【龔成問答信箱】（Q17761-Q17780）

Q17761：

你認為買大手買一隻優質股定買十隻但每隻得一手好

龔成老師：

如果你有一定的選股能力，在過往的投資回報，都能跑贏大市，就可以集中個別優質股。

對大部分散戶來說，分散到多隻股票是較好的（當然，不是亂買，當中都是有質素的）。

就是這個原因，我經常推介盈富（2800），這不是話盈富的回報率特別高，而是盈富是一個50股的組合，對大部分散戶來說，有平衡風險的作用，因此是較「適合」的。

------------------------------------------------

Q17762：

你好老師，有問題想請教下，香港有一層私樓加一個舖頭仔，另外手頭上有現金320萬元，想問吓如何把這現金320萬元分配，我有想考慮每月可收息作生活費，想求教可以買什麼投資組合

龔成老師：

你現時的財富分配，已有較大比例在固定資產，因此你在之後的配置，可以考慮收息，建立一個股樓並行的組合，會較好。

投資收息股，可以作為財富分配的一部分，但不建議將全部資金都投資，因為一定要留有一定的現金作防守，以備不時之需，以及若大市下跌，可以買平貨之用。

你可以建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）都可以。

另外，有些更有超過8%、10%的高息股，但股價就略有風險，要自己衡量，佐丹奴國際（0709）、中石化（0386）、互太紡織（1382）等（記住，股價略波動，只能小注）。

但要留意，現時股價只是合理，未到平宜，因此買入時宜分注，同時不能用盡現金。

------------------------------------------------

Q17763：

龔sir, 你好，我是投資初哥，上年上了你的股票班，學了3種企業估值方式，近排多了時間，拿筆記出來溫習，嘗試實踐，遇上以下兩個疑難，想請教，先感謝教導!

未知有沒有什麼方法去估值新經濟股呢？如最近0700的市盈率為49，9988的市盈率為30.86，1211甚至是135.9，相差很遠，未知向哪個方向研究此類股票較好呢？

龔成老師：

當我地進行新經濟股估值時，會用較多「預期」的數據去推算。你唔能夠只集中睇這刻的情況，要用「預測市盈率」，又或自行預測3年後的收入與盈利情況，再以這些數據為基礎進行估值。

------------------------------------------------

Q17764：

你好，本人未持有任何股票

-現階段有20萬現金

-另有100萬另一半有需要時放入公司周轉用及未來換樓用，不考慮用作投資，只做銀行短期定期

-每月個人收入夠哂家庭開支，由於另一半做生意，現階段只可不定期比家用，但不影響日常生活，只係儲少D。

-計劃5年後再換樓

-想每月3-5千做月供，如計劃至少5年，全數買入#2800？定有其他建議

-另外留意到金價高企，想賣出一部分當年結婚的飾金，預計有10萬左右，用作投資一些進取少少的產品，有甚麼建議？

請老師提供建議，謝謝

補充返，我係澳門的，因為月供每隻收錢，是否集中月供一兩隻比較好？

龔成老師：

如果你資金本身有用，就留現金，而餘下的$20萬如果可以動用，就視為「可投資」的部分，不過唔好一次過用，要慢慢有系統去入。

由於澳門月供手續費貴，建議你只集中供一隻盈富（2800），每月$5000，保持長期進行。

至於你手上的現金，就可以考慮盈富以外的股票，銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

如果你想賣金，可以賣少少，但唔建議賣太多，始終我建議點都有部分是長線或永遠持有。

賣出後如想增長力高少少，可考慮：阿里（9988）、騰訊（0700）、港交所（0388）、舜宇光學（2382）、小米（1810）、比亞迪（1211）、中生製藥（1177），但就要明白波動性比上述會高左，同時風險大左，你要自己平衡。最好當然是回落先考慮。

------------------------------------------------

Q17765：

你好：） 想幫屋企人問下，現持有
2628 - 中人壽 - 2 手- [email protected]
1398 - 工商銀行 - 10 手 - 10,[email protected]
883 - 中國海洋石油 - 4 手 - 4,[email protected]

16 - 新鴻基 - 2 手 - [email protected]
83 - 信和 - 4 手 - [email protected]
823 - 領展 - 6 手 - [email protected]
66 - 港鐵 - 2手- [email protected]

1.請問以上組合會唔會太散？

2.請問有冇建議止蝕位？以及入場價是否合理？

3.如果中短期投資要如何調整？

4.如果長期投資策略是否相似？

非常感謝

龔成老師：

1）唔算散，不過增長力就唔強。另外，可加入盈富（2800）作組合的平衡。

2）都是有質素的，暫時唔需定止蝕位。不過如回有資金，可以先加到盈富，以及睇下需要需要加入一些增長力強少少的股票，以平衡組合。

3）唔需要著重中短期股價。最重要是建立一個長期的組合。

4）最重要從長線方向考慮，要優質、平衡，如果質素較一般的就唔好太多。另外要留意單一行業會否過多（例如地產相關）。

------------------------------------------------

Q17766：

老師你好，最近金價大升⋯導致飾金實在很貴 貴得唔敢亂買⋯但我九月就要結婚了，最近很苦惱到底要不要買龍鳳鈪⋯還是把禮金儲起 待金價下回才買呢？

請問老師對金價如何睇法⋯⋯以及我真的很想有人幫我決定一下買還是不買好 另一伴沒意見 ⋯就怕今天買完了 很快就回到今年年頭1500水平⋯⋯

Ps 因為你個價值投資 令我有勇氣在三月份大跌市時低位買入股票，用很小錢賺了不少⋯非常感謝你 祝身體健康！

龔成老師：

無人知道中短期價格的走勢，如果你有需要，就買。

金是貴金屬，有是終極貨幣，當現金不斷貶值，佢長遠一定會向上的，但中短期價格就無人知。我雖然唔會認為這刻是平，但要大跌都不易，你只要只買需要的，而不過量，就得，買入後就長期或永遠持有，根本唔需要理中短期價格。

------------------------------------------------

Q17767：

龔成老師，你好！我留意了很多股評人,但發現你是最實事求事, 所以最近的起心肝買了年報勝經, 很想在Q&A問你問題,

想問一下是否贊成自製月供股票, 不想用銀行或證券行月供股票服務,如可以, 應該怎樣製訂計劃?
每月定個日子買貨?

還是每月任何一個日子買貨??
每次買1-2手?

跌市時, 買多1手?
請給建議?

龔成老師：

你可以自製的。

月供股票的原理，就是持續買入某些股票，好處是將買入價平均，因此，如果你都能做到這效果，其實可以做的。最重要是「買入價平均」。

你要盡量減少主觀的分析，例如每2個月入一手等方法。

另外，如果你有分析平貴的能力，當見到佢下跌而又價格吸引，就可以買多D。

但要留意，同一隻股票佔你財富組合的比例，唔好太多。同時你要留有一定的現金。

總之，要建立一套策略，個股的比例，現金的比例，買入時的策略等。

------------------------------------------------

Q17768：

老師您好！我是透過經濟一週文章認識你，見到很多問答都實際解決到大家既財務問題，獲益良多，先謝過。

其實我都有一個大問題，都算是醜事，望可以找到解決方法。因不想行到破產這地步，所以決定向你發問。

我今年35歲，單身，自僱人士，沒有資產，為月光族，不懂得理財、投資，家用每月要付4000，月入3萬，欠債約30萬，全部是咭數。

在2016年是沒有咭數的，當時戶口衹有3萬元現金，因當時家中有成急需醫療費及照顧，所以衹好辭去工作

之後因生活費高終於撐不住，當時沒有糧單不能借貸解 燃眉之急，衹好在信用咭借款約10萬，之後收入不穩所以未能全數還款，幾年後就欠了30萬

前幾天看到你的文章先知什麼叫理財，我知道自己不是聰明人，這個選擇衹是 迫不得意，現在應怎樣做，求賜教。謝謝。

其實初初以為自己還得到，點知突然收入不穩令我呢幾年欠債更多，我不想放棄
我怕自己快捱不住了

Sorry……漏咗，我不花錢娛樂的，每月車費及食飯各$1000，雜費$1500

忘記咗問問題，其實我仲可唔可以投資，長遠又可唔可以令我解決困境？

龔成老師：

你要盡力，令自己每月能儲到$15000以上。可能會有少少吃力，但你現時一定要盡力做這目標。利用1、2年時間好好努力。

我相信你是可以做到的。你要盡力減少支出，盡力儲錢。

同時，你可以盡力還錢，信用卡的利息好高，你長遠落去只會進入「還息都唔夠」，所以，你要盡力還錢。

你可以留$20000現金在手，餘下就盡力還。

我相信你可以在2年內還清負債，到時再慢慢開始理財投資，這刻，你先處理好負債先，高息只會令你支出更多，所以你要盡快處理。

------------------------------------------------

Q17769：

2822 同 3147。分別？

龔成老師：

南方Ａ５０（2822）目標為追蹤富時中國Ａ５０指數之表現，即是追蹤中國大型企業的指數。

南方中創業板（3147）目標為追蹤深圳證券交易所創業板指數之表現，3147的風險會較高，投資注碼亦不建議太多。

------------------------------------------------

Q17770：

龔成老師 ，你認為現在的優質股是不是可以開始加大少少注碼呢？

因為我開月供了大約9個月，期間都有調整過2次，現在月供股票如下：港鐵：$1000，領展$1000，盈富$3000，中國平安由剛剛7月開始供$1000，長江基建（已停供，因為由$60.2跌到$30）

今年甚至下年的市場都很波動，但見眼這年的股票變得很平宜！ 雖然我全部股票都在蝕錢，但我是想長期投資！ 所以我沒有打算沽，反而想彈性調整月供，例如需要加大港鐵嗎？

長江基建我不知應否繼續停止供款，你有什麼意見呢？

本人自我介紹一下，31歲，做護士，已關注龔成老師的fb一年，目標想增加財富，甚至想10年內達到財富自由

本人跟男友在6月急急買入了深井一個4xx尺二手單位，買貴了，685萬，借9成首按揭。業主沒有平賣給我地，而且我深知道該地段完全沒有升值能力，純粹是想自住，因本人跟父母6人同住一個公屋，我想搬走。現在看樓市，甚至有跌價的機會。

有點擔心買了樓 ，會否非常非常影響我這十年的致富路？

另外，港幣貨幣越趨貶值，而且近年政治問題會否令樓市/股市一直跌下去？ 我有大部分同事都說不應該再買股及入樓市..

本人自從上年就很想學投資因為真的真的希望將來的生活有選擇 、有更大的自由度，深知香港做醫護實在太辛苦亦不受政府重視，健康精神狀態很差日趨嚴重，想在10年內可以有機會脫離全職

捱更抵夜通宵高強度的工作捱不到退休年齡的
真想下決心去學 去知 去實踐

龔成老師：

要睇你那類別的優質股，比亞迪（1211）與領展（0823）都是有質素的，但前者現價唔平，後者則可加注。因此要睇你的投資物。

你上述所月供的，都是有質素，你可以保持月供，不過，你31歲，投資方向應該以增長為主，因此應加翻少少較有增長力的股，而增長力較一般的股就唔需要再加。

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

物業方面，深井投資價值的確不高，不過如果你純自住考慮，就無所謂。

你之後應該集中股票方面去增值。只要這方面做得好，就能成功在10年後完成目標，用「先增值，後現金流」，因此，這刻應該盡力做好「增值」層面。

香港股票仍有投資價值，只要你做好選股，建立增長力組合就得。

另外，建議你多增加投資知識，在選股、企業估值、投資時機上落功夫，對你長遠財富有好大影響。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q17771：

你好，龔Sir,本人27歲，創業後現時月入平均15萬左右，已有一層樓，月供2萬幾，除支出後可以每月儲10萬，現存款金額60萬，因為工作比較忙

又唔想比人hard sell投資工具，請問有沒有投資或理財的建議可以給予呢？謝謝

龔成老師：

投資股票最簡單，第一，增長力強，第二，自己控制，唔好比人sell及控制，第三，流動性強。很適合你這年齡投資。

其實你這個年齡，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股小注好了。

你可以考慮月供或自行分注去入，大約每月投資$7萬（而$60萬就暫時留低，等跌市先用）。

你可以考慮盈富（2800）、銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

如果想增長力高少少，可考慮：阿里（9988）、騰訊（0700）、港交所（0388）、舜宇光學（2382）、小米（1810）、比亞迪（1211）、中生製藥（1177），但就要明白波動性比上述會高左，同時風險大左，你要自己平衡。最好當然等回落先入，因此現價唔平。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q17772：

想問問1910有無前景？

龔成老師：

新秀麗（1910）好受疫情影響，相信中短期都會好弱，負債雖然有點多，但未去到去有大問題，我相信佢仍可以過關的。

長遠只要疫情好轉，佢都會慢慢向好的，這股只要過到這一關，不是無前景的。不過，這股始終中短期風險較高，因此不建議太大注。

------------------------------------------------

Q17773：

龔sir你好，我是全職媽媽，兩年前開始用私己錢買入銀行股收息，諗住銀行股穩陣息率又高，其中匯豐佔的比率最高，現在股價接近下跌了一半

讓我不知道還應不應該繼續持有或需要減持，希望你可以給予我寶貴意見，以下是我的投資組合

也希望你可以建議一些適合我投資的股票讓我可以讓資產增值，我每月家用扣除開支不亂花費的話，可以剩餘$2000-$3000作儲蓄，謝謝！

匯豐：股數4000，平均買入價$60.315
港鐵：股數 500，買入價$37.5
盈富：股數 1943，平均買入價$26.33
交通銀行：股數 12000，平均買入價$5.67
香港電訊：股數 1000，買入價$11.5

P.S. 盈富我現在每月有做月供$1000

龔成老師：

同一隻股票，同一個行業，唔應該佔比太多，你銀行股及匯豐（0005）都出現了這情況，減持是大方向，只是睇下點樣減持得好D。

盈富（2800）是組合，佔比較多都無問題。

港鐵（0066）、香港電訊（6823）持有無問題。

匯豐最新業績令人失望，相信要較長時期先會好翻，這是收息股，相信過1、2年後，股息會正常，不過，唔好對股價有特別期望。

------------------------------------------------

Q17774：

我一直閱讀你的文章及分享，真的幫助及鼓勵了我不少。謝謝

我今年24歲，銀行工，工作有時候比較忙（9-11pm），有時則可以7pm收工。現時有parttime補習幫助一下收入。轉全職補習老師好像也不是我希望的工作。

其實我一直很想創業，但是好像找不到自己的長處。如果賣貨品，自己又不認識人及貨源。在這個不知道方向及不知道如何起頭的情況，老師可以給我一些意見嗎？

龔成老師：

你銀行工的工作時間較長，比較困身，除非長遠好有發展，否則，要好好思考你的大方向。

你可以試下網上創業，其實好多野都是試出來，有時無人知個市場係邊，但試試下就有方向。

做生意最好有自己的獨特性，賣產品較專好過雜。你上淘寶已能夠找到好多貨源。

------------------------------------------------

Q17775：

龔SIR, 你好。現在本人32歲，月入約$33K，過多大半年後清還債務後，會回復$37K左右，每月可以拿到$5000-$8000做投資。

現時有 $20K左右流動現金，計劃做第一步投資，然後每月儲到錢便再逐步逐步加注投資

短期目標係3年內儲到$50萬-$80萬，中、長期目標希望財務自由，等到退休時有更好的保障，希望龔SIR可以指點一下方向。感謝你的解答

龔sir, 今日去到澳門宏達書局，你嘅著作好多都賣斷市

龔成老師：

暫時你儲多D現金先，等你過半年過完錢後，先正式開始投資。當然，如果這段時間大市回落，你都可以小注投資。

你這個年齡，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股小注好了。

你可以考慮盈富（2800）、銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

如果想增長力高少少，可考慮：阿里（9988）、騰訊（0700）、港交所（0388）、舜宇光學（2382）、小米（1810）、比亞迪（1211）、中生製藥（1177），但就要明白波動性比上述會高左，同時風險大左，你要自己平衡。

你可以向職員訂貨。

------------------------------------------------

Q17776：

老師 請問你對於醫療機械股既前景看法如何？我買左 853 微創醫療 ＄15.58 入手 而家已有一倍升幅

但我依然看好佢既增長 ，你認為要先賣一半獲利嗎？ 值得長線持有嗎？謝謝

龔成老師：

微創醫療（0853）潛力度是高，不過股價上得有點多，現價唔平。

你可以賣3分1至一半，餘下就長線。這股有發展的，長遠仍有的價值，不過只擔心現價貴。

------------------------------------------------

Q17777：

老師你好，近排先follow你嘅page認識你
小妹一畢業做航空業，由上年11日做到而加
做得4個月就有疫情，由3月起就已放無薪假

時間多左先開始研究財經同股票，朋友介紹之下follow你嘅page，你嘅q&a post都會睇，分析都會睇
都會自己上網睇各種資料

但都冇太大信心入市
目前積蓄只有7萬，想做d穩步增長嘅投資
老師有冇乜野推介？定係應該留住佢？
唔該曬老師

龔成老師：

你要做三樣野，第一，增加知識，你要學理財及投資的知識，記住，投資並不是坊間的炒炒賣賣，你要從書本或課堂上認真學習。

第二，了解銀行及證券行，去開一個證券戶口，並準備做月供股票。

其實兩者都可以，銀行就較方便，但手續費就較貴，證券行收費就較平。你可以先了解下不同的收費。

第三，將每月的部分資金，去做月供股票，供盈富（2800）。對初階投資者來說，月供股票是一個很好的累積財富方法，因為可避免你一次過在高位買入的風險。

原理如同儲錢，不過就不是儲現金，而是儲股票。計劃要長期進行。

另外，盈富是一個組合，適合絕大部分人投資，風險不高，長期儲貨可助你財富平穩增值，記住要長線持有。

當你在做上述三件事的同時，開始學下股票，了解下那些股票適合你自己。上述只同你簡單供盈富，當你過半年，有知識及少少經驗後，就可以利用你手上的資金，其中一部分，去投資股票。

------------------------------------------------

Q17778：

龔Sir，我想請教如何能夠在繁忙的工作之中留意巿況及買賣股票？ 謝謝您

龔成老師：

第一，你唔好太著重中短期資對及股價，你要找一些「真正有用的資訊。例如集中睇「企業年報」。

第二，減次買賣次數，我一年會分析50-100間企業，平均每關要5小時。但一次只選中1、2隻股票做買賣，要分析多，但要出手準。

第三，你可以利用空閒時間，例如放工用30分鐘、是期六用60分鐘，搭車又好好利用，都會有一定的時間。

------------------------------------------------

Q17779：

龔Sir， 我想請教「優質股」、「潛力股」、「強勢股」之間有何分別？ 買賣策略又如何？ 多多指教

龔成老師：

我地買股票就是買公司。

優質股就是本身有經濟上的優勢，例如業務有獨特性，產品好強等。

潛力股就是有潛力的公司，可能這刻產品未得，但預期會好受歡迎。

強勢股就是近期升得好勁的股票，可能是有質素的公司，又可能是無。

------------------------------------------------

Q17780：

龔成sir, 你好
我聽你叫人供2800，我由7月開始月供$1000/月

另外，我月供緊939 建行$2000/月，已由2018年6月開始供到依家

我需唔需要將供款金額比例調整一下呢？供$1500盈富，$1500建行好嗎

感謝

龔成老師：

因為盈富（2800）是一個50隻股的組合，雖然不是高回報，但對大部分散戶，其實都是好適合的，因此有長期月供價值。

你可以供盈富$2000，建行（0939）$1000，這會對組合有更好的平衡效果。另外要明白建行只是收息股，股價增長力不強。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

讀者投稿《愛搞事家庭男家篇》

我同老公結左婚5年幾，有一仔一女，由拍拖開始已經知道佢成家都唔多正常，不過老公同我一齊耐左，好多野都改變左，我先可以撐到現在。

先講62，62係個煙剷，日日煙不離手，我大住個肚去佢屋企照係我面前食，次次去完佢到都搞到我成身煙味。仲有，電視聲大到樓下都聽到，唔緊要，老人家耳仔唔好，大聲都正常，但有小朋友係到，你做爺爺陪下佢地玩熄陣電視得唔得，每分每秒都係睇住d大陸劇，套套都係日本人同中國人打仗個種，大佬呀，我唔想對仔女第時成日開口埋口：打倒日本鬼子呀。

仲有，脾氣差又鐘意認叻，我同c6拍拖戈時，已經成日聽到佢鬧99，好幾次仲推哂台面d飯餸落地，成家人都怕左佢，怕到佢現在退左休日日係屋企都冇人理佢。一有d大陸親戚搵佢，明明加埋哂都係8個人，係都要叫十幾樣餸，扮哂富貴咁，結果食淨咪打包返去我99一個人食足一個星期。我結婚戈時女家俾左好多金器（連埋哂d女家親戚共有36對龍鳳鈪，仲有其他金粒等），6299只係俾左條金鏈仔，我都算，最重要係心意，結婚之後有日問我點解唔事先講佢知女家送咁多金器，早知佢都去買返咁多，戈日搞到佢好冇面，因為d鈪遮左佢條鏈，我真係笑左，我點知我十年都唔見一次的三姨婆都送得厚禮過你呢個做62架，我都冇在意你反而鬧我？結婚當日斟茶按輩分又亂哂，提早叫佢地俾名單又話唔好意思問人地泥唔泥飲，係咪都預人地成家泥齊，結果搞到擺酒個時吉左三圍浪費錢。我陀住個女時成日話生仔生女都好，到兩年後我陀第二個一聽到係仔，個樣即刻唔同哂，周圍同人地講佢抱孫，62其實你兩年前已經有個孫，不過係孫女。

到99，我99係典型鄉下婆，咩都係個老公岩哂，我同老公吵架，居然同我講：做女人係咁，要讓個老公99步。真係好好笑。到我坐月時，成日話人地坐月肥肥白白，你就食極都唔肥。大佬呀，人地40歲，我先廿幾歲，新陳代謝都唔同，佢係瘦唔到，唔係坐得好。

講左佢聽我食薑會出疹，由細到大都係咁，醫生都係佢面前叫我唔好食薑，煲湯唔好落薑，襯工人行開居然放幾片薑落我煲湯到，搞到我出疹差d氣管敏感透唔到氣，我老公睇返cam知道左問99點解咁做，99話佢朋友個女生完都日日食，叫我一定要食，出下疹有咩所謂，哎邊有人無知成咁。

我自己唔係多奶，但好想餵人奶，我99一見我拿高衫想餵，即刻篤我個胸，講話：咁林，一定冇奶，開奶粉啦。我即刻喊出泥，人奶媽最憎聽到呢d，我之後同佢講：其實我唔鐘意人地掂我私人部位，我99話：我又唔介意。嘩，你識唔識聽人話？我話我介意，冇問你介唔介意喎。

我好怕我對仔女單獨同佢出去，因為我老公身上好多細個留低的疤痕，全部都係因為我99冇好好睇住而做成的，我99話：我放佢坐係到，點知佢會走左去。大佬呀，3-4歲小朋友有好奇心，走左去有咩出奇，自己冇睇住仲怪個仔。

到家姐，又係一個鄉下婆，自己有三個女，成日想追個仔，但又冇錢養，仲想問我老公借錢生仔。咩都貪，人地街上派紙巾樣版，一定開口問人羅多幾包，人地唔俾就行幾次返轉頭羅，去到商場廁所一定係咁羅廁格d廁紙，你自用我唔理你，唔好用戈d廁格廁紙幫我對仔女抹嘴，你知唔知咩叫衛生。自己個女成日撞到呢到瘀戈到傷，仲好意思講自己湊b幾叻。有次佢個女自己走左去後樓梯碌左落樓梯都係清潔工人見到帶返佢入屋，家姐仲係廚房煮飯完全唔知，你煮飯點解唔可以閂屋企門呢？治安有冇咁好？仲瀨話個女快手快腳，真係好好笑，你煮飯煮左成個鐘啦，人地捉左你個女賣埋再洗哂d錢都夠時間啦。泥到成日話我工人清潔得唔乾淨，你睇下自己間屋先啦，廁所煙漬唔講，成地頭髮，牆上d萬年塵已經係抹唔甩，每個天花角落都有蜘蛛網，請問你有咩資格話我屋企唔乾淨？

到阿妹，未婚，但成日唔返屋企，62好怕佢，因為夠哂惡，成日鬧人，可能因為係龍鳳胎，同我老公感情好好，成日敵視我，好似我搶左佢老公咁。三十歲人仲好任性，成日帶埋好多唔同的男人返屋企，跟住同人地拍兩三日拖就搬哂d野去人地到，一分手就叫我老公幫手搬返d野走，以我所知我老公已經幫佢搬左十二次屋，我唔知的仲有幾多。成日問我地借錢，又唔還，有錢買名牌衫名牌包，今日借完我地錢，第二日係ig話自己買左個幾萬蚊的手袋，大佬呀，我幾千蚊的袋都唔捨得買，你借我錢去買手袋？講左佢聽我女有鼻敏感，次次泥我屋企都噴哂成支香水係身，搞到我女係咁打噴嚏。

成家奇奇怪怪的住埋一齊，好彩我地搬走，如果唔係我諗我冇命捱到現在。

#退一步海闊天高
#我的極品四大長老

讀者投稿《短文三篇》

1. 《心地不好奶奶篇》

99成日問我婆婆幾歲，我答九十幾囉。99每次都好似第一次聽嘅一樣，好驚訝咁講：哇咁老好叻喎！

下一句帶住歡笑講：乜咁老都未死呀可？

2. 《鍾意問你有無奶奶奶篇》

食全餐生左阿b，痛足三日兩夜，生完第2日晨早7am，奶奶打黎問：「你上奶未啊？」

之後日日亦如是，晨早打黎問有無奶。我叫老公同佢講，唔好再晨早流流打比我問有無奶，已經嚴重無得瞓！

然後佢無打黎，改為whatsapp，同埋上來探病時兜口兜面問。
老公再話佢，唔好再問有奶無奶既問題啦！佢果然無再問「奶」，改為問：「阿b使唔使補粉啊？」
¥\%}*<£\>8;&2@&
我無奶係未你o係你果度揸到出黎啊？？？

3. 《多多要求奶奶篇》

我同老公拍拖未有耐就同兩老見面，仲一齊去旅行，大家互相遷就十分和平。

拍拖耐左，大家都諗到結婚組織家庭，但要先儲下錢，加上爸爸剛返天家唔急住，未來6299係爸爸未出殯就約我出街，以為佢哋擔心相見下我，原來帶我去買金器。。爸爸都未入土為安，你就同我準備紅事，好過份呀，我接受唔到lor。。但我唔想另一半難做，只係坐係金舖唔俾任何反應及意見。。。

99話對結婚擺酒都咩無所謂，我本身唔食魚翅，所以擺酒都唔會食，99話無魚翅唔得。。。如果要食魚翅，我情願唔擺酒，佢就放棄。係結婚前一星期，未來99突然問我有咩金器，有無金豬。其實我好平凡，只要親友黎已經係一個祝福，唔需要成身金器。

但未來99知道我無金豬，就話可以問佢個女借，仲可以借埋龍鳳鈪。我話唔需要，有屋企人會送龍鳳鈪，99不停問有幾多對，數量少唔好睇，要同親友影相人哋見到唔靚！我D 朋友唔會咁數lor，如果唔夠，我可以問自己家姐嫂嫂借，唔需要問你個女！！

結婚當日，6點到酒店化好妝，準備同6299 影張家庭照，99遲遲都唔出黎，3催4請等張半個鍾都話未得，兄弟們話99已經化完妝換晒衫，我開始火火地，叫伴郎去了解下，伴郎話99要等埋孫女（半歲大），佢仲瞓緊覺，要一家人影架。。。。一對新人同6299影張相，新人唔係主角，而係佢乖乖孫女。。。 😡😡

#退一步海闊天高
#我的極品四大長老
#三個投稿者三篇稿

👇設計圖片