以加$18轉set，每個set會包三樣伴菜(包括肉類素菜小食各一，茶碗蒸)🥣🥣🥣 所以點解話食一餐有超多碗碟要洗。另外都有小食可以叫，飲品跟主菜減$5。​ ​ 4️⃣ 嘢食點​ ​ ▪️葱花玉子烤三文治 ($32) ​ ​ 呢個主菜本身包沙律、地瓜條。三文治預先切開並包好，非常細心，唔會食到好污糟。白包烘過，入面夾有芝士、火腿、肉鬆、厚蛋同沙律菜🥪白包嘅Size唔算大，但餡料豐富，一啖咬落非常滿足。厚蛋比預期中滑，有驚喜，肉鬆鹹香令人真係會諗起台灣。同埋呢個set係出餐最快，趕時間可以叫🤣 ​ ​ 地瓜條得4條比預期中少，但真係幾好食，外脆內軟又香甜，下次會直接叫小食。沙律菜都好新鮮，32蚊係超額完成了。​ ​ ▪️魯肉飯 ($38) + ($18) 定食​ ​ 魯肉飯真係一粒粒半肥瘦滷肉，混入左紅蔥頭同埋冬菇，唔係肉燥。飯係珍珠米，仲跟咗隻滷蛋。最初以為係細細碗，差啲唔記得呢到係中大，最怕你食唔飽，佢係拉麵碗Size😹撈起食都幾正，同出面食嗰啲唔差得遠，不過有啲類似炸蒜咁嘅嘢比較硬，有啲銀口。​ ​ 定食素小菜：滷豆乾有4大嚿，望落色澤好靚，但食落只係好普通嘅硬豆腐。酸辣薯仔絲唔太入味。​ ​ 定食肉小菜：屠夫炸雞好食！熱辣辣炸起，炸皮唔算厚，外皮撒上椒鹽，上面淋咗酸酸味味嘅沙律醬，幾特別！😍​ ​ 茶碗蒸：呢個茶碗蒸係台式魯肉版，我哋前後叫咗兩個，兩個賣相差好遠😹一個係淋得太多魯肉汁。蛋無乜蛋香，魯肉鹹鹹哋擺埋一齊，個配搭又未至於唔好食，只係有啲食唔慣​ ​ ▪️原汁台式牛肉麵 ($54)​ ​ 呢個係全個餐牌最貴嘅品項，同出面食一碗牛肉麵嘅價錢差唔多。嚟到嘅時候已經冇晒湯汁，個面係類似車仔麵油麵，有少少失望。牛肉份量都幾多，有牛𦟌同埋牛腩位，但係啲色同平時食嘅台式牛肉好唔同，比較淡色偏灰，食落尚算軟稔，但同入味嘅台式牛肉麵扯唔上關係。小pin無食，朋友形容平時食個牛腩河嘅牛腩仲入味。​ ​ ▪️台式擔仔麵 ($38)​ ​ 呢個好驚喜，冇諗過有原隻嘅大蝦😱仲要好香。呢隻麵質比牛肉麵嗰隻粗，咬落口感較好。魯肉份量好多，撈起上嚟幾惹味，$38算好抵食！​ ​ ▪️小食：鹽酥雞 ($36) 金莎醬炸花枝丸 ($39)​ ​ 鹽酥雞係無沙律醬嘅屠夫雞塊🤣但份量好大！好抵食。炸花枝丸係等咗成個鐘先有，不過不負眾望，一咬熱到淥熟個嘴，入面非常彈牙。金莎醬應該係鹹蛋黃醬，個形態係完全固體，好難點嚟食，食落幾鹹香，無出面食咁香口，最後都用唔哂咁多。​ ​ 5️⃣ 飲品篇​🥤 ​ 試咗奶茶、珍珠奶茶同埋愛玉檸檬。斯里蘭卡奶茶飲落無乜奶香，質感就係好稀好稀嘅奶水。鐵觀音珍珠奶茶，飲落有少少炭培嘅香味，我覺得幾好飲，朋友就反而覺得有啲苦澀。​ ​ 愛玉檸檬紅茶，茶底幾濃，愛玉不過不失，但係我哋一致認為開心軒茶社比較出色🙈🙈​ ​ 📝總結：嘢食質素以canteen 嚟講係超班的，價錢亦比出面食台灣菜平一大截。只係等餐時間近1小時，令人有點卻步。感受到店員們嘅熱誠，甫營運一間食堂，安排仍比較混亂，期待上手嗰一日，餐廳會做得更好🥰 ​ ​ btw，呢度NDS客人佔比極多，部份人作出嘅行為令人咋舌。例如明明張枱黐住維修中，佢哋搖一搖張枱發現搖搖欲墜，但都照坐，即使店員建議佢哋坐另外一張，佢哋都無反應🤯另外，食完嘢之後有幾個餐盤擺晒喺枱面，就咁擺喺度等人執，店員已經手忙腳亂，真係令人無奈😅​ ​ ✨ ​ Be The Light Canteen ​ ​ ✨​📍 賽馬會研究生宿舍3期(敬文對面) ​ ⏰ 0930-1900