Essential oil/精油已經成為老中青都認識嘅字，一講到清潔用品、skincare或者香氛大家都好容易就會link到落精油。我自己真係諗都冇諗過（直情係唔crossed my mind）究竟精油係點造出嚟，直到我做下research先知道原來精油背後段故咁得人驚。 . 精油市場發展速度分分鐘係有如美妝市場咁蓬勃，Grand View Research 幾年前已經估計全球精油市場可以reach到近120億美金。咁就好正常會問一問，其實做精油要用幾多植物？根據ECO Watch，要做1磅嘅玫瑰精油，我哋需要10,000磅嘅玫瑰花瓣；1磅嘅薰衣草精油需要用到250磅嘅薰衣草；1磅嘅檸檬精油我哋要用到1,500個檸檬。因為唔同植物能夠透過distillation而造到嘅精油都有唔同重量，所以1滴精油A同1滴精油B所需要嘅投入都可以相差好遠。 . 一小樽精油背後要用到咁多植物，原料採集過程都可以非常污穢。根據International Union for Conservation of Nature Red List of Threatened Species，大家經常會見到嘅Sandalwood已經係標為'Vulnearable'，而Rosewood、Cedarwood就被列為'Endangered'。正正因為呢啲樹木已經咁稀有，其實好似Sandalwood呢類原材料係好難搵，更唔好講整一小樽精油要用到幾多木⋯⋯ . 另外好多質素好嘅精油都會用到玻璃樽，但若然佢盛載嘅精油本身係易燃的話，好多地方例如紐約市係唔會用嚟回收。單單喺2014年就有106,000噸嘅精油產出，諗一諗呢度講緊幾多玻璃樽同幾多原材料，諗起都有啲驚⋯⋯（1公噸等於1,000公升，106,000噸即係106,000,000公升） . 睇到咁多資料後對於我個人嘅提醒就係唔好浪費精油，好好用盡每一滴⋯⋯ 可以的話揀有機而係有認可非過分砍伐嘅品牌，最好就當然係有zero waste station俾大家去添購。我自己都真係對精油太唔珍惜，因為佢太唾手可得。大家睇完以上有冇都wow咗？ . #香港人 #環保 #環境撚 #黃色文創圈 #精油 #essentialoils #黃色經濟圈