［有錢就梗係快樂啲］不用討論。但，呢個相關性，越嚟越強。

1. 錢買唔買到快樂？要幾多錢先夠？去到咩位就搵多啲錢都開始冇乜感覺？　（＊）

2. 「英國一項研究發現，錢並非得到快樂的最重要因素，反而睡眠和性愛才是重點，而人際網絡好，亦對快樂感有幫助」– 係噃。但冇錢，就冇覺好訓，亦冇得扑嘢，更加會冇朋友。睡眠好明顯，性愛就男嘅好明顯，女嘅冇咁關事，姿色改變命運（但女人唔似男人咁用下面諗嘢）。至於朋友，你覺得唔係嘅，不妨試下問朋友借錢。

3. 呢啲話題寫極都有。寫過幾篇文。但可以快畀結論你：錢，就梗係買到快樂。根本唔使討論。古語有云，Whoever said that money can't buy happiness, simply didn't know where to go shopping。

4. 任何仲要認真討論嘅人，唔係戇鳩就虛偽，or both．有錢人都好唔快樂？但冇錢人都好唔快樂！有錢人都有煩惱？但冇錢人都有煩惱。講呢啲嘢嘅友，連基本邏輯論證都未識。仲九成係窮撚，或者虛偽撚。

5. 正經，快樂係乜？快樂係主觀嘛，對不對？所以做個問卷咪知。你幾錢人工，幾多身家，你覺得自己快唔快樂。一做就知。無數咁多學術研究都證實過，越有錢就越快樂。講完。亦都符合常識，Utility嘛。對，有啲嘢可能錢買唔到—但冇錢一樣買唔到。錢肯定買到健康先。話買唔到嘅，證明佢腦殘，冇錢驗腦。

6. 但，錢作為一種好東西（good）（＊＊），除咗一般越多越好，亦都一般真係diminishing utility 嘅。世界好嘢全部都係咁。第一次食百人一朱或者食八佰伴啲廢拉柴拉麵或公仔燒餅，驚為天人。但之後一路食，食到米芝蓮兩星，都係麻麻地。同樣地，都話初戀第一次，拖下女仔隻手都硬足（拳頭？）成日，但過多幾十年，就要睇埋啲變撚態4P動物片先有咁滿足（＊＊＊）。好，正經啲，你地最初睇我寫文，嘩，勁呀。睇得幾篇，扯，咪又係講嗰啲嘢。

7. 咁所以，當然了，都合符你常識同經驗，我都唔明有乜好拗，但總有啲撚樣係包拗頸。叫佢減九成人工問佢快唔快樂咯。有錢唔開心？咁畀啲我，包你開心，將啲痛苦分畀我。無數咁多研究做過，一般都係，人工越高，就越開心，身家亦都係。但的確見到去到某個位，就再加都冇乜分別。

8. BTW，沈大師都寫過，（https://fbook.cc/3BRV）「朋友間經常談論，在香港，搵3萬一個月和30萬一個月，真正quality of life完全沒有分別，後者的壓力卻大得多，憂慮也更多」—我想講，真係認真你就輸，記唔記我早排講吳彥祖溝女嘅故事？（https://fbook.cc/3BRW）唔知沈大師30萬個月定300萬個月啦—但，你叫佢試下減九成人工，冇九成身家丫（定佢已經億萬富豪？），睇下係咪「真正quality of life完全沒有分別」？

9. 我冇識過一個搵30萬嘅人會話我知冇分別，大師同你親民，你就唔使咁認真。人地隻鸚鵡去串空姐，你係隻豬又去串埋一份？人地識飛喎。

10. 佢仲引咗個網友講，「搵12萬一個月都有搵12萬一個月既煩惱，例如: 交稅 / 大概你既工作時間都會係冇人性地咁長 / 其實你身邊既人可能不少係搵2,30萬一個月。搵1萬養自己也可以無憂無慮食飽就訓，搵廿萬養成村人 (公司一村人，屋企又一村人) 其實也可以好很痛苦。」　—　但我從冇聽過有個搵12萬嘅人話好痛苦，叫公司下個月出1萬蚊人工畀佢咯。佢搵夠幾億就例外。

11. 講到尾，成件事好符合邏輯，因為有錢人可以隨時變窮，但佢地極少咁做，而窮人就永世想變有錢，但做唔到。如果有錢人咁慘，如果窮都咁開心，咁根本就唔會有錢人　—　因為有錢人發現自己咁慘，窮先開心，咁佢咪會捐晒啲錢畀你，等你慘，自己好開心咯。但我冇見過有錢人想變返去索馬里食樹皮。Elon Musk話「財富只會把你壓垮」（https://bit.ly/2D0S8vj）—總唔見佢分啲畀你分擔下。

12. 另一有趣嘅問題，多錢開心啲，無數咁多研究做到啦。但，係咪真係代表「金錢帶嚟快樂」？定係開心嘅人先搵得多錢？定係第三原因，有啲人基因好啲，或你在好嘅地方出世（而唔係索馬里），咁你自然又開心又多錢？

13. 舊文有寫，去肯雅抽獎派錢（https://fbook.cc/3BRX），中獎嘅即時幸福感升，唔中嘅即時跌！更正嘅係，成個社會嘅快樂指數都係跌的，中嗰個嘅快樂，少過其他人嘅痛苦。果然萬惡金錢，證明好多人睇錢，都係同人比較。一個人暴富，成個社會係不滿過齊齊冇錢的。

14. 另一文講過，diminishing utility，差不多世界各地都見到。冇錯越高人工係越開心（否則人人要求求人工，公司最開心），但條curve越嚟越扁—去到邊個位比較明顯地扁落去？

15. 當然，度度唔同啦。但，一般發達國家，造出嚟嘅數，都差不多。（https://fbook.cc/3BRY）。美國大約係一年十萬美金人工（另一個普林斯頓嘅研究就係講七萬五），當然再講一次，你搵一百萬會仲開心，搵一千萬會仲仲開心—但就唔係十倍十倍咁上了，開始個藥效冇乜—等於你睇咗幾百本鹹書幾百套四仔一樣。

16. 講返正文（係，而家先講）。又一個研究，發現越有錢就越快樂。留意原文用字好小心，係more money has become increasingly associated with greater happiness，冇講因為有錢所以快樂。

17. 但重點係乜？係increasingly！　即係，一向都係more money associated with greater happiness—但而家更加明顯。數學啲講，一向都有個正相關，但個相關系數係越嚟越高的。

18. 點解會咁？都係老生常談，企業大賺，高層分唔少，中層都還好，低層嘅冇受惠，仲要因為啲嘢越嚟越貴而受害。另外，各地嘅中央銀行基本上都係印錢，股市樓市向好，特別係美國—但，有投資嘅人，本身就已經係比較富貴嘅一班人。最底層何來有得買股票買樓？仲要捱貴租。仲要眼紅你班友（講過了，人類嘅快樂，好多時係同人地比）

19. 呢個研究做多年。過去四十年，冇讀大學嘅白人，越嚟越唔開心（所以咪有侵侵）。有讀大學嘅白人，開心指數都只係穩定。黑人呢？其實整體上係改善咗。冇讀大學嘅黑人，開心指數都仲係穩定（你可以話穩定地低），而有讀大學嘅黑人，開心指數就升。　即係見到，係黑人開心咗，白人普遍唔開心咗。但只係基點不同，係咪「可比較」，幾時先「夠」，「公平」，就另一堆問題

20. 結論？冇喎。快啲搵份年薪一球嘢港紙嘅工咯。之後就可以同人講「加多啲人工都唔多滿足」。

（＊）呢度嘅「錢」，可以係收入，亦可以係身家
（＊＊）費事講到太學術了，易乾嘢可以好煩。
（＊＊＊）OK，你可以話同老咗機能差有關。但，講心靈滿足都係的。你諗下到你五十歲，你要搞幾多嘢，先搵得返細細個拖女仔手嗰種快感？

————————————
收費短片第二擊，暫時斷次買。80蚊，講足半個鐘，有圖有表有筆記。
都係一周思考課題，當然唔會就咁報新聞呃錢，係講有乜啟示。
影片簡介：https://bit.ly/2ZILRwf　
或者睇置頂 post都得：https://fbook.cc/3BRq
講銀行加按息係咪睇淡樓市，美股有冇泡沫，奧地利發100年債券有乜啟示。
仲講樓，講埋Growth vs Value．

以下係報名方法：

【最新李聲揚收費影片】股市係咪真係太貴? 要買究竟邊隻係抵?
*影片下方會有內容撮要，唔想睇片可以睇字
影片/課程編號：CC003
播放平台：https://homebloggerhk.com/web-class-player/
付款及收看步驟：
1/點擊報名收看 [ 影片/課程編號：CC003 ]
2/利用信用卡網上付款
3/及後有登入資料可以立即收看
查詢：whatsapp 63832145

【龔成問答信箱】（Q13821-Q13840）

Q13821：

你好，龔成，先打擾你一陣，之前睇到你兩段片 關於月入七萬理財個案 同回應讀者短片，有感想寫封短訊俾你作支持同鼓氣。

先作短短自我介紹，今年剛29歲 學歷中五畢業 會考零分，社會工作經驗約十年鬆d，工作收入約兩萬中（連租金收入約五萬），手持兩物業（一層已供滿）。

同家人同住所以兩物業每月都能正現金流收入，股票連現金約70萬，呢個係我簡短既背景自我簡介，詳細就不多講 不竟來意不是理財求助個案。

想講既係，我唔敢講我係你忠實粉絲 不竟我只係追蹤你專業約一年時間，亦都未曾上過你股票班，自有了dsd 後一直諗緊有咩投資係可以好似物業咁 可以隨時間價值能上升 亦可以每月似有租金收入。

一直股票都令到我卻步 因為身邊朋友 家人曾在股票市場損失過，但自從有次無意睇到你專業 「解釋何謂股票」就一直追睇你分享既短片。

例如你有時除咗分享股票知識，有些投資心理質素，思想睇法 我都列入我的最愛 方便間中提醒自己，然後我亦都買入你3本書，「大富翁致富藍圖」「80後2百萬富翁」「選股勝經」令我更加明白何謂股票。

原來除咗物業能夠享受價值上升 租金回報，股票亦可以，令我知道邊種投資工具適合自己。

身邊親密既朋友同我一樣都係低學歷，但有好多都月入十萬 已有物業 （透過開鋪做生意 網上生意 投資）等，我都明白你心情，你既分享原意想大家進步，如當初我購入第一物業時都有些朋友講「買黎做咩咁細過 大過準備結婚先買都未遲」「咁慳就係為層樓」等。

前排六合彩獎金好似有億幾（正確數字唔記得，因為甚少買）我都有問自己如果中左 我會點運用呢筆獎金，但坦白講，我都唔識，亦都無方向，所以我好認同你投資知識既重要。

話多了，只係想同你講聲加油，同多謝你一直既分享。

龔成老師：

多謝你的分享及鼓勵！

其實之前出左條片「25歲月入$7萬的理財個案」，引起唔少網友懷疑我老作個案，我都幾震驚！

因為，佢地覺得25歲可以賺到$7萬係無可能，但就我收到的不少個案，我認識的朋友，呢d情況根本唔係咩誇張事。

有時d野真的無得幫，你想拍條片鼓勵下大家，令大家有機會向上流，佢就會出現一些不良心態，認為自己做唔到，其他人都無可能。

其實我無野，不用擔心，我一向都是不理別人，只求做好自己的。我係果類完全唔受人影響的人，你見我唔會攻擊別人，我經常話「我只想做好自己」。

其實之前出左果條片，然後比部分無聊網友笑完後，我FB私訊收到大量的網友及讀者鼓勵，我就更清楚，我行的方向正確，而我一直發放正確的理財知識，一定有人中意，有人唔中意。

我唔會有所謂的，因為我知道，我會一直做我認為正確的事。大家加油！

------------------------------------------------

Q13822：

你好，想請教836 是否有質素，謝謝
另外，也很開心下午有星期六班

龔成老師：

華潤電力（0836）之前出左業績，雖然不差，但就比市場預期差（因為市場會一早預計佢業績情況），因此股價都有調整。

其實佢本質不差，業務穩定，但中期業續營業額有下跌，而盈利上升，只是由於公平值的變動，因上年公平值變動令上年盈利下跌好多。

相信佢中短期都會較弱，但現價其實處合理水平，加上佢仍有質素，不過，就不值得投資太過多。

係呀，終於搞星期六班，通常我一年都會開一次星期六班，所以每次都好快爆。如果你時間夾到，就快少少報，因為好快爆，同埋下次又唔知幾時。

------------------------------------------------

Q13823：

成哥想問之前見你提及過788中國鐵塔想問佢現在是合理價嗎?同埋是否有前景質素同潛力?

龔成老師：

中國鐵塔（0788）有質素的，這股本身有質素、有前景，中國的3大電訊巨頭，都是佢的主要客戶，以及大股東，當5G發展，佢一定會受惠，因此前景仍然正面。

佢現時的收入正不斷增長，盈利都保持向上，但股本回報率不高，是這股較弱的地方。

由於這股有發展力，如你有貨，可長線。

股價由高位回落不少，之前貴，這刻算是處合理區中上部。

如這刻買入，分注投資可以。

------------------------------------------------

Q13824：

你好啊Sir 我在高位持有的823 今天都要跌穿80 蚊！ 雖然我放長線而且我相信佢好有素數。

但我都很膽心繼跌落去，我應該如何做？
謝謝你！

龔成老師：

領展（0823）受香港的社會事件影響，中短期一定會較弱，但這只是中短期，你要從長期的角度出發。

你想想，3年、5年之後，如果香港一切已回到正常，佢又正常收租，這就會令股價去到正常水平，那麼，中短期股價影響，對於這個長期結果，根本無影響的。

所以，你要與習平常心面對中短期股價波動，多留意企業的長期發展。

暫時你唔好加注，你這刻最大要做的，是學習訓練心理質素。

------------------------------------------------

Q13825：

成哥，請問想幫媽媽賺少少利息，本金大約6萬，她完全不懂股票。

我幫佢買盈富？定領展好？收息的
或有其他建議？謝指教

龔成老師：

如果佢目的是收息，不如建立一個收息的組合。

目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、匯豐（0005）、置富（0778）、陽光（0435）都可以。

------------------------------------------------

Q13826：

Hi，誠哥！想問下恆指合理區間係幾多？現在算合理嗎？

請問李氏家族甘多隻股票，邊隻比較齣適宜月供？
謝謝

龔成老師：

你預恆指現時在合理區，要去到24000先開始叫平宜。

這刻其實都可以入，但策略上，就不會太大注，同時要留有一定的現金。

至於長和系，如果你想收息，可考慮港燈（2638），如果你想增值，可考慮長建（1038）。

雖然長建近年增長不強，但這企業近年仍不斷進行收購，中短期雖然仍會弱，其中一個原因是歐測增長弱。但長遠來說，佢仍有平穩增長的能力。

------------------------------------------------

Q13827：

你好，想問問師兄對保險有咩睇法？

龔成老師：

我地應該買保險的。保除在理財中，有一定的角色作用。

我地進行理財，是一個攻守兼備的過程，先做好防守的部分，例如留一定的備用現金，適當的保險，之後先可以集中力量做進攻。

保險的作用是將風險轉移，因此是好個人化的，你只要分析，那些風險是你不想面對，又或發生時會對你的財政有好大影響，那就要買保險。

人壽及危疾是較基本的。

至於保險公司的儲蓄計劃，如果你本身都有投資知識，就未必需要。

------------------------------------------------

Q13828：

你好啊！ 由於無投資經驗（未來會讀course） 想問問投資組合：
背景-
兩夫妻，年紀43-45歲，二人月薪共三十萬，現金有二百萬左右, 有兩層供緊的樓，自住用途。每月可儲8萬。 完全無股票投資（及經驗），工作忙碌，未必有太多時間管理投資。所以想查詢合適投資組合？

另，想退休後，有被動收入（兩人）有6 -8 萬（是不是有可能？太保守？）

而家開始密切留意緊：
- 大快活
- 維他奶
- 盈富
- 大家樂
- 中銀
- 新世界
- 阿里巴巴
- 南方A 50

感謝

龔成老師︰

我假設2位於60歲退休，由現時到退休之齡尚有15年。

我會建議你地先用平穏增長股去增值，你可以令用你每月儲蓄8萬去做月供股票，目標主要是平穏增長股︰盈富（2800）、金沙（1928）、恆基（0012）、中銀（2388）、港鐵（0066）、煤氣（0003）、港交所（388）、長建（1038）、粵海（0270）、領展（823）、深高速（0548）。

當然你想月供你上述所講的股票都可以，大快活（0052）和大家樂（0341）2間快餐連鎖店之間，我建議你選擇大快活。

至於現有200萬現金，由於現時大市在合理區，建議先用"分注"形式將一半資金放在平穏增長股上。其餘一半就等機會，當大市出現一定程度的下跌，就可以加大力度掃貨，然後長線投資。

以恆指年均回報10%（連股息再投資計），15年後未計你用200萬現金增值的部份，單是你月供組合已增值至約3000萬（假設你每月投資$8萬）。

到你退休之年將組合中股票轉為收息股，為自已提供穏定現金流。以股息率5%計，這3000萬已可以為你每月創造12.5萬現金流，達至你退休目標。

------------------------------------------------

Q13829：

老師 現時金$15萬 每月儲1萬 其中8千月供
港鐵1292股
盈富 1146股
中銀 985股
比亞迪 340股

想3年有一筆錢同女朋友買樓，但聽你講月供越長越好，咁我應該點取捨好?謝謝

龔成老師︰

你要明白投資股票等同投資企業，就算再優質，都需要時間去升值，而且中短期難免會有波動。你目標想在3年內有一筆錢，和女朋友作買樓之用。

先假設你買屋是有必要性，由於你有明確目標，而且3年時間唔長，你的月供組合唔可以太進取。

潛力股如比亞迪（1211），就未必適合你，反而應轉成收息股，如例如港燈（2638）、香港電訊（6823）、工行（1398）、匯豐（0005）、置富（0778）、陽光（0435）會更好。

至於15萬資金，你可以以分注形式買入收息股，部份去做定期，咁會比較合適。到往後，你再有資金才重新投放在你現時的月供組合，再用長線持有策略就可以。

------------------------------------------------

Q13830：

您好！龔成先生，我是買股票新手，之前買咗騰訊0700，在HKD418的時候買了2手，雖然唔多，但因為我唔係有很多資金。

所以想請問一下，我現時好唔好將佢蝕放，然後再買其他嚟回返本？？？定還是再放耐少少，等佢升返少少先放呢？？謝謝！

龔成老師︰

首先你要明白一個概念，我地持有一隻股票與否，關鍵位是企業質素、前景，不要被買入價影響。

買入價只是一個心理因素，如果企業核心因素未被影響，我地係唔需要理會。

騰訊（0700）正面的，我的《50優質潛力股》（新版），都將會加入這股，有長線持有價值。

但有一個問題是，就是騰訊會否佔你組合比重太多。就算一隻股票再優質，佔比太多都會造成過度集中風險。所以，如果騰訊佔了你整個組合資金大部份，我建議你賣出一手，轉到其他優質股上。

------------------------------------------------

Q13831：

你好老師，我是投資初哥，是個80後。剛看了你的影片，情況和我亦非常相似，也是有20多萬的積蓄和每月10000左右的儲蓄。

我想跟隨你所說買比較穩健的股票如盈富 港鐵 中銀等。但有個比較敏感的問題所以不便公開詢問。

因現在局勢，港鐵與中銀不斷被破壞，這會影響其穩健性嗎？還是不用擔心可繼續賺買? 希望能得到你的回覆。
謝謝老師。

龔成老師︰

其實我地買股票就如買企業，最重要係睇佢質素和長線發展，只要問題唔影響到佢核心，是中短期就不用理會。

近日社會問題，你見港鐵與中銀不斷被破壞，影響到佢日常營運。雖然中短期出現負面影響，但長遠優勢唔見有轉變。所以，此2隻股票依然優質，值得長線持有。

以你年紀計應以增值為主，現在你每月儲到的錢，可以5成去做月供，其餘先儲起，用一邊月供一邊儲蓄的策略。
月供方面，你可以選擇投資在平穏增長股︰盈富（2800）、金沙（1928）、恆基（0012）、中銀（2388）、港鐵（0066）、煤氣（0003）、港交所（388）、長建（1038）、粵海（0270）、領展（823）、深高速（0548）或潛力股︰比亞迪（1211），中生（1177）或福壽園（1448）等。

至於餘下的20萬現金，可以先用分注形式入一半市。其餘一半就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

------------------------------------------------

Q13832：

你好啊，想請教下。因為屋企人唔係好識投資，一直月供緊$3000 2823

屋企人依家64歲，有2000手2823。

1. 想問下其實係咪應該唔好再供呢隻，轉供其他？如果供其他，應該供咩好？

2.2823應該照擺住先定賣左佢會好啲？

龔成老師︰

1） 以你家人的64之齡，其實應該開始為退休做準備。安碩富時Ａ５０（2823）是一隻平穏增長型股票，對佢唔係太適合。

你家人現在應以創造現金流為主，透過穏定現金流，去支付佢退休後的日常開支。

你可以將月供組合轉為收息股類，目標是5%、6%的股息率的收息股，例如港燈（2638）、香港電訊（6823）、工行（1398）、匯豐（0005）、置富（0778）、陽光（0435）都可以。

2） 你應該將現有安碩A50轉至以上收息股

------------------------------------------------

Q13833：

龔成 你好，我是一名90後，工作了兩年，收入大約18k左右，沒有任何投資經驗 現在手持180k左右儲蓄，現時希望將手頭上的現金投資在股票市場，增值股收息股73比例。

本人現有兩女，開支較大，故儲蓄只有大約4000元一個月。你會如何建議我去作投資？

還有，現在是入市的時機嗎？謝謝

龔成老師︰

首先，我唔太建議你用"增值股收息股73比例"這個策略。

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

以你年紀計，應以增值為主。現在你每月儲到的錢，去月供股票，你可以選擇投資在平穏增長股︰盈富（2800）、金沙（1928）、恆基（0012）、中銀（2388）、港鐵（0066）、煤氣（0003）、港交所（388）、長建（1038）、粵海（0270）、領展（823）、深高速（0548）或潛力股︰比亞迪（1211），中生（1177）或福壽園（1448）等。

由於你沒有任何投資經驗，你可以將$4000全數分在盈富（2800），到你有一定知識才選其他股。

現時大市在合理區，你的180k現金可先將一半，以分注形式買入盈富（如每月買一手）。另一半就等機會，當大市出現一定程度的下跌，就可以大力掃貨，然後長線投資。

同時建議你多睇投資相關書籍、新聞、年報和上一些課程。本人【投資倍升股課程】適合初學者的，因為整個課程的設計都是針對初中階投資者的。

到你讀完整個課程後，你已能自己選股、投資、評估平貴，在投資上已掌握了一定的知識，對你長線投資回報會有幫助，詳情可以留意翻我FB。

------------------------------------------------

Q13834：

龔老師你好，本人27歲，現金資產只有30萬港元，月入2萬5！剛開始接觸股票～

係1079價位買入咗20股2840！想請教一下，係而家香港呢個時勢應如何投資

龔成老師︰

SPDR黃金ETF（2840），為交易所買賣基金，投資目標為反映ＬＢＭＡ黃金價格。我投資貴金屬的目的，是對沖巨大不利事件的風險，例如超級天災、第3次世界大戰等，這些機會發生的機率極少，因此只要投資少少貴金屬已足夠。

但由於我投資是由於上述因素，因此我不買金ETF，而會投資實貨。

至於現時市況我相信，中短期會對股市方面會有負面影響，但受影響程度，就要睇外國真正的走資金情況，當中還有都好多變數。

不過我相信，長遠資金唔會大走，始終香港都是有優勢，有錢賺的地方就有資金來。因此，我相信中短期有影響，但又唔需要過份地擔心。

投資策略方面，以你年紀應以增值為主。現在你每月儲到的錢可以去做月供，你可以選擇投資在平穏增長股︰盈富（2800）、金沙（1928）、恆基（0012）、中銀（2388）、港鐵（0066）、煤氣（0003）、港交所（388）、長建（1038）、粵海（0270）、領展（823）、深高速（0548）或潛力股︰比亞迪（1211），中生（1177）或福壽園（1448）等。

至於30萬港元，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

------------------------------------------------

Q13835：

你好，成哥，我平均價10.58買左希瑪眼科6000股，依加跌到4.88，我應該繼續渣，定係應該放左佢？感謝你回覆，睇左你個page獲益良多～

龔成老師︰

希瑪眼科（3309）主要於香港及中國內地提供眼科服務，及銷售視力輔助產品及醫藥產品。

集團一直積極尋求機會於中國擴展業務。除北京、深圳及香港外，本集團將於2019年透過收購眼科醫院於昆明及上海拓展服務網絡及在惠州設立一間新眼科醫院。

除了一線城市，集團也在昆明及惠州等二線城市拓展服務網絡。

此股2018年上市，至今不足2年。業務上，的確有吸引力的，不過，上市不耐令分析難，因為真實面要慢慢先見到，加上佢股價十分波動，估值困難。

如果佢佔你組合比重很小，你可以持有，因為這股不是全無發展，但你要明白當中的風險。

------------------------------------------------

Q13836：

老師你好，暫時睇左（80後百萬富翁1，2，3） （財務自由行），真系覺得獲益良多，亦決意要財務自由，唔想一世都打工，過住咁厭悶既日子。

每日就抱住返工等收工既心情，同埋唔想人工永遠好似停留系一個點咁樣，希望有日都可以系千萬俱樂部見到老師

先講一講個人方面：

26歲 想於2023年創業，暫時有一筆開店費用約12萬, 想儲多8萬作創業用途。

另外下年年尾想試下樓換樓換大d，但要按揭150萬，想分15-20年還

人工暫時25k, 太太有$22K

因為已有一位將出世既bb，但4月太太會辭職凑仔
現時暫月供$6000，儲$2000

月供$1500盈富，1500 Mtr，2000恆地，1000比亞迪股份

個案查詢：

創業風險會唔會好大
如果5年內可唔可以儲到$100萬

另外想問而家應該繼續月供，定先儲8萬擺系開店資金到？

龔成老師︰

創業風險一定有，但風險有多高，好視乎你對這盤新生意的認知和準備。

由於你太太將會全職照顧BB，收入會大幅減少，再加上你創業後，會令營運資金需求增加。如果唔係有實際需要，建議你唔好換細屋換大屋住，避免你負債壓力過高。

由於你2023年才打算創業，尚有4年時間，你可以用平穩增值股去為你的資金增值（包括你12萬和月供以外儲起的$2000），如盈富（2800）、金沙（1928）、恆基（0012）、中銀（2388）、港鐵（0066）、煤氣（0003）、港交所（388）、長建（1038）等。

以恆指年平均回報10%計，你月供$8000，4年後有44萬。再加上12萬會增值至約逾17萬，總數已有61萬。但由於增值年期只4年，有機會會因價格波動而影響最終回報，你要明白過點。

雖然未能達到100萬，但由於可投資時間短，唔建議你太進取去追這個100萬目標。

另外，現時市況只在合理區，你12萬入貨時，必需要分注。

------------------------------------------------

Q13837：

老師，你有否覺得恒指跌極都跌唔落26000，我覺得這是不合理現象，似乎有勢力托住恒指。

傳言美國買左一堆恒指跌，每一點100萬美元，美國就算炸左香港都要股市跌落去。

假設勢力是中國，中國接左咁多貨，日後好大機會再托高股市派貨，派完貨股市就跌得好勁。

唔知老師你點睇？

龔成老師︰

這些傳聞我不太清楚，我地分析企業，應集中在長期與較為核心的因素，而中間的炒賣和不會影響力到企業核心質素的事情，我地都不用太理會。

我買入一隻股票，一般會基於生意、盈利、前景、市場環境等基本因素而決定，只要企業的質素好，買入後就會長期持有。

至於你以上所講的因素，有機會會在中短期造成市場波動，咁反而造就我地有機會入平貨。我們只要順著市場走勢去，找個合適時機入市就可以，唔需要估大市。

------------------------------------------------

Q13838：

Sir,以下是我媽媽的組合，我都是剛剛得知，但見到組合有點不妙

606 2.33買入（質素一般，但應該是合理價位）

297 0.83買入（未睇過年報，所以想聽聽你意見）

886 不知買入價，但應該是2元以上買，我自己覺得要沽出，如果是有質素股，不可能長期股價向下

因為冇時間分析3份年報，所以請教你意見睇睇先🙏🏼🙏🏼

龔成老師︰

中國糧油控股（0606），質素都可以，但不算高質，同埋生意有下跌情況。這股的增長力的確較弱，你唔好對股價有太大的期望。這股如果有明顯的反彈，可以考慮賣出先。

中化化肥（0297）過往幾年收入很波動，有幾年出現較嚴重虧損。財務數據也一般，長遠賣出會較好。

銀基集團（0886）質素不佳，過往多年虧損，投資價值不高。加上佢2015年核數師的意見「不表示意見」，反映賬目，「有古怪」，無投資價值，宜賣出。

------------------------------------------------

Q13839：

請問小米我10蚊入。以加跌到8個幾，可以博番身吗

龔成老師︰

首先你要明白一個概念，我地持有一隻股票與否，關鍵位是企業質素、前景，不要被買入價影響。買入價只是一個心理因素，如果企業核心因素未被影響，我地係唔需要理會。

小米（1810）有潛力的，但佢的財務數據仍未算很理想，整體質素屬中等。不過，企業的產品的確有理想增長，而且受消費者歡迎，加上小米的商業模式、前景，都成為這企業的亮點。

另外，對企業估值是困難的，由於這企業上市年期不算長，加上最大的亮點在於前景，因此在估值上，存有較大不確定性，這會令股價較為波動。

過往以貴的價位上市，現時回落至較合理的水平，算是開始出現投資值博率，如果你持貨唔多，可以繼續持有。

------------------------------------------------

Q13840：

你好，龔sir,現年50歲，有些問題想請教！

我有月供股票，每隻$5000，有中電、領展、煤氣、盈富、中銀，現在香港的情況，如果暫停月供適合嗎？

因為擔心中央會鎮壓，不想放太多投資在股票，又你有什麼意見？是否仍繼續月供？Thanks

龔成老師︰

我相信現時香港的情況，中短期會對股市方面會有負面影響，但受影響程度，就要睇外國真正的走資金情況，當中還有都好多變數。

不過我相信，長遠資金唔會大走，始終香港都是有優勢，有錢賺的地方就有資金來。因此，我相信中短期有影響，但又唔需要過份地擔心。

反而現在個別股票開始由之前偏貴價格，跌入合理區，好似煤氣（0003）就係其中一個例子。記住我地投資係睇企業質素和價值，只要事件唔影響到企業本身長線盈利能力，跌市反而創造了買平貨的好機會。

股市在以往高位已回落不少，你所月供的股票雖然未到平宜，但已在合理區，甚至合理區較底部。所以，我唔建議你停止月供，你持有的股票都有質素，你保持月供習慣，並長線持有，這個安排會對你最有利。

------------------------------------------------

多謝各位提問，若然你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網的，當然，會將發問者的身份，以及有關個人的部分刪去。

另外，由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

若有靠友打算學個第二專長，或是想要加強一下自己的專業，我建議你可以瞧瞧這個方案，說不定能幫你省一些學費噎～
　
這個勞動部的方案提供超級多課程，程式、平面、會計、外語、手作……我只能說真的琳瑯滿目，除此之外更給你「三年七萬」學費補助。重點是很多課一下子就額滿了，要報名還真的要快。
　
點這裡查詢有什麼課可以上
👉在職訓練網
https://ojt.wda.gov.tw/
　
#在職訓練網
#產業人才投資方案
#3年7萬
#補助百分之80至100
#勞動部