【龔成問答信箱】（Q22141-22160）

Q22141：

老師你好，想請教一下。我手上有9股均價$600的騰訊。最近跌到得$4xx。我係咪應該止蝕再係4xx買入月供？咁我個價就可以貼市d。

定應該繼續供？我計過要平均返個價去4字頭都要買入超過一手先得。求指教，謝謝

龔成老師：

騰訊（0700）可以持有，你這樣止蝕再買翻，是無意思的，所謂「個價就可以貼市d」只是一個左手數與右手數的問題，你絕對唔好比「買入價」限制左你的投資策略。

最重要不是睇「賺蝕」，不是睇「買入價」，而是睇質素。質素不好，增長力弱，就有可能賣出，蝕都要賣。

你要分析「之後的組合情況」，不是過去，是將來。應該持有那些優質股，比例如何，能為你帶來怎樣的長期財富。

你要分析你的投資目標，你想潛力股的比例多少？平穩股的比例多少？組合風險程度如果？

即是你想設計一個怎樣的投資組合？長期、優質、平衡、適合你。

------------------------------------------------

Q22142：

想請教一下，新手,現持︰

中銀03988,8000股，平均買入2.8蚊
盈富基金2800，一手，買入28.42
越秀服務06626,二手，平均買入4.9

這樣的組合太保守嗎？

龔成老師︰

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你這個組合，算係一個偏保守的平穏增長組合。若你係中年人，或者投資取態較保守的人，這個組合係可以。

但若你係較年青，應以增值為主。中行(3988)只係收息股，增長力唔高，唔係咁適合。你可以用以下「平穏增長股」 + 「潛力股」，去取締中行。

如果你係偏年青，建議用潛力股，去增大翻個組合增長力。相反，你係近中年，可以用平穏增長股。

未來時間，你新投資都可以參考以下股票，再按你年紀和風險承受能力，去作出配置。

例如潛力股︰比亞迪(1211)、中生(1177)、福壽園(1448)、小米(1810)、安碩恒生科技(3067)、港交所(0388)、舜宇光學（2382）、阿里（9988）、騰訊（0700）、ＧＸ中國電車基金（2845）、三星FANG ETF（2814）。

------------------------------------------------

Q22143：

龔成老師你好，我同老公三十幾歲, 有2個小朋友。2019年賣樓, 搬番同屋企人一起係九龍住。

賣樓獲利約有300萬, 我地一半放入股票市場, 希望2-3年後可以買市區樓。

暫時買左以下股票, 想請問要唔要調整下? 同埋有咩股票推薦加入組合呢? 唔該哂!

匯控 (0005) @$40.48 有6400股
置富 (0778) @$9.12 有1000股
中銀 (3988) @$2.80 有160,000股
騰訊 (0700) @$610 有200股
潤泥 (1313) @8.66 有10000股

龔成老師︰

由於每個人都有「住」的需要，因此，長遠點都建議你買翻自住樓。

華潤水泥控股(1313)和騰訊 (0700)都有質素，但佢地波動性較大，你距離再買樓只有2-3年，時間唔算長，故不宜持有太多。現貨可持有，但就唔好再加注。

另外，你組合好集中係銀行股，咁會出現過度集中性風險。當銀行業有大問題時，你成個組合就會有重大影響。

因此，你要減持這2隻股票，令佢地比重，只佔組合2-3成。取回資金，可以分注買入以下股票。

若你想增長力高D(但風險都會較高)，可較集中平穏增長股。若你想較保守，可以集中係收息股。

收息股目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）、高息基金（3110）都可以。

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）等（記住，股價略波動，不能太過大注）。

到你置業前半年左右，你就要開始慢慢估貨。唔好等到要買樓一次過沽，因為無人知個陣時會係乜野價位。因此，你要慢慢沽出持貨，去平衡價格波動的風險。

------------------------------------------------

Q22144：

你好，如果扣除家用每月剩$13000（未扣其他日常開支），想開始投資有咩建議？暫時只係抽過ibond 冇其他投資。謝謝！

龔成老師︰

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

因此，你在選擇應該投資那一類股票時，會係因應你人生階段、投資經驗和風險承受能力，去做決定。

假設你係年青至中年人士，你可以用「平穏增長股」 + 「潛力股」的組合。如果你係偏年青，比例大約可以去到各一半。

但由於「潛力股」有一定波動性，較適宜年青和有投資經驗人士。若你投資取態較保守、經驗較淺或者較接近中年，「潛力股」比重就要相對下調。

現在你每月先用5成儲蓄做月供，其餘先儲起，用一邊月供一邊儲蓄的策略。

至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

------------------------------------------------

Q22145：

龔sir 你好,首先,真心好多謝你, 分享小小故事

本人18年創業失敗 , 負債30多萬,當時月入19000,每月還款15000,每日早餐食25元的燒味飯飽肚,中午不吃節省開支,晚餐再燒味飯 ,斷絕娛樂支出,

咬緊牙關渴望用最短的時間還清債務 終於在20年年初還清所有債務

在19年年尾,生活壓力無咁大的時候,購買了你的第一本書, 80後百期富翁 ,當中的心態對我影響好大,讓我確立財務目標,渴望掌控自己的未來 ,

21年年初更成為你倍升股的學生, 對財富之路的了解更多 ,真心再次多謝你

本人今年29歲 , 住公屋, 月入30000 ,現時每月存款18000, 現有資金60萬 ,預計2年內會存到人生第一個一百萬 ,思考未來計劃中

本人與父母同住公屋 , 由於父母年齡已過65歲,短期內不會被房署收回公屋 對未來置業計劃迷茫,未知方向,想你比小小意見

1)買私樓

與父母同住公屋 , 購買私樓出租, 家人作擔保人購買 500-600萬的私樓,做9成按揭 月供21000左右 , 放租大約可收回11000左右租金,

若有租戶的情況下實際每月支出大約一萬左右

2)綠表買居屋

把公屋交回,換購市區居屋 , 每月供款1萬8左右, 但就變成自住物業...雖然有升值空間,它日可出售套現, 但無法出租增加資金收入...

希望龔sir比比意見, 應該如何計畫 , 當有明確目標後,一定將會前進得更快更明確

最後再次祝你 身體健康 , 更早的達成你的目標, 然後開開心心住入你最早的目標

龔成老師︰

你唔需要太急考慮投資物業，現時租金回報率，唔算係好高。投資值博率計，先投資在股市，效益相信會較好。

你可以投資「平穏增長股」和「潛力股」。你每月5成儲蓄，即是用$9000做月供。其餘先儲起，用一邊月供一邊儲蓄的策略。

由於你已經上過股票班，投資上會有一定知識，潛力股可以佔組合約4-5成。但若你覺得，投資知識都未算掌握得太好，或者對這些股票唔係太熟識，可以調低個比重至2-3成。

現時大市只是合理區，你現有60萬資金可以先投入一半，用"分注"形式，慢慢買貨。餘下一半和每月所儲倒的資金，就等大市出現一定程度的下跌，才大力度掃貨，然後長線投資。

到了你真係有實際需要，要去購買一間自住樓時候。我會較建議買居屋，雖然佢投資價值不及私樓，但由於佢樓價私樓平。變相你可以空多更多資金，去投資優質股。

當然，因為係自住樓，最重要都係睇你「長線」生活所需，同埋是否可以做到「供得起」。只要做到這2點，基本上就無問題。

而你分享的這個經歷，對很多投資者和創業者，都很有教育意義。好多人都唔識面對失敗，不懂如何走出和面對逆境，你是一個很好的正面教材。

但你要記住，要留住財富，除了「知識」外，「健康」都係好重要。所以，斷絕娛樂和不必要開支係可以，但盡量少做一些會影響健康的事。影響到健康，一切都會變得不值。

加油!

------------------------------------------------

Q22146：

龔sir,你好 今年27歲，現時持股狀況如下，大部分跟龔sir你推薦都升 但自己高位入了其他 變相冇賺冇蝕….請問6919應沽出嗎？

剛忍痛沽出[email protected] 放 出2手 當時買入價是32.5.

以下股票都是一手買入，現想進行月供股票$8000分散風險，$3000小米，$3000金莎，$2000盈富基金 請問組合可以嗎？

No. 數量 平均買入價
386 10手 3.354
590 2手 16.1
2800 3手 24.6
1928 3手 31.4

1972 2手 19.5
788 10手 1.757
1810 2手 1810
6049 1手 35.5
6919 10手 32.5

龔成老師︰

人瑞人才(6919)主要為企業提供綜合人力資源服務，其服務包括發布招聘廣告、前端招聘、入職及上崗、後端人事管理等。

根據灼識諮詢報告，中國人力資源服務市場由2014年約人民幣1,912億元增長至2018年約人民幣4,086億元，複合年增長率為20.9%。

預期到2023年達到約人民幣10,142億元，複合年增長率為19.9%。故行業發展，預期係正面。

集團中國具有強大的服務網絡，覆蓋超過150個城市的客戶，開設超過20間辦公室。

按2020年末計，集團是內地龍頭靈活用工服務提供商，以工人數和收入計，市佔分別為2.3%和3.1%。

初步睇，此股都有投資價值。但人力需求很受經濟環境影響，加上集團現時賺錢能力，唔算得上十分強。

而且行業上，也算不上係藍海市場，因為行業都發展了一段時間，只是市佔較為分散，故增長力你預係中上，唔會係爆發性增長。

此股都有投資價值，但不宜太大注。若你持貨不多，可以守。

新東方在綫（1797）都有質素，但政策風險影響較大，不宜大注。

其實你持有股票，都係有投資價值。但較大問題係，你好多股票都係高位入貨。因此，我建議你暫時維持用月供投資，去減少你買貴貨的風險。

持股中，中石化(0386)增長力弱，以你年紀，不宜持有太多。你可以沽出部份，換至其他較有增長力的股票。

而月供方面，選股係可以，但我建議用指數基金做主力，資金分配轉為指數基金$3000、金沙(1928)和小米(1810)各$2500，咁會較好。

另外，現時大市只在合理區，每月資金唔好盡用。最好留有部份，等大跌市出現時，可以用來掃貨。

------------------------------------------------

Q22147：

老師：你好！有問題想請教你，首先自我介紹下，我同先生都是50幾歲，有一個仔和女，我做兼職每月3000元左右收入，先生每月約有18000元收入，

兒女還在讀書，每月交租12000元。現時有300萬現金，眼見資金越耒越少，心情難受，近排同先生開始學投資，

買了銀行安聯收益及增長基金（50萬）、純債卷（50萬）、農業股（50萬），請教我如何運用現有資金投資，目標是想草錢買層600萬左右樓住，

望老師能忙裡偷閑解答，萬分感謝！

龔成老師︰

雖然你地5X歲，但購買$600萬的物業，都可以做到按揭，當然成數未必高，以及年期未必長，因為你地現時月入不算多。

如果要累積多幾年錢先買樓，如5-10年，你地能按揭就更少，但如果現時短期內無法買樓，都無辦法，要慢慢儲錢進行。所以，我就當你地能按揭的金額好低或無按揭，去進行分析。

當然，當你地不斷儲錢時，都可以了解下樓市，不一定儲到足夠的數先開始，中間可以調整。

首先，大方向要累積到較大金額，我先以這個假設作分析。

若果係希望將300萬現金，增值去買600萬的物業，重點應放係增值之上。

但由於你和你先生，已經係50幾歲，都比較接近退休之年，係做銀行按揭上，會較困難。因此你需要累積更多資金，甚至係用全樓價作目標，去作準備。

以你年們年紀，投資選項上要保守少少。我建議你利用平穏增長股，作為增值平台。

平穏增長股︰金沙（1928）、恆基（0012）、平安(2318)、中銀（2388）、港鐵（0066）、長建(1038)、粵海(0270)、領展(0823)、希慎(0014)、太古地產(1972)

現時大市只是合理區，你現有可以先投入一半，用"分注"形式，慢慢買貨。餘下一半就等大市出現一定程度的下跌，才大力度掃貨，然後長線投資。

若你將來子女畢業，開支無咁多的時候，每月若有空出的資金，建議你用這筆錢，去做月供股票，去加快你增值速度。

策略上，你每月先用5成儲蓄做月供。其餘先儲起，用一邊月供一邊儲蓄的策略。餘下一半儲蓄，就等出現大跌市時出手。

而你現時基金和股票，可以審視翻佢地增長力和質素，去決定是否持有。債券只係產品，主要係提供穏定現金流，無增長力。用於增值，就唔係咁適合。

我假設投資回報有8-10%（連股息再投資），你現時投資$300萬，10年後大約會增值至650-780萬。

但你唔好因為見已多於600萬，就覺得足夠。因為置業時，還有其他連帶成本(如稅、律師費、裝修等)。

再加上，到時已到你們退休之年，你們係需要額外一筆資金，去投資收息資產，為自己創造現金流，去支援你退休開銷。

假設你希望退休後，想每月有1萬蚊現金流收入，以股息率6%計，你就需要本金200萬。你可以用此作為參考，去計劃你未來10年投資大計。

------------------------------------------------

Q22148：

成哥，其實我真係想上你既股票班，但我又行動不便

坐車點對點我都得既
因為真係好想學點估值
而家蠻中中咁買股
好蠢

係咪上完堂
自己肯學會學識？

龔成老師：

完成課程後，你會掌握：
☆自己設定投資策略
☆掌握資金分配
☆低風險爭取合理回報方法
☆能分辨股票優劣
☆為企業優質度評分
☆懂得自行尋找優質股
☆掌握5種選股方法
☆掌握大市買入及沽出時機
☆能評估現股價處平或貴
☆掌握企業估值
☆懂得閱讀企業年報
☆懂得分析財務報表

如果你決心足夠，我相信你總會方法去到上堂的，我未搞澳門股票班前，每一期都有幾個澳門過去的同學，每次上次，由澳門來回香港，8堂如此，每次來回花的時間要4小時，我相信你花的時間，應該不用這麼多。

唔好比一些小問題，影響左你追求進步的心，加油！

------------------------------------------------

Q22149：

您好 龔老師：我初學投資購買股票 想請教您

有穩定工作 每月收入約$45000，租金$10000，還貸款$3750（尚有12期）、保險每月$1800

單親家庭 有1小孩（9歲）、請問我應如何投資好呢？

先謝謝解答

龔成老師︰

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

以你年紀，應以增值為主，建議你用「平穏增長股」 + 「潛力股」作組合，去創造一個增值平台。

若你偏向較年青，潛力股可佔3-4成。但若你偏向中年，潛力股佔1-2成好了。到你有一定投資經驗，潛力股比重可以調升翻少少。

由於你係初學者，對企業估值，點去定平貴未必太了解。我建議你先利用月供模式，去建立一個股票組合，以減低買貴貨風險。

策略上，現在你每月先用5成儲蓄做月供。其餘先儲起，用一邊月供一邊儲蓄的策略。

至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

------------------------------------------------

Q22150：

老師你好,唔好意思我想問下1177, 9988 & 941邊隻股票投資較好。

另外想問下我本身用左10萬買左銀行投資plan要放15年。

另外股票方面現在941有2手,9988有1手。本身喺Manulife買左每月供基金下年11月到期,嗰份基金現時大約$200,000.想用多10萬投資,

唸緊買股票定係投資喺Manulife有隻收益及增長基金每月派息大約6-7%. Many thanks

龔成老師︰

你上述3隻股票，都係有質素。但以你38歲年紀，投資應以增值為主。

中生(1177)和阿里(9988)係潛力股，適合你，現價合理，可以分注入市。但中移動(0941)只係收息股，增長力欠奉，對你就未必太合適。

至於一隻基金是否值得投資，你可以衡量基金的投資策略，所投資的資產類別、投資策略、風險程度、市場、費用成本、以及過往的表現(可以睇佢過往5-10年，如果回報係比主要投資市場高，有機會值得繼續投資)。

以每月派息7%計，勉強算可以。但你要了解翻個派息是否保證，若非保證﹐長線計投資價質股，相信會較高值博率。

------------------------------------------------

Q22151：

老師我有一個難題唔知點做！我媽媽有一層45年舊樓一向放租，近年疫情長達十年租客唔租，因為多年無維修，現在打算大裝修再放租，其實我咁做啱唔啱，

定係有其他方法，保障我媽媽收入。希望老師能幫我分析一下。謝

龔成老師︰

其實你要考慮翻個物業長線投資價值，因為本身個樓齡都略大，長遠維修成本會增加，會有機會慢慢蠶食租金回報。

除非，係一些大型屋苑(特別係藍籌屋苑)，或者你相信裝修後，租金回報會唔錯，而且可以維持一段較長時間。

否則，你要計劃下將佢轉換成其他資產。個新資產，可以係收租物業、收息股或者其他收息產品，都係可以。

若你不打算再新置收租物業，你可以考慮以下收息資產，大致可將資金分成4部分，平衡去分配就可以。

第一部分投資收息股，你可以建立一個收息股組合，你可考慮港燈(2638)、香港電訊(6823)、工行(1398)、建行(0939)、置富(0778)、陽光(0435)等，大多有5%股息或以上(你可睇下我本《50穩健收息股》當中仲有好多)。

你可以用"分注"形式，慢慢儲貨。平均的投資這些股，除了可以得到穩健的收息收，同時可有效的分散風險。這些股票唔洗理佢股價波動，只要一直持有收息就可以。

第二，投資債券，你可以選擇A評級的債券，年期較長都可以，但利息卻不高。你可以到銀行問問。

第三，投資年金，你可以睇睇，這是適合你們的產品，零風險，可以有穩定回報。另外，你亦可投資銀行低風險類的產品，你可自行到銀行了解下，總之是「低風險，持續現金流」的。

第四，持有現金，這可以為你的後盾，以備不時之選。同時可以等投資機會。

------------------------------------------------

Q22152：

早晨你好，因為我不太懂投資，所以我想分散風險，打算分三筆錢，買入以有關三個板塊「電動汽車、醫藥、科技」的etf、指數或基金。

應該點買？有推薦嗎，或者哪裏可以找到？

龔成老師︰

若你對個別行業有信心，但又不懂從中選股，ETF會係一個唔錯選擇。

電動車行業，你可以用GX中國電車（2845），這基金的目標是追蹤Solactive中國電動車指數NTR「相關指數」表現緊密相關的投資回報。

持股中最重就係比亞迪A股（002594），以及與中國電動車產業有關的股票，中國因為能源問題，長遠一定要發展電動車，這是大方向，故此股有一定投資價值。

醫藥方面，ＧＸ中國生科(2820)基金是被動ETF並旨在提供在扣除費用及開支前，與Solactive中國生物科技指數NTR(指數)表現緊密相關的投資回報。

而科技股，你可以考慮安碩恒生科技（3067），有長線投資價值。

這基金追蹤恆生科技指數之表現，而恆生科技指數，都是一些有質素的潛力股，例如阿里（9988）、騰訊（0700）、小米（1810）、美團（3690）等的新經濟類公司，長遠有潛力。所以有長線持有價值。由於基金有30隻股票，比起單一股票，風險能減低。

以上3隻基金，現價大約在合理區頂，至略貴水平。因此，這刻不能大注投資。

最好的策略，就是月供，或自行分注小注慢慢收貨（例如每月買一次、或2個月買一次），總之慢慢入，不能用盡現金，原理如同不斷儲貨，這樣就能平均買入價，減少風險。然後就長線持有。

雖然你現時只有約35歲，算係年青。但畢竟以上都是水桶1股票，風險會較高。緊記，最多只可以佔組合4-5成，否則風險就會偏高。

------------------------------------------------

Q22153：

想問有關月供股票事項

我現時月入3萬、1萬家用、現金儲蓄4000

月供股票
1810 $500
1177 $500
2318 $500
2800 $1000

有1手比亞迪 高位240入左

請問老師我月供組合有無問題？

我想月供金額再加大，另外想供12或16，有無任何建議？

月供股票由今年四月開始

龔成老師︰

你現時月供組合，無問題。至於加大月供，恆基(0012)和新地(0016)都可以，但前者會較有發展潛力。

而你現時25歲，很年青，我反而建議考慮供多隻潛力股，去提升個組合增長力，以下都是一些合適選擇。

潛力股︰中生(1177)、福壽園(1448)、小米(1810)、安碩恒生科技(3067)、港交所(0388)、舜宇光學（2382）、阿里（9988）、騰訊（0700）、ＧＸ中國電車基金（2845）、三星FANG ETF（2814）。

另外，你尚很年青，你應該把握沒有太多財務負擔的時候，努力去做增值。最好係每月投入，可以去到人工一半，就較理想。

------------------------------------------------

Q22154：

老師，想問你意見，我係38歲既孖b媽咪，仔女今年3歲，老公係公務員，老公月供梗941 $2500, 823 $2500 我之前問完你意見，

所以月供梗3067 $2000 6823 $2000, 今日出糧公司加左我大概14-15%人工，所以想利用加左既人工，月供多一隻股票，請問有個提議呢？

還是喺我原有既3067, 6823加大月供金額？

我之前曾經問過你，另外心水既月供股票有1211, 2845, 2382，但最後我揀左3067（因為潛力較大）同6823（因為有息）

求指教一下，謝謝老師！

老師，我最後同老公決定供多隻66港鐵$3000, 941 $2500, 823 $2500, 3067 $2000, 6823 $2000, 一齊每個月供$12000, 希望10年後儲到筆錢俾孖b讀書用

龔成老師︰

當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

以你現時38歲計，可以較偏重係增值方面。你現時月供股票，都可以。而新加入的港鐵（0066），都係合適的。

但香港電訊(6823)和中移動(0941)主要係收下息，增長力唔會好高，不宜月供太多。

你可以考慮將佢地月供金額減半，去供多一隻潛力股，增長力會較好。以下是一些合適選擇，供你參考。

潛力股可選阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、福壽園(1448)、ＧＸ中國電車基金（2845）、三星FANG ETF（2814）。但佢地波動性和風險會較高，你要自己平衡。

現時大市只在合理區，每月資金唔好盡用。要留有部份，等大跌市出現時，可以用來掃貨。

------------------------------------------------

Q22155：

龔sir 你好呀，我係你澳門fans 呀，有少少關於買樓嘅問題想問下你意見。最近同女朋友睇中左一個半新樓嘅單位，

入伙唔夠4年嘅私人樓（金峰名匯近路環）建築面積大概610呎，實用率7成3嘅開放式單位，管理費要2.7。我地都幾鍾意個單位同屋苑，

因為入面比較寧靜和配套設施都齊。我地計算過如果供25年的話大概每個月19000（我地兩個收入差少少5萬，）

但如果租哩個單位就大概8000租，我見疫情期間澳門租金跌左好多，而樓市就只係D大單位回調幅度比較多。我計完之後發覺租嘅價錢好似化算好多（平供樓一半有多）。

如果你係我地會先租再等樓市跌定係都會覺得哩一個係入市機會，還有如果美國加息樓價下跌空間你覺得多唔多呢，謝謝

龔成老師︰

表面上，你租金支出比供樓少近半。但實際上，你供樓金額當中，有一部份係用來還本金，其實等同於係度儲緊資產。

所以，你首先要睇翻個物業，長線有無投資價值。最重要都是睇翻該物業的質素，呎價，預期租金回報率，特別是利用「呎價，預期租金回報率」去比較同區同類單位，以確定該物業的平貴水平。

同時，你再要審視其升值潛力，未來地區上、交通上、生活等等的配套發展，才去下一個結論，咁會較好。

另外，你再從自已長線生活需要，去睇下間物業係唔係適合。若2關都過到，而你長線又供得起，咁你去置業，係無問題。

記住，我地投資股市和買物業，都唔好用估走勢去進行，我地應用而一刻佢平貴和質素，去決定買賣策略，咁就可以。

至於美國加息，理論上係對樓市負面。但有多大影響，你要視乎佢加息的力度、時間、經濟情況、樓市供求等等因素。而一刻，較難有個明確結論。

------------------------------------------------

Q22156：

老師你好 我32歲，剛剛開始起步投資了，目前有30萬現金左右。用76.6 入了1手中電 28.7 入了1手盈富基金，淨24萬左右。

我打算分注入市 2-3個月後打算再去入1手中電 1手盈富基金

然後打算用8-10萬買儲蓄保險 分散投資

淨10萬現金做儲備

請問目前的策略可以嗎? 謝謝老師

龔成老師︰

以你32歲年紀，可以進取少少。中電(0002)增長力唔算太高，主要係收下息。現有1手可持有，就不要再加注。

你每2-3月入一手盈富(2800)，這個策略係可以。另外，我建議你加多隻潛力股，去提升組合增長力。

潛力股︰安碩恒生科技(3067)、比亞迪(1211)、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、福壽園(1448)、ＧＸ中國電車基金（2845）、三星FANG ETF（2814）。

但現少不少潛力股，都尚在偏貴水平。再加上你剛開始投資，未必太懂得選股，我建議你先用行業ETF做目標，佢地都係一籃子企業，較能分散風險。

安碩恒生科技(3067)、ＧＸ中國電車基金（2845）、三星FANG ETF（2814）現價都在合理區頂，你可以用2-3月入一次的模式，去儲貨。

至於"保險"主要係用來防守，買足夠保障就可以。儲蓄成份架保險，唔係唔可以買。如果你個人風險承受能力好低，或者完全無投資能力，這類保險都有持有價值。

但始終係財富增值角度，佢幫助好有限，一般我都就唔建議太多。做財富增值，應集中投資在優質資產(如優質股、物業等)，效果才會理想。

------------------------------------------------

Q22157：

龔成老師。 又係我，又打擾你

首先第一樣野要感謝你，就是因為看你的書開始理財，資產增值，最大的改變由以後的日日外食改為盡量自己煮，籍此省錢。

現在每個月如沒額外消費由每月存5000-6000 增加至8000-9000。當然我爸爸近來身體不好，那是另一筆支出。雖然在大家看來是小數目，不過感謝你，讓我定立目標為將來負責。

第二，有關2013微盟，我女朋友之前2月以近30蚊高位買入（約3手，佔股票1x%)。我現在稍為幫她看了2019-2020的報表。

期實他現金流算不錯，不過他現金流主要來自19年約8億及20年約10億的融資或可換股債券，而21年6月也有約3億的融資，

這部份我覺得公司太倚賴融資，現在大家看到這類saas 網上平台、網上商店、網上廣告等的潛力，可能問題不大，不過我是看到隱憂。

另外，雖然他還在消錢階段時，但已有小量的盈利，但他太倚賴騰信，有2x%營收來自與騰信有關的業務。

這兩點是我比較擔心的地方。如果是你，你認為這股在未來5年有能力去到30蚊的價位？你會如何處理這個投資失誤？

但已有小量盈利是指2019年情況

龔成老師︰

微盟集團（2013）集團主要在中國從事提供軟件即服務產品及營銷服務。

佢的產品分為「商業雲」解決方案、「營銷雲」解決方案及「銷售雲」解決方案三類。

「商業雲」可助商戶開設線上業務並助彼等提升顧客參與度、轉化率、收益及忠誠度。「營銷雲」通過大數據分析能力及ＡＩ技術為商戶提供智能營銷服務。

這些都是將來發展的大趨勢，從業務潛力上，的確是有的，見佢財務數據的增長都強勁。

營業額其實持續都有增長，2018和2020年較大虧損，主要係一些金融資產公平值變動所致，並唔係業務上出問題。

至於你所講，佢現金流較依賴融資，這個的確會令風險增加左。但由於佢都係一間尚在發展階層企業，需要投入較大研發資金，故要用到融資去支援開發，都係合理。

而騰訊(0700)佔其收入近20%，唔算話好多，過度集中性風險，唔算係好大。

我地分析微盟，主要考慮點會放係企業和行業長遠發展潛力，而唔係而一刻。當然你所講融資較多問題，和發展上的不確定性，會令風險高左。

但整體而言，此股都係有投資價值。但投資時，我地要控制注碼，去平衡翻當中風險。

由於此股有投資價值，雖然買貴左，都可以守。長遠企業發展，會令估值會慢慢上升，從而股價會回升。

但持有3手係比例上，有少少多，你可以考慮減持1手，去平衡風險。如果你唔想沽，你可以用新資金，去慢慢平衡翻個比例，都係可以。

------------------------------------------------

Q22158：

1830幾多才入市

2331可以考慮買嗎

山東黃金可以買入嗎

想重整股票組合。哪些值得投資

美股期權交易是否好大風險

龔成老師︰

完美醫療（1830）長遠有發展，本身有一定的質素。

睇翻之前的疫情，佢身處的行業受影響，但佢的現金流及財務數據都唔算差，這點可以想象到，當正常的經營環境，佢的生意一定唔錯。

加上佢的野心愈來愈大，本身有一定的技術，同時不斷將香港的業務模式複製到其他海外地區，我見佢加強了發展其他地方，因此發展不差。

這股有長線投資價值。

之前公佈業績理想，但業績後股價升左好多，雖然我在業績後調高左佢企業估值，加上管理層加大了企業發展的力度，前景正面，但現價點都都有少少貴。

所以，如果無貨，可考慮回少少，先小注，然後等跌多d先正式分注投資。

李寧（2331）有質素，佢係中國領先的體育品牌企業之一，擁有品牌行銷、研發、設計、製造、經銷及零售能力。

但現價偏貴，你要等佢有較大跌幅，才好開始小注入貨。

你組合中，大部份都有質素，可長線持有。

但留意，山東黃金（1787）盈利始終受國際黃金價格影響，本質上會較為被動，無乜價格自主能力，同時產品無差異性，是典型的商品企業。

這類企業都有一定的投資價值，但就不會太高。現價都合理，可分注入貨，但不宜持有太多。

中糧肉食(1610)、五菱汽車(0305)質素中等，不宜持有太多。

中國黃金國際(2099)無明顯投資價值，建議沽出。

美股，係有投資價值。但期權這類估走勢的工具，我就唔建議。你應該用翻正確投資方法，就去分析一間企業優劣，再用平貴向定買入策略，之後長線持有。

------------------------------------------------

Q22159：

龔sir, 我今年54歲，月供由1月2020年至現在，大約年半時間，股票之前組合︰

盈富基金$4000
港鐵 $2000
長江基建 $2000
金沙 $2000
中電$2000
港燈$2000
香港電訊 $2000

另外，分注買入
粵海 6000股
港交所 200股
煤氣 2000 股
六福3000 股
恆基 5000 股
置富 產業信托5000 股
中國鐵搭 2000股
小米 400 股

現時組合股票共現值HK90幾萬

很多年前月供盈富基金，大約有2100股，之後停咗，到之後認識你再重啟供股的路，現時都有正增長，好感激你，想問

1.現時組合是否太散？

2.我打算改變月供組合為

盈富基金$4000
長江基建 $2000
金沙 $2000
香港電訊 $2000
港燈 $1000
港交所 $1000
港鐵 $2000
中電$2000

希望這組合可以增加增長率，但是適合我否？

3. 另外，現在有現金大約60萬⋯⋯已經留咗20萬現金作急用（不動產），請問現時那隻股票可以值得分注買入呢？希望趁平價買入以上種類股票，麻煩幫幫忙

4. 另外，想問如果每月供$15000，六年後有沒有可能累積倒市值500萬股票？

真的感謝你幫忙，以上咁多問題希望你唔會介意，因為自從認識你之後真的財富增長速度比我之前以儲蓄的速度相差一截，在此多謝晒你

龔成老師︰

1) 唔算太散，都可以。

但緊記，現時大市只在合理區，每月資金唔好用晒去月供。最好留有部份，等大跌市出現時，可以用來掃貨。

2) 你將港燈(2638)月供資金，換成港交所(0388)係可以。

但以你54歲年紀，要開始為退休作出準備。港交所(0388)這類潛力股，唔可以持有太多，最多只可以佔組合1-2成。

而且，你成個股票組合，你按年慢慢向保守方向調整。慢慢加大收息股比重，到退休時，收息股最好係佔組合100%。

3) 以下股票，都在合理區。而且佢地都係較適合你年紀，未來應以這些股票，作增值目標。

但由於你本身已有一定持股，故我建議你現時40萬現金，等大市真係有較明顯回調，才慢慢出手。

平穩增值股︰、金沙（1928）、長建（1038）、中銀（2388）、港鐵（0066）、恆基（0012）、平安(2318)、粵海(0270)、領展(0823)。

收息股︰港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）。收息基金(3110)，都可以。

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）等（記住，股價略波動，不能太過大注）。

4) 我假設投資回報有8%（連股息再投資），你每月投資$15000，6年後大約只會增值至130萬。

但若用你實際情況，每月供$16000 + 現有資產130萬(持股90萬和現金40萬)，6年後係會增值至340萬。

如果要做到你6年後有500萬目標，就要將月供加大至$33000。若不相加大投資資金，就要將年期加長至9年，才可以做到。

------------------------------------------------

Q22160：

你好， 好想長期投資，好認同你嘅投資策略

本人背景，27歲 現有36萬 月入2萬，宜家有1801 一手 ，1772 一手，少量美股

請問有咩投資建議可以長期有回報？

龔成老師︰

當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

以你現時27歲去計，是財富增值的黃金時期。除了盡力儲蓄、投資、學投資知識外。也要把握這個黃金時間，做好財富增值部份。

策略上，應以增值為主。信達生物（1801）和贛鋒鋰業（1772）都適合你，但信達生物不確定性較高，不要持有太多。

至於美股，你可以睇翻佢有無增長力和質素，去決定是否持有。

未來投資，你可以集中係「平穏增長股」和「潛力股」。你每月用5成儲蓄做月供，其餘先儲起，用一邊月供一邊儲蓄的策略。

如果你現時無太多投資經驗，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

若你有一定投資經驗﹐潛力股比重可以相應調高，佔組合約3-5成，視乎你投資經驗多寡和了解這些股票程度而定。

大市現處於合理水平，那36萬資金，你可以先用一半，以"分注"形式慢慢入貨。餘下一半和每月儲蓄，就等大跌市機會出現，才大力度掃貨，並長線投資。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

【龔成問答信箱】（Q21301-Q21320）

Q21301：

龔SIR 我有問題想問

1. 想問股票班，第4堂現金流折現法如果用係股票, 適合用係邊類型股票? 還是呢種方法唔係太適合用係股票?

因為股現金流折現法用係有年期同穩定無增長既資產先適用…

咁股票全部都係無年期, 加上增長率難預測, 咁係咪現金流折現法唔岩用係股票?

2. 另外想問第5堂教的估值法,,合理區範圍要加Buffer,, 想問點計個百分比, 例如合理區係 $100-$200,, 範圍百分比應該係

(a) (100/200)X 100% = 50%
(b) (100/100)X 100% = 100%

3. 都係關於市盈率估值法,,如果某公司佢係行業龍頭, 需要調高10%,,想問係調高佢PE合理區還是計到最尾個Step 先調高合理估值?

參考第5堂Notes P.34, 388為例,,388因為係壟斷狀態, 要調高

咁應該係幾時調高?
(a) 將PE合理區32.7 – 37.7 倍調高10%
(b) 將合理估值加左Buffer 後的 $212 - $298調高10%
(c) 還是無所謂, 兩個是但一個都得?

4. 我用左388 最新數據去計佢個合理估值,.

年度: 2016/2017/2018/2019/2020
每股盈利($): 4.76/6.03/7.5/7.49/9.11
每股盈利增長率(%): -28.96/26.88/24.38/-0.13/21.63

近5年每股盈利 = $6.978
增長率 = 8.76%
有代表性的EPS= $7.53
合理PE = 34.18x to 42.75x
估算合理價 = $258 to $322
因為估值範圍闊度=25% 所以唔洗加Buffer

(a) 想問以上估值計得岩唔岩?

(b) 因為我想增長率準確D, 我用左過往5年增長率相加再除5

[-28.96 + 26.88 + 24.38 + (-0.13) + 21.63)/5 , 得出8.76%,

我想問堂上你話實計既法(複式增長率) 係咪就係咁樣計? 定係我計錯?

(c) 都係關於增長率問題, 我上網睇番”預測每股盈利”

年度: 2021/2022/2023
預測每股盈利: 11.88/13.73/15.64
EPS增長率(我自己計): 30.4%/15.6%/13.9%

我可唔可以用2021既既預測每股盈利增長率30.4% 當作計算有代表性的EPS既增長率? $6.978 x 1.3= $9

咁樣計法會唔會唔準?

(d) 想問估值範圍闊度應該係(322-258)/322 x 100% =20% 還是 322-258)/258 x100% = 25%

5. 第5堂Notes. P.83, 點解公用股可以用PB Ratio 分析? 公用股Average PB Ratio 13x-16x, 大過4x 正常應該唔可以用PB 分析

有勞龔SIR！

龔成老師︰

1) 其實現金流折現法，係最正統的估值方法，基本上係適合於任何股票。

但由於計算上，有不少主觀數字。只要稍有偏差，最終計算結果的落差，係可以好大。

如果你經驗較淺，你用佢來計算現金流穏定，或者資產有固定年期的企業(好似西隧盈利)，係可以。

但若果你想計一些波動性較大，增長力較高的股票，我建議你先用其他估值方法，會較為穏陣。

2) 假如你初步估值得出，合理區係 $100-$200。

你就用佢2者的差額，即$100。再去比對估值中最高價位，即係$200。

以100/200，得出結果係50%。由於合理價格範圍，高於20%，所以你就不用在初步估值上加入緩衝區。

但假若今次，你初步估值得出，合理區係 $100-$110。

以10/110，得出結果係9%，少於我們要求。因此，你要在初步估值上，加入10%緩衝區。

最終估值，會變成$90 - $121。

其實你要明白這個加緩衝區的原理，是希望股價能更有效反映合理區，你不要公式化去用。

3) 其實港交所，一直都係獨市經驗，你用佢過往PE作參考，已經可以。

因為當中已經反映其獨市優勢，不用作調整。

至於所謂的調高多少%，其實是當比較該企業及行業市盈率時，若然這企業是龍頭，若果以行業市盈率作基礎，就有可能調高，但調高多少%，無絕對的，因為最重要是衡量該企業比行業有多強。

4a + b) 我地算增長率，唔係單單用個平均數，而係用過往多年的增長，去計一個每年平衡增長率。

由2016年至2020年，每股盈利大致上升92%。

年度化增長率︰約為+18%
有代表性的EPS= $8.23
合理PE = 34.18x to 42.75x
合理估值︰$281 - $352
由於合理區範圍只有20%，故再加10%緩衝區，估值變成︰$253 - $387

當然有代表的EPS，我用增長率18%，當我地運用時，要理性地分析，往後是否能增長18%，我地不能公式化運用，要明白每一個數字背後所代表的意義。而從18%推算出來的有代表性的EPS= $8.23，由於能有效反映近年的盈利情況，因此，我相信這數字有一定的代表性。

4c) 你都可以參考大行預測，但最好用多間大行的平均數。之後，你可以用佢結果，再更你計算結果，取一個平均數，去作為有代表性的EPS，都係可以。

4d) 以你上述例子，(322-258)/322 x 100% =20%才是正確計法。

5) 由於公用股，主要企業價值，都可以反映在會計資產上。因此，可以用市賬率，作為計算中電(0002)這類公用股平貴指標。

我相信你見到公用股佢PB去到10倍以上，是找錯左數字，你見到的數字，應該不是PB。

------------------------------------------------

Q21302：

龔老師 請教下，0548已過除淨日，係未再回落D再入好D呢

龔成老師︰

首先，你可能對派息運作，有點誤解。好多散戶都會覺得，「除淨日」後會跌，那時候買入就最抵。

其實，這個想法係不正確。

「除淨日」，其實就是用來確認那些股東收到這權益的日子。等到「除淨日」當天才買，派息就唔會有你份。

「除淨日」那天，股價就會扣除派息部份，例如原來股價$10，派息$1。那麼「除淨日」就會將股價，從$10下調至$9，以反映派息動作。

而「派息日」，就係這班合資格股東，正式收到股息的日子。

由於「除淨日」股價會下跌。而下跌比重同收到息係一樣，所以只係左手交右手動作。作為投資者，你唔會在此期間前後，去做買/沽貨，而出現任何著數。

所以，「除淨日」只係一個用來扣除派息權益的日子，與你是否投資一隻股票，係絕對無關。

深圳高速公路股份（0548）有質素的，這股持有不少有質素的資產，現金流穩定，不過增長力不強。

這股有長線投資價值，收息可以，但就不要對股價有太大期望。現價合理。

------------------------------------------------

Q21303：

你好阿sir，我已睇左三本你既書，分別係選股、股票同年報勝經

本人都對金錢系統同時間值有概念，識捕捉市場恐慌同熱市同有明確目標6年要有100萬

目前進度用左15個月18萬貨，4萬現金，問銀行借左平loan 10萬等恐慌入市機會

但睇完三本書始終吾識做估值衡量股票平貴

一般既市盈率同現金流折現法都明白，但吾識衡量股票平貴同搵潛力股
求指點

龔成老師：

對，保持閱讀與進步，長遠來說，你的知識一定同財富成正比。

至於借貸投資，則是有危有機，雖然利息不高，但你都要明白，這動作有風險的。我一般較建議「有明顯機會才動用「借」這個最後動用的「皇牌」，在一般情況，不太建議為借而借。

如果你現時已經借了資金，就可以等大跌市時，好好把握機會，但唔好心急動用，寧願輸利息，都唔好心急投資。

要計企業的價值，過程比較複雜，好難三言兩語就講到，就算在我的股票班，都要講5小時，裡面會講3種估值方法，有難有易，但同學都用到的。

簡單來說，你要考慮企業的生意、盈利、現金流、資產、負債等財務數據，同時要比較行業，考慮這企業的經營情況，之後的環境又會如何。這都是計算的基礎。

例如，我地會考慮佢有多少生意，有多少盈利、現金流，有多少資產，從而計算該業務值多少錢，同時會推算將來的盈利情況，去推算這企業長遠的價值。

如果要深入計算，基本上要好仔細的研究企業，要分析好多財務數據用比率，先至有較完整的答案。

------------------------------------------------

Q21304：

老師你好呀！
請問你點睇1358同2899呀？謝謝你

同埋358

龔成老師：

普華和順（1358）主要於中國開發、製造及銷售再生醫用生物材料產品；輸液器產品；以及骨科植入物產品。

本身業務有點波動，同時未見有好大獨特性與規模，整體的投資價值未算好高。

佢派特別股息後，股價除淨大跌，而派特別股息令佢現金減少，整體企業發展力不強。整體的投資價值唔高。

紫金礦業（2899）佢主要從事黃金及其他礦產資源的勘探、採礦、生產、冶煉及銷售。

但你要留意番，雖然這類資源股雖有投資價值，但只算中等。

原因是這樣，資源本身有一定的價值，但盈利始終受國際黃金價格影響，本質上會較為被動，無乜價格自主能力，同時產品無差異性，是典型的商品企業。這類企業都有一定的投資價值，但就不會太高。

江西銅業股份（0358）係中國一家綜合性銅生產企業，主要業務範圍為於江西省東北部經營銅采礦、選礦、熔煉與精煉以生產陰極銅、銅杆線及副產品，包括硫精礦、硫酸及電解金和銀以及稀散金屬，如鉬精礦。

佢亦會為客戶根據來料提供熔煉和精煉的加工服務。

就過往的業務情況來分析，這股不過不失，盈利較為波動，反映無乜產品價格自主的能力，長遠企業價值增長只是一般。

這股不是劣質，但都不是高質，相信股價長遠未必有明顯上升，只是較普通的企業，投資價值只是一般。

------------------------------------------------

Q21305：

老師，目前只有以下的股:
939@4000,
968@2000,
1177@2000,
1810@1000.
1257@2000

想問1257和956邊隻較好，
睇左老師的書，想入

1317或1569两者選一，
1448，1830，1928，696，1458，老師可以比d建議應該咩組合較好

另外，也想問下老師如何評價558，我見佢都升得多，
謝謝你抽空睇我的留言

龔成老師：

現時持有的組合，基本上都是有質素的股，長線持有無問題，但要留意，當中持有的小米（1810）、信義光能（0968）、中生（1177）都是潛力股類別，這些都是可長線投資，但都不能過度集中在潛力股。所以當你日後增加潛力股時，要留意翻比例及上限。

新天綠色能源（0956）本質不差，值博率會高少少，有一定的增長力，但由於都有一定的負債，考慮到風險因素，現價只是合理區，未算平。

你投資都可以，分注無問題，但由於這企業規模比較細，加上有行業風險，因此唔建議太大注。

至於教育股，可考慮楓葉教育（1317）。

至於另外的5間，都是有質素的，如果想收息及平穩增長，可考慮金沙（1928），如果想潛力，可考慮褔壽園（1448）、必瘦站（1830）（當然這兩股回翻少少就較有值博率）。

------------------------------------------------

Q21306：

老師您好，請問一下必瘦站1830，您如何分析及看好的原因，希望能夠詳細地瞭解一下您的看法。非常感謝您！

龔成老師：

必瘦站（1830）長遠有發展，本身有一定的質素。

睇翻之前的疫情，佢身處的行業受影響，但佢的現金流及財務數據都唔算差，這點可以想象到，當正常的經營環境，佢的生意一定唔錯。

加上佢的野心愈來愈大，本身有一定的技術，同時不斷將香港的業務模式複製到其他海外地區，我見佢加強了發展其他地方，因此發展不差。

這股有長線投資價值。

這股我自己都有貨，都是長期睇翻，見佢之前的發展一直唔差，加上疫情仍有錢賺，這是加分的地方，你可以推算到，當經濟正常翻，佢的生意一定會唔錯。但近期升了好多，已貴，最好回少少先小注，大跌先正式買入，會較穩陣。

------------------------------------------------

Q21307：

老師我剛開始月供股票，2800 $2000，823/2388各$1500，現在有2個小朋友約10歲，我想將佢地既利是錢用黎買股票希望在佢地成年時已有一筆唔少既錢比佢地繼續投資

如果我用佢地既錢用晒黎買3067長線可以嗎？還是有其他穩陣長線部署？

自己持有
8000 股 1313 $9.34
2000股 358 $16.76
可長線持有嗎？

龔成老師：

你現你月供的盈富（2800）、領展（0823）、中銀（2388），都是有質素的，都可以長期進行。

至於現時持有的股票，華潤水泥控股（1313）本身有質素的，不過業務就較有波動，佢過往的盈利數據上落都大，因此股價的變大亦會較大。

佢之前公布的中期業績，業務有回落情況。長遠計，房屋、基建發展等因素，都會利好水泥股。因此長遠是正面，你長線持有就得。

至於江西銅業股份（0358）係中國一家綜合性銅生產企業，主要業務範圍為於江西省東北部經營銅采礦、選礦、熔煉與精煉以生產陰極銅、銅杆線及副產品，包括硫精礦、硫酸及電解金和銀以及稀散金屬，如鉬精礦。

佢亦會為客戶根據來料提供熔煉和精煉的加工服務。

就過往的業務情況來分析，這股不過不失，盈利較為波動，反映無乜產品價格自主的能力，長遠企業價值增長只是一般。

這股不是劣質，但都不是高質，相信股價長遠未必有明顯上升，只是較普通的企業，投資價值只是一般。因此不建議持有太多貨。

至於你小朋友，集中投資恆生科指（3067）不是不可，但就始終有少少風險，要睇你地的風險承受能力。這是一個潛力股基金，當中都是潛力股，回報高，風險大。從你小朋友長線投資角度，不是不可，但就要明白這動作的風險，如果承受風險能力不高，就只宜部分投資這基金，不能全部。

------------------------------------------------

Q21308：

你好，想問下﹐我用個個估值方法對於某d股會偏差好大。

好似我用來計1177﹐佢收入一時可以增長40%﹐一時又得16%﹐今年仲下跌左﹐變相好難預計以後增長幾多%

龔成老師：

當我地進行企業分析，以及進行估值時，最重要是找一些核心因素。

例如你見佢有時收入增長較多，有時就較少，而我地會著重佢長期的收入增長是多少，而不是一年半年。

同時，你不能只公式化去運用，你要懂得將財務數據「意義化」，你要解釋翻，點解佢該年會增長較多，而另一年增長少，當時的大環境怎樣，而將來的大環境發展又會怎樣，從而推算將來的收入及財務數據情況。

因此，你要利用對企業「核心」，及「長期」的因素作為分析點。

------------------------------------------------

Q21309：

龔成老師，如果3067咩價位入比較適合？

175，2600現價可入？

龔成老師：

安碩恒生科技（3067），有長線投資價值。

這基金追蹤恆生科技指數之表現，而恆生科技指數，都是一些有質素的潛力股，例如阿里（9988）、騰訊（0700）、小米（1810）、美團（3690）等的新經濟類公司，長遠有潛力。所以有長線持有價值。由於基金有30隻股票，比起單一股票，風險能減低。

不過，現價都唔平，大約在合理區頂至略貴，因此，這刻不能大注投資。最好的策略，就是月供，或自行分注小注慢慢收貨（例如每月買一次、或2個月買一次），總之慢慢入，不能用盡現金，原理如同不斷儲貨，這樣就能平均買入價，減少風險。然後就長線持有。

吉利（0175）業績弱將會對股價短期不利，企業價值都有少少影響，不過最重要睇翻長遠價值，吉利（0175）本身的質素不差，擁有一定的銷售網絡及品牌，不錯的市場策略及定位，而又能把握中國汽車市場增長的機遇。

長遠來講，佢的品牌與發展在中國仍理想，2018年，吉利透過旗下海外企業，動用超過$500億人民幣收購戴姆勒股份公司9.69%股份。由于戴姆勒股權結構分散，所以吉利已經成為了戴姆勒集團最大單一股東。這不單有利佢有中國發展，同時長遠，可能加快了海外發展速度。

另外，佢未必發展自己的電動車品牌，但會發展當中的技術，相信在合作及自身價值上，長遠仍是正面的。

現時價位在合理區中上部至頂位，股價波動，有貨可長線。如果現價入貨，小注都得。

中國鋁業（2600）主要從事鋁土礦、煤炭等資源勘探開採；氧化鋁、原鋁和鋁合金產品生產、銷售、技術研發；國際貿易；物流產業，火力及新能源發電業務。

過往的業務與盈利都較波動，反映企業較受外圍價格影響，產品價格自主能力較弱。

質素算中等，現價合理，但又唔算吸引，投資價值只是一般。

------------------------------------------------

Q21310：

啊Sir，多謝你之前回覆，之前請教過你後已減持左一半煤氣轉到9988，同時亦投入左一部分係3067。以下係小弟現時既倉。

想問以下問題:
1. 餘下的煤氣應在那個價位完全減持？

2. 鐵塔長期表現不佳，我應否轉股？如果轉的話那個價位開始減持和轉那一隻股票？

3. 小米和阿里，暫時是我第二、三大持倉，我應在那價位再增持？

4. 福壽園和舜宇光學我非常看好，應在那價位增持？我看福壽園最新業績理想，合理區會由$7上升多少呢？

5. 3067,我在$19.51入市，應該算略貴，我應該如何是好？和在那價位再增加呢？

麻煩晒啊sir

優質股:
1. 煤氣x3,000@$14.5,
2. 銀娛x1,000@$52.25
3. 港鐵x3,204@$38.93
4. 領展x2,137@$62.83
5. 金沙x5,322@$28.78
6. 盈富x2,[email protected]

-潛力股
1. 鐵塔x90,[email protected]
2. 小米x5,400@$25.89
3. 舜宇x500@$129.8
4. 雅生活x3,250@$31.92
5. 中生製藥x12,[email protected]
6. 福壽園x6,000@$7.67, 4.96%
7. 阿里巴巴[email protected]
8. 3067x3,700@$19.51

龔成老師：

1）煤氣（0003）不是無質素的，因此你餘下的貨，持有都無問題。

除非你好想集中資金在潛力股，但其實我又不太建議。

2）中國鐵塔（0788）不是無質素的。始終中國的3大電訊巨頭，都是佢的主要客戶，以及大股東，當5G發展，佢一定會受惠，因此前景仍然正面。

佢現時的收入都增長，盈利都保持向上，但增長比之前略減，加上股本回報率不高，是這股較弱的地方。若分析佢市盈率，會見到現時仍然處較高水平，反映佢雖然股價回落左唔少，但仍然未到平。

這股算是合理價。

這股長遠仍算有發展力，可長線。不過，潛力度比過往略減。

其實只要你持貨不過多，就無問題，如果你較擔心，就賣部分轉其他較有增長力的。

3）如果已經佔有一定的比例，就唔好心急，其實一隻股佔股票組合15%已經是上限，你可以考慮翻這個因素。

同時當你已經持有一定的比例，就更加不要心急加注，小米（1810）最好落翻2成以上，而阿里（9988）就落翻1成以上，先考慮加注。

4）這兩股都是有質素的，但經常都唔平，其實你可以考慮月供。如果你本身有貨，可考慮跌翻1成以上加注。

5）你預恆生科指ETF（3067）合理區頂約在$16/$17，如果低過這價，你又資金足，其實可以慢慢分注買入，以長期儲貨的模式進行。

------------------------------------------------

Q21311：

老師你好！之前因為要買樓俾首期所以將所有股票都賣晒，而家要重新建立股票組合，想再請教一下老師。

三十歲，穩定職業，月入大約十萬，扣除供樓及生活雜費後，每月大概有三萬元剩，打算每月投放兩萬蚊於股票投資，一萬作儲蓄，另外現金有30餘萬打算放入投資市場。

暫時自己選擇了
穩健的包括：

- 美股ETF: VOO

- 創科實業

潛力股包括：
- 小米
- 金沙中國
- 金界控股
- 必瘦站
- 舜宇光學
- 福耀玻璃
- 阿里巴巴

想請問一下老師我的選股是否正確，比例就應該怎樣分配？多謝老師，祝生活美滿！

龔成老師：

基本上，方向正確。

你剛買完樓，可以重新配置個整個財富組合，由於已置業，在之後的配置上，考慮以股票作為增值，是可以的，亦是較平衡的做法。

你所選的都是有質素的股票，都可以考慮，以你30歲的年齡，基本上是適合的，如果你本身有一定的投資實力，潛力股可以去到60%，如果投資實力一般，就大約30%已足夠，你可以睇翻自己的實力及風險承受程度去配置。

$20000作投資（可以利用月供或分注），以及$10000儲蓄，方向正確。

至於現金$30萬，以現時的投資市場平貴，你動用一半資金，以分注模式買股票，可以的。餘下就留現金，去等機會。

至於上述股票，無問題，VOO是ETF，佔比多少少都得，至於其他，就投資適當的比例。

要留意福耀玻璃（3606）、必瘦站（1830）、創科（0669）、舜宇光學（2382）現價唔算平，投資時要控制注碼或回少少先考慮。

------------------------------------------------

Q21312：

阿Sir！好開心我睇完你本書買左1211同1830，都係短時間升左好多

所以1211我無忍得住5手放左2手，不過已經攞返本金。必瘦站就吸收左經驗，無放到，但又後悔無買多啲

我呢種心態係未唔係幾好要改？

另外正題
我股票有

1830,13638股
1211,1500股
0066,1039股
1928,400股
823,213股

全部都係大跌嘅時候買，
所以以家全部都係賺，
但係而家有一個問題，
我唔知可以再買咩

因為好多都唔平，
但係我又唔想月供，
係咪一年只係等一次機會入，
儲多啲錢先？

龔成老師：

比亞迪（1211）同必瘦站（1830）都有質素，同時長遠有發展力的，你餘下的貨，可長線持有。

至於心態，我地永遠無得後悔，投資好需要你理性，因此你平常心就得。

其實，你現時持有的，都是有質素的股票，你持有就得，唔需要太著重當時買入價。

因為最重要不是睇「賺蝕」，不是睇「買入價」，而是睇質素。質素不好，增長力弱，就有可能賣出，蝕都要賣。

你要分析「之後的組合情況」，不是過去，是將來。應該持有那些優質股，比例如何，能為你帶來怎樣的長期財富。

你要分析你的投資目標，你想潛力股的比例多少？平穩股的比例多少？組合風險程度如果？

即是你想設計一個怎樣的投資組合？長期、優質、平衡、適合你。

至於你唔知可以再買咩，其實，投資不要心急，不要為買而買，要有機會才買，現時大市在合理區，如果部分較貴的股票，就不要心急入貨，但有部分股，其實現價仍可考慮，當然，你要有一定的資金留低，而不是用盡現金，因為以現時的整個大市平貴狀況，你留翻3-5成現金，其實都可以的。

如果你現金較多，可以考慮一些合理，平穩增長股，例如：考慮盈富（2800）。

另外再加：銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

如果不想月供，就分注進行。

但要記住，留部分現金，等機會，都是重要的。

------------------------------------------------

Q21313：

Hi, 你好. 有個關於轉工嘅小問題想請教下你

之前有間公司, 經agent幾年前問過我有冇興趣一個post, 跟住我話冇興趣, 幾個月前同一個 agent 搵我去interview 同一間公司 一個post,

佢請咗我同事, 佢係 restructure 要攞package嘅人, 跟住依家有另一個 post open, 同我而家做緊嘅嘢差唔多, 星期五agent叫咗我去interview, 星期六朝早收到offer,

佢減咗我3k人工, 大約有 50% 人工升幅, ~10k, 現在我在這間公司做了11年, 工作環境, 老細, 同事不錯, 只係沒有什麼升職機會, 想請教下你的意見, 萬分感謝

因為我公司將會有restructure, 大約5-7月才知道, 請問我應該推掉 offer, 等restructure之後才找工作( 如果真是被裁員), 其實我現在的工作也挺穩定的, 未必會被裁員,

現時3X 歲. Thanks a lot

現時人工30k

龔成老師︰

你可以多從「長期」視點去分析，就工作來說，無論做那份工作，我地的主要目的都是薪金，以及興趣。

你可以想想，10年後你希望自己的薪金如何，職位是甚麼，當你有左這個大方向，就知道這一刻的情況。

因為2份工作表面上，工作內容係一樣。但當中可以學習，進升等機會，相信會有所不同。

你已在現在公司做了11年，應該會了解，5年後、10年後、甚至20年後，你發展會係點。而這個結果，是不是你想要的?

正如你所講，現職地方無乜升職機會。若果你目標係更上一層樓，咁你就要諗下現時工作環境是否真的適合。

如果不適合，我建議你可以考慮一個新環境，試一試。

當然，此前你都可以問下你轉左新公司的同事，了解一下這公司的情況，去再作衡量。

至於裁員會係一個風險，但唔係而一刻你決定去或留的主要理由。更重要係睇長線發展，邊一間先會更大機會發展到你心目中的目標。

------------------------------------------------

Q21314：

龔成老師您好，小弟對派息基金有疑問想請教下您。

留意到XXX有一種叫每月派息兩次既基金計劃，佢嘅做法係首先喺月頭買入一隻係月中派息的基金，等到佢除淨之後，就將舊錢轉落另一隻月尾會派息嘅基金度，

咁就變相一嚿錢同一個月收兩次息。我明白個本金，會因為要派息而下降， 但我留意到佢基金價格都尚算穩定，10年來只係緩慢下降，過往紀錄派息記錄好穩定。

就算基金價格慢慢下跌，但收到既利息係扣除基金價格下降後仍然有利潤 。計劃提及會有每月10%利息。

Btw我留意到XXX有同樣嘅做法，佢自稱一個月可以最多轉四次，但要喺操作上邊好完美先做到。

XXX動力亞洲高收益債券基金
XXX基金 - 亞洲高收益基金

龔成老師︰

首先，你要先了解，到底收息資產，是否適合你自己。

當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

因此，若你係年青至中年人士，而一刻應先集中財富增值，收息產品並不適合你。相反，你已近退休之年，又或者你係好保守架投資者，將資金投資在收息資產，係可以。

債券和派息基金，這其實只是「產品」，物業、優質股是「資產」，所以從財富本質上，我地應較集中持有「資產」，才對我地最有利(你可以睇睇《財務自由行》一書，我從財富本質上，講述了當中原理)。同時，現時息口低，但未來有機會重回加息週期，債券未必是最好的投資工具。

至於債券基金，坊間分好多種，你要小心睇，因為有d風險低，無乜問題，有d則有潛在的風險，絕對不是保本的產品，有機會出現了「賺息蝕價」的情況。

第一，有些基券基金，會投資「高收益債券」，即是「垃圾債券」，你一定要睇睇佢所佔的比率。

第二，債券基金往往不是單純地持有債券，而是可以作買賣，以及利用衍生工具作對沖等策略，即是可能有價格上的波動。

第三，不少銀行都會提供借貸，以槓杆去放大回報，以平息借貸去賺取息差。低息環境時間題不大，但進入加息週期，不止借貸成本增加，同時債券價格往往在加息期下跌，雙從打擊下，投資價值成疑。當然，若然加息步伐不快，息差利潤就可觀。

我不是說債券基金有問題，只是說明當中的風險，因為市面上的基券基金好多，你要仔細分析。

你以所以提及的，都是收息類產品。XXX派息基金計劃，派息係吸引。但你要留意翻是否全數為「保證部份」，還是會有波動。

而「XXX動力亞洲高收益債券基金」和 「XXX基金 - 亞洲高收益基金 」 ，主要都係投資一些「未達投資級別的高收益證券」。

這類所謂「高收益債券」，即是「垃圾債券」，風險唔細。

唔係話唔可以投資，但你要明白當中有一定風險，而非一個穏陣的收息選擇。

------------------------------------------------

Q21315：

龔成老師，你好!我現時剛出來工作，為專業人士，工作穩定，月入三萬，每月可儲2萬，現暫定每月固定存1萬去股票戶口。暫定來年會用16萬去進修，目標是30歲時買到700萬的樓。

上年開始接觸股票，現時股票戶口有 27萬，分別為
港股 15.6萬
美股 6.7萬
現金 4.8萬

另外有銀行有5萬存款、2萬 ibond及10萬定期 (4月到期)

以下為港股詳情
1. 9988 X 300 平均價:257.3333
2. 00001 X 500平均價:57.6
3. 1093 X 2000平均價:8.5
4. 00003 X 1050平均價:13.7524
5. 3319 X 250平均價:30

6. 6618 X 50平均價:146.
7. 3067 X 300平均價:17.2333
8. 1317 X2000平均價:2.3
9. 3033 X200平均價:8.675
10. 3313 X 20000平均價: 0.1515

問題1: 我打算等3313回去比較高位置就賣出，這做法可以? 除了3313外，想問問上述組合有甚麼需要改進的地方? 我需要多增加潛力股，還是增持現有個股(3319/1093)，或增加現金?

問題2: 9988 佔倉好像比較多，但之後有機會波動，我應趁低吸納，還是維持現狀，甚或賣出一手?

問題3: 想問問我的買樓目標會不會太難達成? 我又可以以甚麼方式加快達成目標?

問題4: 想問問 1523 珩灣科技是否優質股? 因為其ROE在30%升至40多%、EPS、及派息都長期穩定增長，現時PE在15左右，亦不算太高

加上5G時代對其SD-WAN路由器銷售應該起剌激作用，初步分析正面。可是，由於沒有太多大行研究報告，所以不太肯定其預測盈利。

如果是優質股，同時想問問其合理價。

問題5: 想問問6186 中國飛鶴是否優質股? 因為其ROE在這4年都維持在40多%，且5年間淨利率增幅(10.91%  40%) 顯著高於毛利率增幅(54.61%  72.5%)，反映公司有效降低成本及定價。

如果是優質股，同時想問問其合理價。

問題6: 想問問1297中國擎天軟件是否優質股? 初步分析: ROE平均有20%; EPS穩定增長，而2020年度更是有100%增長;

流動、速動比率持續有6以上，反映公司現金流動性甚高; 公司業務(退稅軟件)具低成本，高獲利性，且沒有太多競爭者。

如果是優質股，同時想問問其合理價。

感謝你的回應。

龔成老師︰

1) 雅高控股（3313）主要從事大理石開採、加工、貿易、銷售、商品貿易及貨運、倉儲和物流業務。

公司市值不高，盈利十分波動，質素不佳。企業不斷虧損，無乜投資價值，賣出這股較好。你唔好預佢會升翻好多，因為佢投資價值好低。如果你唔想一次過沽晒，你可以分注咁出都可以。

你才剛踏入社會，算係年青一群。投資上，可以較為進取，以「平穏增長股」 + 「潛力股」作目標，比重大約各佔一半。

ibond和定期這類收息產品，增長力好有限，唔建議用。

至於組合上，你而家太偏重左係潛力股，佢雖然有增長潛力，同時風險都較高，不宜持有過多。

未來時間，你要加大翻平穏增長股部份，令組合更平衡。

平穏增長股：金沙（1928）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）、長建(1038)

2) 阿里巴巴(9988)成個組合近3成，明顯偏高，有過集中性風險。緊記，相同行業不可佔組合多於3成，而單一企業不要高過15%。

就算佢跌，你都唔好再加注住。到你組合平衡翻，你先再作考慮。

3) 大市過去年平均回報10%計（連股息再投資），你每月投資$20000再加上你現有定期、資金和持股等(約值45萬)，5年後大約會增值至250萬。

相信這筆資金，足夠幫助你置業。

4) 珩灣科技（1523）過往的增長不錯，相信長遠有發展，但公司好細間，一年盈利只有不足美金$1500萬，風險較高，現時估值算是合理，都有潛力的。

若你想投資，可以好小注博下。

5) 中國飛鶴（6186）不差的。

佢係中國從事生產及銷售乳製品，以及銷售營養補充劑，以生產嬰幼兒配方奶粉產品為主，當中可分為高端嬰幼兒配方奶粉及普通嬰幼兒配方奶粉兩大類別。

產品有一定的品牌與市場，同時過往的增長力理想，長遠有前景。

比較大的問題是估值，近期經常在合理區中上部至略貴的水平，股價有時投資值博率不足，因此要注意風險。長線投資可以，但就要控制注碼。

6) 中國擎天軟件（1297）本質不差的，市場擔心佢之後的增長動力減慢，因此估值上認為佢會較低，但如果佢能保持這增長，其實現時的股價有吸引力的。

這股的其中風險，就是規模較細，以及行業存有風險。現價其實有投資價值，但就唔建議太過大注。

------------------------------------------------

Q21316：

你好，龔sir ~ 我是在上月開始閱讀「80後百萬富翁」及 「大富翁置富藍圖」。我很後悔現在（30多歲）才閱讀你的書籍，浪費了很多時間。

我現在剛踏入股票巿場，想你幫忙分析一下組合是否合理？

周大富 20% $11入
盈富 25% $29入
海螺創業 33% $36入
太古地產 8% $24入
新鴻基公司 8% $4入
3067 ： 3% $17入

現在有2000是供基金（最少要多供2年，不算之後也會月供），月供$4000 （供2800，1929及 0586）。

另外，手頭有6萬現金，因要讀書。我應該先投資在股票巿場，都要交學費才換回現金，還是先保留？

最後，近來中國都在研究氫能量，請問你對1907 旭陽集團的前景有何看法？我比較擔心佢負債情況，但佢是行業龍頭，加上同地方政府有不同合作，也很吸引。

不好意思，一下子問你這麼多問題，希望你能騰出一點時間回應我的疑問。謝謝

龔成老師︰

你現時持有和月供的股票，都係有質素，適合你這年紀。但緊記個別企業，唔好佔組合15%以上，否則會有過度集中風險。

你周大福(1929)海螺創業（0586）明顯有這個問題，所以你月供可以先用另一隻股票代替。而現貨可持有，唔洗沽出，用新資金去慢慢平衡翻個組合，咁就可以了。

而盈富(2800)雖然超過15%，但由於佢係一籃子股票，而非單一企業，所以比重上係無限制。另外，恆生科指ETF（3067）反而你加翻少少比重都可以，但當然不是一次過加，只是這類ETF，組合佔多少少都無問題。

至於手上6萬現金，如果你1,2年內就要用來讀書，我就唔建議你投資了。因為時間太短，回報不確定性會好高。

中國旭陽（1907）無特別分析，只見之前有些報導。

佢之前公布，澄清最近涉及其於河北省定州市及內蒙古的氫能項目的若干媒體新聞報道，指定州項目試產，並擬於呼和浩特市建加氫站。

該集團指，有關於定州經濟開發區河北旭陽新能源產業園內建設運營氫氣儲運和建加氫站，有關生產基地去年7月開始試產，探索區內在氫能存儲、運輸和燃料相關電池布局機會，開拓京津冀市場等。

至於去年，該集團合營企業與呼和浩特清水河縣政府簽訂另一項氫氣項目框架協議，合作於清水河縣開展氫氣開發項目。

與定州項目相似，該集團將負責於清水河縣進行氫能生產、運輸和建設加氫站，把該市發展為華北地區氫能輸出基地。

只可以話有風險有回報的類別，如真的想投資，一定要控制好注碼。

------------------------------------------------

Q21317：

老師你好，本人24歲，扣除家用每月儲蓄約$15,000(自己較少開支和娛樂)，現金約有$100,000。

目標是28歲前置業，但預計現時置業需$400-$500萬或以上，不知這目標是否在能力和資金範圍內，所以想請教你的投資方向和意見。

股票如下：
0003 11.5，10,000股
2382 175，100股

另外，想問繼續買0003，還是賣出？定轉移集中買其他潛力股如舜如丶中生或小米。謝謝。

龔成老師：

你有4年時間準備，都可以利用投資，去適當利用股票去進行財富增值，到你準備買樓前的一年，就要將股票分段賣出，準備所需的資金。

你可以投資「平穩增長股」，加上小量「潛力股」為組合，助你幾年內財富增值。

煤氣（0003）增長力不強，你不宜持有太多，建議減部分，但留部分是無問題的。

另外，舜宇（2382）、中生（1177）、小米（1810）都是適合你的，都是有潛力的股。不過，你不能只集中在潛力股。

你現時的現金，可以動用$5萬，分注投資。

至於每月儲到的$15000，初期可月$10000去做月供或分注，到後期，就要慢慢減金額。

------------------------------------------------

Q21318：

hello 啊Sir
想問問

#2318 中國平安
#2518 汽車之家
#388 港交所

呢3隻長期持有可以嗎？
合理價大概係幾多？
謝

龔成老師：

中國平安（2318）有質素的，佢有規模，有品牌，近年的發展都不差，不過，股價有時會有少少波動，這主要受投資市場表現影響。

這股有長線投資價值，是平穩增長型，分注投資都可以。

港交所（0388）絕對是優質股，獨市生意，加上香港的金融中心角色，這企業有長線投資價值。

多年來的生意與盈利都有理想增長，派息不差。

但要留意，由於這股的盈利會受股市成交影響，因此股價都會有影響。

這股雖然有質素，但近年成為市場焦點股，令佢經常處貴的水平。現價略貴，你預回1成較好。

這兩股都好有質素，你月供都得。

至於汽車之家（2518），都有質素的。

佢中國的汽車消費者在線服務平台。根據資料，以移動端日活躍用戶計，在汽車服務平台中排名第一。

透過旗下網站為汽車消費者提供全面、獨立及交互式的內容和工具並為汽車價值鏈的汽車製造商和經銷商提供全套服務。

根據資料，集團是最大的在線汽車廣告及線索服務供應商，就媒體服務及線索收入而言，於中國在線汽車垂直媒體廣告及線索市場中佔據的市場份額約3成。

佢收入源自媒體服務、線索服務及在線營銷及其他。

佢係2008年成立，最開始是一家內容型垂直媒體公司，專注於媒體服務。於 2016年，推出「4+1」戰略轉型方案，打造了一個囊括「車內容」、「車交易」、 「車金融」及「車生活」的平台，從內容型垂直公司轉型和升級為數據和技術驅動的汽車平台。

自2018年起，專注於用人工智能（AI）、大數據及雲技術（統稱ABC）開發全套智能產品和解決方案，透過提供跨價值鏈的端到端數據驅動產品和解決方案，構建一個連接汽車行業所有參與者的集成生態系統。

展望未來，計劃繼續利用「軟件即服務」（SaaS）能力連同核心AI、大數據及雲技術同時進行橫向和縱向擴張。

發展力是有的，但價位都唔算平，如果控制注碼，這股都可長線的。

------------------------------------------------

Q21319：

你好，想請教你，25歲，月入$25000，一直都是月光族
每個月要還卡數$7500（大約仲有1.5年）

但依家想改變，唔想再喺呢個循環，因為經常都會自責、內疚，依家想儲錢結婚、買樓，自覺好似得番好少時間，已經25歲

已報了你的投資班，希望學習投資知識，因為一直都無接觸理財、投資知識。

屋企人有買你的書，應該睇邊本先？

依家我打算先儲蓄、供月供股票，但係我應該供邊隻，同埋應該供幾多錢？仲有d咩可以做？
謝謝你！

之前只在中銀開左個股票戶口，我應該喺中銀做月供股票，定係有其他建議？謝謝你！

龔成老師：

過去的情況無得改變，自責無意義，你只要做好這刻就得，你現時25歲，只要行翻正確的方向，已經比好多同齡的人做得好。

現時，不要再增加卡數，如果卡數利息較高而又可以提高還款，就盡早處理。

之後，就要留有一定的現金，作為備用及等投資機會。

到餘下有資金，可以長期都不動用的，就可以做長線投資。

你25歲，財富有增長力，可投資「平穩增長股」+「潛力股」，在你知識未算高時，潛力股不用太多。

暫時，你可考慮一些ETF，如盈富（2800）以及恆生科指ETF（3067），至於個股，我會建議你上完堂後，先正式加入。

另外，現時大市波動，唔好用盡現金投資。

投資不用急於一時，這是一個長期的策略，所以好多野都可以等你上堂先進行配置。

------------------------------------------------

Q21320：

本人在銀行工作，part-time 要徵詢公司的同意，是不可能的事，但轉工是一個可行方案。不過，本人在這間公司任職，倘餘幾個月，快將7年了！

如果工作屆滿10年， MPF （僱主voluntary 部份）可以拿到100% 。現在要離開公司的話，損失40%, 大概都有幾十萬，唔捨得！

距離屆滿10年，尚有3年多，現在打算好好裝備自己。

老師，我明白在股票投資組合裏要取得平衡，投資增長力較強的股票的同時，亦要投資平穩增長股。

請問如果用7年的時間分別投資平穩增長股及增長力較強的股票，平均7年回報的差距有多大？

龔成老師：

其實我以前都做過銀行10年，我未過試用期，已經出現做兼職了，當然，銀行不會同意，佢地亦不會知。

這當然有風險，但有時做人，又唔好有太多限制思維。

但如果你不想做兼職，當然無問題，只要好好利用這幾年的時間，裝備好自己就得，因為我都睇得出，你的目標是起碼想做多3年，那你就好好利用這3年時間。

如果用7年時間，投資平穩增長股，我假設回報為8%，假設每月投資$10000，預期7年後滾存到$108萬。

如果用7年時間，投資平穩增長股，我假設回報為15%，假設每月投資$10000，預期7年後滾存到$130萬。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

【龔成問答信箱】（Q13821-Q13840）

Q13821：

你好，龔成，先打擾你一陣，之前睇到你兩段片 關於月入七萬理財個案 同回應讀者短片，有感想寫封短訊俾你作支持同鼓氣。

先作短短自我介紹，今年剛29歲 學歷中五畢業 會考零分，社會工作經驗約十年鬆d，工作收入約兩萬中（連租金收入約五萬），手持兩物業（一層已供滿）。

同家人同住所以兩物業每月都能正現金流收入，股票連現金約70萬，呢個係我簡短既背景自我簡介，詳細就不多講 不竟來意不是理財求助個案。

想講既係，我唔敢講我係你忠實粉絲 不竟我只係追蹤你專業約一年時間，亦都未曾上過你股票班，自有了dsd 後一直諗緊有咩投資係可以好似物業咁 可以隨時間價值能上升 亦可以每月似有租金收入。

一直股票都令到我卻步 因為身邊朋友 家人曾在股票市場損失過，但自從有次無意睇到你專業 「解釋何謂股票」就一直追睇你分享既短片。

例如你有時除咗分享股票知識，有些投資心理質素，思想睇法 我都列入我的最愛 方便間中提醒自己，然後我亦都買入你3本書，「大富翁致富藍圖」「80後2百萬富翁」「選股勝經」令我更加明白何謂股票。

原來除咗物業能夠享受價值上升 租金回報，股票亦可以，令我知道邊種投資工具適合自己。

身邊親密既朋友同我一樣都係低學歷，但有好多都月入十萬 已有物業 （透過開鋪做生意 網上生意 投資）等，我都明白你心情，你既分享原意想大家進步，如當初我購入第一物業時都有些朋友講「買黎做咩咁細過 大過準備結婚先買都未遲」「咁慳就係為層樓」等。

前排六合彩獎金好似有億幾（正確數字唔記得，因為甚少買）我都有問自己如果中左 我會點運用呢筆獎金，但坦白講，我都唔識，亦都無方向，所以我好認同你投資知識既重要。

話多了，只係想同你講聲加油，同多謝你一直既分享。

龔成老師：

多謝你的分享及鼓勵！

其實之前出左條片「25歲月入$7萬的理財個案」，引起唔少網友懷疑我老作個案，我都幾震驚！

因為，佢地覺得25歲可以賺到$7萬係無可能，但就我收到的不少個案，我認識的朋友，呢d情況根本唔係咩誇張事。

有時d野真的無得幫，你想拍條片鼓勵下大家，令大家有機會向上流，佢就會出現一些不良心態，認為自己做唔到，其他人都無可能。

其實我無野，不用擔心，我一向都是不理別人，只求做好自己的。我係果類完全唔受人影響的人，你見我唔會攻擊別人，我經常話「我只想做好自己」。

其實之前出左果條片，然後比部分無聊網友笑完後，我FB私訊收到大量的網友及讀者鼓勵，我就更清楚，我行的方向正確，而我一直發放正確的理財知識，一定有人中意，有人唔中意。

我唔會有所謂的，因為我知道，我會一直做我認為正確的事。大家加油！

------------------------------------------------

Q13822：

你好，想請教836 是否有質素，謝謝
另外，也很開心下午有星期六班

龔成老師：

華潤電力（0836）之前出左業績，雖然不差，但就比市場預期差（因為市場會一早預計佢業績情況），因此股價都有調整。

其實佢本質不差，業務穩定，但中期業續營業額有下跌，而盈利上升，只是由於公平值的變動，因上年公平值變動令上年盈利下跌好多。

相信佢中短期都會較弱，但現價其實處合理水平，加上佢仍有質素，不過，就不值得投資太過多。

係呀，終於搞星期六班，通常我一年都會開一次星期六班，所以每次都好快爆。如果你時間夾到，就快少少報，因為好快爆，同埋下次又唔知幾時。

------------------------------------------------

Q13823：

成哥想問之前見你提及過788中國鐵塔想問佢現在是合理價嗎?同埋是否有前景質素同潛力?

龔成老師：

中國鐵塔（0788）有質素的，這股本身有質素、有前景，中國的3大電訊巨頭，都是佢的主要客戶，以及大股東，當5G發展，佢一定會受惠，因此前景仍然正面。

佢現時的收入正不斷增長，盈利都保持向上，但股本回報率不高，是這股較弱的地方。

由於這股有發展力，如你有貨，可長線。

股價由高位回落不少，之前貴，這刻算是處合理區中上部。

如這刻買入，分注投資可以。

------------------------------------------------

Q13824：

你好啊Sir 我在高位持有的823 今天都要跌穿80 蚊！ 雖然我放長線而且我相信佢好有素數。

但我都很膽心繼跌落去，我應該如何做？
謝謝你！

龔成老師：

領展（0823）受香港的社會事件影響，中短期一定會較弱，但這只是中短期，你要從長期的角度出發。

你想想，3年、5年之後，如果香港一切已回到正常，佢又正常收租，這就會令股價去到正常水平，那麼，中短期股價影響，對於這個長期結果，根本無影響的。

所以，你要與習平常心面對中短期股價波動，多留意企業的長期發展。

暫時你唔好加注，你這刻最大要做的，是學習訓練心理質素。

------------------------------------------------

Q13825：

成哥，請問想幫媽媽賺少少利息，本金大約6萬，她完全不懂股票。

我幫佢買盈富？定領展好？收息的
或有其他建議？謝指教

龔成老師：

如果佢目的是收息，不如建立一個收息的組合。

目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、匯豐（0005）、置富（0778）、陽光（0435）都可以。

------------------------------------------------

Q13826：

Hi，誠哥！想問下恆指合理區間係幾多？現在算合理嗎？

請問李氏家族甘多隻股票，邊隻比較齣適宜月供？
謝謝

龔成老師：

你預恆指現時在合理區，要去到24000先開始叫平宜。

這刻其實都可以入，但策略上，就不會太大注，同時要留有一定的現金。

至於長和系，如果你想收息，可考慮港燈（2638），如果你想增值，可考慮長建（1038）。

雖然長建近年增長不強，但這企業近年仍不斷進行收購，中短期雖然仍會弱，其中一個原因是歐測增長弱。但長遠來說，佢仍有平穩增長的能力。

------------------------------------------------

Q13827：

你好，想問問師兄對保險有咩睇法？

龔成老師：

我地應該買保險的。保除在理財中，有一定的角色作用。

我地進行理財，是一個攻守兼備的過程，先做好防守的部分，例如留一定的備用現金，適當的保險，之後先可以集中力量做進攻。

保險的作用是將風險轉移，因此是好個人化的，你只要分析，那些風險是你不想面對，又或發生時會對你的財政有好大影響，那就要買保險。

人壽及危疾是較基本的。

至於保險公司的儲蓄計劃，如果你本身都有投資知識，就未必需要。

------------------------------------------------

Q13828：

你好啊！ 由於無投資經驗（未來會讀course） 想問問投資組合：
背景-
兩夫妻，年紀43-45歲，二人月薪共三十萬，現金有二百萬左右, 有兩層供緊的樓，自住用途。每月可儲8萬。 完全無股票投資（及經驗），工作忙碌，未必有太多時間管理投資。所以想查詢合適投資組合？

另，想退休後，有被動收入（兩人）有6 -8 萬（是不是有可能？太保守？）

而家開始密切留意緊：
- 大快活
- 維他奶
- 盈富
- 大家樂
- 中銀
- 新世界
- 阿里巴巴
- 南方A 50

感謝

龔成老師︰

我假設2位於60歲退休，由現時到退休之齡尚有15年。

我會建議你地先用平穏增長股去增值，你可以令用你每月儲蓄8萬去做月供股票，目標主要是平穏增長股︰盈富（2800）、金沙（1928）、恆基（0012）、中銀（2388）、港鐵（0066）、煤氣（0003）、港交所（388）、長建（1038）、粵海（0270）、領展（823）、深高速（0548）。

當然你想月供你上述所講的股票都可以，大快活（0052）和大家樂（0341）2間快餐連鎖店之間，我建議你選擇大快活。

至於現有200萬現金，由於現時大市在合理區，建議先用"分注"形式將一半資金放在平穏增長股上。其餘一半就等機會，當大市出現一定程度的下跌，就可以加大力度掃貨，然後長線投資。

以恆指年均回報10%（連股息再投資計），15年後未計你用200萬現金增值的部份，單是你月供組合已增值至約3000萬（假設你每月投資$8萬）。

到你退休之年將組合中股票轉為收息股，為自已提供穏定現金流。以股息率5%計，這3000萬已可以為你每月創造12.5萬現金流，達至你退休目標。

------------------------------------------------

Q13829：

老師 現時金$15萬 每月儲1萬 其中8千月供
港鐵1292股
盈富 1146股
中銀 985股
比亞迪 340股

想3年有一筆錢同女朋友買樓，但聽你講月供越長越好，咁我應該點取捨好?謝謝

龔成老師︰

你要明白投資股票等同投資企業，就算再優質，都需要時間去升值，而且中短期難免會有波動。你目標想在3年內有一筆錢，和女朋友作買樓之用。

先假設你買屋是有必要性，由於你有明確目標，而且3年時間唔長，你的月供組合唔可以太進取。

潛力股如比亞迪（1211），就未必適合你，反而應轉成收息股，如例如港燈（2638）、香港電訊（6823）、工行（1398）、匯豐（0005）、置富（0778）、陽光（0435）會更好。

至於15萬資金，你可以以分注形式買入收息股，部份去做定期，咁會比較合適。到往後，你再有資金才重新投放在你現時的月供組合，再用長線持有策略就可以。

------------------------------------------------

Q13830：

您好！龔成先生，我是買股票新手，之前買咗騰訊0700，在HKD418的時候買了2手，雖然唔多，但因為我唔係有很多資金。

所以想請問一下，我現時好唔好將佢蝕放，然後再買其他嚟回返本？？？定還是再放耐少少，等佢升返少少先放呢？？謝謝！

龔成老師︰

首先你要明白一個概念，我地持有一隻股票與否，關鍵位是企業質素、前景，不要被買入價影響。

買入價只是一個心理因素，如果企業核心因素未被影響，我地係唔需要理會。

騰訊（0700）正面的，我的《50優質潛力股》（新版），都將會加入這股，有長線持有價值。

但有一個問題是，就是騰訊會否佔你組合比重太多。就算一隻股票再優質，佔比太多都會造成過度集中風險。所以，如果騰訊佔了你整個組合資金大部份，我建議你賣出一手，轉到其他優質股上。

------------------------------------------------

Q13831：

你好老師，我是投資初哥，是個80後。剛看了你的影片，情況和我亦非常相似，也是有20多萬的積蓄和每月10000左右的儲蓄。

我想跟隨你所說買比較穩健的股票如盈富 港鐵 中銀等。但有個比較敏感的問題所以不便公開詢問。

因現在局勢，港鐵與中銀不斷被破壞，這會影響其穩健性嗎？還是不用擔心可繼續賺買? 希望能得到你的回覆。
謝謝老師。

龔成老師︰

其實我地買股票就如買企業，最重要係睇佢質素和長線發展，只要問題唔影響到佢核心，是中短期就不用理會。

近日社會問題，你見港鐵與中銀不斷被破壞，影響到佢日常營運。雖然中短期出現負面影響，但長遠優勢唔見有轉變。所以，此2隻股票依然優質，值得長線持有。

以你年紀計應以增值為主，現在你每月儲到的錢，可以5成去做月供，其餘先儲起，用一邊月供一邊儲蓄的策略。
月供方面，你可以選擇投資在平穏增長股︰盈富（2800）、金沙（1928）、恆基（0012）、中銀（2388）、港鐵（0066）、煤氣（0003）、港交所（388）、長建（1038）、粵海（0270）、領展（823）、深高速（0548）或潛力股︰比亞迪（1211），中生（1177）或福壽園（1448）等。

至於餘下的20萬現金，可以先用分注形式入一半市。其餘一半就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

------------------------------------------------

Q13832：

你好啊，想請教下。因為屋企人唔係好識投資，一直月供緊$3000 2823

屋企人依家64歲，有2000手2823。

1. 想問下其實係咪應該唔好再供呢隻，轉供其他？如果供其他，應該供咩好？

2.2823應該照擺住先定賣左佢會好啲？

龔成老師︰

1） 以你家人的64之齡，其實應該開始為退休做準備。安碩富時Ａ５０（2823）是一隻平穏增長型股票，對佢唔係太適合。

你家人現在應以創造現金流為主，透過穏定現金流，去支付佢退休後的日常開支。

你可以將月供組合轉為收息股類，目標是5%、6%的股息率的收息股，例如港燈（2638）、香港電訊（6823）、工行（1398）、匯豐（0005）、置富（0778）、陽光（0435）都可以。

2） 你應該將現有安碩A50轉至以上收息股

------------------------------------------------

Q13833：

龔成 你好，我是一名90後，工作了兩年，收入大約18k左右，沒有任何投資經驗 現在手持180k左右儲蓄，現時希望將手頭上的現金投資在股票市場，增值股收息股73比例。

本人現有兩女，開支較大，故儲蓄只有大約4000元一個月。你會如何建議我去作投資？

還有，現在是入市的時機嗎？謝謝

龔成老師︰

首先，我唔太建議你用"增值股收息股73比例"這個策略。

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

以你年紀計，應以增值為主。現在你每月儲到的錢，去月供股票，你可以選擇投資在平穏增長股︰盈富（2800）、金沙（1928）、恆基（0012）、中銀（2388）、港鐵（0066）、煤氣（0003）、港交所（388）、長建（1038）、粵海（0270）、領展（823）、深高速（0548）或潛力股︰比亞迪（1211），中生（1177）或福壽園（1448）等。

由於你沒有任何投資經驗，你可以將$4000全數分在盈富（2800），到你有一定知識才選其他股。

現時大市在合理區，你的180k現金可先將一半，以分注形式買入盈富（如每月買一手）。另一半就等機會，當大市出現一定程度的下跌，就可以大力掃貨，然後長線投資。

同時建議你多睇投資相關書籍、新聞、年報和上一些課程。本人【投資倍升股課程】適合初學者的，因為整個課程的設計都是針對初中階投資者的。

到你讀完整個課程後，你已能自己選股、投資、評估平貴，在投資上已掌握了一定的知識，對你長線投資回報會有幫助，詳情可以留意翻我FB。

------------------------------------------------

Q13834：

龔老師你好，本人27歲，現金資產只有30萬港元，月入2萬5！剛開始接觸股票～

係1079價位買入咗20股2840！想請教一下，係而家香港呢個時勢應如何投資

龔成老師︰

SPDR黃金ETF（2840），為交易所買賣基金，投資目標為反映ＬＢＭＡ黃金價格。我投資貴金屬的目的，是對沖巨大不利事件的風險，例如超級天災、第3次世界大戰等，這些機會發生的機率極少，因此只要投資少少貴金屬已足夠。

但由於我投資是由於上述因素，因此我不買金ETF，而會投資實貨。

至於現時市況我相信，中短期會對股市方面會有負面影響，但受影響程度，就要睇外國真正的走資金情況，當中還有都好多變數。

不過我相信，長遠資金唔會大走，始終香港都是有優勢，有錢賺的地方就有資金來。因此，我相信中短期有影響，但又唔需要過份地擔心。

投資策略方面，以你年紀應以增值為主。現在你每月儲到的錢可以去做月供，你可以選擇投資在平穏增長股︰盈富（2800）、金沙（1928）、恆基（0012）、中銀（2388）、港鐵（0066）、煤氣（0003）、港交所（388）、長建（1038）、粵海（0270）、領展（823）、深高速（0548）或潛力股︰比亞迪（1211），中生（1177）或福壽園（1448）等。

至於30萬港元，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

------------------------------------------------

Q13835：

你好，成哥，我平均價10.58買左希瑪眼科6000股，依加跌到4.88，我應該繼續渣，定係應該放左佢？感謝你回覆，睇左你個page獲益良多～

龔成老師︰

希瑪眼科（3309）主要於香港及中國內地提供眼科服務，及銷售視力輔助產品及醫藥產品。

集團一直積極尋求機會於中國擴展業務。除北京、深圳及香港外，本集團將於2019年透過收購眼科醫院於昆明及上海拓展服務網絡及在惠州設立一間新眼科醫院。

除了一線城市，集團也在昆明及惠州等二線城市拓展服務網絡。

此股2018年上市，至今不足2年。業務上，的確有吸引力的，不過，上市不耐令分析難，因為真實面要慢慢先見到，加上佢股價十分波動，估值困難。

如果佢佔你組合比重很小，你可以持有，因為這股不是全無發展，但你要明白當中的風險。

------------------------------------------------

Q13836：

老師你好，暫時睇左（80後百萬富翁1，2，3） （財務自由行），真系覺得獲益良多，亦決意要財務自由，唔想一世都打工，過住咁厭悶既日子。

每日就抱住返工等收工既心情，同埋唔想人工永遠好似停留系一個點咁樣，希望有日都可以系千萬俱樂部見到老師

先講一講個人方面：

26歲 想於2023年創業，暫時有一筆開店費用約12萬, 想儲多8萬作創業用途。

另外下年年尾想試下樓換樓換大d，但要按揭150萬，想分15-20年還

人工暫時25k, 太太有$22K

因為已有一位將出世既bb，但4月太太會辭職凑仔
現時暫月供$6000，儲$2000

月供$1500盈富，1500 Mtr，2000恆地，1000比亞迪股份

個案查詢：

創業風險會唔會好大
如果5年內可唔可以儲到$100萬

另外想問而家應該繼續月供，定先儲8萬擺系開店資金到？

龔成老師︰

創業風險一定有，但風險有多高，好視乎你對這盤新生意的認知和準備。

由於你太太將會全職照顧BB，收入會大幅減少，再加上你創業後，會令營運資金需求增加。如果唔係有實際需要，建議你唔好換細屋換大屋住，避免你負債壓力過高。

由於你2023年才打算創業，尚有4年時間，你可以用平穩增值股去為你的資金增值（包括你12萬和月供以外儲起的$2000），如盈富（2800）、金沙（1928）、恆基（0012）、中銀（2388）、港鐵（0066）、煤氣（0003）、港交所（388）、長建（1038）等。

以恆指年平均回報10%計，你月供$8000，4年後有44萬。再加上12萬會增值至約逾17萬，總數已有61萬。但由於增值年期只4年，有機會會因價格波動而影響最終回報，你要明白過點。

雖然未能達到100萬，但由於可投資時間短，唔建議你太進取去追這個100萬目標。

另外，現時市況只在合理區，你12萬入貨時，必需要分注。

------------------------------------------------

Q13837：

老師，你有否覺得恒指跌極都跌唔落26000，我覺得這是不合理現象，似乎有勢力托住恒指。

傳言美國買左一堆恒指跌，每一點100萬美元，美國就算炸左香港都要股市跌落去。

假設勢力是中國，中國接左咁多貨，日後好大機會再托高股市派貨，派完貨股市就跌得好勁。

唔知老師你點睇？

龔成老師︰

這些傳聞我不太清楚，我地分析企業，應集中在長期與較為核心的因素，而中間的炒賣和不會影響力到企業核心質素的事情，我地都不用太理會。

我買入一隻股票，一般會基於生意、盈利、前景、市場環境等基本因素而決定，只要企業的質素好，買入後就會長期持有。

至於你以上所講的因素，有機會會在中短期造成市場波動，咁反而造就我地有機會入平貨。我們只要順著市場走勢去，找個合適時機入市就可以，唔需要估大市。

------------------------------------------------

Q13838：

Sir,以下是我媽媽的組合，我都是剛剛得知，但見到組合有點不妙

606 2.33買入（質素一般，但應該是合理價位）

297 0.83買入（未睇過年報，所以想聽聽你意見）

886 不知買入價，但應該是2元以上買，我自己覺得要沽出，如果是有質素股，不可能長期股價向下

因為冇時間分析3份年報，所以請教你意見睇睇先🙏🏼🙏🏼

龔成老師︰

中國糧油控股（0606），質素都可以，但不算高質，同埋生意有下跌情況。這股的增長力的確較弱，你唔好對股價有太大的期望。這股如果有明顯的反彈，可以考慮賣出先。

中化化肥（0297）過往幾年收入很波動，有幾年出現較嚴重虧損。財務數據也一般，長遠賣出會較好。

銀基集團（0886）質素不佳，過往多年虧損，投資價值不高。加上佢2015年核數師的意見「不表示意見」，反映賬目，「有古怪」，無投資價值，宜賣出。

------------------------------------------------

Q13839：

請問小米我10蚊入。以加跌到8個幾，可以博番身吗

龔成老師︰

首先你要明白一個概念，我地持有一隻股票與否，關鍵位是企業質素、前景，不要被買入價影響。買入價只是一個心理因素，如果企業核心因素未被影響，我地係唔需要理會。

小米（1810）有潛力的，但佢的財務數據仍未算很理想，整體質素屬中等。不過，企業的產品的確有理想增長，而且受消費者歡迎，加上小米的商業模式、前景，都成為這企業的亮點。

另外，對企業估值是困難的，由於這企業上市年期不算長，加上最大的亮點在於前景，因此在估值上，存有較大不確定性，這會令股價較為波動。

過往以貴的價位上市，現時回落至較合理的水平，算是開始出現投資值博率，如果你持貨唔多，可以繼續持有。

------------------------------------------------

Q13840：

你好，龔sir,現年50歲，有些問題想請教！

我有月供股票，每隻$5000，有中電、領展、煤氣、盈富、中銀，現在香港的情況，如果暫停月供適合嗎？

因為擔心中央會鎮壓，不想放太多投資在股票，又你有什麼意見？是否仍繼續月供？Thanks

龔成老師︰

我相信現時香港的情況，中短期會對股市方面會有負面影響，但受影響程度，就要睇外國真正的走資金情況，當中還有都好多變數。

不過我相信，長遠資金唔會大走，始終香港都是有優勢，有錢賺的地方就有資金來。因此，我相信中短期有影響，但又唔需要過份地擔心。

反而現在個別股票開始由之前偏貴價格，跌入合理區，好似煤氣（0003）就係其中一個例子。記住我地投資係睇企業質素和價值，只要事件唔影響到企業本身長線盈利能力，跌市反而創造了買平貨的好機會。

股市在以往高位已回落不少，你所月供的股票雖然未到平宜，但已在合理區，甚至合理區較底部。所以，我唔建議你停止月供，你持有的股票都有質素，你保持月供習慣，並長線持有，這個安排會對你最有利。

------------------------------------------------

多謝各位提問，若然你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網的，當然，會將發問者的身份，以及有關個人的部分刪去。

另外，由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。