3月16日 哥哥的低醣減肥 Day 16

不經不覺哥哥的cycle 1低醣減肥進程已過了一半！💪💪尋日一早佢又上磅，第二個星期係96.95，只比上星期減少了0.7kg，其實都好正常，通常第一個星期減得最多，因為可能係一啲水份多，我記得我當時都係第二個星期減得1kg咋，而阿哥話可能同佢呢個星期有啲便秘有關，同埋佢呢個星期的確飲得唔夠水，有時出面唔方便飲水，所以每日大概只係飲到一半嘅水，我就諗係咪我煮得太多野比佢食🤣經過檢討之後呢個星期我會相對調整和煮返多少少油分嘅食物，另外份量都會減少一啲，費事下下佢話太飽🤣減肥過程中真係要不停檢討和調整，無論自己減和幫人減都一樣😅 . 不過之後兩星期我就唔會show阿哥的磅數俾大家睇啦，因為我幫佢拍左片，為咗保持神秘大家到時睇片啦懶神秘😝
.
早餐🥣繼續粟米蘋果和一個雞蛋記得飲多啲水
.
午餐🍲三文魚扒藜麥加炒雜菜
.
晚餐🥗我突然間好想食切雞，於是就響百佳買咗嗰啲50幾蚊一隻，可以成隻整返熱嗰啲真空包裝熟雞，用手撕隻雞髀落嚟俾阿哥，我食半隻，另外剩返¼留返聽日阿哥帶飯，加炒雜菜，完。原來阿哥平時會嫌肥特登走皮，今次我叫阿哥記得要連皮食，因為呢個低醣減肥法真係需要一啲油分，唔單止我阿哥我之前都試過，而家我個朋友去到第二個星期左右都有少少便秘嘅情況，所以多返少少油唔緊要，油份係會幫助排便㗎，請放心食用。 有興趣知道更多低醣減肥嘅話快啲加入我嘅MeWe低醣減肥群組啦👇🏻👇🏻 Link in bio https://mewe.com/join/easy_way_for_low_carbohydrate_diet 💁🏻‍♂️ 順手加埋我個MeWe 專頁 「為食小樂 」Foodie_siulok https://mewe.com/p/%25E7%2582%25BA%25...

快樂瘦身心法✨ . 呢段時間相信有睇開我story 既sis 知道我生活模式上有少少變動，就係減肥！😹 . 點解要減？ 我由細到大都係肉肉身形，基本上維持係13x 磅咁，健康上無乜大影響，當然！！18 19 歲個陣想望落瘦，試過食藥[食完先知係d 精神科藥物😖], 試過代兩餐食一餐，各位妹子，真係唔好靠減肥藥，藥物帶來既副作用，係想像唔到咁得人驚，唔好講食緊個陣既心跳口渴手震頭痛無胃口等等 ,停藥後既反彈，令到我直接穿過140磅😣代餐既話，唔係唔得，但你既決心要好大，同埋你無乜社交聚會，咁就可以 lol btw 呢d 黑歷史太長了，想知多d 既sis 可以再dm 問我😹 係結婚前其實我無點刻意減肥，因為我覺得無咩所謂～反而可能因為臨尾準備婚禮好忙，個人就自然落左磅，都係大約13x 磅咁。不過...蜜月旅行食足一星期後，個胃就好似開左咁，個人脹左好多😶最叮一下我要行動既係，買左幾條裙，爭少少先岩著，有無人明個種距離係遠到，掉左條新裙又可惜，但擺係到又著唔到，於是，同自己既戰爭開始了！ . 心得第一口訣：開心！ 唔開心根本無辦法去持續地做到，結果就會同自己講，已經好攰喇，唔好咁辛苦啦xxxxxxx 下刪籍口，諗下自己個生活模式，制定一套岩自己既方法❤️減重生涯無非就係，七分飲食，三分運動🌞 . 心訣二：飲水！ 唔好睇少飲水既重要性！飲得夠，分分鐘無運動下，可以減到五至十磅[當然要視乎人啦🤣] 我都係飲水初哥，我唔慣飲水之前，身體個水份量係35.7%, 理想最好係55%, 我set 自己一日飲3L🙌🏻 我既做法，係起身一杯[500ml], 臨出門口一杯，反到食飯前飲一支770ml, 之後收工前飲到一支770ml, 咁基本上收工前已經2.5L!! 距離target 只爭500ml, 咁樣會好易hit 到target, 個人就無咁大壓力，又唔會好挫敗✨經過大約一個月後，我水份量上升左10%去到45.9%, 未達標，但我滿意❤️[其中一個小心法就係要欣賞自己每一個小進步，要改變生活習慣真係唔易🕺🏻] . 心訣三：飲食！ 我不嬲都唔鐘意食辣，煎炸野，呢d 戒口就必然既，但仲有一樣我忍唔到既：甜！呢個我既終極😖 但好難戒口情況下 @linggholic_ 啟發左我做16:8 斷食，意思係8個鐘內食曬要食既野，正常黎講無限食d 咩既～我頭一星期岩岩開始我就由自己想食咩都無咩大所謂，同埋身體會有反應出黎係-朝早時間狂標口水！呢d 時間，飲水😹搵野做，好快就會過，同埋幾日就會適應到😽之後我想再爭扎d, 我一日入面其中一餐係帶飯，入面無澱粉質既，主要係2份菜，2份肉，半排芋絲[好似有粉絲咁😹] so far 咁樣做左之後呢兩星期，減左1kg😹😹多就一啲都唔多，叫做有反應～但係！實行之前，做一做research, 睇下岩唔岩自己先，始終人人需要改變既野唔同❤️ . 心訣四：運動！ 呢個最需要自己保持快樂，我一星期郁一次，我個人懶😹一定要上堂，同我鐘意節奏快，chur 既，所以多數係打拳，咁樣一個鐘好快過❤️如果sis 們想由跑步開始，但覺得好辛苦，我試過一次咁樣，可以睇下咁樣會唔會開心d😹😹第一日跑個陣，唔好多，熱完個身，跑5分鐘，行5分鐘！完！夠體力都唔好繼續，比自己覺得 [下？咁就完架喇？輕鬆😎] 呢個飄飄地既感覺，雖然人地聽會覺得[下？5分鐘你不如唔好郁啦] 唔洗理人，呢個係起步😹第二日就跑7分鐘，快行7分鐘，照計都應該仲覺得[哎唷，原來我都仲應付到有餘！]慢慢一兩分鐘咁加上去，其實三四星期左右，你就會慢慢上手到一日半個鐘既運動✨ . 心訣五：有伴！ 搵個體能上，理念上相若，但又可以push 下對方既伴☺️我既伴除左係仔仔之外 就係 @linggholic_ , 我有時個日食左乜，減得有少少心累，食多左，郁少左，我都會影佢睇，有時有個同路人倍，件事真係會chill 左😹 . 心訣六：寬恕自己！ 記得你只係為健康減重，唔係要練仙，唔係比賽❤️想食零食，食～我會比自己食，唔想食咁多，就買反公司食，你食左一兩啖，一陣間盒零食就會無曬，咁你又過到口癮，又唔會食曬😹所以即管買啦～ 有時懶左無運動，咁咪第日食清d, 再飲多少少水排多d 水走☺️唔洗鬧自己鬧得咁嚴，人都係捨難取易，所以同自己講[我減！但我其實仍然咩都食得，開心既🙌🏻] . 說到底，我唔係個專家，只不過係個人既少少心法，可以係呢條路上面持續性走落去🌞與其話減肥，不如係話腦部大作戰😹當中其實有好多小節，係上面可能無打出來，歡迎dm or 留言話我知，需要打氣既都可以搵我🥳 . 唔知大家鐘唔鐘意呢個主題，希望無太1999, 最緊要一個字：chill . 🕺🏻 #sh_notes

👯‍♀️生酮飲食-Rd2.第22天 (50) (Ketogenic Diet) 👯‍♀️ [19/11] 119.7 lb. (Dukan) [27/11] 117.3 lb.> 113.5 最輕 (Keto) [27/12] 118.4 lb. (Keto.Rd.2） 體重： ［28/12］117.7 lb. -0.7 lb. ［29/12］117.3 lb. -0.4 lb. ［30/12］118.8 lb. +1.5 lb. ［31/12］ 118.7 lb. -0.1 lb. ［01/01］ 118.1 lb. -0.6 lb. ［02/01］117.4 lb. -0.7 lb. ［03/01］117.7 lb. +0.3 lb. ［04/01］無磅 ［05/01］無磅 ［06/01］116.5 lb. -1.2 lb. ［07/01］ 117.4 lb. +0.9 lb. (mc) ［08/01］ 117.2 lb. -0.2 lb.（mc） ［09/01］ 118 lb. +0.8 lb.（mc） ［10/01］ 116 lb. -2 lb. （mc） ［11/01］ 115.2 lb. -0.8 lb.（mc) ［12/01］ 115.2 lb. -0 lb. ［13/01］ 116.4 lb. +1.2 lb.（破酮） ［14/01］ 116.4 lb. -0 lb. ［15/01］ 116.4 lb. -0 lb. ［16/01］ 無磅。無訓 ［17/01］ 118.7 +2.3 lb. ［18/01］117.5 -1.2 lb. . 🎉59日⬇️ 2.1 lb🎉 😑28日⬆️ +0.4 lb (Keto)😑 🤷🏼‍♀️20日⬇️ 1.6 lb (Keto.Rd2)🤷🏼‍♀️ . 晚餐： 德國豬手(皮+脂肪)［C.4 P.35 F.40 ］ 生菜 100g ［C.1.6 P.1.4 F.0.2 ］ . 零食： 生酮芝士蛋糕 1/8個 ［C.1.4 P.1.6 F.13.3 ］ 豬油渣 25g [C.0 P.5 F.18] . 飲水量：2300 ml 茶：1700 ml 水：200 ml 無糖蘋果醋：400 ml . 運動量： 步數：15000 步 拉筋：60分鐘 🐶散步：75 分鐘 . 斷食： 20.5 小時 . 睡眠：4.5 小時 . 氣酮（睡前）：0.10（起床）: 0.11 尿酮（睡前）：紫（起床）: 紫 📝📝📝📝📝📝📝📝📝📝 . 總結： 其實我近排都算乖乖生酮丫，零食都唔敢食多！但體脂同磅數都唔落，個幾月減得1kg，真係開始有d氣餒😫諗緊回復正常飲食，再做多d運動，會唔會更好。不過其實衣加可以喪打邊爐/燒肉，食肥牛無有怕⋯回復正常飲食雖然可以食下麵包⋯甜品⋯但⋯食多少少就會增磅⋯依加總算keep住⋯唉⋯好雞肋呀⋯ 🙈🙈🙈🙈🙈🙈🙈🙈🙈🙈 . 我嘅生酮營養比例： 78%脂肪。17%蛋白質。5%碳水 碳水化合物 20克 80 kcal 蛋白質 65克 260 kcal 脂肪 131克 1179 kcal 共 ：1519 kcal . 👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻 . 今日吸收： 碳水化合物 7 克 。28 kcal 蛋白質 43 克 。172 kcal 脂肪 75 克。675 kcal 共 875 kcal . 👆🏻👆🏻👆🏻👆🏻👆🏻👆🏻👆🏻 👆🏻👆🏻👆🏻 想睇更多吃喝玩樂資訊？Follow我啦！ FB：stellasheafoodiary Ig： stellasheaa Blog：Stella's hea食玩部屋 YouTube : https://www.youtube.com/channel/UCXPATomyWsZumEe4cT4OBEw