雖然這篇1234眼耳口鼻鄉民發文沒有被收入到精華區:在1234眼耳口鼻這個話題中,我們另外找到其它相關的精選爆讚文章
在 1234眼耳口鼻產品中有1篇Facebook貼文,粉絲數超過7萬的網紅西DorSi,也在其Facebook貼文中提到, [窮L遊記·深圳篇] #81 Spacelab失重餐廳 用過山車嚟送野食嘅餐廳! 高清版 : https://youtu.be/CxEYRjr9SC4 Spacelab失重餐廳 地址: 新湖路99號壹方城購物中心L1層017A 電話 : 0755-27787813 營業時間 : 週一至五 11:30...
同時也有10000部Youtube影片,追蹤數超過2,910的網紅コバにゃんチャンネル,也在其Youtube影片中提到,...
1234眼耳口鼻 在 西DorSi Facebook 的最讚貼文
[窮L遊記·深圳篇] #81 Spacelab失重餐廳 用過山車嚟送野食嘅餐廳!
高清版 : https://youtu.be/CxEYRjr9SC4
Spacelab失重餐廳
地址: 新湖路99號壹方城購物中心L1層017A
電話 : 0755-27787813
營業時間 : 週一至五 11:30-14:00 16:30-22:00
週六至日 11:30-22:00
• • • • • • • • • • • • • • • • • • •
字幕
今日就帶大家嚟到壹方城去試食一間
近排喺大眾點評好多人討論嘅一間餐廳
呢間餐餐叫做失重餐廳
個名好搞笑架喎 咁我哋睇下點解佢叫做失重餐廳啦
呢間餐廳跟據佢網上介紹話佢自己係
中國加德國團隊合作研發嘅一間餐廳
咁呢間餐廳到底有啲咩特別呢
入嚟之後你就會發現成個天花上面
係一條條軌道氹氹轉咁樣轉落嚟嘅
咁呢啲軌道唔係淨係純粹一個擺設嚟嘅
而係你坐到入嚟嗌嘅部分嘢食
係會透過呢啲軌道轉下轉下轉落嚟嘅
大家都見到啦嗰啲軌道係由2樓嗰度轉落嚟嘅
咁其實呢間餐廳嘅廚房就係喺二樓嗰度
當啲嘢食煮好咗之後 d staff就會將啲嘢食擺落去
一個升降枱上面 然之後撳粒掣
咁啲嘢食就會升上去升降台上面
然後Sir落去軌道入面
沿住軌道轉下轉下轉到落去大家面前
其實2樓都有一啲枱喺度嘅 但係啲staff就同我哋講
而家2樓有維修工程進行緊 所以就唔會開放住
不過2樓嗰度都有個area可以畀大家可以睇電影嘅
咁如果大家來到發現要等位嘅話
其實都可以上嚟二樓呢一度睇下啲電影嘅
其實入到嚟呢一間餐廳對於我哋香港人嚟講
係有一種似曾相識嘅感覺
真係有啲似太空館(科學館)中間嗰一部
用嚟運輸嗰一部機 嗰一種感覺嘅
就連嗰啲聲其實都好似
嗰啲車沿住啲軌道嗰啲聲係好似太空館(科學館)嗰部機啲聲
每個位前面都有呢一部ipad 用嚟畀人落單
呢塊ipad係可以旭嚟旭去 我哋就嗌嘢食啦
我哋就喺一個佢最招牌嘅失重燒烤漢堡
撳入去之後呢佢係有分兩吋三吋同埋四吋嘅
咁我哋就嗌個三吋喇
然之後就嗌一個法式鵝肝牛扒
呢個法式鵝肝牛扒係講到明係非軌道傳輸嘅
如果用呢一個軌道傳輸落嚟嘅話可能會撞到散晒
所以呢啲比較靚仔啲嘅 佢就會另外再上菜
喺個menu上面都會寫到明話呢一個係非軌道傳輸
落單係有分五成同埋七成熟嘅 咁我哋就揀五成熟喇
嘢飲呢啲啲奶昔類嘅都係用嗰條軌道送落嚟嘅
我哋嗌呢一個星空之蔚同草莓奶昔 咁就買單啦
埋單就直接喺ipad呢一度禁
禁完之後就可以用支付寶或者wechat嚟埋單嘅
咁如果你哋冇支付寶wechat嘅話 呢度仲有一個現金支付
呢度顯示埋支付完成 祝你用餐愉快 可以等嘢食啦
呢度下面有啲杯 調味料 鹽 黑椒 辣椒仔 茄汁等等
有啲碟 畀細路仔用嘅盤 水 飲筒 紙巾都係喺呢一度攞嘅
呢度下面有啲杯嘅 其實可以用嚟倒水
我哋攞咗壼水出嚟先啦
呢度到水係自助嘅 熱水嚟㗎喎
如果想飲凍嘢嘅話可能就要另外再嗌嘢啦
大家都會見到每一條軌道側邊其實係有三張枱嘅
三張枱都係用同一條軌道 送啲嘢食落嚟
咁點知嗰啲嘢食係我哋自己嗰一張枱嘅呢
秘訣就係睇返檯面上面嘅呢一張顏色紙啦
其實每一張枱上面嘅顏色紙都係唔同顏色嘅
譬如我哋呢一張係C枱嚟嘅 C枱就係粉紅色啦
見到隔離呢就係藍色同埋黃色
對應反轉落嚟嘅嘢食用唔同嘅車仔嚟裝住
都係有分返粉紅色藍色同埋黃色嘅車仔
譬如我哋係粉紅色啦 如果我哋見到粉紅色嘅車仔嘅話
就代表嗰樣嘢食係我哋㗎啦
其實每個檯面係有呢一個叉電位嘅
除咗用嚟叉佢自己嗰部ipad 另外仲有呢一個usb燈仔嘅
其實我覺得係可以掹走佢 用嚟叉自己嘅嘢都冇問題嘅
我哋粉紅色嘅嘢終於嚟到喇
去咗嗰邊 係杯嘢嚟嘅
係好似嗰啲運動飲料嘅杯
呢個係嗰個草莓奶昔
用呢啲運動型嘅水樽有一個好處嘅
就係肯定唔驚呢啲奶昔係運落嚟嘅途中會倒瀉
因為呢啲樽肯定係蓋得好實嘅
雖然呢隻樽係就咁飲都ok
不過我懷疑佢呢啲地方會唔會洗得唔乾淨
因為呢啲地方其實好難洗
咁所以我都係決定用返飲管就算啦
安全啲 唔環保就唔環保喇
呢個飲落去係好稀好稀
但係奶味幾重下 唔係太似奶昔
嗰浸士多啤梨味係有少少香精味嘅
唔係太似真嘅士多啤梨
呢杯嘢買38蚊抵唔抵就見仁見智啦
咁呢啲車仔送到落嚟呢 點樣收走呢
我頭先見到啲工作人員係靠咁樣轉呢一個盤
咁啲車仔就會跌落去側邊嘅呢一個垃圾桶入面
然後個垃圾桶一陣就會有人推走
搵到去嗰邊有一個黃色嘅輸送帶 將嗰啲嘢搵返番上去嘅
又嚟多一個我哋嘅嘢飲啦 呢個唔知點解轉得好慢
有啲friction喺度
kick住咗喎
呢杯嘢叫做星空之蔚 個杯個樣同樣都係運動型飲料
呢個係有1234四隻色嘅
有啲藍色同啲白色係有啲漸變色嘅
最底下唔知啲咩嚟嘅 粉紅色嘅嘢
懷疑係一啲果肉之類嘅嘢
好稀喎 插支飲管落去 已經見到旭嚟旭去
係一啲好稀嘅液體嚟嘅 上面嗰啲係一層冰嚟嘅
呢杯嘢嘅味道係好古怪
下面係墊啲罐頭果肉 有啲似車厘子
唔係太sure係乜嘢嚟嘅 有啲怪怪哋
呢一層飲落有啲似椰子味
藍色嗰啲未飲清楚 再飲多次先
藍色嗰啲好神奇地係完全冇味嘅
我懷疑係就咁加咗啲藍色色素落去
總之成杯嘢係好難飲 呢度啲嘢飲係完全唔掂嘅
呢個叫做法式鵝肝牛扒
咁頭先有講到啦呢啲擺盤比較精緻啲嘅嘢食呢
唔係用個軌道轉下轉下轉落嚟嘅
而係人手送餐送落嚟嘅
咁面頭呢一塊好大塊嘅懷疑係鵝肝啦
下面呢一度就有塊牛扒 我頭先嗌咗五成熟嘅
下面有啲菠菜 蘆筍 菇 蕃茄
側邊有隻綠色嘅醬 唔知咩醬嚟
同埋呢一度有啲黑椒汁
呢個聲稱嘅鵝肝 好冧喎
切落去好似好冧喎 半生熟嘅鵝肝
完全冇鵝肝味 不過外脆內綿入口即溶
不過完全冇鵝肝味
如果你好鍾意食鵝肝嘅話呢塊嘢絕對會令你失望
跟住落嚟就試下塊牛扒啦 頭先話五成熟嘅
唔係喎食到中間嘅 啲肉味就開始出嚟啦
塊牛扒唔差嘅 夠晒冧
不過呢塊牛扒賣168 唔計上面嗰塊咁玩嘢嘅鵝肝啦
賣168我覺得OK嘅 合理價錢
呢個叫做失重燒烤漢堡
我哋嗌咗三寸嘅
用一個好得意嘅紙盒嚟裝住嘅 幾靚仔個紙盒
包裝肯定係一百分 揭出嚟 咁樣打開㗎喎
一揭出嚟佢就自動打開咗 好得意
呢個burger下面就有啲炸洋葱絲 燒烤醬
呢度有塊漢堡扒 白芝士
下面有塊疑似係烟肉嘅
再下面係洋葱 酸青瓜 同埋番茄 生菜
呢塊唔知乜嚟嘅呢 原來係塊雞柳嚟嘅
先試咗呢塊雞柳先 好硬 擦紙膠
蛋黃醬烤雞胸 但係真係唔掂
趙塊擦紙膠咁樣
呢個叫做自製澳洲進口牛肉餅
全熟㗎喎 不過睇啲texture好似好鬆軟唔會死實實咁樣
ok 牛味都幾重 不過都鬆軟嘅
而且摻咗少少筋落去 比較多少少咬口嘅 塊扒唔錯
ok嘅個burger 因為本身塊扒都唔乾身
係塊雞柳加落去係完全冇意義
個包外面好脆 烘得好脆 直頭拮落去咔咔聲
個麵包ok 烘到外脆内軟
整體評價就係塊扒因為夠濕潤唔會乾身
所以就唔錯唔差嘅
不夠塊雞胸真係加嚟無意義
加塊擦紙膠落去 都唔知加嚟做乜
如果佢抆走呢塊雞胸嘅話個包會更加好食嘅
然之後佢再平多幾蚊嘅話就更加好
而家78蚊我覺得略為貴咗少少
呢個兔仔形狀嘅蛋糕 叫做mango cheese cake
個樣都似頭先menu上面嗰嗰樣嘅
都似番一隻兔仔嘅 無違反到商品說明條例
但係究竟好唔好食呢
好睇還一件事 好食先係最緊要
出面呢啲應該係 我懷疑係芝士mousse嚟嘅
入面係一啲芝果蓉嚟嘅
不過啲芝果蓉好明顯都係罐頭芝果蓉
唔係新鮮芝果蓉
好淡好淡嘅芝士味 口感似溝左芝士嘅
芝士都ok有嘅 唔難食嘅
不過38蚊抵唔抵食就見仁見智嘅
呢樣唔係太高難度嘅野
加兩隻耳仔 再加啲眼耳口鼻
呢餐我地總共用左食左360蚊
聽起上嚟好似真係好貴咁樣
但係其實哩到啲野飲 係完全垃圾嚟嘅 唔洗嗌嘅
如果大家無嗌野飲同埋無嗌個蛋糕嘅話呢
淨係嗌個牛排加漢堡包嘅話呢
總數應該可以減110-120左右
價錢應該係240蚊到
尤其是牛排 其實大家係唔需要嗌呢個鵝肝牛排
我發現原來呢一度係有個叫做牛菲力嘅
咁就平過鵝肝牛排20咁多
其實大家可以嗌呢一個 因為個塊牛肝真係完全唔惦
如果240蚊 人均100零蚊 其實我覺得就ok嘅
burger嘅質素其實係ok嘅 牛排嘅質素都唔差嘅
而且再加上咁得意嘅野 都係一個值得嚟嘅原因
但係最大問題就係我覺得呢一間野應該捱唔住
因為啲人嚟哩度食其實最主要都係貪新鮮
貪得意 見啲軌道轉下轉下 好似好搞笑咁樣
但係食多幾次就會發現 其實呢間野係無乜服務嘅
因為所有野都要自己拎 其實係好唔方便嘅一件事
所以我覺得呢間野頂盡都係一年
如果大家想嚟試下食呢間咁得意嘅餐廳呢一年內嚟啦
好啦 今集就嚟到呢到先啦 我地聽日再見啦拜拜
• • • • • • • • • • • • • • • • • • •
Facebook: https://www.facebook.com/saidorsi/
Instagram: https://www.instagram.com/saidorsi/
Bilibili: https://space.bilibili.com/256669202/
• • • • • • • • • • • • • • • • • • •
A DAY OFF by Nicolai Heidlas Music https://soundcloud.com/nicolai-heidlas
Creative Commons — Attribution 3.0 Unported— CC BY 3.0
http://creativecommons.org/licenses/b...
Music promoted by Audio Library https://youtu.be/mOFG-G_GpGk
#深圳 #窮遊 #自由行