［西洋鏡］仲有En passant，不過用文字有啲難解，唔解算。

一盤國際象棋，係可以有9隻黑王后的，理論上。

TLDR：本文講西洋棋四大怪雞（相對於中國象棋）棋例（唔包括基本點行之類）：王車易位，升呢，將軍，同埋En passant。En passant用文字實在有點難解，從略，只講另外三樣。至少學咗唔會出醜，唔好亂咁話人錯，唔好同人打交。

其實原本想寫另一樣嘢，但寫咗呢篇先，不喜勿鬧

1. 呢期興講西洋棋（或曰國際象棋）。我相信百份之九十九嘅人，之前都唔知咩叫The Queen's Gambit。國際城市喎。照計知咩叫炮二平五或者重炮將嘅人多好多。都係開局啫。

2. 埃汾冇Netflix（但張家輝啦，遲下會有，因為在台灣14日，寫文都寫唔到咁多）所以一集都冇睇，但棋倒係識捉下。呢篇文講棋。可能Netflix都有介紹呢啲例？但我估佢冇講廣東話。

3. 又返返去，好多時咩叫做「識踢波」「識捉棋」「識寫文」甚至「識吹蕭」，都真係睇你咩context 下用，亦睇對住咩人。斷估唔係識得用腳踢個波就叫識踢，亦唔係落過場踢就叫識（否則我都識）。咁有時我地會用啲quick and dirty嘅方法去判斷。埃汾屎棋，很屎，但應該都算「識捉棋」，但我唔算「識踢波」。

4. 例如我唔明做乜見工會有人問「你識唔識Excel？」，唔通答你唔識？但在我心目中，「識」，咁至少睇你識唔識用Pivot Table Value Look Up，你可以話「下？好基本咋喎，識寫VBA先叫識」，甚至話「邊有人用Excel？」，隨你。你亦可以話「喂我覺得識用SUMIF已經算識」（＊），隨你。我只係講我工作請新仔嘅量度。

5. 咁同樣地，咩叫「識捉西洋棋？」，咁我估，都至少你識晒啲基本規則。「即係最基本嘅擺皇后就唔使講啦」「亦都唔好問到底西洋棋有冇撓馬腳，仆街，人地鬼佬啲馬先進啲，況且嗰隻係騎士，唔係馬，雖然都係騎馬」

6. 包括你要知道王車易位Castling（其實嗰隻係Rook，或者叫城堡，但是但）。留意王車易位十分常見，八九成棋局都會用。因為十分有用，一方面將隻王縮埋一角去冷氣房指點江山，另一方面開咗隻「車」出嚟中間大殺四方。

7. 當然你應該係識埋所有Castling嘅規矩（唔好講到要郁邊隻先咁複雜啦，正式比賽有規定郁王先，然後仲要用同一隻手郁「車」，當然不能雙手齊用）。首先，兩邊嘅「車」都可以做，但只能做一邊（下面解）。另外，隻王同隻「車」都係由頭到尾未郁過嘅（亦所以每人只能用一次），中間亦不能有其他棋（不能穿牆，不論敵我），另外，你用完後，隻王當然不能被將軍（很基本吧）。呢幾個好多人都知。

8. 不過，我發現唔少人唔知仲有呢條規矩：你車王易位，隻王穿過中間嗰堆空格，全部唔可以有敵軍攻擊緊，一格都唔得。你當人地會中途截劫老笠你個王啦下。留意人地有皇后好易可以封晒你兩邊，令你做唔到Castling（附圖嘅右邊）。仲有，被將軍時，你係不能出呢招大逃脫解圍的。王走佬要郁趁早

9. 仲有一條好奇怪，看似多餘嘅rule：Castling只能kingside，或queenside。左邊或右邊．你心諗，既然兩隻嘢都要冇郁過，仲有第三種玩法？有！就係，唔打橫，不如打棟？我如果有兵仔升呢（下面會講），變多隻「車」，就在王正前面，咪符合晒以上條件！兩隻都冇郁過喎（隻兵變車後冇郁過！）！又冇嘢在中間，可唔可以vertical castling？係唔得的。呢啲東西我就真係冇見過有人做，但當然前人有玩過。

10. 但留意有啲人矯枉過正，明明得嘅情況都有人話唔得。首先，你隻王畀人將過軍，冇問題的，冇郁過就得（例如你搵人頂住中間，或者食走攻擊你隻棋）。仲有，隻「車」被攻擊時，一樣可以用Castling甩身—唔係隻王被攻擊緊就得（附圖左邊）。仲仲有，之前講過，Castling時，你隻王郁中間嗰堆格，不能被敵方攻擊中，一格都唔得，但，隻車郁嘅格就冇呢個限制，甚至郁完你隻車畀人食走都得，你肯咪得。

11. 係咪好複雜呢？係！

12. 另外，當然包括你知道十分麻煩嘅兵仔升呢，以及更麻煩嘅En passant。En passant實在不能三言兩語解，自己查維基，唔少人連有呢樣嘢都唔知。可能因為法文難讀（大約讀做安趴桑，冇T音，法蘭西文）

13. 但兵仔升呢就值得一講。亦好多人知有呢樣嘢，兵仔踩到最底可以變身，但亦有唔少誤解。

14. 首先，可唔可選擇唔升？weirdly，係唔得的，隻兵一定要變第隻嘢，佊得定律，冇得唔升。另外，當然不能變多隻王出嚟啦，雙辦事人咩，點將死？

15. 咁除咗唔變，同埋變王外，係變乜都得。基本上任何人都會叫你變皇后，因為係最勁嘅棋子，冇得傾。一般rule of thumb，「車」5分，皇后9分，一隻頂兩隻。事實亦係，97%嘅賽局，啲友都係變皇后（但，剩返嗰3%先有趣，陣間講！）

16. 但，如果我先後有兩隻兵達陣呢？可唔可以兩皇后？答案係，可以！話唔可以嘅係錯解。理論上幾多隻皇后都得，regardless of 你原本嗰隻死咗未，亦regardless of 你之前有冇其他變咗后—唯一條件當然係對手未將死（唔好笑，你變幾隻后仲唔整得死人，都唔易，人地亦可能投降）。

17. 我記得教電腦有最基本嘅8皇后問題，咁理論上，一盤棋，黑子可以有幾多隻皇后？係9隻！一隻原本，8隻升呢。

18. 咁你話，喂，冇棋喎，邊度變多隻畀你？如果正式比賽，就要停鐘，然後個主持人搵隻皇后畀你，幾多隻都有，應該一定要有8隻後備。但一般衞生玩法，咪求其搵隻棋打橫放當係，或者自己拎個銀仔落去啦。

19. 頭先講過，因為皇后最勁，97%嘅賽局啲人都係咁升。實際上唔止97%，有時啲人係玩嘢，或者係因為反正一升呢就會畀人食，所以升乜都冇所謂，求其。但，都真係有啲情況會唔升皇后，特別係啲理論殘局（實戰更加少）。

20. 最常見，唔升后，升乜？應該估到，係「馬」（騎士）。因為騎士嘅行法獨特，同皇后唔同，係唯一唔升皇后嘅理由。個別解殘局要用到。

21. 但更加神化，有冇人唔升皇后又唔升馬，將佢升做「車」（城堡）或者「象」（教士？）？感覺係咪完全唔make sense？因為后已經係「車」同「象」加埋喎。實際上，除咗玩嘢，咁做嘅動機近乎冇。但理論賽局呢？都有啲用，畀你估下有乜情況有實際需要要咁做？唔易估

22. 就扯到落去最尾嘅一樣嘢，將軍

23. 點解有后唔升，要變「車」或「象」？答案係，唔好迫到對方stalemate。有時你變咗隻后出嚟，對方會即時冇棋行（但你冇將軍），stalemate，但當和！唔係當佢輸！所以要變「車」或「象」。呢個stalemate係一個同中國象棋好唔同嘅地方！

24. Stalemate，官方叫做「欠行」（總令我諗起「五行欠打」甚至「五行欠X」）

25. Stalemate係乜？就係「冇棋」。留意「冇棋」唔同將死！「冇棋」即係我冇將你軍，但迫到你冇棋行，你再行就會畀我食咗隻將軍。捉中國象棋都知，迫到對方冇棋，自己就贏。日本將棋亦都係（都打過下機）。但，朝鮮將棋就唔係（冇玩過，但在韓國博物館有講），因為朝鮮將棋可以趴時，唔郁，踢返個波畀你，咬我丫。西洋棋呢？人地「冇棋」，當和，切記！

26. 仲有最後一樣，我都唔100%肯定，但中國象棋，還原基本步，縫拆拆縫拆拆嘅長將，當負。但西洋棋，長將當和（不過唔係自動，要提出）。

27. 講左一輪，其實依我睇，西洋棋嘅規則係真係比較複雜的。當中有好多歷史原因。所以啲友捉西洋棋好易出醜，亦都令到唔少人唔敢玩。中國象棋相對係易上手。但係咪易學難精就好難講了，反正人人都會話自己玩嘅嘢易學難精。

（＊）真人真事，舊公司（唔好講邊間）個HR同我一齊見驚跌地，真係問人識唔識用SUMIF，而個驚跌地都算係某名牌大學讀數學。我諗佢嘅表情一定係希特拉式：「仆街，我今次真係吹鳩脹。」

-------------------------------------------------
Ivan Patreon，港美市場評點，專題號外，每日一圖，好文推介。一個月一舊水唔使，三個月已近700人訂！仲有免費試睇：https://bityl.co/4RBj

-------------------------------------------------
Instagram @ivanliresearch．七成金融（短打）兩成嘢食一成其他嘢。

［匯控已死！維基當立！］昨日又升11%！8蚊都見過。何止10蚊不是夢，直頭見14蚊啦

明報專欄- 李聲揚：博港視一年內入「港版納指」（https://bit.ly/3f6ETXn）

最底亦有copy成篇過嚟，反正免費（但慣例我都會隔一日先貼，請大家支持下明報）

話時話，呢排記得keep 住like and share，主動入嚟睇，同埋設定做see first．真係搵食艱難。但感激大家，Keep住做，呢排啲Reach係好返好多的，但唔好鬆懈。一個都不能少呀

TL：DR 上星期先寫過王維基（https://fbook.cc/3Cxz），不長，但唔睇亦不太影響。當時話破頂，就破了頂。都話10蚊不是夢。不如就大貪啲，估升一個開。就夠入港版納指！做第二隻香港成份股（第一隻係ASM太平洋，已入，當唔當香港公司就隨你）

1. 昨日港版納指就登場，前世今生我寫過（https://fbook.cc/3Cxu），主要都係睇有冇被動基金有冇ETF有冇期指有冇輪，而又好取決於呢堆ATMX之類之後係咪仲有得升，定好似08後嘅中資金融股咁打回原型。至於如果真係有產品，咁炒邊隻股，亦都寫過，教埋你點解（https://fbook.cc/3Cxv）。就梗係唔係睇騰訊。「比重最高基金要追喎」。係丫，但根本騰訊日日都多人買。唔係話騰訊唔抵得買，但炒呢樣嘢就要睇啲本身成交（相對於在指數比重）細嘅東西。咁寫過係ASM太平洋（522）啦

2. 今篇寫乜？就大膽啲。我話嘅，王維基隻HKTVMALL香港電視（1137），一年內入呢個指數。到時入到嘅，記住全香港係本人最早寫（＊）。如果入唔到？咪入唔到咯。點呀？唔通我賠錢畀你？

3. 好啦，講下理據。「就即係睇好香港電視升一倍咯」．「其實如果批次股的話唔使升一倍添」。自己參透下呢句。

4. 我在明報文有寫，港版納指同正版，好似鬥十三張咁。大家擺個頭先，人地有FAAMG，港版有ATMX，當然港版都細過人地，影響力亦冇咁大。但至少都仲叫做勉強同一個級別。

5. 但落到後面，「二道」同尾，就爭好遠了。咩FAAMG之下，正版仲有Netflix呀Nvidia呀Tesla之類，港版就爭好遠了。

6. 可以睇下港版納指，最尾嗰幾隻，網龍（777），易鑫（2858），丘鈦（1478）。120億上市咁上下架咋，唔好以為真係好大。正如周顯話齋，其實係未夠班整30隻嘅指數。你見成個中國，都居然未有30隻勁嘅科技股（＊＊）。搞到連啲120億市值（港紙呀下）都入到。不過另一方面，你見好多人質疑點解冇香港公司　—　咪畀你見到，香港連一間120億市值嘅科技公司都冇咯！（除咗ASM太平洋，當然係咪”香港＂都可以研究）。

7. 但唔緊要！今日冇，第日會有！計過數啦，香港電視HKTVMALL，而家64億市值。其他嘢不變的話，升一個開，120億市值，咪夠過榜尾嗰三隻嘢頭咯！成交亦都應該夠的。咁冇理由網購唔係科技下話！光頭佬Amazon係全球首富，FAAMG之首喎！我知有AWS，但唔通冇咗AWS佢就唔係科技股？咪玩

8. 至於點升一個開？「其實唔難」，Tesla都升六倍啦大佬！不要問，只要信。最好就集眾人之力推入指數，然後打劫啲被動基金（因為入咗指數佢地要追）（＊＊＊）

9. OK，正經啲。疫情受惠股大家知啦。另外，埃汾太話我知HKTVMALL 調高咗免運費門檻（真係學彼德林治咁生活投資法咁喎！林治都係老婆報料），即係變相加價。生意好到做唔完。當然，我好似舊文都寫過，分分鐘業績後又批下新股。咁對股價可能壞事，但對市值就可能好事！（因為股數多咗）

10. 之前出咗盈喜，半年都賺9000萬啦，我估分分鐘係第二季先賺。好進取咁annualize，分分鐘一年有幾億純利。咁120億市值，唔係好過份咋？

11. 不過最大嘅敵人，反而係時間！當然咁細間公司，要炒上實在唔係太難。但真係時間係敵人！點解？因為指數成份股呢樣嘢，唔止不進則退，仲要係不停有人挑戰你。

12. 講得白啲，指數就30隻，而家個最低門檻係120億市值，但兩年後仲係唔係？未必。就唔講呢堆嘢升定跌都好，仲有個問題：有啲巨無霸係好大市值的！情況正如咩工行建行嗰啲嚟上市，你見啲舊嘅藍籌就踢走—但有啲根本個市值增長不錯的，但個門檻已高咗好多。同一道理，到咩螞蟻集團呀，滴滴呀，抖音呀嗰啲一嚟香港上市，你榜末嗰幾隻一定踢走，無論係易鑫定香港電視。

13. 所以，就睇香港電視升得快，定係螞蟻爬得快了。

14. 其實仲有個好有趣嘅問題：咩先叫科技公司？點解中移動唔係科技公司冇入指數？香港電訊（6823）或者電訊盈科（8）市值肯定夠入港版納指喎。富士康呢？Tesla係，點解Toyota 福士唔係？Toyota福士都會做/有做電動車吧。比亞迪（1211，唔係285）一樣係電動車喎，市值大過285添。況且，電動車係科技，電油車就唔係科技？咁做飛機呢？Day Day Cook 又係咪科技股？咁Blue Apron呢？Netflix最初可能係科技股，但而家變咗內容為主，點解佢係科技股迪士尼又唔係？或者下篇文講。有意見嘅可以講，但其實呢篇文主要講王維基隻HKTV MALL。

（＊）又認真，呢種心態都有啲多餘，切戒。偶然自揩下可以，但最忌係衰咗拎嚟呻。你同人講你香港乜鬼MyCar最早整，又如何？係咪鬥早先？蘋果速銷早過王維基添。蘋果之前一早有松日mp3，有台灣Tablet，有智能電話添。又如何？你潘蘇通去日日酸蘋果，「明明我整mp3機先」。Get a life啦，阿嬌阿Sa都嫁人又離婚啦。仲風箏與風咩。

（＊＊）咁當然，其實好過好多國家，之前咪寫過，德國講嚟講去都係得SAP同埋Wirecard – 後者仲要係騙局爆埋煲。（https://fbook.cc/3Cxw）（https://fbook.cc/3Cxx）

（＊＊＊）咪講笑，之前美國連登reddit啲友真係玩呢味。炒得不亦樂乎，例如隻Virgin Galactic 勁升都係咁玩法：人人推高個市值，咁啲期權商被迫就要開產品同埋被迫要買貨。有機會寫下

———————————————————————

李聲揚：博港視一年內入「港版納指」

【明報專訊】今天是俗稱「港版納指」的「恒生科技指數」面世。上星期公布詳情後，引起了一陣討論，也令相關股份瘋炒了一天（就只是一天）。

已有不少人提出，恒指近年估值低殘，沒有最平只有更平，表現大落後，原因之一是欠缺科技股。很長時間恒指內只有騰訊（0700）一隻科技股，勉強計入聯想（0992）（已被剔出），甚至手機設備股之類。但中國是不是沒有科技公司？也不是。部分公司如阿里巴巴（9988），以前因為「同股不同權」而選擇在美國上市，現在不少已經回歸。恒指公司在諮詢後（時機掌握得不錯），決定「同股不同權」公司也可以加入恒指。變相就代表8月阿里巴巴、美團（3690）和小米（1810）可以入恒指。

比較有趣的是，幾年前恒指公司將中移動（0941）也加入國企指數，已令恒指和國指愈來愈相似。現在恒指有一堆科技股，但另外又搞一個港版納指，三者相似度頗高，難免令人認為像特餐常餐快餐般。當然有陰謀論是元祖的恒指將被邊緣化，大家拭目以待。

有產品配合 新指數自然炒旺
還記得2006年，中資金融股當炒，恒指公司也推出了「中資金融股指數」（俗稱「五行三保指數」）。金融海嘯後，中資金融股表現不振，自然就無人再提此指數。希望港版納指不要重蹈覆轍。

前景方面，香港投資者及媒體，是「輸打贏要」的常客。科技股近幾年升個不停，當然就怪罪恒指為何不納入，給我科技股，不要銀行地產。但萬一不幸地科技股之後大瀉，又會有人說給我穩陣的銀行地產，不要估值極貴的泡沫科技股。指數成功與否，就看科技股是否生性——這點小弟仍是較樂觀，未來幾年科技股應仍能跑贏舊經濟股。

另一重點是，到底有否產品配合？否則，即使媒體日日報港版納指屢創新高，和投資者有何關係？恒指國指有大量產品配合，ETF、期貨、窩輪、牛熊證，任君選擇。買入港版納指的目的，就像餐廳套餐內八道菜，你卻只想要某幾道。若有ETF或其他被動基金追蹤此指數，自然會炒旺。到時小弟會再寫文，教大家如何捕捉機會（同文陸振球兄稱之為「打劫」指數基金，十分貼切）。

投資者十分現實，定會比較港版和正版。那港版納指和正版相比如何？數目上當然不能相比，正版2000多隻，港版30隻。比質素又如何？小弟認為是像「十三張」一樣：打頭陣的，正版有FAAMG，我們有ATMX（阿里、騰訊、美團、小米），市值當然不及，但也算竹門對竹門。可是再到「二道」和尾門，正版就完勝港版了。正如同文周顯所言，現在港版納指納入30隻股票，有點勉強。排到最尾的如易鑫（2858），市值才126億元。

那誰可以成為港版納指新貴？小弟認為think big，相信愛股王維基的香港電視（1137），一年半載內可望打入指數。若真的成事，記住小弟是全香港第一個說的。讀者可能說這想法瘋狂，但香港電視現在市值已64億元，成交額也比易鑫為多。其他不變的話，香港電視只要升一個開，就夠資格進入港版納指。

科技巨企上市 或推高指數門檻
港視升一倍，是否天方夜譚？未必。公司早前已發盈喜，半年賺9000萬元，但相信盈利都是在第二季賺回來，下年全年盈利突破3億元，也不出奇。120億元市值，約等於40倍市盈率，當然不廉宜，但並非不可能。

公司當然是近期疫情再爆發的受惠股。此外，內子也提到港視最近上調了免運費門檻，也就是變相加價，明顯地公司的生意好到應接不暇。唯一要留意的是，8月中期業績後，公司會否再配新股？這對股價可能是壓力，但對市值卻很大機會有幫助！（因為股數多了）

當然了，另一問題是，指數的門檻往往愈來愈高。巨無霸如螞蟻集團、字節跳動、滴滴等等來香港上市後，必然會踢走榜末的公司。所以就看看是港視升得快，還是巨企上得快。
——————————————————————————

————————————————————————————————
最新收費影片：第一次推介跑贏大市，同你回顧檢討下。仲有新推介。40分鐘，都係賣返$80

簡介及以前嘅片（未睇可訂）：https://bit.ly/3iYMD0F
報名嘅，課程編號CC006：https://bit.ly/3eXVX1K
報完名交咗錢，呢度log in：https://bit.ly/3gYXu9e
之後按最頂「按此觀看」就得
仲搞唔掂嘅，睇埋下面，或者搵客服，或者PM我。
-------------------------------------------------------------------------------
【最新李聲揚收費影片】題目:　回顧第一段專欄片有幾勁！今段落多幾個Number賺死你！40分鐘，都係賣返$80

影片/課程編號：CC006
播放平台：https://homebloggerhk.com/web-class-player/
付款及收看步驟：
1/點擊報名收看 [影片/課程編號：CC006]
2/利用信用卡網上付款
3/及後有登入資料可以立即收看
查詢：whatsapp 63832145

剛剛幫兩隻小魔怪洗完白，依家先有時間坐低寫吓嘢⋯ 堅不安咗一日，不吐不快，去字⋯

今早，我唔覺意睇咗段好很恐佈嘅片，不安咗一日，一條C9，佢有兩隻狗打交那段，聽講C9被補，佢隻被咬嘅松鼠狗死咗，咬狗嘅貴婦就俾人道毁滅（未Fact check，有錯請更正）⋯ 我心諗點解唔係個人類人道毁滅呢？因為佢好彩，呢世做人，但記住他朝君體也相同。

我真心希望大家養寵物嘅時候諗諗點解會養佢哋，唔好因為悶悶地，想搵個伴就養，佢哋無手機玩，唔識煲劇，寵物嘅世界只有你，每日都係望住你，你唔响屋企就企响門口等你返嚟，十多年嘅生命都守候住你，你係一個咩主人，佢就會係一隻咩嘅寵物。同埋呢，係你養佢哋，唔係工人姐姐想養佢哋，工人姐姐得閒梗係玩電話啦，你都會㗎，但你有冇諗過自己要養自己照顧唔好假手于人？我唔會覺得工人姐姐有問題，有問題嘅係邊個？

仲有，依家求知識好難咩？google日日等你問，點解响覺得佢哋好得意嘅同時，唔好好咁study一吓每隻寵物種類嘅特性呢？唔好話唔知點解佢哋會咁，我只知點解人類咁叻唔去教？我記得我隻Poodle初返嚟好鍾意咬呢咬撈，幫我搵佢返來嘅義工問，咁你唔好好收好啲嘢，係喎，講得啱，係我嘅錯，我養咗呢隻poodle快兩年啦，我記在心。唔識咪學囉，佢唔係玩具呀，佢哋要食、會痾（要執架，有時會好臭架）、要教、要陪佢哋架、要睇住佢哋架。

養一隻寵物要學基本養佢哋嘅知識架⋯ 我記得之前响網上見過有條友响group問：「我隻狗痾咗7日，好擔心，點算好？」我睇完火都來速回「睇醫生，痾7日喎。」當然咪人群插啦，係咪五行欠抦呢？問心，我都唔係一個呵護備至嘅主人，我都係一邊學習一邊養poodle係好鍾意好熱情地撲，其實佢只係想同人哋玩，咁做主人咪教囉，同埋唔好放繩俾佢哋四圍走囉。講真，就算你幾信任你隻寵物，依家太多不負責任嘅主人唔教唔理⋯ 拖繩係最安全嘅，拖繩啦，唔該。

唉⋯ 小那星，世界快俾無知、自私嘅人毁滅啦。😞

這純個人意見，歡迎理性討論。

#大阪心齋橋購物 #大阪心齋橋daiso #大阪心齋橋 #Daiso100円店
#收納理論 #五行金木水火土 #日本100円店 #大阪必買 #2020風水方位吉兇
http://yt1.piee.pw/P95K3
Hello大家好,
今次帶大家到大阪心齋橋一間好大間的Daiso

四樓呢就是有好多大掃除的物件,

我今次crossover講下那些關於風水命理的東西

配合年尾大掃除執屋方法,

之前有網友好乖, 問我平時喜歡看什麼書

其實我二十幾歲就開始對命理八字風水好有興趣, 跟幾個出名的師傅學過

一路都生活體驗, 令到自己逢凶化吉, 正所謂有智慧不如趁勢

我不是在這裏導人迷信, 不過一命二運三風水四積陰德五讀書

前三樣, 有少少方太煮餸, 因為時間關係已經整定啦

後天的兩樣積陰德同和讀書, 就真係可以幫你改善生活

命運唔能夠改變, 但係可以改良, 打個比喻, 假如我天生命格是一架普通的錢七

上天賦予我的路途中, 還未能去到一帆風順, 我就不斷學習, 磨練自己的性格

令到一個平平無奇的車手, 都可以將一步錢七駕馭得, 擁有平穩的生活

給你看看我個書房啦, 這裏就是我以前看開的書

現在我當然喜歡看旅遊書啦, 昨天我在Ikea買了這個白色書架回來

其實書櫃是好過書架, 更加聚財的,

不過我自己一個人徒手攞回來, 還可以在半小時內磡好,

不用等送貨吖嘛, 其實中國的命理好多是源自易經

如果你看通明白易經, 基本上是不需要懂命理

因為易經裏面的經文, 講了生活好多scenarios

易經有六十四卦, 每一卦各有六條爻, 六乘64 就有384個scenarios

每一個爻都有一個人生哲理, 就是用來應用在日常生活

再研究孫子兵法, 就唔使畀人插

而家我不需要靠這些命理書嚟過日子

每朝起身擘大眼, 叫自己做一個好人就夠啦

凡事循正道, 盡自己的能力做到最好

謀事在人, 成事在天. 講回跟大家如何去搵自己的用神嚟執屋

溫馨提示, 今年的年初一會在1月25號,

而真正立春的日子呢, 即是鼠年的開始是在2020年2月4日 17:03

要過了這個時辰出世的bb, 才是真正屬鼠㗎

這個時間之前出世, 全部都是屬豬㗎

每年的流年書, 都是用這個時辰來起你生肖的神煞去批算你當年的運程

風水來講呢, 香港興用一個派別叫做九宮飛星, 台灣是用八宅派

玄空飛星學是每年的飛星都會走嚟走去, 所以不用咁麻煩呀

而我同大家分享一個簡單的方法, 就是捉自己的用神, 講金木水火土

每一個五行都有它的顏色、方向、數字、物件、質料、形狀等等

只要選擇購買家居用品的時候, 選擇您喜好的五行屋企擺設

就可以令到你在家舒舒服服啦, 譬如話有啲人忌火, 見到紅色就周身不聚財

因為你天生就是需要某種五行呢, 你天生的磁場就對某種顏色呢, 特別喜好
...............
....................的方位是南方, 一般東南亞泰國呀, 印度呀, 非洲、澳洲、馬來西亞都是屬火

火的數字是9, 9亦都是桃花喜慶星

好多年前, 我有位朋友, 9紫飛星臨門

我就教她用花的貼紙, 貼九朵花在門口

不出一個月之內, 她的前度半夜一點幾打電話給她

當然之後發生什麼是, 大家都諗到啦

不過呢段緣份只係維持咗三年就分咗手啦

催旺桃花是一回事, “緣”是天意,”分”是人為

緣分都是有Timing的,

本應相愛, 心心相印, 命裏注定同行卻是別人

Timing不夾, 天意作弄 , 唯願放底舊前塵

五行需要火的人亦都要需要多啲入廚房煮嘢食、食辣椒、喜歡飲小小紅酒

得閒曬下太陽補充熱能正能量

五行土是主信, 信用的信, 土重的人呢, 雖然牙齒當金使, 但是不夠靈活變通

五行欠土呢, 做事就冇咩承擔, 土的數字是五、二、八

五是大病星、二是小病星, 都是不可以亂用, 八就是當旺星

顏色就是黃色、泥黃色、啡色,選購傢俱物件,五行土呢就是正方形

好啦, 如果你哋喜歡我的介紹, 記得留表情符號以示支持

唔知大家是否喜歡我講旅遊之餘,又crossover講下書本呢

留言話畀我聽呀, 希望大家掃走2019年的衰氣

迎接金鼠好年華, 行運行到誇啦啦,下集再見, 88!





































請用片右下角調4K睇片。