#cantopop #cantopopuser #90sMusicChallenge tagged by @joshwong 第四回 ＜黎明 - 我這樣愛你＞ 1998 #愛你不愛你 #從過去到永遠 . 我諗電信廣告歌對九十年代都有一定程度影響力！老土啲講改變人與人溝通習慣同拉近距離，所以啲廣告都特別煽情、特別深刻。詞壇兩大巨子 + 兩個對比法，EP都造得有heart！ . 愛你/不愛你 大概夕夕從哩個階段鐘意寫啲無對錯、無黑白、無界線嘅題材，彷彿世界就是那樣大，包容同樣這樣廣。 music break段讀白真係正！ . 從過去到永遠 K-100主題曲。YY同你「說說笑笑」咁上堂歷史科，又押晒韻咁。如果可以就「輕輕鬆鬆」咁直到永遠，我會「痛痛快快」地回應你一句阿們。

第一次開會，見到阿明第一眼，我係完全Hang咗機。 我話：「好夢幻…真黎明坐咗喺我前面…」 點知阿明話：「我同你一樣感覺，我見到你嘅感覺，就好似你見到黎明嘅感覺一樣。 」 一時間我係畀唔出任何反應， 於是阿明補充：「因為我有喺你嘅角度諗，可能你冇喺我嘅角度諗。」 傳說中嘅Leon銀句。 及後開會以至拍攝途中，阿明都有好多智慧銀句，不過唔逐一分享喇。 我92年買第一隻Leon嘅CD； 細個用嘅第一部「手提電話」，係Leon代言嘅和記天地線 （冇得接電話，要喺特定地方先可以打電話…媽呀真係好懷舊…） 眨下眼，Leon坐咗喺我前面，同我講： 「層次高啲嘅腦細，係要飲返層次高啲嘅咖啡； 層次高啲嘅員工，係值得層次高啲嘅人工」 喂你明唔明，真係好夢幻。 阿明，Just to say hi，我係咪好任性先？ 要贏人，先要贏自己。 有緣嘅，我哋會再見。 接落嚟，要多謝阿Kim堅持要搵埋我，等我可以做一次Leon腦細，仲要多謝你好放手畀我哋創作，仲要肯臨尾畀我哋搵埋劉江叔，有啲客可能會覺得呢啲位唔係太重要就唔想臨時再節外生枝，但你排除萬難肯畀我哋臨時加嘢，呢下又真係好緊要； 感激劉江叔願意開金口唱呢啲； 唔該晒肥Ben同腐穎出色而又無奈嘅歌舞； 多謝同我一齊創作填詞嘅身兼導演Johnathan； 多謝Eddie同Alfred一班兄弟特別係畀我哋禁錮剪片嘅Tsunami； 謝謝Mark Lui作咗呢首咁經典嘅廣告歌； Thanks謝國維及其團隊喺音樂製作上重現經典； 超感謝美術部華哥及其他美術部毛毛將原先空無一物嘅場地佈置到真嘅一樣； 多謝妝頭Gubi幫我遮咁少少皮膚敏感先出鏡； 仲有極感激June Woonamy幾條癲友只係用咗兩晚就幫我度身趕起一件平實而美麗嘅土炮老西； 唔該晒阿Wing以及一班AMusic同事； 最後唔該晒Natalie、Carrie、Vivian、Wingx2以及其他有份幫手嘅毛毛； （仲有被迫多謝林日曦專用攝影師：羅若Off ） 呀仲有，完喇好嘛？ 唔得住，我仲有一、兩張／條 幕後相／片， 畀我晏啲分享埋就真係完喇Sor。 ＝＝＝＝＝＝＝＝＝＝＝＝＝＝ 《情深咖啡未曾飲》 https://goo.gl/JvucfY 主演 堅・黎明 Leon Lai 林日曦 堅・劉江飾演 同事 肥Ben 飾演 同事 腐穎 飾演 同事 創作 林日曦 Johnathan Chui 作曲/編曲/監製 Mark Lui 雷頌德 音樂製作 謝國維 Victor Tse 錄音及混音 Eric Tam @Frenzi Music Studio 木結他/電結他 Raven Lee @The Bright Lights 低音結他 Tom 鼓 Jonathan Sim @HippoGroove 鍵琴/Music Programming 蘇道哲 導演 Jonathan Chui 攝影 Alfred Pang LO Kwan 燈光 添 Lui Kwok 製作助理 Tsunami Mandi Cheuk 剪輯及後製 tbe.hk 美術指導 Perry Yeung 美術助理 Tin Yau Praya Ho Alien Jovy Suen Fatson 黎明化妝 江中平@江中平化妝室 黎明頭髮造型 Sev @ Hair Culture 其他演出 化妝及頭髮造型 Gubi Chow@化妝菇 MakeupGU 林日曦服飾提供 JUNE WOONAMY 高級業務經理 Natalie Leung 高級業務主任 Carrie Chan 企劃經理 Vivian Kwong 企劃主任 Wingx2 NESCAFÉ Paciwood AMusic 毛記電視

浪漫月巴睇90s（2） 古語有云：要贏人，先要贏到自己。 說出以上一句（洋溢濃厚人生智慧）金句的人，是黎明。 1.對於四大天王我的態度是：冇一個我超迷，但每一個都有啲嘢令我OK迷。立場，是有點騎牆。 2.像Leon。我的感覺是場夢。90年代，無可避免地點都會睇過Leon的戲、聽過（兼識得唱）Leon的歌——而我承認，我仲買過Leon的碟。我係咪好任性吖（《I Love You OK》是我本人最常翻炒的Leon專輯。我都唔知點解）。 3.回到90年代初某一個上課天的小息時段。有堆女同學聚埋班房一角，臉露愁容，正在談論著甚麼……我八卦，走埋去聽——原來她們正在集體戥Leon慘——嚴格來說是戥Leon在《人在邊緣》個角色慘，因為前一晚劇情講到（有型又靚仔兼不羈反叛兼而有之的）他慘遭酷刑，打！藤！ 4.這是我如實經歷過的一個奇妙年代。女同學會為一個虛構角色的虛構遭遇而戥佢慘，甚或幾乎喊。看在眼裡，不明就裡。 5.更難明是後來連坐我隔籬的男同學也迷上Leon金曲《夏日傾情》——嚴格來說是迷上一個廣告。廣告中，一位少女因拗柴而未能去聽Leon演唱會，只能扁晒嘴咁匿喺屋企……奇蹟出現了！佢個女仔Friend好好心地，把電話交給Leon，Leon情深地說：「May～點吖～」一句情深說話，讓May開心到好似識得行！問題是，坐我隔籬個男同學究竟迷上呢個廣告的邊一Part？拗柴May？定Leon？佢唔肯講。 6.這是一個序幕。Leon跟某電訊商正式開展了一個在香港前所未有的廣告企劃：一年一歌一Ad，用MV說故事賣廣告，必備的，除了Leon的清深演出和深情金句，還有一個叫阿May的女仔。當中最勁應該是1994年《那有一天不想你》，飾演阿May的，是（當年迷倒不少男人男仔的）童愛玲。廣告（定係MV？）一開波，率先送上Leon一句「有緣嘅，我哋會再見」，and then音樂響起，抬頭望雨絲，夜風翻開信紙……1995年《一生最愛就是你》，成本更高玩埋爆破，問題是，首歌太想食《那有一天不想你》的剩餘價值；1996年《情深說話未曾講》改玩親情，「有時我都唔明，我哋之間，究竟隔咗張枱，定係隔咗幾個世代？」，Well，我覺得OK喎。 7.最離奇是《只要為我愛一天》。有當年好紅的楊采妮和被認為好靚仔的XXX（我唔想寫佢個名），其實我唔太明箇中人物關係，只知高潮位是當Leon好型咁講咗句「要贏人，先要贏到自己」後，便一躍而下——玩笨豬Jump。呢個廣告（定MV？）的Concept實在太玄妙（定好笑？），下一年《我這樣愛你》的情侶嗌交，小情小趣（即使Budget明顯好大），反而更得我歡心，當Lee Ann因衰任性搞到二人被困雪山時，（明知故問地）問Leon：「我係咪好任性吖？」好一個Leon，置身冰天雪地依然處變不驚定過抬Oil，情深款款答道：「係，不過係我揀嘅。」問你 / 妳死未？ 8.以上每一首歌，都絕對是流行商品（而且真的流行喎），由歌詞到MV，統統經過精密計算（咁當中也有高低之分），因為作用就是Sell緊另一件商品，是廣告歌（每一首歌詞不同但主題相近），Sell的純粹是Leon本人的有型 & 深情。或許塵世間真的有timing這回事，這些廣告這些歌，真的在那年代掀起勁大迴響，然後成為一個年代的反映（估不到今時今日有信用卡找來唯唯賣廣告，迴響仲驚人！）。 9.寫到這裡，不禁自問：Why曾幾何時的香港咁風光？Why今時今日咁坎呵？是我們在風光時太過老定不思進取？抑或可以把一切賴晒timing？ 10.勿灰心，因為Leon話俾我哋知：坎坷過後有艇搭！——Really？ （補少少：誠意推介《都市情緣》。表面睇，是齣愛情片，而促成這段愛情的關鍵竟然是Call台——劉鎮偉玩嘢地挪用了Leon當年的電訊代言人形象。一齣我本人認為好好睇的90年代香港電影。） （原文刊於am730） #浪漫月巴睇90s