▷▷ 八點檔賞臺語 ◁◁（PTT022）
​
臺語劇當然偶有咬字不準的問題，但別說那個了。

來欣賞更多說得漂亮的部分吧！
​
▧ 本次學習單影片（下有 時間序 對照）：

▧《黃金歲月》(EP024-EP026)
[24集] https://youtu.be/8KZNaTbfbHg
[25集] https://youtu.be/mclUTf-ep9A
[26集] https://youtu.be/DWnHQZYZ6hM
​
以下逐字稿臺語字，可查教育部辭典：
https://goo.gl/7Ky6ZH
​
- - -　- - -　- - -　- - -　- - -
​
　▁▁▁▁▁
１　促歲壽　[ 24集 | 12分19秒 ]
　￣￣￣￣￣
❝ 當初相命仙講有血光之災，竟然就是阿達仔！遮爾濟年來，阿達仔一直對我有情有義，我嘛知影伊真心欲照顧我佮崇輝，我煞逐擺攏拒絕伊，甚至閣對阿達仔發性地、閣罵伊、閣怪伊亂講話。天公伯，請你大發慈悲，保庇阿達仔會度過這擺的難關，求你予我一擺機會，予我彌補我這世人對阿達仔的虧欠，就算講愛我江美娟〔#促歲壽〕嘛 bua̋-kín [無要緊]。❞ (陳美鳳飾)
​
（當初算命師說有血光之災，竟然就是在說阿達！這麼多年以來，阿達一直對我有情有義，我也知道他是真心想要照顧我和崇輝，我卻每次都拒絕他，甚至還對阿達發脾氣、還罵他、還怪他亂說話。老天爺，請祢大發慈悲，保佑阿達能度過這次的難關，求祢給我一次機會，讓我彌補我這輩子對阿達的虧欠，就算要我江美娟折壽也沒關係。）
​
【音】〔tshik-huè-siū〕
【義】折壽。
【註】「相命仙」(siòng-miā-sian)，算命師。「血光之災」(hiat-kong tsi tsai)。「發性地」(huat-sìng-tē)，發脾氣。
​
​
　▁▁▁▁
２　甕肚　[ 24集 | 35分05秒 ]
　￣￣￣￣
❝ 雖然乎，是恁爸爸毋著，猶毋過嘛是因為勇哥這个人乎，心肝䆀閣〔#甕肚〕，代誌毋才會變甲按呢。❞ (賴慧如飾)
​
（雖然是你爸爸不對，但也是因為勇哥這個人，心腸壞又陰險，事情才會變成這樣。）
​
【音】〔àng-tōo〕
【義】陰險、陰毒、壞心眼。
​
​
　▁▁▁▁▁
３　掃帚星　[ 24集 | 52分56秒 ]
　￣￣￣￣￣
❝ 你嘛較好心咧，達哥這馬才拄救轉來，你這个〔#掃帚星〕，你莫去害伊喔！❞ (陳妍安飾)
​
（妳也行行好，達哥現在才剛救回來，妳這個掃把星，妳別去害他喔！）
​
【音】〔sàu-tshiú-tshenn/tshinn〕
【義】掃把星，比喻「會帶來霉運的人」。
​
​
　▁▁▁▁
４　慢且　[ 24集 | 55分14秒 ]
　￣￣￣￣
❝ 這馬若是𤆬伊過去，以契爸的個性，絕對袂予伊好面色看，我看猶是〔#慢且〕好矣。❞ (傅子純飾)
​
（現在如果帶她過去，依乾爸的個性來看，絕對不會給她好臉色，我看還是暫且不要好了。）
​
【音】〔bān-tshiánn〕
【義】暫且不要、且慢、等一下。
​
​
　▁▁▁▁▁
５　裂獅獅　[ 24集 | 1時27分55秒 ]
　￣￣￣￣￣
❝ 咱轉去乎，緊準備新的節目！一定乎，愛弄甲鬧熱滾滾，予彼人客看甲乎，逐家笑咍咍，笑甲喙仔〔#裂獅獅〕！❞ (王中平飾)
​
（我們回去後，趕快準備新的節目！一定要把場面炒得熱鬧哄哄，讓客人看了每個都哈哈大笑，笑到合不攏嘴！）
​
【音】〔li̍h-sai-sai〕
【義】笑得很誇張的樣子，嘴巴整個大開地笑到合不攏喙。
​
​
　▁▁▁▁▁
６　厚猜疑　[ 24集 | 1時30分12秒 ]
　￣￣￣￣￣
❝ 毋著，毋是按呢！爸的個性〔#厚猜疑〕，應該是伊刁工予阮錯誤的消息，然後才提早轉來，予阮袂赴防備。害矣！敢講動用一百萬美金的代誌，爸已經知影矣？❞ (王燦飾)
​
（不對，不是這樣！爸的個性多疑，應該是他故意給我們錯誤的消息，然後再提早回來，讓我們來不及防備。糟了！難道動用一百萬美金的事，爸已經知道了？）
​
【音】〔kāu-tshai-gî〕
【義】疑心病重、個性多疑。
​
​
　▁▁▁▁▁
７　簾簷跤　[ 25集 | 9分03秒 ]
　￣￣￣￣￣
❝ 欠拍喔？啥物人欲佮你去洗三溫暖啊！這遍佮你去山頂乎，有夠忝的忝！彼乎，睏彼〔#簾簷跤〕，去予彼蠓仔按呢叮甲規身軀攏是！我這馬閣舞甲遮爾齷齪！❞ (楚宣飾)
​
（欠打喔？誰要和你去洗三溫暖啊！這次和你去山上，真的是累爆了！那個啊，睡在那個屋簷下，被蚊子這樣叮得全身都是！搞得我現在整個人很煩躁、渾身不舒服！）
​
【音】〔nî-tsînn-kha〕
【義】屋簷下。
​
​
　▁▁▁▁
８　少歲　[ 25集 | 15分21秒 ]
　￣￣￣￣
❝ 伊閣〔#少歲〕喔？我共你講啦，「少年袂曉想，食老毋成樣」啦。已經啥物年紀矣，規工知影 ka̋ [共我] lōng-liú-lian，一點仔出脫都無！❞ (黃建群飾)
​
（他還年輕喔？我跟你說啦，「少壯不努力，老大徒傷悲」。已經什麼年紀了，整天就知道給我遊手好閒，一點出息都沒有！）
​
【音】〔tsió-huè〕
【義】年輕。
【註】〔lōng-liú-lian〕意思為「溜達、遊蕩、遊手好閒、無所事事、浪跡天涯、漫無目的閒晃」，暫未有規範漢字，常見書寫有〔浪溜嗹／浪流連／浪扭嗹〕等。另一例句可參考〔 https://goo.gl/STqy6d 〕(#HH031)。
​
​
　▁▁▁▁▁▁▁▁▁▁
９ 倖錢會富，倖囝賣厝 [ 25集 | 19分38秒 ]
　￣￣￣￣￣￣￣￣￣￣
❝ 你又閣來矣啦！我共你講啦，〔#倖錢會富，#倖囝賣厝〕，囡仔 buē-i̋ng [袂用得] 傷倖啦。❞ (黃建群飾)
​
（妳又來了！我跟妳說啦，寵錢會富有，寵小孩會敗家，小孩不能太寵啦。）
​
【音】〔sīng tsînn ē pù, sīng kiánn bē tshù〕
【義】錢可以盡量寵，子女不能太寵。能積蓄錢財，好好照顧錢、珍愛錢，會使人變得富有；過度溺愛子女，易導致傾家蕩產，連房子都得賣掉。
【註】「倖」(sīng)，溺愛、過度寵愛。「富」(pù)，富有、有錢；發音為白話音〔pù〕，不是文讀音〔hù〕。
​
​
　　▁▁▁▁▁
１０　意向書　[ 25集 | 21分24秒 ]
　　￣￣￣￣￣
❝ 講較明攏是白了工啦，我這馬來，就是欲揣高紹偉解除合作〔#意向書〕！❞ (范鴻軒飾)
​
（說再清楚都是白費功夫啦，我現在來，就是要找高紹偉解除合作意向書！）
​
【音】〔ì-hiòng-su〕
【義】意向書。«摘選此詞，目的著眼於「漢字的識讀能力」。自然口語說得流暢，若又能識讀漢字、搭配少量書面用詞，和諧又內部完整，就不會常常說著臺語，還被迫穿插其他語言了»

【註】「向」的文讀音，口音差有〔hiàng / hiòng / hìng〕，此口音差可參考〔 http://bit.ly/30w2vyI 〕(#BK07)；「書」的文讀音，口音差有〔si / su / sir〕。
​
​
　　▁▁▁▁▁
１１　天跤下　[ 25集 | 48分52秒 ]
　　￣￣￣￣￣
❝ 恁攏是我的囝，逐肢指頭仔咬著攏平疼！〔#天跤下〕有佗一个做媽媽的，會希望看著……，看著家己的骨肉互相傷害？❞ (岳虹飾)
​
（你們都是我的兒子，不管誰受到傷害我都一樣痛！天底下有哪個媽媽，會希望看到……，看到自己的骨肉互相傷害？）
​
【音】〔thinn-kha-ē〕
【義】天下、天底下、世界上。
​
​
　　▁▁▁▁
１２　斟酒　[ 26集 | 48分36秒 ]
　　￣￣￣￣
❝ 謼！你會當莫遮囉嗦無？唅！〔#斟酒〕！今仔日乎，咱就好好仔啉一杯，慶祝乎，咱以後閣繼續合作！❞ (楚宣飾)
​
（厚！你可以別這麼囉嗦嗎？來！倒酒！今天啊，我們就好好喝一杯，慶祝我們以後會再繼續合作！）
​
【音】〔thîn tsiú〕
【義】倒酒。
​
​
　　▁▁▁▁
１３　過運　[ 26集 | 58分05秒 ]
　　￣￣￣￣
❝ 趁燒緊食，乎，食豬跤麵線〔#過運〕！尤其是這个跤蹄啊，一定愛食，才會真真正正共彼衰運踢走去！❞ (蘇炳憲飾)
​
（趁熱快吃吧，吃豬腳麵線去霉運！尤其是這豬蹄啊，一定得吃，才能確確實實把衰運踢走！）
​
【音】〔kuè-ūn〕
【義】去霉運、送走厄運。
​
​
　　▁▁▁▁▁▁
１４　食飽換枵　[ 26集 | 1時01分32秒 ]
　　￣￣￣￣￣￣
❝ 按呢好日子無欲過啦，煞來掠一尾蟲佇咧尻川擽，〔#食飽換枵〕啦，加夯枷的！❞ (蘇炳憲飾)
​
（如此好日子不過，卻要自討苦吃，是吃飽撐著沒事幹吧，自找麻煩！）
​
【音】〔tsia̍h-pá uānn iau〕
【義】① 吃飽了等餓，比喻「吃飽撐著沒事幹」② 吃飽了就餓，比喻「徒勞無功」。
【註】「掠一尾蟲佇咧尻川擽」(lia̍h tsi̍t bué thâng tī-leh kha-tshng ngiau)，抓一隻蟲在屁股搔自己癢，比喻「自找罪受、自討苦吃」。「夯枷」(giâ-kê)，自己扛著枷戴在身上，比喻「自找麻煩、自討苦吃」。
​
​
　　▁▁▁
１５　跑　[ 26集 | 1時09分38秒 ]
　　￣￣￣
❝ 最近咱一家人攏為著無閒飯店的事業，定定東西南北分開咧〔#跑〕，啊嘛真久攏毋捌做伙出去食飯矣，彼外口的人毋知影，掠準講咱一家伙仔的感情無好咧。❞ (岳虹飾)
​
（最近我們一家人都為了忙飯店的事業，經常東西南北各自奔波，也很久都沒一起出去吃飯了，外面的人不知道，還以為我們一家子的感情不好呢。）
​
【音】〔pháu〕
【義】奔波、奔忙。
​
- - -　- - -　- - -　- - -　- - -
​
​
#八點檔賞臺語　#PTT022　#黃金歲月

#每天為你讀一點書 S01E21 鹿港的下早時 feat. 阿愷之聲Voice of A-Kai
今天是禮拜天，但還不到可以趴趴走的時候，所以我拜託了一位在地青年來帶我們用耳朵逛鹿港。我們今天的導遊是王麒愷，土生土長的鹿港囝仔，到北部讀書後，又回到家鄉繼續為了鹿港的文化發展盡心盡力，同時，主持了一個非常有趣的全台語電台：阿愷之聲。

阿愷之聲跟其他的電台不一樣，因為全部都是純正的鹿港腔，我記得我幾年前剛認識阿愷的時候，他的台語還沒有這麼好，但現在聽他的台語，簡直是一種享受。

如果你沒有聽過我們的節目、如果你是文字派，今天這集我相信會顛覆你對podcast的想像，今天我們也特別檢附全部文字，歡迎大家點開，配一杯咖啡或者茶，閉上眼睛聽阿愷帶你走進鹿港的巷弄之間........
------
📖 鹿港的下早時 📖

逐家好，歡迎收聽阿愷仔之聲鹿港放送。
現在疫情，毋知影逐家過了好無？

阿愷仔想講，咱平常時除了好好的遵守政府的政策，也就是出門喙罨罨予好，轉厝酒精噴阿足，咱是毋是會使來想一寡，予家己對未來有希望的代誌。

咱來想，若疫情了後，欲來去佗走走仔？
無，來阮鹿港好無？

鹿港上舒適的時陣，我感覺是差不多入秋，也就是舊曆的八月十五彼陣仔。
彼咧時陣，鹿港遮的海風猶未遐爾囂掰，日頭佗親像溫柔的南管，淡薄仔，淡薄仔，照佇紅磚仔的巷仔內。

汝咁相信講？佇鹿港，袂感覺著時間咧行。
今仔日佇鹿港街頂雖然已經看袂著海，但是只要行一段路，佗會使轉去古早，也就是彼咧鬧熱的港口時代。

聽眾朋友，這馬綴阿愷仔來去下早時的海岸行行仔。

出發進前，咱先來去街尾的富貴堂，頭家才拄仔閣籠床掀開，佇濛霧當中，咱看著一粒佮一粒白拋拋的菜包，這菜包有包竹筍的，佮有包高麗菜的兩種，用料實在，這菜包我是按細漢食到大漢。欸欸，小等一咧啦，這菜包當燒，莫一嘴啄落，咱會使呢行呢慢慢仔食。

頭陣仔咧講的「街尾」，是阮鹿港大街的尾段。這大街的故事是講不盡，佇百規年前的港口時代，遮就是通臺灣上出名、上鬧熱的市街「不見天」。
咱這馬佇街尾的這條巷仔叫做「新興街」，前仔是鹿港重要的傢具街，恁呢行呢會看著有規間真雅氣的樓仔厝，這攏是往過的傢俱店，佇一甲子以前，鹿港有三分之一的人口攏咧做木，會使講是一個手工藝之都。

咱這馬看著的龍山寺，便是這個手工藝之都上驕傲的所在。
龍山寺，在地人予作觀音媽宮，是鹿港的閤港廟，意思就是通鹿港的人攏會來拜拜的所在。龍山寺的建築會使講是結合了每一个時代鹿港上好的工藝，按幼木、大木、石雕、彩繪到字畫等等，我捌聽有一位藝術家講，入去龍山寺內底，就親像一隻鳥仔飛入去一片樹林內，是一片大千世界。噓，較細聲咧，後殿當咧上經。

咱轉來坐咧戲台懸頂，吹著微微仔風，心內惦惦仔佮觀音媽來講一寡話。

續落來，咱行對杉行街。
杉仔是古早起厝重要的建材，遮捌是杉仔行結市的所在。佇杉行街，有一間秀面真古典的舊厝，遮是一間予作「書集喜室」的獨立冊店。
一入來店裡，恁會先聽著淡薄仔的melody（定定是陳昇的歌），續落來就會看著一位緣頭仔桑按內底行出來打招呼，這位就是冊店的主人，也是整理這間古厝的黃先。冊店的冊有一邊新仔一邊舊仔，因為頭家翁仔某一个學歷史學、一个學人類學，所以冊店的冊，主要攏是這類的較濟，「書集喜室」捌教我熟似世界的方式，對我來講，是現在鹿港智識的港口。

逐家若有閒，會使閣佇入去內底飲茶，感受這間舊厝樸實的風采。

按杉行街一直行去，咱會經過遮的角頭廟武澤宮，佇遮，嘛會鼻著巷仔內彼間手工做香的芳味，彼味，予人心情真安定。

鹿港廟濟、巷仔濟，廟咱咧講三步一細廟，五步一大廟，每一間廟代表是每一個無仝的角頭（遮咧講的角頭是「社區」的意思），通鹿港算算仔總共有二三十個角頭，會使講正鬧熱啦，恁有閒來綴一遍暗訪，恁逐家就知囉。

角頭佮角頭之間有歸落條巷仔相通，咱這馬行的這條巷仔予作金盛巷，金盛巷是咱頭陣仔咧講的鹿港大街的後壁尾（後壁巷的意思），前仔捌有一句話講：「鹿港人，上敢死，放屎換糯米；庄腳人，上介槌，提米換大肥。」意思就是講，往過農業時代，鎮外種田的會來到大街的後壁尾擔肥，轉去做肥料，因為好額人放的，較營養啦，過節的時陣會提糯米來答謝。

金盛巷真狹，彎過來閣彎過去，親像一隻紅磚仔色的鰻。
我進前攏佇遮咧學騎打速仔車，欸，autobike愈騎緊無難，騎慢騎穩，才是功夫。佇遮autobike打一速，khu-lá-tsih
（離合器）逐逐仔放開，引擎的聲佇巷仔內有夠結實的，穩穩仔，穩穩仔，直線七秒根本正簡單。

佇金盛巷逐欲倚菜市仔，會經過一間「力野茶陶所」。這間店真趣味，是兩位少女（阿思/米特）共同經營的空間，伊的專業是作瓷仔，有時陣閣會開課。這間店主要賣瓷仔兼賣茶，閣有一寡茶配，遮物件攏用伊做的瓷仔來裝，恁看著絕對會忍未條想欲翕相打卡。「力野茶陶所」也是一間古厝落去整理，經過阿斯佮米特用心佈置了後，整格氣氛雅氣，阿，熱天到啊，遮閣有涼仔通飲！

來到菜市仔，先𤆬恁來去一个秘密的所在。
這個所在的角頭名予做車埕，車埕前仔是南北二路來到鹿港街頂的停車場（這邊的車是牛車/馬車），所以這廓圍仔有真濟咧打鐵的工廠，咱這馬若去大賣場，停車場攏有一寡咧保養車的，意思是仝款的。

車埕的角頭廟玉渠宮，主神拜的是田都元帥，遮的人慣習稱呼秀公爺。秀公爺因為嘛是一個精通音樂戲曲的才子，所以真濟佇電視頂搬戲的演員、演奏音樂的樂手攏會來遮拜拜。現在咱所看著這間金光閃閃的玉渠宮差不多佇十年前翻修，會使講將秀工爺的故事，佮車埕的歷史攏囥入底廟宇的設計內底。欸，恁有發現廟門邊仔竟然毋是一對石獅，是一隻雞佮一隻狗，這是為啥咧？答案就予恁家己來揣。

鹿港菜市仔，也就是地方的第一菜市場，遮的歷史嘛真久囉。
這个早市除了買菜，遮規工攏有物件通食，是鹿港人的灶跤。

佇早市，有一攤咧排列的予做阿婆麻糬。這攤的麻糬真古早味，食起來Q軟閣續嘴，恁會當買做等路。

阿，行咧講咧嘛欲倚晝囉。恁腹肚枵未？
緊咧，咱行後車路斡中山路，來去阿愷仔心目中素食界的Michelin（米其林）三粒星的這間「林明堂素食麵」。恁看，中晝時攤頭已經排列閣按呢，來遮，就一定愛食一碗乾麵佮一碗豆包湯，內行仔講按呢予作「一組」。

這乾麵用料非常簡單，懸頂淋一寡滷了有夠芳的豆輪，最後閣摻一寡芹菜珠仔，阿，按呢佗有夠讚。喔，上厲害的佗愛食伊的豆包，遮豆包是逐工手工包欸，內底有包高麗菜、紅菜頭、香菇頭。豆包湯的湯頭咧，是用豆芽閣甘蔗頭落去炕，只有是甘甜美麗啦！

阿，食飽，欲啉涼仔無？
這咧時陣，咱轉來去菜市仔，彼攤阿愷仔自細漢到大漢啉的木瓜牛奶嘛開始絞囉。緊咧，絞一杯，大力欶落去，遮是全台灣上有誠意的木瓜牛奶，阿不過毋通囥相久，無會苦去。

聽眾朋友，毋知影恁有感受著鹿港的聲音佮氣味無？
上早時的鹿港，按清幽的街尾，到鬧熱的菜市仔，其實鹿港的一工千變萬化，親像海洋，袂堪得按算。

這段時間，逐家就愛保重。
阿愷仔之聲佇遮講鹿港予恁逐家聽。

疫情期間，咱空中相會。
疫情了後，咱鹿港面會。

感謝汝的收聽，勞力！

＊店家連結（按登場順序排列）：
富貴堂 菜包 https://www.facebook.com/lukangbuns
書集喜室 https://www.facebook.com/xishibookandtea
力野茶陶所 https://www.facebook.com/liiyaceramicteashop/
鹿港玉渠宮 田都元帥 https://www.facebook.com/yuchu7761120
阿婆麻糬舖 彰化縣鹿港鎮大明路9號
林明堂素食麵 彰化縣鹿港鎮介壽路三段66號
金龍木瓜牛奶
https://www.facebook.com/%E9%87%91%E9%BE%8D%E6%9C%A8%E7%93%9C%E7%89%9B%E5%A5%B6-191011070948466
-------

📙每天為你讀一點書 📙 👉️點開連結直接聽：
http://player.soundon.fm/p/f678abfe-5a08-4841-b81c-15943784ec24/episodes/530e29a9-4b9f-4e05-892d-f9418eccbf73
---------
由謝金魚主持、慈濟基金會獨家贊助
不論你在哪裡，我們都在這裡，每天九點，為你朗讀。
Sound On：
https://sndn.link/readforyou
Spotify：
https://open.spotify.com/show/0SwHu6Voc8eNV4trI8N0ZX
KKBOX：
https://podcast.kkbox.com/channel/KlHdUqx6AIr-Fdpprn
apple：
https://reurl.cc/a9vXVl
Google：
https://reurl.cc/zeWKpe

節目開始囉😃

⚡【阿祖𤆬袂驚】⚡
　　　　　　　　　
🔥 "𤆬袂驚"的意思，就是台語"帶不怕"的意思！
在花蓮有間宮廟裡，有位阿祖從35年前幫忙女兒帶小孩，35年後家裡一樣有6歲的小孩要帶，這到底是怎麼一回事？！
只要宮廟方圓百里的各路人馬只有哪裡有小孩沒人帶，阿祖通通幫忙帶，貨真價實的"𤆬袂驚"！毅力超凡，阿祖怎麼辦到的呢？

🔥今晚9點你一定要看喔~~🔥

　　　　　　　　　　
-\-\-\-\-\-\-\-\-\-\-\-\-\-\-
│播出時間│
-\-\-\-\-\-\-\-\-\-\-\-\-\-\-
每週五公視一台、Facebook、YouTube 21：00 直播！
↓↓最新消息不漏接，快來追蹤訂閱我們吧↓↓
►官網：https://www.pts.org.tw/dinne…/ep_28.html
►YouTube：https://goo.gl/7qHfZz
►IG：https://www.instagram.com/guesswhopts/

漢字 / 羅馬字對照字幕

標題：
食物藥物飲用水 逃生袋幫贊避難
開禁覕(bih)走加逃生袋 拄地動莫兇狂

諺語：
好天著存雨來糧（Hó-thinn tio̍h tshûn hōo-lâi-niû）
＊ 注意：「存」發音=「ㄘㄨㄣ」第五聲。
字面意思是勸人愛佇好天的時陣準備歹天時的食物，才袂到時「枵（iau）飢失頓」。
台灣佇𠢕（gâu）發生地動的地帶（tē-tài），平常時著愛有防災的準備，政府愛𤆬頭規劃kap宣導，人民嘛愛有意識kap行動，大家共同拍拚，才會當佇面對災變的時，kā傷害降到上少。

內文：

現場模擬日本阪神大地動
Hiān-tiûnn bôo-gí J̍t-pún Pán-sîn tuā tē-tāng
七點二級的強度
tshit-tiám-jī kip ê kiông-tōo
佇一瞬間天崩地裂
tī ts̍t-sùn-kan thinn-pang tē-l̍h
櫃仔面頂的水矸仔全部落佇塗跤
kuī-á bīn-tíng ê tsuí-kan-á tsuân-pōo lak tī thôo-kha
地動威力驚人
tē-tāng ui-l̍k kiann--lâng
倒爿正爿搖來搖去
tò-pîng tsiànn-pîng iô-lâi-iô-khì
頂爿下跤嘛是振動
tíng-pîng ē-kha mā-sī tín-tāng
拄著地動
Tú-ti̍h tē-tāng
民眾愛會記得四个字
bîn-tsiòng ài ē-kì-tit sì ê jī
開 禁 覕 走
khui kìm bih tsáu
先開門 禁瓦斯
sing khui-m̂g, kìm gá-suh
揣堅固的所在覕起來
tshuē kian-kòo ê sóo-tsāi bih--khí-lâi
若餘震不斷
nā î-tsìn put-tuān
愛趕緊走出去建築物（外口）
ài kuánn-kín tsáu tshut-khì kiàn-tiok-b̍t （guā-kháu）
佇空地覕起來
tī khàng-tē bih--khí-lâi
這當陣嘛愛會記得
Tsit-tang-tsūn mā ài ē-kì--tit
紮保命的逃生包（袋）
tsah pó-miā ê tô-sing-pau（tē）
平常愛準備的逃生包（袋）
pîng-siông ài tsún-pī ê tô-sing-pau（tē）有幾項必備（一定愛有）的物件
ū kuí hāng pit-pī（it-tīng ài ū） ê m̍h-kiānn
上蓋重要的就是
siōng-kài tiōng-iàu--ê tō-sī
差不多一工份的糧食
tsha-put-to ts̍t kang hūn ê niû-s̍t
包括礦泉水兩罐到三罐
pau-kuat khòng-tsuânn-tsuí n̄g kuàn kàu sann kuàn
佮這个餅, 乾料
kap tsit ê piánn, ta-liāu
譬如講瑞士刀仔
phì-jû kóng Suī-sū-to-á
佮這个觱仔 手電仔
kap tsit ê pi-á, tshiú-tiān-á
佮簡單的外傷藥物
kap kán-tan ê guā-siong i̍h-b̍t
譬如講碘酒 OK 繃 紗布（藥水布）
phì-jû kóng tián-tsiú, Óo-khé-póng, se-pòo（i̍h-tsuí-pòo）
佮禦寒的毛毯嘛愛準備
kap gī-hân ê môo-thán mā ài tsún-pī
專家建議
Tsuan-ka kiàn-gī
會當紮一寡「巧克力」參樹奶糖
ē-tàng tsah ts̍t-kuá tsioo-kóo-lè-tooh tsham tshiū-ling-tĥg
*(台北市消防局陳至甯技士)
哺樹奶糖佮食一寡仔「巧克力」
Pōo tshiū-ling-tĥg kap ts̍t-kuá-á tsioo-kóo-lè-tooh
嘛會當予你的心情（放鬆）
mā ē-tàng hōo lí ê sim-tsîng （pàng-sang）
猶閣有
iáu-koh-ū
就是你的熱量嘛袂失去
tō-sī lí ê ji̍t-liōng mā bē sit--khì
**
因為「巧克力」參樹奶糖
In-uī tsioo-kóo-lè-tooh tsham tshiū-ling-tĥg 會當幫贊轉和情緒
ē-tàng pang-tsān tńg-hô tsîng-sū
逃生包（袋）袂當 siunn 重
tô-sing-pau（tē）bē-tàng siunn tāng
愛以輕為原則
ài í khin uî guân-tsik
*(台北市消防局陳至甯技士)
你揹愈濟
Lí phāinn jú tsē
無拄拄較快逃生
bô-tú-tú khah khuài tô-sing
這愛考量家己所會當負擔的
tse ài khó-liōng ka-kī sóo ē-tàng hū-tam--ê
**
因為地動的時
In-uī tē-tāng ê sî
手機仔可能會斷訊
tshiú-ki-á khó-lîng ē t̄g-sìn
逃生包（袋）內底
tô-sing-pau（tē）lāi-té
會當紮一寡電話卡佮銀角仔
ē-tàng tsah ts̍t-kuá tiān-uē-khah kap gîn-kak-á
敲公共電話連絡厝內人
khà kong-kiōng-tiān-uē liân-l̍k tshù-lāi-lâng
地動來的時陣
tē-tāng lâi ê sî-tsūn
揹咧就愛緊走
phāinn--leh tō ài kín tsáu
但是平常兩三個月愛巡查一下
tān-sī pîng-siông n̄g sann kò-gu̍h ài sûn-tsa--ts̍t-ē
看糧食敢有過期
khuànn niû-s̍t kám ū kuè-kî

PNN 台語新聞「看世事，講台語」是 PNN 佮公視台語新聞，以及李江却基金會佇網路頂­懸合作的一個新單­­元。主播許雅文，每­禮拜招逐家來看幾條­仔新聞，看新聞來學台語­文字是誠利便。而且雅­文­閣會佇每­一­擺新聞播煞的時陣，講一句台灣俗諺，抑是典雅，­趣味的台語文字。請­逐家­做夥­來­，用台語講看覓喔！阮若是有寫毋對，抑是用毋對的­所在，嘛請大家無棄嫌，多多­­來 kā ­阮指教討論～