真心痴線 Po 1: 2020年6月左右一位C丁蟹，將我嘅錢我嘅貨，收埋左並潛逃，我透過法律途徑低調地追討。 
基於我嘅工作性質，依位C丁蟹就將我妹妹嘅WHATSAPP錄音交俾傳媒，就鬧大左件事。佢背後兩位老闆了解到事態嚴重，12月時用左兩星期介入道歉調停。 依位C丁蟹雄性荷爾蒙可能分泌比較旺盛，糟蹋佢兩位老闆嘅心意，不斷在網上挑機。 但我尊重兩位老闆，尊重法庭，尊重自己，希望保持沉默將事情交俾法庭處理。

但係直到01/07，凌晨4點-6點開始，連續數日，我同我證人Steve Lam都收到C丁蟹用WhatsApp同SMS不定時傳來大量粗口，辱罵同恐嚇。當中更表明會騷擾我父母，並表示26/8已經搵齊街坊朋友記者公開侮辱我證人Steve Lam，想用傳媒壓力影響我地作供嘅情緒。所以我無辦法再保持沉默。

另外喺整理證據過程裡面，我地發現C丁蟹曾揚言自己與黑社會有來往。再加上C丁蟹行為詭異，曾經寄佢本人同佢男友自我介紹，加埋其居住嘅PARTYROOM 2019年全年租單俾我，喺信封度大大隻字寫我個名，直接令我家人朋友懷疑佢有精神問題，非常擔心，因為傻人比惡人更恐怖！
我同證人就更加神經繃緊，因此就依件事我地已經報左警，同埋已經去信法庭備案。

而家我會公開部份恐嚇內容，俾大家睇清楚C丁蟹嘅教養同埋精妙嘅修辭手法。 Btw我失聲係我人生最痛苦嘅事，C丁蟹取其去挖苦，究竟點解可以咁黑心？
唔通我又要拎你精神狀態出嚟挖苦你？

C丁蟹，如果你係咁有信心，如你所講你自己係無錯，又何須走恐嚇路線？

你自稱全港最勁嘅律師同法官都係你麻雀腳。
係邊個律師教你寄同案件完全無關嘅自我介紹＋你男友自我介紹同租單俾對方？
介唔介意開名等大家讚賞下佢？


「本人CCH，在香港出生及長大，大專學歷。我的Facebook及Instagram賬戶亦有不少Follower，我的朋友網絡也很廣闊。」
C丁蟹寄嚟嘅原文Follower就係無s，唔洗話我英文差

依段咁有張力嘅自我介紹，仲要打孖上，一式一樣，我地睇完之後真心驚。丁蟹 ！

待續