【小國大夢】——歐洲最弱球隊聖馬力諾

聖馬力諾係一個位於意大利境內嘅國中國，國土面積只得61.2平方公里。

而聖馬力諾國家隊FIFA排名第210位，係排名最低嘅球隊。徵戰國際賽場近30年，踢咗150幾場比賽，從未喺正式比賽中贏過波，但不阻佢哋對足球嘅熱愛。

聖馬力諾國家隊隊員幾乎都係兼有其他正職嘅業餘球員，要將所有人集中進行訓練都十分艱難。球員甚至需要用自己嘅假期津貼去參加作客比賽，卻從未有過抱怨，因佢哋認為代表國家隊比賽，就係實現自己嘅夢想！

值得一提嘅係，聖馬力諾足球史上最輝煌嘅時刻係喺1993年世界盃外圍賽中，Davide Gualtieri在對英格蘭嘅比賽中開波8.3秒便閃電入波。雖然最終呢場比賽聖馬力諾以1比7慘敗於英格蘭，但Gualtieri因呢粒入球成為世界盃資格賽最快入球保持者，紀錄保持至今。