男人愛車，不論大小，小男孩愛車車，大的小的，應該不只過百了，媽媽只求不要過200🤣 因為總有個支持買車車的超大型男孩在旁打氣又推波助瀾。 小鬼一直不是藝術型小孩，不愛做勞作，也不愛畫畫，但偏偏學校以前經常都 Art & Craft，老師也說他常會露出不以為然的樣子，非常不投入，不過老師也不會迫，只是說在家也多鼓勵做勞作，直接間接訓練多種能力...... 我也知喔，但總要找他有興趣的吧，前幾天跟他一起為大車和小車做了停車場，做得非常開心，順便學顏色，學分類，畫畫塗塗，剪剪貼貼，做了一整個早上，平常畫10分鐘已收工，非常充實，成品也不是放著就算，真的可以用，玩完都要帶車車回家(停車場，收納箱)，不然會趁他睡著時跑出街玩，太好玩就不想回來了。 有次車車不見了，找了好久，找不到，小鬼有點不開心， 👦🏻無咗，車車出咗去 (失落聲） 👩🏻你覺得車車去咗邊度？ 👦🏻去咗搵其他小朋友 👩🏻咁你想唔想去搵返佢？ 👦🏻no，我 share 比其他小朋友玩，有小朋友無媽咪，無玩具，share 比佢地一齊玩 👩🏻good boy，it’s very kind. Share 比其他小朋友，咁你會唔會 upset? 👦🏻少少，但係其他小朋友會好開心 👩🏻唔緊要，你仲有好多車車可以玩 曾經跟他看過電視，有兒童設施的出現，問為什麼小朋友無媽咪，對一個小小孩來說，他在現實世界認識的小朋友，都有媽咪，「沒有媽咪的小朋友」是在他的認知範圍以外，所以知道有小朋友沒有父母，不能跟爸媽在一起，他覺得很 sad，他竟然仍記得，更不介意將玩具送給別人，同理心，在不知不覺中建立起來，3歲兒，仍是純真的，想法簡單又直接，3歲可能真的定80? 我不知道，但希望他一直會是個有同理心，獨立而善良的人。 #家有唔中意做勞作嘅小朋友揮揮手 #阿媽自己其實都唔中意 #人生做最多勞作係生咗仔之後 #之前學校HomeLearning鬼咁多勞作玩C阿媽 #小朋友個性不一唔係個個都中意勞作㗎 #小鬼都中意油顏色但永遠只想油係令阿媽崩潰嘅地方 #其實做完得個放字嘅勞作好浪費資源 #癈物利用還好如果另外買勞作材料就真係唔太環保