🇭🇰葵芳區 _______________________________________________________ 又到左引人黎葵廣，掃街食好西嘅時候。 話說每次行來到葵廣二樓的美食街， 每次都會有新店又或者新款掃街餐單， 今晚夜班前來到狗先生到搵食， 狗全部都係狗! 店名LOGO到公仔Figure, 再加上為毛孩發聲的海報， 好容易估計到店主也是愛犬之人。 小店的熱狗款色比一般的熱狗款多， 總共有12款之多， 口味穿梭德式、日式、意式、韓式及港式， 由肉醬、手撕雞、咖哩、芝士、泡菜、明太子到黑松露味道都有， 絕對符合哂掃街必備百花齊放的口味。 支持小店，首選要叫個大快人心的 「三鰻狗狗有花柳」$42 大廚店主出手，即叫即製放材料落平底鍋炒起， 三鰻狗狗有花柳，顧名思義就自己領會， 實際五款的材料係有 「三」文魚碎、「鰻」魚、熱「狗」腸、 木魚「花」同埋蟹「柳」五款， 真心香港人創意幾時都只可以係小店出現， 幾分鐘後，放滿足料木魚的狗狗出場， 芝麻熱狗飽內兩款醬汁:沙律醬及燒汁， 鰻魚蟹柳腸分量較特出而且意外地夾， 型成三重滋味熱狗，係值得一試的頭款熱狗。 小食款亦相當豐富，總共有十款， 首推新鮮炸成的洋蔥圈$18， 外脆內軟，大大圈非常吸引。 其次推介吉烈炸蝦$25， 四條金黃大炸蝦絕不馬虎， 是同一條街較少有的出色炸物。 成完個重量級熱狗加埋小食， 真心飽到叔叔不行了， CP值以正餐需要很不錯， 學生餐$40 有齊四款野， 店主堅貼地值得狗衝去支持一下。 ______________________________________________________ 👅美味: ⭐️⭐️⭐️⭐️/5 ✨環境: ⭐️⭐️⭐️⭐️/5 💫回頭: ⭐️⭐️⭐️⭐️⭐️/5 💡性價: ⭐️⭐️⭐️⭐️⭐️/5 💆‍♂️服務: ⭐️⭐️⭐️⭐️/5 🔍餐廳: #mrdog 🏠地區: #sharefood2you_葵芳 🍽菜式: #sharefood2you_熱狗 💸價錢: $42 + $18 + $25 📍地址: 葵芳葵富路11號葵涌廣場2樓2023號舖 ⏰時間: 12:30 - 22:00 _______________________________________________________ #sharefood2you #食評 #葵芳美食 #香港美食 Disclaimer: ALL opinions are 100% Honest 相片經燈光處理攝影， 與現場光線可能有所偏差。