【#24個比利︱多重人格患者的傳記式小說】 電影神探中講過：每個人心中都有鬼，如果有24隻會發生咩事？相信唔少人都聽過24個比利呢本書，不過知唔知呢本書係真人真事，真實嘅故事又係點嘅？ - 1977年，William Milligan（又稱為比利）喺俄亥俄州立大學因為犯下三宗強姦案而被捕，喺準備辯護的過程中，心理學家診斷出比利患有多重人格障礙，由於心理測試評估同多位精神病醫生顯示比利有多重人格，辯護律師以精神錯亂為辯護理由，最後法庭裁定比利無罪，但需要強制接受精神疾病治療。 - 治療開始嘅時候，醫生報告指出比利有十個唔同嘅人格，但隨住治療越嚟越深入，更診斷出比利心中仲有另外十四個人，加起上嚟有二十四個。隨住喺精神醫院十年嘅治療，比利喺1988年被釋放，佢嘅故事更被出版書籍同拍攝成電影。 - 比利嘅24個人格包括： 1. Billy Milligan：即係William Milligan嘅真我。 - 2. Arthur：係科學同血液學嘅專家，通常需要思考嘅時候就會出現。 - 3. Ragen：形容自己係一個南斯拉夫人，有斯拉夫口音，亦可以用塞爾維亞語寫作同說話，佢充滿憎恨嘅人格，脾氣暴躁。 - 4. Allen：係一個心理操控者，亦係最常與外界接觸嘅人，係唯一使用右手同吸煙嘅人格。 - 5. Tommy：係一個藝術家﹑亦係一名風景畫家同電子專家。 - 6. Danny：好驚面對人，特別係面對男人，有反社會嘅傾向。 - 7. David：負責承受其他人嘅痛苦。 - 8. Christene：有閱讀障礙，當比利遇到問題，就會企喺角落觀察。 - 9. Christopher：係Christene嘅兄弟。 - 10. Adalana：係一個女同性戀者，會為其他人煮飯同打掃房子，Milligan指出Adalana喺未得到其他人格同意下犯下強姦行為。 - 11. Phil：係一個暴徒，同時亦會犯下一些小型罪行，擁有布魯克林口音 - 12. Kevin：係犯罪計劃者，例如策劃打劫案嘅細節。 - 13. Walter：係一個澳洲人，自認係一個獵人，有良好嘅方向感。 - 14. April：最大嘅目標係摧毀Billy嘅繼父。 - 15. Samuel：係一個猶太人，亦係人格中唯一相信神嘅人格。 - 16. Mark：負責進行勞動，無野做就會呆望牆壁，無其他人格命令就會咩都唔識做 - 17. Steve：鍾意嘲笑其他人，令其他人格唔鍾意佢 - 18. Lee：唔會關心自己做事嘅後果，當佢講笑話得罪其他人嘅時候，就會比其他人格監禁 - 19. Jason：負責承擔唔開心嘅記憶，亦會負責抒發壓力 - 20. Bobby：經常希望冒險同可以解決全球性的危機 - 21. Shawn：係一個聾人，由於經常喺頭部發出嗡嗡聲，由於其他人格認為聾人喺現實中無幫助，所以唔受其他人格歡迎。 - 22. Martin：係一個勢利小人，亦希望不勞而獲。 - 23.Timothy：一直喺花店工作直至遇到一個同佢調情嘅男同性戀者，於是就進入自己嘅世界 - 24. The Teacher：係幫助比利進行記憶重組嘅人，協助回憶24個人口嘅行為同想法。 ------------------------ -📖冷知識手冊《吾港唔知》各大書局有售 ------------------------ ◆ 每日分享知識、每月提供課程 ◆ Beginneros網站: https://www.beginneros.com/ ◆ Youtube：https://goo.gl/OEJrGt ◆ Instagram：@beginneros ◆ Facebook：Beginneros （書面語版本） ------------------------ #Beginneros #冷知識 #hk #hkig #廿四個比利 #心理學 #多重人格 #人格分裂 #精神病