【龔成問答信箱】（Q19321-Q19340）

Q19321：

阿sir 我係你舊生！最近嘗試對幾隻新經濟股進行估值，但面對以下困難：

1. 多隻股票因是半新股，財務數據不足
2.有些仍然處於虧損狀態
3. 市盈率超高，不知如何衡量

另外遇到一個問題是找行業市盈率。阿sir 提過網上的「同行比較」包括範圍太廣，但有時又不知道哪幾間是真正的同業，因此無法找出行業市盈率作比較。

阿sir 可能會叫我先選一些簡單的公司作練習（例如功課六福），但因為想買入一些有潛力的新經濟股，又不想每次麻煩阿sir 給意見，所以想自己先嘗試。煩請阿sir 有時間指導一下，謝謝

龔成老師：

1）半新股的確有這個情況，所以我自己都會保守D，或等佢上市一段時間後，有更多數據，會較好。

2）這類股要睇將來的發展，如果這刻是處於投資期，虧損都是正常，而投資者分析時，就會建基於將來的業務與盈利，多用將來的數據分析。

3）同上一點一樣，如果是一些業務增長快的股，你用過去數據計市盈率無意思，要用將來，預期的數據去計算先得。當然，估值會較難，同時唔會一定準。

至於行業問題，你可以睇一睇佢自己或同業的招股書，一般都有行業分析的，佢可能會講述行業情況及競爭對手，就可以從中找到對手。另外，你要以「消費者」的身份去想，有那些產品會選？這就是尋找對手的方向。

------------------------------------------------

Q19322：

Hello龔成老師，我睇緊你嘅有關50隻優質股嘅書，我有個投資嘅問題想問，就係公司年報顯示股東嘅淨利潤增加，嗰年股價就會上升？多謝！

龔成老師：

這是一個複雜的問題。

我地買股票，就是買企業，企業賺錢，企業價值就會上升，股價自然上升。當盈利不斷增長，股價同樣會向上。

因此，在簡單的概念，盈利向上，股價向上，這是有關係的，但不是一定。

因為企業的價值是長期的，我地不能只睇一年的情況，如果佢今年盈利跌，但預期之後會利好，都可以股價向上。簡單來說，我地買企業，就是買佢往後多年的情況。除了盈利外，仍有好多野要分析的。

------------------------------------------------

Q19323：

請問9988，1177可以咩價入？
3690、388、1299點呢？

龔成老師：

阿里（9988）面對內地監管可能收緊，因此風險度增加左，最大的影響在於螞蟻的貸款業務，這亦是中國叫停上市的其中一個原因。

因為這部分是一些網上的小型貸款業務，增長快，但監管並不如銀行般緊，因此，中央會有更多的監管針對這部分，影響了賺錢能力。

整體上，阿里，長遠仍是有發展，賺錢能力雖然有少少減，但長遠會同政府同議一些監管方法，以及找到合理的賺錢模式，你預阿里$250以下是合理區的頂位，這股可長線。不過，中短期會波動。

如果有貨，可持有，但就唔需要太急加注，如果未有貨，現金足，可以這刻小注，之後跌1成以上再加注。

中生（1177）出左業績，比預期差，所以股價都有所回落，都是正常市場情況。

不過，又唔需要太過著重短期業務，一間企業中短期業務總有變化，都好正常，最重要是睇長期。這刻長期分析，又未算差，整體質素無變，長遠仍是有發展的。當然，仍要多觀察之後的業績，先有更立體的情況，但暫時見唔到核心改變。

佢由之前的貴，去翻現價合理區中上部，現價又未到大手時機，相信中短期仍波動，要有心理準備，但長遠無問題的。

友邦（1299）有質素，現價勉強合理，都可分注小注。至於另外兩隻，都有發展力，但現價略貴，回翻少少先。

------------------------------------------------

Q19324：

老師 我最近轉了股及加了月供 想問o唔ok呢？
我年齡30 想5年儲到100萬 已婚 1子

股 ～ 6618 500股 ＄117
11 100股 ＄137.8
9988 200股 ＄272

月供
2800 ＄3000
700＄2000
1211＄2000
388 ＄1000

龔成老師：

你持有的股票，都是有質素的，恆生（0011）是收息股，而阿里（9988）及京東健康（6618）則是潛力股，都可以持有，其實你應該加翻D平穩增長股，之後就唔算要增加收息股，因為你年齡仍有增長力的。

我見你供都是都是有質素的股票，都可長期進行，基本上是無問題的。

但要留意翻，現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q19325：

咁如果市區物業較細，得200尺左右，但樓齡幾年至10幾年較新，有投資價值嗎？

我怕納米樓將來無價值，而我暫時又只可負擔到400萬以內物業。謝謝老師！

龔成老師：

最好當然在250呎以上，因為這是一個家庭最基本的需要，所以，在價值層面，200呎的樓點都會差少少，或者你找一些樓齡高少少的樓，但又未算太舊，區份唔好太差，去平衡。

------------------------------------------------

Q19326：

6099宜家係入市時機嗎？
謝謝

龔成老師：

招商證券（6099）主要業務包括財富管理等業務，例如代理買賣股票、基金、債券、期貨及其他衍生工具，賺取手續費及佣金。

同時亦有投資銀行業務，為企業客戶提供一站式的投資銀行服務解決方案，包括股票承銷及保薦、債券承銷、財務顧問服務及場外投資銀行等服務。

質素都有少少，但不算好強，因為睇翻佢過往的業務情況，有點不穩定，同時未算好賺錢。業務會較受投資市場影響。

現價合理，但這類股增長力未必好強，唔建議投資太多。

------------------------------------------------

Q19327：

老師，1628你點睇呀？
而家2.8元
值得買入嗎？

龔成老師：

禹洲集團（1628）主要於中國廈門、上海、福州及合肥從事物業開發、物業投資、物業管理以及酒店業務。

佢係新加坡、香港、上海、合肥、福州、廈門等地均設有分支機搆。

整體質素都有，但未算好強，佢在行業中，未算有好大的規模與優勢，另外，負債較高都對這股造成風險。加上業務有點波動，這股唔建議投資太多。

現價合理，如果控制注碼都可考慮這股，長線投資價值都有，但未去到最高質類別。

------------------------------------------------

Q19328：

老師，有什麼優質股可以推介我呢？因為自己買的股全都下跌的。

只希望能在一年賺回30-50万...可以嗎？

龔成老師：

財不入急門。

你要用平衡，穩健的方法有效增值。要建立一個長期的優質組合，唔好太著重中短期股價表現。

你可以考慮盈富（2800）。

另外再加：銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

如果想增長力高少少，可考慮：安碩恆生科技ETF（3067）、阿里（9988）、騰訊（0700）、港交所（0388）、舜宇光學（2382）、小米（1810）、比亞迪（1211）、中生製藥（1177），但就要明白波動性比上述會高左，同時風險大左，你要自己平衡。部分要等回少少先入。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q19329：

你好老師，我就近40歲，打算買一些收息股長擺到55歲左右退休時收息做日常開支 。

我的組合如下
3988+2388銀行
941 電信
87001 +00978 房產
883 資源
548 +1800 基建

共大約200萬
你覺得以上組合如何？
謝謝

龔成老師：

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

以你的年齡，其實財富仍有增長力，建議你投資「平穩增長股」+「收息股」，到50歲先較集中在收息股。

你上述的股票，都可以，建議加上置富（0778）及恒生高股息率ETF（3110）。

另外，建議你同時加上平穩增長股，你可以考慮盈富（2800）。

另外再加幾隻：銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q19330：

其實本來一直有每月供開 2800，0066，0012，0003，1038同埋金沙的。每月供款11,500.

只是今年股市突然大跌，我停了月供上面幾隻，只保留月供2800。因為看不到前景，所以無為個幾隻股票月供了。

5年一百萬可以嗎？月供仍要20,000嗎？

上面講的0066，0012，0003，1038 同埋金沙，只係供咗8個月左右，所以唔多股數。

龔成老師：

其實月供股票，盡量都唔需要停或改變，只要保持長期策略就得。

另外，當我地分析時，應該著重企業長期業務發展，而不是當刻股價，你上述供的都是有質素的股，可保持進行。

相信$100萬有可能的，月供$11500。

如果你想進取少少，可以加入安碩恒生科技（3067）去月供。

這基金追蹤恆生科技指數之表現，而恆生科技指數，都是一些有質素的潛力股，例如阿里（9988）、騰訊（0700）、小米（1810）、美團（3690）等的新經濟類公司，長遠有潛力。所以有長線持有價值。由於基金有30隻股票，比起單一股票，風險能減低。

不過，現價都唔平，大約在合理區頂，因此，這刻不能大注投資。最好的策略，就是月供，或自行分注小注慢慢收貨，原理如同不斷儲貨，這樣就能平均買入價，減少風險。然後就長線持有。

另外，現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q19331：

老師，全球係金融海嘯之後不停印錢，不停借貸，各國負債水平已經好高，加上最近嘅疫情，最近聽到好多嘅有關債券違約嘅消息

聽唔少人講黎緊會有一個金融危機，如果係咁，我係咪應該放曬啲股票，等金融危機出現再買入會好啲呢？

同埋我宜家5成現，5成股票，會唔會太多現金？
5成現金

龔成老師：

如果真正有金融危機來到，可以這樣講。

不過，我過往20年，久唔久都見到有評論話會出現金融危機，可惜，通常多人講都唔會發生。

反而真正的金融危機，通常都是無乜人講，這樣才會造成更大的殺傷力。

我唔建議你賣晒所有股票等，因為有一半機會，你只會眼白白見所有股票不斷升而買唔翻。

因此，你保持原有的投資策略，持有優質股，長線就得，反正優質企業都不會因金融危機而倒閉。而你現時持有3-5成現金可以。

------------------------------------------------

Q19332：

老師你好，剛轉做全職媽媽。早前買咗老師「財務自由行」深受啟發，所以買了年報勝經、股票勝經

想趁空閑時間學習分析年報，希望日後有機會上到老師投資班。

因經驗尚淺，近來見blogger 推介而於 2.73 買了一隻 00697 首程，請問這股合理價如何？

是否一隻有潛力嘅股票？ 另外老師書中提及年報最好睇五年，但首程近呢幾年先轉型，請問如何分析？

另想請問老師仲有無分析年報嘅書推介？

謝謝老師解答

龔成老師︰

首程控股（0697）主要在中國從事停車場經營管理，以及私募基金管理業務。

佢由過往鋼材製造、礦物開採及加工業務，轉型至現時業務。分析年報時，應集中翻現時尚持續的業務上。

其業務會比較波動，甚至出現過虧損。整體質素只屬一般，見佢最近有盈利改善的情況，如果你持股不多，可以睇下企業的業務係唔係真正有改善，才決定處理方法。

我自己對一些轉型企業，一向都只是一般般。

書本上，你可以睇<巴菲特寫給股東的信>、<證券分析>。

記住，在投資一隻股票前，一定要做足功課。好以睇年報、公司網站、一些統計數據等。唔好單單聽消息就去入貨，咁係好危險。

當你想投資一隻股票時，發現答唔倒自已，間公司係做乜生意、個企業架賺錢模式、行業未來發展和競爭會點、財務狀況健唔健康等問題時，就最好唔好入貨住。

------------------------------------------------

Q19333：

龔sir，想問下0823，3319，0012，1038，這四隻的業務是否相關性較高，現價也是合理區，若一同持有會有相關性風險嗎？若4選1，那隻會較好。

還有0941可上望返去$60嗎？

還有0005和0011那一隻較好呢？

謝謝龔sir解答

龔成老師︰

長建（1038）是從事國際基建項目，好似電力供應。而另外3隻，都係地產類，係有一定相關性。

當中講潛力和值博率，現時恆基（0012）會佔優。

中國移動（0941）會唔會上翻$60，或者幾時上翻，我估唔倒。但以現價計，股息率超過7%，有投資價值。如果你目標係收息，現價可分注。

而匯控（0005）和恆生（0011）都是收息股，整體質素上會係恆生較好。

其實你要睇翻自己的年齡與風險承受程度，去設計一個長遠的財富組合配置。

------------------------------------------------

Q19334：

老師你好， 因為我未投資過 想開始試下投資 , 但未知點開戶 ,
是否去任何一間銀行開投資戶口就可以

因我看你問答的講到月供手續費5% 比較貴 , 正常應該係大約幾多%左右？

另外月供股係要每個月自行入錢 定銀行開戶後會自動過數幫你買入？

因看到你其中一個問答講到月供最少應持續3年以上 , 持5年

（係米意思3年keep 住入錢， 3年後就放係到等到大約5年先決定提取與否？

謝謝老師

龔成老師︰

你可以去銀行或者證券行開戶口，睇係邊個方便你。

之後，每個月會在戶口中扣除指定金額，去買入你所選的股票。銀行的話，佢基本上會每個月在你戶口扣數，你可以再問清潔。

而每月月供成本，最好持係1%。即係你用$5000供A股票，咁個成本最好係$50以內，。否則，會較影響你長線回報率。

而月供目的，就要係去平衡價格波動風險，所以越長越好。最基本要求，月供維持3年以上，並持有這些股票最少5年，咁個月供效果先會理想。

------------------------------------------------

Q19335：

亞sir,你好呀...想問你點睇隻1759?之前3.8入咗..而家跌到傻咗...唔知應該點..

龔成老師︰
中油潔能控股（1759）在廣東省、河南省及江西省經營液化石油氣和壓縮天然氣相關業務。

本身這類商品企業，賺錢能力就唔會太強。因為佢產品無差異性，故定價能力唔會太高。

佢本身規模好細，盈利都唔多，連1千萬都無。見佢近年盈利一直下跌，暫時所見質素好一般。長線計，最好慢慢換碼至其他優質股，咁會較好。

------------------------------------------------

Q19336：

龔成老師，您好⋯⋯一直有follow 你FB，所以係2019年開始月供股票，每月各$5000供煤氣同中電。

我現在45歲，開始想10年後可以財務自由。月入有$11萬，但用稅貸早年在外地買了物業，所以要每月要還大概$4萬（直到2022年中），現金流大約只有$10萬，由於在香港沒有物業

租金加上其他使用及交稅同照顧家人，月供股票後，每月都係差唔多月光族。

所以很想知道我要點做才可以在10年後做到財務自由？感謝

龔成老師︰

現時除了審視開支部份，有無一D可以刪減架不必開支。另外，可以做一些兼職或小生意，去增加現金流。

現時你用月供去做財富增值，就是向著財務自由的一個好方法。

但問題是你投資2隻股票都係同業，會有過度集中風險。較理想方法，就係將佢部份資金（或取消其中一隻），分散到其他行業股票，或投放在盈富（2800）身上。

以下股票都適合，你可以從中選擇。

平穏增長股︰盈富（2800）、金沙（1928）、恆基（0012）、平安（2318）、中銀（2388）、港鐵（0066）、長建（1038）、粵海（0270）、領展（0823）。

另外，現時大市只在合理區，每月資金唔好盡用。最好留有部份，等大跌市出現時，可以用來掃貨。

------------------------------------------------

Q19337：

你好呀龔成先生，我係一名師奶仔，自今年5月開始追你post, 一開始跟你建議買盈富基金（$23.9）

之後見你教我地月供組合可以考慮希慎，我又喺$20，$22，$24入左貨

近排見佢升到上$30，我仲應唔應該入貨？

雖然希慎收租暫時未有好大影響，但未來公司可能會傾向WFH,租細啲/ 租平啲

對希慎都有影響。
多謝你的意見，謝謝

龔成老師︰

希慎（0014）有一定的質素，可以長線投資。雖然會多左人在家工作，長遠會對寫字樓有影響，但好多公司都接受唔好員工長期在家工作，我自己都是顧主，都唔完全放心員工在家工作。

佢係銅鑼灣商舖及寫字樓地區中，係其中一個最大商業大廈業主，投資組合擁有逾4百萬平方呎之樓面面積，希慎廣場、利園等，都是十分優質的商場。

佢過往出租率均多處於95%以上，商場及寫字樓很多時更處98%以上的高水平，係典型的收租股。雖然受疫情影響，但長線相信會回復至較正常水平。

這股可長線投資，有平穩增值作用。現價計，在合理區中間。

但你要留意，我地投資時除左要選優質股外，也要注重組合的平衡性。因為一個行業就算更有優勢，也有機會面對行業週期及突發風險，太集中會對你整個財富組合不利。

相同行業不可佔組合多於3成，而單一企業最好不要大過15%。

------------------------------------------------

Q19338：

請問2269 和 2359 大家都係藥明系。請問邊隻會好啲啊？

係咪2269 入左藍籌好d？但每股盈利 2359 又高d。
所以唔識揀

龔成老師︰

藥明生物（2269），主要提供有關生物製劑藥物發現、開發與生產服務。

佢涵蓋生物製劑發展過程的所有五個階段，即藥物發現、臨床前開發、早期臨床開發、後期臨床開發及商業化生產。

而藥明康德（2359）是委託研究機構，佢一定有發展的空間，加上佢是大型的機構，因此本身已有優勢，可以作長線投資。

藥明生物（2269）現價唔平，當價格出現回調，我擔心幅度會唔細。藥明康德（2359）都有類似情況。從業務上，兩隻都是有質素，同時有一定的增長力，質素以藥明生物較好。

從估值上，兩隻都貴，如果要2選1，會選藥明生物。

------------------------------------------------

Q19339：

本人今年50歲，現失業中，現有15只股票，帳面虧損13萬多，不知如何處理，希望阿Sir可以在百忙之中指點迷津

應該如何處理以下股票，是否繼續持有，還是買出，可否拜托教導應怎樣處理

現持有股票：
14@2000股$28.5買
460@8000股$1.9買
547@30000股$0.83買
548@2000股$9.67買
576@2000股$6.33買
939@3000股$7.8買
1060@10000股$3.31買
1093@6000股$18買
1800@3000股$11.6買
2280@8000股$4.25買
2318@500股$87買
2800@3000股$26.2買
1177@2000股$8.72買
9618@200股$340.4買

無限感激🙏

龔成老師：

只要佢地有質素，又適合你人生階段，中短期波動唔洗太在意。

睇翻你現有持股，四環醫藥（0460）比較麻煩，因為曾經停過牌一段時間。

如果你睇翻佢年報中，每年獨立核數師的意見，你會見到在2014年出現「不表平意見」，2015年、2016年出現「保留意見」，這都反映核數師對佢盤數感到有可疑，這是一個十分不利的因素。因此，賣出是較好的策略。

數字王國（0547）如果睇睇佢的業務情況就明，營業額每年下跌，年年虧損，根本沒有投資價值，你賣出這股較好。

阿里影業（1060），炒作較多，風險高。這企業到現時仍未有盈利，市場只憑佢前景去評估，其實這會有相當的風險，這類股最多只能小注。

慧聰集團（2280）多年出現虧損，投資價值不高，建議換至其他優質股。

京東（9618）和中生（1177）係有質素潛力股，但波動性較大，唔係咁適合你年紀。現貨可持有，但不要加注。

未來投資增值時，可集中在以下"平穏增長股"身上，會較理想。

平穏增長股︰盈富（2800）、金沙（1928）、恆基（0012）、平安（2318）、中銀（2388）、港鐵（0066）、煤氣（0003）、長建（1038）、粵海（0270）、領展（0823）。

------------------------------------------------

Q19340：

成哥，我係之前既畢業生，首先多謝你教左我咁多野，用你教既價值投資法，我第一次係股票市場中贏到錢

之前上完你堂，我都睇好未來電動車既前景，由於我之前買唔到比亞迪，又無水桶1既股票，所以現在都幾頭痕

咁唯有轉向其他既相關既汽車類別股票啦（以下依隻都係朋友介紹），我盡量用你之前既估值方法去計算股價，但由於新手信心不足，唔知計得岩唔岩，所以想問呀sir對下答案

1）425敏實集團前程如何？ 是手桶1潛力股嗎？
自己估價
PE 31.4-35.04
Ev/edita 21.06-31.06

2）恆基地產12
自己估價 27-34.8岩唔岩呀？

3）3319雅生活服務
之前上堂聽你介紹過，嘗試初步評估，但好似上市年期得2年資料，真係唔識計，想問估值合理區係邊呀？

4）由於我未有置業，所以想買一些地產股係每月租金支出上做平衡對沖（每月租金11000支出）
現在持有領展+恆基地產

想問我應該買多少金額的地產股，大約平衡租金上既開支？

5）順帶一問，除左香港，成哥有沒有睇好邊一個城市既物業有投資價值？

祝身體健康，財源廣進
你派既note真係好厚

龔成老師：

1）敏實集團（0425）不過不失，佢產品都供應比一d國際著名汽車集團，豐田、福特、通用、戴姆勒等。

佢係中國外部汽車車身零部件供應商，主要從事設計、製造及銷售以下三大類商品車身結構件等。

整體都有發展的，但未去到最高質素的企業類別。這類股，投資不是不可投資，但就唔適合佔組合比例好多，現價合理區中上部，都可長線的。

你計算的估值大致都合理。

2）恆基（0012），這股有質素，可長線，不過增長力不算強。計算估值大致合理。

3）雅生活服務（3319）不錯的，佢無論在業務本質、規模、品牌、財務數據、前景，都是理想的，反映這企業有一定的質素。

加上這企業的背景因素，以及行業的發展，相信這企業的前景不差，有長線投資的價值。

當然，行業有時會有較大的炒作，股價上落大，要注意風險，而整體是有長線投資價值的。

由於佢上市年期較短，因此估值時會運用行業的數據較多，你可以盡量找與這企業相近的公司去比較。現價大約為合理區中間。

4）雖然這做法都可，但你要留意，在你股票組合中，同一行業唔好多過你組合的30%，否則會太過集中。你用長期的角度分析。

5）最重要是地少人多，長遠經濟向好，香港、澳門都是這類地方。另外，吉隆坡、曼谷、倫敦都可留意下。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

【龔成問答信箱】（Q18681-Q18700）

Q18681：

老師，請問如何評估股價嘅合理位？就算睇市盈率又點知佢算高定低？

仲有如何估算一企業嘅市值合唔合理？

龔成老師：

要計企業的價值，過程比較複雜，好難三言兩語就講到，就算在我的股票班，都要講5小時，裡面會講3種估值方法，有難有易，但同學都用到的。

簡單來說，你要考慮企業的生意、盈利、現金流、資產、負債等財務數據，同時要比較行業，考慮這企業的經營情況，之後的環境又會如何。這都是計算的基礎。

如果要深入計算，基本上要好仔細的研究企業，要分析好多財務數據用比率，先至有較完整的答案。

------------------------------------------------

Q18682：

龔Sir,我個仔現在讀大四，想佢返工後開始月供股票，請問長期供2800得唔得（希望佢一直供到退休，可以自製一份长糧）

我同佢爸爸準備近期幫佢買第一注，以後月供就靠佢自己，2800要幾錢入算係合理區，幾錢算係便宜區?

家長呢種做法可唔可取?
麻煩晒，多謝!

龔成老師：

我覺得這是一個不錯的方法，你地先啟動第一注，其實現價合理，可以進行。你預去到$23以下開始平。

之後就等佢自己長期月供盈富（2800），我相信是一個好的策略。

最好當然佢自己自動自覺去供，但如果佢本身無人意識，你啟動第一注可以的。總之，你要比佢知「最後都是要靠自己」。

------------------------------------------------

Q18683：

你好，我想講去年終於已經轉左工，但都只得1萬元月薪。。。咁我仲可以點?

我想搵兼職

但發現呢份工佔我好多時間

星期一至星期五夜晚去7點幾。。。星期六又去到4點
好難搵兼職

龔成老師：

在中短期，你可以利用高時薪兼職，去提高收入，例如私人補習等。

但長遠，你就要提高自己的價值，這點好重要，你要令自己「值錢」，你提高你的能力，之後可以再轉工，但要在正職上，慢慢走向上，這才是長期的解決方法。

如果現時的工，上流的可能性低，而人工又不算高，加上用了你好多時間，你長遠就要轉工。

------------------------------------------------

Q18684：

老師請問可以教下我如果想一年收兩萬股息可以點部處嗎？

老師如果如果我唔供但每兩個月買一手盈富基金想問要長期持有姐係持幾耐。同埋我都有買埋陽光房產黎收息

但我唔明白點賺錢

老師想問匯控同恆生分別係邊同埋如果想買恒生作長期投資可以嗎？

龔成老師：

如果想一年收$2萬息，如果投資6%收息股，你就要有本金$33萬，你唔好只集中一隻，而是要建立「收息股組合」，同時持有多隻收息股。

如果你每月買一手盈富（2800），現時大約是$12000本金，你就要買28個月，就大約累積到$33萬等值股票，到時可轉到收息股。或者再供長少少時間去累積盈富收息，（因為盈富股息率無6%咁高）。

你要記住，我地不是「賺差價」，而是財富的「配置」，令財富有「增值」及得到「現金流」。

至於隻間銀行，恆生（0011）會較穩健，你可投資作收息。

------------------------------------------------

Q18685：

龔 Sir你好，我之前買咗2202，而家見到恆大嘅財務近期有問題，再看2202的中期財務報告，佢持有資金達到1942億，高過佢一年內要還嘅負債968億，我想再係佢21至$22在加注買入，想請教你覺得如何呢？

之前你同我講要着佢嘅負債，咁呢隻股票係咪唔屬於優質股長期持有呢？ 請你多多指教祝你身體健康。

見到你的書響奧運站新開嘅誠品繼續佔頭10位，真是戥你高興。之前睇完你本80後百萬富翁，我再買咗本《股票勝經》睇緊！

龔成老師：

萬科企業（2202）又是另一間極高負債的企業，內房好中意有個玩法，就是高槓杆，這當然有危有機，只要市道順利，這樣可以放大回報，但同樣會放大風險。

只要能順利賣樓套現，佢就有足夠的資金去還錢，如果賣樓唔成功，就會出現流動性問題。

因為樓點都有價值，所以佢地好有信心，但風險，就是好多時大家都分析唔到的野，我始終覺得佢地太進取。

你小注持有可以，只要控制注碼，長線都得，但就唔建議你加注。

多謝支持！要保持閱讀及增加知識！

------------------------------------------------

Q18686：

老師，想問6049已由高位回左40％左右，其實到合理區未，你覺得呢隻股票前景如何，如果以物管股黎講，頭3名最好有冇佢份？

老師，想問你會唔會有即時串流報價既網站？

龔成老師：

保利物業（6049）都有質素的。

佢係中國的物業管理服務綜合商，主要提供以下三項服務：（1）物業管理服務（2）社區增值服務（3）非業主增值服務：主要向物業開發商提供案場協助服務。

生意與盈利都有理想增長，現金流不差，本身有質素。但市場之前對這類股有少少熱，股價較波動，加上規模不算好大，因此都有風險。

優質度有的，如本身有貨可持有，但如想入就最好小注

我唔用「即時串流報價」，因為我唔著重短期股價，我只睇企業，如果價值適合，$100同$101都差不多。

------------------------------------------------

Q18687：

龔sir 你好
我想問下1038 點解幾個月前會暴跌？
現在價位合理嗎？

長揸有無問題
謝謝

龔成老師：

長建（1038）較多資產在歐洲，當地本身經濟差，鴐上近期疫情持續，對佢有不利，相信中短期仍會較弱，但長遠仍是有投資價值。

其實長和系都有類似情況（你見李嘉誠都有增持），中短期弱，長遠無問題，不過，就不是高增長類股。是收息及平穩增長型。

長建現價合理，可分注投資，長線持有。

------------------------------------------------

Q18688：

老師請問你有無研究投資越南既野？ 點睇2804 和 3087？ 因為好多新聞都話越南會成為下一個世界工廠。
謝謝你，我都好想聽下你意見

龔成老師：

越南的確有一定的增長潛力，之前中美貿戰，已有唔少廠搬左去越南，相信唔少廠都會想方法分散風險而去果度，當地都有投資價值的。

不過，我無特別研究相關的基金，睇翻過往價格就有少少波動。

越南始終是新興市場，有危有機，你投資可以，但就唔建議你太大注。

------------------------------------------------

Q18689：

公司回購股份是好事嗎?
對股價有什麼影響?

龔成老師：

一般來說，都是利好因素。第一，反映公司認為現時股價唔貴，第二，這動作能夠令中短期股價向上，第三，回購進行註銷，總股數減少，每一股的價值得以提高。

因此，這是另一種回饋股東的行動。

不過，我地最重要是分析企業的業務本質，這才是核心，回購因素只是一些加分住。

------------------------------------------------

Q18690：

老師，好久沒找你談話，最近一直被價值投資和投機強勢股兩者所產生矛盾而煩惱。

等待價值股跌落便宜合理價真的很困難，而且當股價跌落某些重要止蝕位時，公司又本質沒變。

但相反投機強勢股再在下方定止蝕，強者恆強的優勢更明顯，老師除了基本面，還會看資金面，技術面嗎

龔成老師：

我20年前，都是短炒者，技術分析者，用左幾年，輸足幾年，之後長線投資，就開始不斷賺錢。

我好後悔當時浪費左幾年去學這些分析技術，我當時不斷睇書、上堂學短炒，但最後都是輸，好後悔，只怪我當時無知。

之後做銀行同證券行，見大部分輸錢的客，就是短炒的一群！這是我10年見到的情況，這是行內的秘密，根本大家都知短炒者一定輸，但業界一定唔會講！

另外，如果你分析全球真正賺錢的投資者、經金經理，佢地都無人短炒，都是長線投資的，巴菲特更講明反對短炒，反對技術分析。

只要我地細心少少去想，都會明短短炒根本賺唔到錢。長線先至係王道。

------------------------------------------------

Q18691：

老師，我想請問一下 00883 03988 00880 01972 02007 01448.

這些股票是我現在持有的

但都比買入價下跌了，老師認為可以繼續持有？

我明白要看企業的長遠發展，但每天看見不斷下跌，就好不安。

麻煩老師比d意見

龔成老師：

我地最重要是睇企業質素，不是股價，不要太在意中短期股價。

太古地產（1972）、澳博（0880）、福壽園（1448）質素較好，而另外3隻質素都有，但未到好強之列，你要睇下自己持貨是否過多。

我地持股，質素較好的可以佔比較多，質素一般的佔比會較少。

你要著重睇企業的長遠發展，而不是當刻的股價。

------------------------------------------------

Q18692：

老師我的個案如下:最近 揸咗十年嘅樓 成功賣出, 當日205萬買入而家 590萬 賣出， 扣除各項我有四百五十萬現金喺手， 我會用 一半 出一部市區的士， 餘下現金 應該如何分配？

我自己本身月入 四萬五， 老公 月入大概 三萬多， 手頭上 有 一開三車位自用

另外手上有三個車位出租， 現擁有四個市區的士牌， 但全部都係供緊， 老公仲有 一間 公司 物業， 一樣係供緊

除咗 賣樓得嚟嘅現金 想 徵詢老師意見如何 投資之外
第二樣就係我希望提早退休， 我現在已經四十七歲 如何用以上擁有嘅資產現金 可以 53歲前 就能夠退休呢？

另外 去年 開始供緊 月供股票， 包括領展， 盈富， 港燈， 最近加咗隻 阿里巴巴， 手頭有少量股票都係你曾經提過嘅優質股， 當然會長揸喇

龔成老師：

其實你太集中在車位與的士牌，在財富配置上，這樣會出現集中風險，你要注意翻，因為我地建立一個「平衡的財富組合」都是好重要的。

你可以保持上述的月供，但到退休時，就應該轉為較收息類的股票。

你可以將有上現金，分成5部分。

第一部分投資收息股，你可以建立一個收息股組合，你可考慮港燈（2638）、香港電訊（6823）、恆生（0011）、工行（1398）、置富（0778）、陽光（0435）、深高速（0548）等，大多有5%股息

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）等（記住，股價略波動，不能太過大注）。

（你可睇下《50穩健收息股》當中仲有好多）。

你平衡的投資這些股，除了可以得到穩健的收息收，同時可有效的分散風險。

第二，投資債券，你可以選擇A評級的債券，年期較長都可以，但利息卻不高。你可以到銀行問問。

第三，投資年金，你可以睇睇，這是適合你們的產品，零風險，可以有穩定回報。

第四，你亦可投資銀行低風險類的產品，你可自行到銀行了解下，總之是「低風險，持續現金流」的。

第五，持有現金，除了可做定期外，現金亦可以為你的後盾，以備不時之選。同時，若投資市場大跌，你可以在這時買到更多的收息股，股息率會進一步上升。

你可以手上資金，平衡地分配在上述的項目上，對你來說是最好平衡風險，同時有穩定的現金流。

------------------------------------------------

Q18693：

老師，我已經在進行閱讀 八十後百萬富翁
已完成一半
之前都有略讀過股票勝經
打算睇完八十後就再睇一次
股票班都好想上

但因為要輪班 同埋從來都無咩恆心（從來都無成功睇完一本書）
所以想先專心睇左你既書 更有決心再報班

現時和先生月供$13000股票 由今年3月開始（有些是3月時小注買入）另外每月約有$6000儲現金，請問需要調整嗎？現金約有16萬備用

$4000 2800 盈富 24.41 1,444股
$3000 2388 中銀香港 22.31 1,767股
$2000 1211 比亞迪 42.36 793股
下月打算暫時停供 改為供 2382 舜宇光學
$2000 1177 中生 7.89 2,187股
$2000 0823 領展 68.39 635股
$1000 0012 恆基 32.2 1,366股

好想學老師早日財務自由
暫時無咩目標 想有樓住囉
打算呢筆錢 最少3-5年或以上
而且最少啲錢可以自己每個月generate到一筆錢供股票先考慮會用 老師教想用錢最好可以用本錢賺到下一個double先動用呢筆錢

我有努力學習同實踐架
希望可以早日脫離做金錢既奴隸

呀仲有
雖然認識老師你時間較短
但好開心我都見證到第一隻倍升股比亞迪
口水有啲多但好多謝龔成老師

龔成老師：

好呀，你這刻先保持閱讀，之後再報股票班。總之保持進步就得。

月供的都是有質素的股票，方向正確，你照你計劃進行就得，比亞迪（1211）轉其他，可以的。另外，你可以考慮減少中銀香港（2388）的金額，加少少去恆基（0012）。

現金$16萬就持有，等機會。你現時的方向無問題，保持進行就得。

你努力，一定可以財務自由的！

我都用左好多年努力去進行，正如比亞迪（1211），我由2008年開始儲貨，大部分只入不出，都是多年努力的成果！

------------------------------------------------

Q18694：

老師你好 本人25歲 未買過股票 睇你好多時都推薦新手買2800

我睇返2800由07年開始到依家升幅唔係特別高 月供真的可以穩定賺錢嗎 希望老師有機會可以黎澳門開班

龔成老師：

月供的作用，在於「長期儲資產」，原理就是儲錢，但不是儲現金，而是儲資產。

如果你有選股的能力，十幾年前開始，每月月供騰訊（0700）、港交所（0388），我相信你現時身家過千萬。

不過，並不是每個人都有選股能力，因此，對大部分散戶來說，盈富（2800）就是較好的選擇，因為這是一個「組合」，不是最高回報，但卻是較平衡風險。

因此，我會建議你月供盈富，再加上自己選一些股，長期進行。

疫情過後，我會過來澳門的！

------------------------------------------------

Q18695：

老師，舊經濟股冇得賺了
比人帶入股票谷,賺少少
之後比人騙入買了妖股蝕左$10萬

所以要重新學習買股票
但係最近入咗3680美團$260，$255
高位入市😔😫⋯⋯繼續持有

3680後市會掂？
今期$230-250橫行
近期$230-250橫行

只想快啲賺番那$10萬

龔成老師：

你有幾個問題。

第一，唔好太著重這刻的情況，舊經濟由於受疫情影響，雖然增長力弱左，但不代表無質素，你唔好只著重表面因素去分析。

第二，群組及坊間所講的野，所用的方法，不要再信，你要學，就跟全球最賺錢投資者的方法，即是巴菲特的方法。

同時立刻刪去所謂的財經群組。

你有多少知識，同你長遠財富，一定成正比。

第三，你唔好只著重短期股價走勢，這方法好錯。

第四，財不入急門，投資好需要你的理性。

你要明白，我地投資，是建立一個長期的財富組合，買入後長線，著重分配，新舊經濟股都要有。長線持有。

------------------------------------------------

Q18696：

龔SIR,我在早前疫情開始時買了金沙, 雖然在股票班中你從澳門發展前景, 金沙的市佔率表達左你對金沙的信心

我初時都認為是中短期問題...但是我有些擔心, 疫情始終不知道幾時會完...而金沙的現金,面對虧損大約只可捱到2年左右...疫情一唔走..就完全不能營運...財政是不是有機會有重大問題??

龔成老師：

疫情始終只是中短期，你唔好因為「中短期」而影響了企業的核心分析，這會變成坊間的短視分析一樣。

至於現金，佢仍有好大的發債能力，雖然燒銀紙會對企業價值扣分，但就未去到核心性的不利影響。

------------------------------------------------

Q18697：

龔老師你好， 本人投資經驗為零，從事醫護，33歲。丈夫為公務員 31歲，每月收入約10萬。可每年跳point。

育有一兒 約兩歲 之後打算入讀國際學校 每月學費 (暫只計算小學) 約一萬至萬五。

現每月家庭支出為四萬 每月儲蓄5至6萬 沒任何股票 大部份存款放銀行定期 利息少得可憐

現手上存款已儲有7個月家庭儲備金及現金70萬。

全家人已購買醫療及人壽保險

現屋住在政府宿舍 可選擇年半或三年半後遷出 遷出宿舍後可以領取租金津貼 約每月萬八 津貼十年。

問題一 住屋問題

投資經驗為零 丈夫可選擇於年半或三年半後遷出宿舍 視乎升不升級 不升級可住3年半

想問應否早遷出宿舍 自己置業？ 還是住到三年半後？讓這幾年盡量儲蓄更多錢？ 之前大部份儲蓄都打算作首期 不敢拿來投資， 因怕失利之後沒有地方住。看不清樓市走向 不知道租樓還是買房子哪一樣比較好 ？ 因為完全不懂投資亦不敢投資

這個情況 應該有甚麼投資方向 可以保本為上？可以詳細些指點 投資策略嗎?月供股票可行嗎？ 資產分配可以怎樣？

問題二

請問要設定兩人之退休金額應是多少？再加上子女之教育費用 應該如何才能達到財務自由？投資目標回酬應設在多少%才算合理？

龔成老師：

1）以你地現時的現金及居住情況，可以在2、3年後置業，你可以以這個為初步目標，唔需要太心急置業，因為你地這刻資金唔需好多，不過就有儲蓄能力，儲2、3年錢相信會更穩健。

你可以在這段時間，大部分儲現金，小部分就投資股票，如果你無投資經驗，最簡單就是月供盈富（2800），每月$10000。

同時，當你見到股市明顯下跌時，都可以以一手手模式去投資。

另外就是香港樓市，我相信樓市中短期會跌，始終香港經濟轉弱，但這只是中短期，這將會在2年內出現，但跌多少，無人知，不過唔會太多。長期來說，香港樓市仍是向上的，因為香港樓的長期供應仍是不足。

因此，你這刻保持儲蓄投資，如果你見到香港樓市有大少少的回落，就可以提早把握機會入市。

2）當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

你可以預算下，自己退休每月于要花多少錢，然後計出一年花的數目，如果到時收資金投資收息類資產，假設有6%回報，就可以計出到時所需的財富金額。

------------------------------------------------

Q18698：

龔成老師，你好！最近開始睇你fb後，才留意股市。本人打算月供追蹤恒生科技指數嘅ETF，希望老師能俾啲意見。

請問你認為市場上各類型嘅恒生科技指數ETF 嘅前景如何？在挑選供哪一隻恒生科技指數ETF 時，有冇什麼條件以及要注意嘅地方？

另外，想問下點睇小米前景？
謝謝

龔成老師：

我會建議你建立一個平衡的組合，恒生科技指數嘅ETF，當然有投資價值，但如果你組合只有這ETF，你就會太集中在潛力類別，這會有風險的。

因此，我會建議你月供盈富（2800），同時月供恒生科技指數嘅ETF，這樣會較為平衡，你可以考慮安碩恒生科技（3067）。

至於小米（1810），$18以下較合理，這股都有長線投資價值的。

------------------------------------------------

Q18699：

老師，請問2168佳兆業美好質素優質嗎？現價 (pe 30倍)，相比其他物管股為低，我估算為合理區中上部，請問正確嗎？ 想小注買入中長線持有。謝謝老師

龔成老師：

佳兆業美好（2168）有質素的，過往的增長力不差，有長線投資價值。每隻物管股都有不同的質素、背景、規模、增長力，因此比較時要明白這點。

整體來說，現價合理，大約中上部至合理區頂，分注投資都可以，但要留意規模唔算好大，所以要留意注碼。

------------------------------------------------

Q18700：

老師，我29歲，每月扣除支出只可儲到$16,000，月供$8,000，包括$5000 2800（盈富基金），$2000（港鐵公司） 66， $2000 823（領展房產基金），繼續進行中，現時持股如下：

00066 港鐵公司 98
00388 香港交易所 112
00823 領展房產基金 122
01211 比亞迪股份 23
02800 盈富基金 1,042

1. 呢個組合OK嗎？

2. 而家用緊中銀月供，會唔會用證券行手續費會平D？有無推介？

3. 現時有約20萬現金，應唔應該一手買入定月供？

4. 388同1211現價都較貴，應該停月供定可以繼續？

5. 想月供或買入9988， 700. 1810，1177，3690，邊隻值博率較高？

感謝！

龔成老師：

1）可以，這都是有質素的股票，值得長期持有，可以長期月供。

2）有可能，但我具體唔清楚。

3）如果你投實力不算高，月供一定是最穩健的。另外，如果你見到有較大的跌市，就可以以一手手模式買平貨。

4）現時有點兩難，因為你股數太少，股價上少少貴，應該停一停，但如果你見佢落翻少少，都可以開始翻。

5）騰訊（0700）就較穩健。另外，小米（1810）、中生（1177）都可考慮。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

【龔成問答信箱】（Q16061-Q16080）

Q16061：

Hi龔sir，我26歲，月入$15000，宜家只有現金$15000，外幣$10000，上年開始接觸股票同埋月供股票，現持有：

- 02800盈富基金: 485股，平均買入價：$27.12
- 00003煤氣：248股，平均買入價：$15.71
- 00066港鐵：194股，平均買入價：$44.94

- 00285比亞迪電子：276股，平均買入價：$12.42
- 00405越秀房產信託：568股，平均買入價：$5.19
- 00101恆隆地產 一手，買入價$18.1

最近大跌市，消息太多，我的資金又唔多，考驗緊新手心理，我的股票都係高位開始供/買入，由於對房產實在冇信心，已經冇再供錢入405，我仲可以點做，想你比比意見。感謝！

同埋如果想買你既書，第一本你會建議睇邊本先?

龔成老師：

你上述月供的，都是有質素的股票，保持月供就得，不過，你現時只有$15000，這明顯是不足，如果大市進一步下跌，當價值投資者開心掃貨時，你就把握唔到這個機會。

所以，你最好一邊同時，一邊留有現金，如果可以慢慢令現金增加就最好。你26歲，這時黃金期，這段時間就盡你最大努力去儲錢！

至於地產，根本不擔心！

就算中短期經濟點差，最後不死的只有地產，你試想想，美國大量放水，現金只會無限貶值，資產在經濟好轉後，將會進一步升值。有資產者與無資產者的財富，將會進一步拉遠。

收租者，中短期可能較弱，但長期呢？根本是不用擔心，長遠只會繼續有以租收，地產根本是最不用擔心，特別是收租者！

------------------------------------------------

Q16062：

咁如果我淨係揀一隻地產股買／加註，邊隻更好呢，太古地產、希慎、港鐵、恆基、領展、新鴻基？唔該龔sir！

龔成老師：

上述都是有質素的股票，我會選擇這刻最受肺炎影響，中短期最不利，但長遠是正面的企業。

希慎（0014）可以考慮，另外領展（0823）都有投資值博率。

------------------------------------------------

Q16063：

老師，金價現在算是ok嗎？好唔好賣金飾再入股票或澳紙？（結婚時的金器）

龔成老師：

要睇你金器的價值，如果你由始至終都打算總有一日賣金，其實現時可以賣部分。但如果你一直都唔打算賣，只想把握這刻的時機，我認為又未到最值得的時候。

至於澳紙，始終是貨幣，長遠只會貶值，除非有需要，否則，應該投資股票。

股市波動，如投資，要慢慢分注入，同時要留有現金。

------------------------------------------------

Q16064：

老師你好，我今年49，之前做設計，已做到管理職，在18年中因事故”被辭職“，但我沒太大負担，所以開始半退休狀態

當時拿著積蓄開始學習投資及實戰，開始時蝕很快，直至拜讀你專欄後，開始重新整理，買入都是優質股，亦保留4成現金等跌市。

只是，現在市況，所有持股其實都虧損，我一直用”身家缩水“心態面對，沒有打算沽貨，因為我看这部分錢未來2年都唔急用。

但亦有人叫我全沽，拿回更多現金買平貨，想問老師，我應該沽貨套現等買平貨？還是保持現狀？請老師指點，謝謝！

龔成老師：

只要你持有的是優質股，保持現狀是最好的。

首先，中短期股價下跌，只是賬面上問題，我地買股票是買企業，著重企業長遠前景就得，中短期當然會因肺炎而弱，但這反而是買貨的機會。

至於「賣出等跌」再買，如果大市真的會跌就是，但問題是，我地無人知之後的升跌，如果賣出後不跌？

只要是有經驗及實力的投資者，都明白股市走勢根本好難預測的。

你保持現有的貨就得。現時現金4成，可以分注慢慢入市，最重要唔好急，慢慢入，每次買入後都要有現金剩，同時長線投資。

------------------------------------------------

Q16065：

Hello龔成老師! 首先多謝你咁用心覆我地，我follow 左你個page 一段時間，學左好多技資知識。

我現時月供股組合：
#700
我係2015 年開始供， 月供$2000-$3000 左右， 平均價$190，有619股，大約供到 2019 年中放左8成股（賺咗差唔多40%有多）
之後再keep 住供到依家（中間有停過），有67股，平均價$369。

但因為中間我係$416時買左兩手， 總括持有 367 股，平均價$408。
請問可以加大供款，繼續供$3000/ month 拉低平均價嗎？定襯佢依家升到$410 放一兩手？

另外新加組合：
#66 $2000
#6823 $4000
#9988 $6000

希望你俾d 意見我，謝謝！

龔成老師：

你太過著重「買入價」，要小心這觀念。

我地最重要，是分析翻你組合中，持股的質素、前景，佔你組合的比例是否適合，買入反而不是重點。

當你著重買入價，好易會出現升少少就賺左先的情況，但只要企業有前景，就可以繼續持有。

騰訊（0700）有質素的，但增長力比過往略有減弱，不過仍可長線持有。「拉低平均價」不是加注與否的理由。如果這股已佔你組合比例較多，就不用再加。

至於新加的月供股票，都是有質素的，但如果你想組合更為平衡，就將部分資金轉為供盈富（2800）。

------------------------------------------------

Q16066：

老師你好，近排股市波動，加上肺炎影響，令我唔知點算好。

本人做旅遊業，受疫情影響，工作全面停頓，未來幾個月都未必可以復工。

但近來股市下跌，令我好想慢慢買入一d股票。
與此同時，我由2019年8月起開始月供股票，每月供$14000，至現在為止都仲供緊。（823，012，066，1211，003，2388，2800 各$2000）

手上現金不多了，約5萬左右，要留返一點生活費（雖然我會去揾兼職，但暫時未揾到，所以唔肯定未來几個月收入如何），我應該不要再一手手買股票keep月供，還是停止月供趁跌市一手手買入股票？

還是應該向銀行借貸，不停止月供也繼續一手手買股票？

龔成老師：

如果你工作上面對現時的風險，就應該留現金，作備用，唔好心急入貨，更加唔好借錢。

我見你手上的現金不多，而現時旅遊業有好大的不確定性，你唔好入市，留現金最重要。

另外，你要想想這段時間，做下兼職，增加收入，如果你的現金多過$5萬，多出的部分就可以投資，所以，你應該盡一切努力，在這段時間想方法增加收入。同時，亦可以善用時間增加知識。

------------------------------------------------

Q16067：

老師你好，我買了你的50值搏倍升股 見到有潛質的股真的可以升十倍以上

本人28歲 ，2019年四月買了二手居屋 5.5M 樓價跌左小小
現手上資金得十萬左右 準備年尾結婚

未婚夫婦月入共 7萬5 支出不多(要供樓)
結婚又要洗一筆錢擺酒

請問未來2-3年來應努力儲首期買第二層樓放租？ 壓力會否很大？定應該儲錢買股票？應月供定一手手買？

謝謝老師指點 多謝你解答咁多問題
祝你身體健康

龔成老師：

由於你年尾結婚，需要資金，所以這段時間應該留現金。

當計算好所需資金後，餘下就可以投資，會建議你投資股票。由於你買了物業不久，不建議你太急去增加物業，否則會令你財富組合比例過度集中。

同時你在供款及風險因素，都會較大。所以在3年內，都唔建議再投資物業。

而這段時間，會建議集中股票上的增值，如果你投資技巧不算高，利用月供股票是較好的做法。

你這個年齡，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先。

你可以考慮盈富（2800）、銀娛（0027）、恆基（0012）、中銀（2388）、港鐵（0066）、煤氣（0003）、粵海（0270）、領展（0823）、港交所（0388）、希慎（0014）、太古地產（1972）等，你可以了解下這些股票，然後從中選股。

------------------------------------------------

Q16068：

老師您好！知道你每日都有很多來信，客氣說話我就不多說了。

我想請教：

1. 你點睇900, 522和1910？

2. 我定額月供股票一年多，請問有無話供幾多年停止？同埋恒指去到幾多應減少月供？因我28000點都係供一萬元，現在看來好像很「貴」

3. 想問如果我高位賣出股票，到時是否應該keep現金什麼股票都不買，等恒指大跌才再入市？

謝謝你的時間和寶貴意見！

龔成老師：

1）ＡＥＯＮ信貸財務（0900），這股不差的，但質素又未去到好高，同時增長力不強，只能視為平穩增長類，以收息來說，可以的。只要不過多貨就無問題。

ASM PACIFIC（0522）有質素的。

佢業務為設計、製造及銷售半導體工業所用之器材、工具及物料，以及表面貼裝技術配置機。於湯森路透的報告中，ASM被選為全球百大科技領導企業之一。

這企業有一定的實力，而且增長力不錯，財務數據正面，行業前景正面，因此有投資價值。

不過，從過往的數據可見，業務都有略為波動的情況，始終這類科技行業的變化較大，存有不確定性，你要留意這點。

估值方面，現價都算處合理區。由於這企業規模已經龐大，比較難有高速增長。

新秀麗（1910）中短期仍會弱，但長期仍有質素，不過就要長線，等全球經濟好翻先，而這股不應持有過多。

2）要長期月供的，你單睇過往一年當然覺得貴，但月供一般要5年，長期買入價就會平均，如果可以的話，更長時間月供都得。然後到真的大升，好貴時，才考慮賣出。

3）可以咁講。

最重要是分析到當時的企業估值，已到了貴的水平。如果不懂分析，就用「升一倍，賣一半」作策略。

------------------------------------------------

Q16069：

老師你好，我依家仲係學生月入7000至8000, 現金不多20k,月儲4000,其中1000月供2800。持有以下資產

1211 500@35
778 [email protected]
939 [email protected]
[email protected]

請問資產分布ok嗎？778現價平宜區嗎？應該溝小小定keep cash?

龔成老師：

你在讀書時期，已能有上述的財務情況，做得不錯。

上述持有都是有質素的股票，但澳紙只是貨幣，長期會貶值的，不值得持有太多。

你可以保持長期月供盈富（2800），我會建議你加大到$2000-$3000。

由於你現金不算多，你加注時要慢慢用，你可以假設有$15000作底線，這數目之上就可以買貨。大市波動，唔好心急用。

------------------------------------------------

Q16070：

老師你好！我係你股票班的舊生，希望盡快有機會上你的進階班！近期股市跌番入合理區，我都想入少少貨，但有啲唔係好識分析，想請教你！
老師你點睇

老師你點睇9988？本身諗住都可以長揸呢隻，但新上市實在唔係好識做估價，我係咪應該再等耐啲等佢出幾年成績先買？你又點睇佢的基本面？佢地會唔會又係一個玩好多財技的公司？

另外老師你會點比較1299/ 2318/ 2378？近期見佢地大跌，覺得都去到啲合理位，但呢個時候買保險類股係咪真係好不智？

多謝老師解答，祝你一切安好！

龔成老師：

進階班你預我一年搞2次，上一次在3月搞左，相信2020年點都會搞多一次。你可以留意。

阿里（9988）是有質素的股票，有潛力，但估值難，因為這股的盈利變化較大，我地估值時要較小心。只可以話佢$180以下是合理區。

只要這股不持貨過多，就算在合理區中上部投資，可以的，佢業務唔少是行得好前，好有發展的。

至於保險股，由於業務會有投資相關收益，這會因近期市況而令佢上落大，所以股價上落大都是正常的。佢地都有長線的投資價值，反而這刻是不差的時機，不過就要分注慢慢入，唔好急。

------------------------------------------------

Q16071：

老師你好, 我是新手入門, 現時28歲,扛算用大約40萬資金入市,

意向想購入一些持恆增長既收息股及潛力股, 剛購入了2手匯豐@43.9,

現時情況仍可以再加注購入嗎? 請問對2800, 2388, 0388,0823及405現時的看法及應如何分配投資最好? 謝謝!

龔成老師：

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

你這個年齡，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股只能小注。

因此，匯豐（0005），對你來說，並是最適合。

不過，如果你是低風險者，好想持有收息股，這股可以。你原有貨可持有，但唔建議太多。

反而你可以考慮盈富（2800）（可以佔比較多）、港交所（0388）、領展（0823）、越秀房產（0405）。

但要注意，大市波動，你買入時要分注，慢慢用，要同時留有現金。

------------------------------------------------

Q16072：

老師你好，我今年27歲，月入約二萬八(未扣强積金)，手上持有

騰訊00700 x 1 - $362買入
長和00001 x 1 - $79 買入
中國聯通00762 x 1 - $9.5買入
同程藝龍 00780 x 2 - $ 12.9 買入

比亞迪 01211 x 1 - $48.6 買入
寶寶樹集團 01761 x 1 - $5.3買入
貓眼娛樂01896 x 1 - $14.9買入
襌遊科技 02660 x 1 - $1.5買入

另有現金約十萬，眼見好多股價宜家跌超過一半，帳面蝕約三萬，請問我應該如果部署好？另外想用約$170買阿里巴巴。謝謝你！

龔成老師：

你持有的股票，部分是較高風險，這類股不應持有大多。

寶寶樹集團（1761）盈利太過波動，對這股有保留，長遠應賣出。

貓眼娛樂（1896）小注好了。

禪遊科技（2660）小注好了。

另外，同類股票太多，出現了集中風險。

阿里（9988）有質素，但我擔心你太過集中在類似行業。

現時手上的現金，要慢慢用，唔好急。

------------------------------------------------

Q16073：

成哥，你好！我想問下1357美圖是否可以長揸？同咩現時價位是否合理區？謝謝

龔成老師：

美圖公司是有風險的公司，因為不斷虧損，根本無法估值。

市場認為佢的概念有價值，但這個價值幾多，其實無人知。所以，佢之後的股價，可以爆上去，又或再跌都得，因為支持佢現時的股價，只是「概念」。

這類股，一定不能大注。

------------------------------------------------

Q16074：

Hello, 龔成, 想請教你以下問題

長和 (00001) 於71買入
長實 (01113) 於49.7買入

想問下以而家價位應否再入手溝淡？

之前有見你介紹過六福，但以而家疫情持續，中短期生意及業績看似不太有利，應否入市？

謝謝！

龔成老師：

要睇翻長和系，合共佔你股票組合的比例，唔建議同一個相關集團，佔比太過多。如果這刻佔比唔多，可加注，現價合理。

六福（0590）中短期當然會不利，但我地投資睇長線的，只是長期回勇，就不是問題。現時股價合理，有投資價值，不過始終有少少風險，因此不建議太過大注。

------------------------------------------------

Q16075：

龔sir，我幫剛退休既父母進行緊收息計劃，將佢地可投資既現金買入以下股票：

35％ 電訊股
- 100％ - 6823 香港電訊

45％ REITS
- 60% - 823 領展
- 10％ - 435 陽光
- 10% - 778 置富
- 10% - 808 泓富
- 10% - 1881 富豪產業

15％ 銀行股
- 70% - 005 匯豐
- 30% - 011 恆生

5％ 其他
- 50% - 548 深圳高速
- 50% - 1128 永利

以收息為主，平穩增長為副既策略。我於恆指22500點既時候下左第一注，打算分三到四注。原本仲有考慮入港燈同煤氣，但息率都未到合理水平，如果之後跌到岩息率都會入d。想問下會唔會分到太散？合組有冇問題？我原意係分散風險，想你比少少意見

龔成老師：

其實方向是可以的，上述基本上都是有質素的股票，業務本質不差的，如果唔計近期的中短期不利因素，業務與派息都是穩定的。

對退休者來說，這是不差的組合。唔算太散。

不過，你在行業比例上，香港電訊（6823）佔總股票組合去到35%，就是太多，會出現集中風險，你應該調整翻。

你分注投資就得，總之分注，同時唔好太快用盡現金。

------------------------------------------------

Q16076：

你好～成老師。我早兩個月供了兩期1038 （總共$12000）。現在見到單日價位跌了12%。

如果想長期持有，現持有十萬流動資金。我應該即時繼續買入及增加該股（1038）的持貨量嗎？
多謝解答

龔成老師：

要睇翻你現時的現金情況，如果現金好足夠，加上買入後，長遠唔會令這股佔比太多，就可以現價入一手。

這股有質素的，但中短期會較弱，你保持長期月供就得。同時現金要有效，慢慢咁樣運用。

------------------------------------------------

Q16077：

龔sir, 想問下我個portfolio 你有咩建議. 個percentage 係佔總投資金額，仲有一半資金諗住主力12, 1928, 2800, 1211

1 73.55 8.2%
52 20.2 4.5%
590 19.75 8.8%
1211 42.25 9.4%
1775 0.56 1%
1928 33.8 8.8%
9988 191.6 12.8%
Thanks

龔成老師：

持有的，基本上都是有質素的股票，精英匯集團（1775）較一般。

整體盧，都無乜問題，都可以長線投資。不過，個股的佔比上，部分開始要注意翻，我地持有單一股票佔股票組合的比例，一般去15%已開始多，你要睇翻長遠這些股票的持股比例。

打算再入的股票，都是無問題，不過就留意翻比亞迪（1211）之後的比例會否過多。

------------------------------------------------

Q16078：

阿sir，謝謝你無私分享。請問本人36歲，收息股同潛力股（1211、1083丶1448)比例應該大約幾多？如果不進取，40:60？

另外，想問買阿里巴巴好嗎？算潛力股？現價可入嗎？
Thanks

龔成老師：

你36歲，可以增值方面多少少，建議你投資部分在「平穩增長股」，例如盈富（2800）這類，而收息股的比例去到30%已夠。

例如潛力股、平穩增長股、收息股的分配為：30%、40%、30%，已是一個適合你，平穩的組合。

比亞迪（1211）、褔壽園（1448）、阿里（9988）是潛力股，港華燃氣（1083）是平穩增長股。阿里現時合理價，可以分注投資，只要現金唔好一次過用，慢慢分注就得。

------------------------------------------------

Q16079：

1) 請問點睇883中海油，跌了很多，這是有質素的企業嗎？現在價位算便宜嗎？值得買嗎？

2) 另我在$28.4時入了5手2800盈富基金和在$18入了10手003煤氣，相對現在已是高位，我彈藥不多，應何時再入令平均價低一點？還是買領展, 港鐵等其他股較好？thanks

3）還有003煤氣最近跌得好勁，還是優質股嗎？

龔成老師：

1）中國海洋石油（0883），質素都算有，但不是最高質類別，佢對油價較為敏感，所以，如果長遠油價向上，佢都會增值的。

近期油價跌，對佢有一定影響。

雖然佢都有一定的規模及質素，但卻不是最高質素的企業，這是由於佢地的產品自主力較弱。

石油是商品，當中沒有差異性，佢地要將石油賣出，只能跟國際油價，這令佢地處於被動狀態，沒有價格自主的能力，這令佢地的獨特性有限。這類商品企業，都可投資，但就要明白不是最高質的企業。

由於油價上落大，所以風險較高，只建議小注投資這股。

2）如果你這刻資金不多，就留現金，唔好心急入，上述都是有質素的股，但唔好急。要見到有更大跌幅先會考慮。

3）其實煤氣（0003）仍是有質素的股票，但增長力弱左，而佢改為20送1，反映增長力可能減少左，但不算差。

香港業務不強，但中國部分不差，中短期雖然較一般，但見佢的長遠發展力仍在，但就要耐心點。

由於佢一向都穩定派「相同股息」，在這情況下，反映派息的增長會少左。但整體來說，這企業仍是有質素的。

我睇翻佢近年在中國的投資，仍是保持進行的，每年都有幾十億，這些投資不會好快就見到收成，但這企業就仍是發展中的。我對佢長遠發展仍是正面，只是增長力的問題。

------------------------------------------------

Q16080：

Sir,有隻股即將除牌，我媽媽生前持有，市值42500，但因為早前政府停工，我辦理唔到遺產承辦證住，如果佢除左牌，我要點先可以跟進到呢個股份？

如果要賣，又是否只能找私有化的股東買？

因為我都未試過處理呢個情況，希望阿sir多多提點

剛剛去銀行問左了，佢地話有遺產承辦證，之後都可以去返佢地相關部門跟進返

不過我都係想聽聽你點講，盡量發揮一d可能性

龔成老師：

除牌，即是由一間上市公司，變成了私人的公司，你要出售基本上很困難。例如，如果大股東有興趣，就開一個價買你的股。

同時，這類被除牌的公司，一般的價值都是很低，市值42500已經無參考價值。

你有遺產承辦證後，就可以開始處理，只可以話，唔好對這類公司的價值有期望。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。