我執到個小貝殼，好浪漫咁同哥哥講，哥哥你睇吓呢個貝殼幾靚😍 然之後佢話，唔可以攞啲貝殼㗎 ！啲寄居蟹要住㗎⋯⋯ 我😑 你真係講得好啱⋯⋯睇你第日點氹女朋友⋯⋯ #beach #沙灘 #赤柱

#bfmurmur1516 女朋友成日都要我氹佢，我真係唔明點解咩都要人氹。 想食嘅餐廳冇開，佢同我講話佢好唔開心因為想食好耐，咁我咪話下次再去囉，佢又叫我氹下佢，點氹啊有咩好氹？我話我唔識氹佢就更加唔開心，唔理我，我真係唔知我做錯乜。 佢嚟M嘅時候仲煩，平時已經成日發我脾氣，有一次，我打緊機，佢突然打電話嚟，咁我咪cut咗，點知佢狂打嚟，話M痛好辛苦，我話我打緊機唔好突然打嚟，叫佢食藥飲水瞓低休息下，之後佢就話我唔成日都唔氹佢又唔關心佢，我問佢咁你想我點，佢又話我態度差，點啊小姐？ 點解女仔成日都要人氹？M痛咪食藥休息下囉，我可以有咩幫到你？我又唔可以代你痛，你都唔係第一次痛㗎啦。餐廳冇開又我錯，睇戲冇位又發我脾氣，想買嘅嘢冇貨又要氹，話係安慰下佢，小小事啫洗唔洗咁？係咪全部女仔都係咁？ 我有一次話我真係唔識氹你，佢就好誇張咁喊晒話我唔錫佢，小姐你體諒下我啦，跟住就搬晒平日佢點樣對我好嘅事蹟出嚟講，話佢對我好好但我唔係，所以話女人真係記仇，原來平時對我好都係有心機要我一樣咁對返佢。我話我都冇要求過你做呢啲嘢，佢就喊得仲勁，我真係搞唔掂。 唔好問我點解唔分手，一齊咗好耐啦，我好愛佢，佢淨係呢樣嘢特別煩，有冇高人指點下我可以點氹女朋友？ ———𝐂𝐨𝐮𝐩𝐥𝐞.𝐦𝐮𝐫𝐦𝐮𝐫——— ♡投稿請按 @couple.murmur IG主頁鏈結! #hongkong #couple #lovestory #hkig

#gfmurmur8960 我同佢都係中六同一間學校，我哋由中一已經開始好frd，當曬大家係好兄弟個種，但係佢一直都唔知其實我暗戀咗佢四五年左右。 其實我同佢成日都比外人當係情侶，但係我嘅朋友就覺得我似係女兵多啲。因為係我同佢未一齊嗰陣，佢每一次失戀，唔開心嗰陣我都第一時間走去安慰佢陪佢，佢每一次同女朋友分手都會同我講笑話鍾意我，但係我知道唔係真所以我都選擇唔理佢，仲有佢每次同女朋友鬧交，分手嗰啲都係我幫佢買禮物比佢女朋友，教佢點氹女朋友。但係我覺得佢其實係口甜舌滑嗰種人嚟，又唔係唔識氹女朋友，但係又唔知點解要我教佢點氹女朋友，因為我每次見到佢同佢女朋友好開心嗰陣，我點都有啲呷醋，雖然我知我無咁嘅資格，但係佢都仲會好似氹女朋友咁氹我開心，一直比假希望我，就係因為咁我拒絕曬所有鍾意我嘅人，就係為咗等佢。另外，有陣時同佢出街佢會無端端拖我，但我會即刻撥開佢隻手同佢講唔好唔記得自己已經有女朋友，順便提醒自己要有底線，佢有女朋友，唔可以做人小三，留係佢身邊做朋友已經好好。係唔係做女兵我唔清楚，不過我淨係知我終於等到我想等嗰日。 就係我中五嗰年，我記得佢已經好耐無再講佢同佢女朋友嘅事，經朋友口中得知原來佢已經同女朋友分咗手半年，我決定鼓起勇氣同佢表白，然後一齊咗。但我發現我同佢一齊嘅時間，佢都好似唔係幾開心，其實除咗頭兩個月好甜蜜之外，其他時間都係鬧交。無一次鬧交唔係我氹返佢，佢係真係無氹過我，我有同佢講過可唔可以試吓氹我，結果佢答咗我一句：「氹嚟無用，你米一樣繼續嬲。」我聽完之後，我決定唔理佢，點知過咗一日佢都只係whatsapp同我講句：「早晨，嬲完未？我今日唔同你返學。」我最後忍唔住，我氹番佢，雖然我唔知佢嬲咩。 然後係聖誕前一日我發緊高燒，我又唔知佢嬲咩，佢只係一朝早就話我出軌，但問心我同佢拍拖之後身邊已經一個朋友都無，異性同同性朋友都無曬，因為佢唔鍾意我啲朋友，我唔知我邊到出軌，但當然係我氹番佢先啦，可惜佢都仲未嬲完，咁我唯有去佢返工嗰到搵佢，但佢話佢個間店老闆唔鍾意有人係店入面等佢啲員工放工，雖然唔知真定假，但係我唯有係附近等佢，之後佢突然whatsapp叫我去觀塘海濱等佢，就係咁我發住高燒係海濱吹咗成晚海風，當佢一嚟到淨係同我講：「分手啦，我同ex翻撻咗」我即刻喊住求佢唔好走，嗰兩三個禮拜都無曬尊嚴咁求佢，我到後來先知原來佢同前女朋友已經翻撻咗兩個月，咁既然事實擺在眼前，我亦都只好去祝福佢。 就係咁我暗戀咗佢四五年，結果同佢一齊咗四個月多啲就分咗手。到依家中六，我好難先慢慢可以忘記到佢，但都係未完全放低，佢又開始搵返我，其實我真係好辛苦好攰，究竟我可以點，究竟你有無真心咁愛過我。 Sor1999，我一向表達能力都唔係太好，所以請見諒，不過我打完呢篇嘢之後，個心已經好返小小。 • 📣📣🇭🇰 【維園遮打愛丁堡 流水式集會】 求援國際 堅守自治 日期：11月2日 (星期六） 開始時間：下午3點 起點：維園 (已獲不反對通知書） ———𝐂𝐨𝐮𝐩𝐥𝐞.𝐦𝐮𝐫𝐦𝐮𝐫——— ♡投稿請按 @couple.murmur IG主頁鏈結! #hongkong #couple #lovestory #hkig