有銀行搵我寫廣告，跟住嫌粗口太多同埋有色情成份，名字仲要影射緊公眾人物，問我可唔可以改。我話唔改，唯有下次合作了。但寫咗唔出又好浪費，唯有化名照出。

葉朗深度呈獻自覺是最有 feel 的信用卡廣告，請細心欣賞。

~ ~ ~ ~ ~ ~ ~ ~

水街有棟唐樓，高五層，一梯兩伙，沒有電梯。樓宇裡面單位都陳舊殘破，印證著歲月留下的痕跡。每戶門外放了地主公公，棗紅色的大門外便是一道銹迹班班的鐵閘。住在這裏的，不是底衫穿了個大洞的阿伯，便是繡了滿身龍虎豹的金毛大漢。

羅永聰住的五樓 A 室卻是另一個光景。

那道雅致的深棕色大門滲著一陣京都佛寺的柔和，門外淺灰色石牆雖然有幾道不規則的裂痕，但卻像日本的金缮瓷器一樣，每道裂痕都透出一抹貼地的雍容。這個單位當然沒有老土的鐵閘，用的是密碼鎖。

羅永聰踩著門前那塊米色的小地毯，如常按入密碼，開門，但門後繫上鐵鍊，有家歸不得。

「喂屌，又係咁！」羅永聰大力拍門說。門後傳來急促的呼吸聲，裏面正在發生什麼事，羅永聰當然清楚，但他顯然不當一回事。

給羅永聰在門外這樣大叫，急促的呼吸聲停止了。

屋內的女生慌張地穿上散落在客廳每個角落的衣服，而男生則赤條條大次次的向大門方向走去，在門縫中不耐煩地對著羅永聰說：「喂，打個白鴿轉先返嚟啦。」

「肚痛呀，開門啦！」

「痾遲一陣係咪會死呀，」門後那個赤裸男說。

「嘩屌你個冇人性，」羅永聰快要忍不住，「咁你扑遲一陣係咪會死呀。」

「你又食辣吖？」門後的男生皺起眉頭。

「食乜關你叉事吖，開門啦！」

門後的男生看見女生穿好衣服後，便解開鐵鍊。

羅永聰進來望見頭髮凌亂的女生尷尬地坐在沙發，立時驚叫一聲：「Janette？」

女生不好意思地點了一下頭，輕聲地了 hi 一句。單看容貌，Janette 算不上絕色天香，但身材搭救有餘。

「你唔係有個讀 archi 嘅男朋友㗎咩？」羅永聰忘了肚痛，看著 Janette 卻指著赤裸男說，「點解你要咁作賤自己吖，咁多人唔黐，你黐埋佢度？」

羅永聰說著說著，赤裸男已經在斗大的客廳踱了幾個來回。

「講完未呢肥仔？」赤裸男終於忍不住說。

Janette 此時已經在客廳的一角拾起了她的背包，再拿起一疊放在飯枱的參考書，向赤裸男拋下一句「電聯啦」便急急溜走。羅永聰突然醒起自己有大事要辦，立刻衝了入浴室。

赤裸男點起一根萬寶路，走向浴室，打開門，盤坐在浴室門前的地上，目光凝於正在大便的羅永聰，噴出一縷煙圈。

「頂，你啲煙好臭呀，閂門啦。」

「我都未嫌你臭，你嫌我臭？」

「咁你閂埋門咪大家唔使臭囉，」羅永聰提高聲線。

「做乜今晚咁好火呀？」

羅永聰吐出一口悶氣：「你家姐三日冇返過嚟。」

「好哋哋做乜又嗌交呀。」

「我嗰日擗咗支牙膏落垃圾筒啫，佢就扯晒火咁，話支牙膏仲有剩，鬧我浪費。好，我忍佢，然後間房個冷氣機冇熄到，又投訴我晒電。我避開佢，費事同佢嘈，跟住佢自己走咗去廚房，坐喺地下喊。喂大佬，小小事就發晒脾四咁，好難頂啫。」

赤裸男打開手機，按了兩下，「你自己睇吓。」

「咁似你家姐啲衫同袋嘅？」羅永聰問。

「因為呢個係佢個 account，最鍾意嘅嘢都攞晒出嚟賣。」

完事後，羅永聰還沒穿好褲子，赤裸男便拉了他進廚房，指著麵包，「你自己睇吓。」

「麵包囉，有咩特別？」

「我家姐由細到大最講究就係食麵包，而家竟然買埋晒呢啲垃圾麵包。」

「你到底想講咩呀？」

「你擘大眼望清楚呢度，家姐知你鍾意靚裝修，同你一齊買完層樓返嚟，每件傢俬每塊瓷磚都去幾十間舖頭格到最平最靚先買。你話佢小小事就發脾四，但就係因為佢為你做咗好多小小事，你先可以無後顧之憂咁去創業喳。」

一個月後，超級市場內。

推著購物車的她在一大堆麵包前面駐足良久，正當準備拿起想要的，突然有人從後抓住她的手。

「唔好再食呢隻啦，都唔係你自己鍾意。」

她回頭一看，是羅永聰。

「我鍾意咩關你乜嘢事？」她狠狠鬆開他的手，卻其實又很想念那隻肥手的溫度。

就在這時候，有個男人走過來，目露兇光。「你想點？」

「你邊位呀？」羅永聰盯著這位不速之客。

「我係佢朋友，」兇男說。

「我係佢男朋友呀，」羅永聰理直氣壯。

「我唔識佢，」她說，然後便推著車走到收銀處。

看著她的身影越走越遠，羅永聰大聲說：「你同我企喺度！」

聽見有人這樣高叫，超市內的顧客開始圍圈起來，她也不由自主地停低。

羅永聰慢慢走過去，跟著毫無預兆之下，在她面前跪了下來。

「癡咗線咩你，」她說，典型粵語唱片對白。

「嫁畀我，」他說，典型粵語唱片對白。

「哎唷，戒指都冇隻，係我就唔鬼嫁喇。」有個路人甲大媽這樣說。

羅永聰在自己的西裝袋裏掏出一張卡，說：「我同你一齊咁耐，都冇畀過啲咩你，但如果我真係買隻戒指畀你，可能你又會話我嘥錢。除咗呢張附屬卡，我真係諗唔到畀咩你。」

路人甲大媽眼睛亮起：「呢張咪巴打銀行嘅信用卡？於指定日常消費商戶包括全線超市有現金回贈，仲要不設最低消費額喎。」

「以後我淨係想每日都望住你食你鍾意食嘅麵包，」羅永聰熱淚凝眶，「你可唔可以畀個機會我？」

她控制不住自己的眼淚，哭笑不得地點了兩下頭。

「張卡仲有無限三個月零息分期，畀我都嫁啦。」路人甲大媽在最後關頭，終於講番句人話。

所謂珍惜眼前人，就是要你看重每一件她為你做過的小事；因為，只要是為你做的，對她來說，都是一件大事。

[論盡樂評：8.5/10] J.Arie《雙面哈菲》 @stupidmusichk Repost

SMART review: 越黐線越寫實
J.Arie 成為獨立歌手後，估唔到第一首歌就玩咁大，造左一首完全唔賣錢嘅新歌《雙面哈菲》，不過，我相信佢絕對賺到大家嘅喜歡同尊重。
《雙面哈菲》呢首歌聽落好瘋狂，但當你細心感受的話，其實係一首相當寫實嘅歌。
城市人有邊個唔係以雙面人嘅態度去生活？有啲人明明你唔鍾意，就算心中已經講左一萬句粗口，表情上卻只能夠笑面應對。又或者明明自己唔想對人壞，但個個見你腍善，就將所有野推落你身上，最後逼使自己唔再善良，硬下心腸對人。
有時覺得自己呢種態度其實好可怕好難受，但又要保護自己，可以點？
於是，《雙面哈菲》就響呢個題材上，用文字同音樂，打造成精神病人嘅感覺。
好喜歡呢首歌包括人聲在內嘅音樂部分，張力非常強，而一首流行曲要將幾種樂器都推得咁高力量，其實都幾考編曲、監製、歌手以及 mixing 功夫，所以呢首歌真係歸功於編曲 Perry、監製 Bert 以及 mixing 嘅 Matthew。
編曲最豐富越有力量，考驗嘅就係歌手嘅功架。J.Arie 唱得，但好多人只知道佢唱得係響慢歌上，呢首歌完全展現佢嘅爆發力同潛力，絕對係令人另眼相看。
而 mixing 嘅 Matthew 就將歌曲嘅唔同部分 mixing 得非常妥當，因為一首歌其實唔係只賣歌手嘅歌聲，應該從整體去做考量，人聲太突出而忽略樂器，其實都係一種失衡，但《雙面哈菲》就表現出整首歌唔同樂器同人聲嘅配合，響一首咁複雜嘅歌曲當中，取得一個非常靚嘅平衡。
《雙面哈菲》未必係 J.Arie 歌手生涯中最紅嘅作品，但以歌曲製作黎講，絕對係一首最有趣最黐線最巴閉最精美嘅歌曲。

《雙面哈菲》主唱：雷深如 J.Arie
作曲：雷深如 J.Arie
填詞：林寶
編曲：Perry Lau
監製：Bert

#JArie #雷深如 #雙面哈菲 #林寶 #PerryLau #Bert #派台歌 #粵語 #廣東歌 #SMARTreview #論盡樂評
-----
論盡音樂全新 Youtube channel 論盡音樂 PLUS 開台啦！
全新 Youtube 獨家片段，等你 Subscribe 加 CLS！
https://www.youtube.com/channel/UC8SprdKjPBxEb3WSCz9eyZg

1968年 五十二年前 看粵語片尋找往昔香港(穿越古今版 照片昔與今對比，定鏡 標記 中文註解)
新馬仔 俞明 肥肥 李紅遊走灣仔跑馬地，禮頓道 摩利臣山道，扯旗山等。片段見摩利臣山道禮頓道《高欄島石筆》新馬仔抹車背向石筆建築中愉景樓(禮頓道1-7號)
YouTube版→ https://youtu.be/6FOKX_ZxWfk

1968 黐線世界
#歴史時空

灣仔道近皇后大道東（灣仔街市對開）屹立一座石筆，名為 〔高欄島紀念碑〕 KuhlanMonument 高欄島位於澳門西南面，十九世紀時期是海盜的根據地。1855年8月4日，美國護衛艦Powhatan號和英軍蒸氣帆船Rattler號聯手向海盜開戰，導致五名美國人和四名英國人陣亡，事後兩船官兵立碑悼念。紀念碑原豎立於灣仔皇后大道東與灣仔道交界。1934年曾遷往摩利臣山道與禮頓道交界。
至50年代，由於城市開始發展，這幾座區內地標的石筆已無立足之地，結果被移往香港墳場一處不顯眼的角落集中擺放，失去了昔日的氣勢，再沒有市民留意碑上的文字，百多年前的歷史將隨同長眠墳場的各方人物被後人遺忘。

1898-04-30《美國巡洋艦在東方》高欄島石筆聳立： “在一個陰鬱的地方，鄰近斜坡起點, 山腳是快活谷” 。
1934-07-06《香港電訊-士蔑西報》報導由於灣仔道市場的擴張，高欄島石筆正打算搬遷。
1934-09-03《香港電訊-士蔑西報》記載高欄島石筆從灣仔道轉移至摩利臣山道與禮頓道交界。
1937-09-02，報紙照片顯示1937-09-01颱風襲港，高欄島石筆（前警察遊樂會的對面）站在翻倒的樹旁邊。
1950年，高欄島石筆原本站在交叉路口，這時並計劃再次被遷移到快活谷紅毛墳場。
1969-02-21《華僑日報》己酉年正月初五日報導，高欄島石筆已經被移到快活谷紅毛墳場安放。

【一個專為香港人而設的廣東話課程】
➜更多內容: https://www.cantonesecollege.com/course
讓廣東話發揚光大！

粵語文字用普通話唸出來竟然如此可愛！！【粵語字/香港字/廣州話字】第二彈！(Feat.ChunTV/小駿)
-------------
廣東話裏面有很多獨特的文字，被稱為粵語字/香港字/廣州話字，由古代流傳至今。
這些獨特的廣東話文字其實有些也能用普通話讀出，但是用普通話念出來你還能夠辨認出來嗎！？
1️⃣攞
粵語發音：lo2
注音：ㄌㄨㄛˊ
普通話拼音：luó
2️⃣嚟
粵語發音：lai4
注音：ㄌㄧˊ
普通話拼音：lí
3️⃣攰
粵語發音：gui6
注音： ㄍㄨㄟˋ
普通話拼音：guì
4️⃣奀
粵語發音：ngan1
注音：ㄣ
普通話拼音：ēn
5️⃣噏
粵語發音：ngap1
注音：ㄒㄧ
普通話拼音：xī
6️⃣呃
粵語發音：aak1  
注音：ㄜˋ
普通話拼音：è
7️⃣屙
粵語發音：o1
注音：ㄜ
普通話拼音：ē
8️⃣拗
粵語發音：ngaau3
注音： ㄠˇ／ㄠˋ／ㄋㄧㄡˋ
普通話拼音：ǎo／ào／niù
9️⃣鑊
粵語發音：wok6
注音：ㄏㄨㄛˋ
普通話拼音： huò
?窒
粵語發音：zat6
注音：ㄓˋ
普通話拼音：zhì
1️⃣1️⃣黐
粵語發音：ci1
注音：ㄔ
普通話拼音：chī
1️⃣2️⃣揼
粵語發音：dap6
注音：ㄅㄥˋ
普通話拼音：bèng
1️⃣3️⃣撳  
粵語發音：gam6
注音：ㄑㄧㄣˋ
普通話拼音：qìn
1️⃣4️⃣瘀
粵語發音：jyu2
注音：ㄩ
普通話拼音： yū
1️⃣5️⃣㗎
粵語發音：gaa3 
注音：ㄐㄧㄚˋ
普通話拼音：jìa
1️⃣6️⃣晒
粵語發音：saai3  
注音：ㄕㄞˋ
普通話拼音： shài
1️⃣7️⃣哩
粵語發音：lei1
注音：ㄌㄧ／ㄌㄧˇ
普通話拼音：li／lǐ
1️⃣8️⃣畀
粵語發音：bei2
注音：ㄅㄧˋ
普通話拼音：bì
1️⃣9️⃣吓
粵語發音：haa5 
注音：ㄒㄧㄚˋ／ㄏㄜˋ
普通話拼音：xià／hè
2️⃣0️⃣啫
粵語發音：ze1
注音：ㄓㄜˇ／ㄕˋ
普通話拼音：zhě ／shì

特別請來一位有特別研究廣東話文字的台灣朋友：他就是ChunTV/小駿https://www.youtube.com/channel/UC4OgqCzC3IedAgBRF0e0DIg

謝謝Chun TV的小駿一起跟我完成這個影片，可以讓大家認識到廣東話不一樣的地方。
在影片的最後環節，觀眾們也可以一同參與，猜一下一些以普通話讀出的廣東話句子是什麼意思囉在留言的地方告訴我你的答案吧！一星期後會在Facebook專頁公布答案：
-------------
劉殿下のFacebook：
https://www.facebook.com/RyuDenka/
-------------
我們還有一個下集是關於「台灣中文vs香港普通話」
雖然大家可以說著相同的語言，但是有時文化上面的差異而帶來一些笑話。
完整影片在這裡：
https://youtu.be/ZHl0l7Jyo8w
-------------
關於廣東話的影片：
https://www.youtube.com/watch?v=47JSBJd-RCM
https://www.youtube.com/watch?v=wRfx8ugaz3Y
https://www.youtube.com/watch?v=c7YbA2dYJRg
-------------
殿下推薦的廣東話Youtuber!!：
HuhuuuTV /廣東話教學
點點dimdim
HenHen TV
香格拉 Shangrilayt

也感謝有份推廣香港的各位：
蔡阿嘎
聖結石Saint
Mira's Garden 미라
MaoMao TV
Ryuuu TV / 學日文看日本
JASON(大J)
Halo Mackey
我は何しに香港へ？ Why did I come to HK ?
-------------
關鍵詞：
學廣東話,粵語用字,粵字,粵語漢字,廣東字,廣州話字,香港字,廣東外字,香港外字,
廣東話,广东话,香港,教學,道地,粵語,口語,白話,教室,廣東話教學,广东话教学,打招呼,中英夾雜,港式英文,九聲六調,翻譯,字幕.廣東話髒話,廣東話 黃明志,楊民翠,點點,香港女生,廣東話歌,廣東話卡通,廣東話口音,廣東話 罵人,廣東話 詩歌,廣東話 數字,廣東話粗口,廣東話,廣東話兒歌,廣東話髒話,廣東話 你好,廣東話 謝謝,廣東話 普通話,廣東話打招呼,廣東話旁白,廣東話 翻譯,廣東話 英文,廣東話拜年,廣東話 拼音,廣東話學習,廣東話 發音,廣東話 客家話,廣東話 app,廣東話 母語,廣東話輸入法,廣東話故事廣東話俗語,廣東話歇後語,廣東話 澳門,Cantonese,Hong Kong,Cantonese lesson,広東語,広東語 会話,広東語 挨拶,広東語 発音,広東語 こんにちは,広東語 中国語