🦁#老娘手抄20210605 🙊#老娘不嘆 誰在乎誰痛苦。 🎞#老娘追劇 . 有時候你得放棄一些人；不是你不在乎，而是他們不在乎。 Sometimes you have to give up on people; it's not that you don't care, but they don't. 📽#同床異夢 (The Break-Up), 2006 💬#那些電影教我的事 @lessonsfrommovies . 🙊#老娘不嘆 沿途風景的吉光片羽，充滿回味無窮的趣味。 📑#老娘摘齋 有時我們需要的，不是你一開始要去的目的，而是那個過程裡，由自己的行動和努力所換來的自我肯定。 📖#一年生植物日曆 #歷程 📑 #taiwanhandwriting#2016flyteam#手抄本x深坑口#悅字人#飛將在 🖋️#AW棒棒堂 #念念紅 ✒️#不羨尖 💧:#Ferris Wheel Press candy marsala # tanzanite sky 📜#鴻昇56k白色計算紙 🏷#手寫#電影語錄 #word#moviematic #fountainpen #万年筆 #ペン #만년필 #ink #インク #잉크의옷장

【你辭職未？】長文慎入 前天出席Best Service Award Ceremony時，嘉賓曾志偉先生講咗以下一段說話： 「以前坐茄子航空，朋友會話：唔係呀嘛？得唔得㗎？你想遲啲到呀？嚇死人呀？」 「慢慢，啲人就話，其實茄子航空都幾好吖！」 「到而家，啲人話，茄子航空？啲服務好過＿ ＿㗎喎！」 傭仔加入咗茄子航空一年了。回想當日簽contract，完全冇諗過會喺度做咁耐。記得5年前去上海的廣告公司做internship，由於前一晚8號風球，第一次搭，足足delay咗我9個鐘，我對茄子航空並無好印象。做得呢行，邊個唔想環遊世界，講真一開始喺度都係諗住儲下經驗，當踏腳石去大台。 但這一年間，我漸漸改變了。 第一，呢度有其他地方冇嘅人情味。記得一開始出來飛，有一次有個call bell著咗，但唔係屬於我個zone，我就坐咗喺度唔去應，purser問：傭仔你做咩坐喺度呀？我答：唔係我個zone，前面會應㗎啦。於是purser問：你知唔知我哋以前要執垃圾、洗廁所添呀？ 話說茄子航空曾經有一段時間，因合約問題一度冇人清潔飛機同冇拖機車將飛機拖出跑道起飛。當時飛傭們返工第一件事就係清潔飛機，個個戴手套垃圾、洗廁所、伸手入座位椅檢查有冇垃圾。客未到，女同事妝已溶。所以航班延遲兩小時，返工，就係預咗俾客鬧。當時的同事雖然日日被人鬧，仍然面不改容，竟無退縮。惡劣環境過去，公司亦度過難關。 傭仔聽完呢個可歌可泣嘅故事，以後仲點敢唔應call bell。而呢度嘅人情味同同事之間嘅團結，返工係周不時都可以感受到。還本以為做得呢行，飛完就算㗎啦！點知啲同事係會red-eye整嘢你食、見你第一次layover做哂導遊帶你去玩、放假約你打牌、大時大節祝你乜乜快樂等等……傭仔有時諗，如果真係走，一定會因為呢啲片段而喊到變豬頭。 外間常常罵我們是大陸公司，全因2006年椰子集團買下了茄子的股權。外人常鬧我們「掛羊頭賣狗肉」，但永遠不知，茄子公司的管理層和空中服務員絕大多數是香港人（官方數字是99.8％）至少傭仔喺度飛咗一年，除了很少數說普通話的內地、台灣和說日語的日本crew，就算樣子是巴基斯坦和印度的同事，也操一口流利廣東話。傭仔亦試過，打email時打咗幾隻中文字，俾manager叫我用英文重新再打過。 聽啲同事講，以前佢哋放工會即刻除制服，驚俾人知係喺茄子航空做。到今日，唔可以話最好，當然仲有好多不足之處。但我哋確實係一間進步中的航空公司，而且係每一日都在進步，而且進步得好快、航點越開越多，而準點率也大大提高了（除了上海成Q日交通流量管制同埋峇里爆火山，傭仔絕大部份時間係準時收工㗎）。或者，我哋硬件的確仲未比得上人。但難保一日，我哋可以。而傭仔夠膽講，我哋同事返工絕對唔hea，絕大部份用個心出來返工。每日返工，就算個客要杯水，同事都係你爭我、我爭你，爭住出杯水俾個客……就算啲客成日亂噤call bell搞到要走幾轉，仍然耐心解釋個call bell係點用…… 從前，啲人會鬧我哋。 到今日，9年了，有少少成績。 作為一間喺香港註冊並以香港為營運基地嘅公司， 每一日，呢99.8%香港人就喺度默默耕耘，努力進步。 到今日傭仔做咗一年了，如果再有人問：「你辭職未呀？」 講真，我成日都心郁郁想走。 但呢刻，我想留。 與其去第二度做一個「前人種樹，後人乘涼」嘅後人， 我想喺度一齊種茄子。 題外話：自幫公司畫完日曆後常常被同事在背後說「公司人」、擦鞋、博上位、淨係畫畫懶唔做嘢、串、無禮貌等等等等日日新鮮應有盡有數之不盡……相信打完這篇後更甚……但唔理了……Orz 我只是一個普通打工仔，搵一份啱自己嘅工而已……（畢業兩年內5份工，呢份最長的了！） 《差一點我們會飛》 https://www.youtube.com/watch?v=Vsr5gpmmvhs&ebc