［今日寫啲乜］事忙（唔係去咗追星，我出咗中環），原本昨晚寫，搞到黃昏先出，不過都好，順手寫埋Twitter 同 Snap業績

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

實情Facebook Page都快手講過下，唔係太多補充，兩隻業績都極強。收市後出（香港星期五早上），盤後都勁升。我就冇買過，亦冇點大力推過，不過都有啲讀者之前睇完覺得正，咁自己賺咗錢，就90%都係佢地功勞。

兩隻咁勁，啟示當然係，啲Digital ad收入強到你唔信。好心，就望下人地真係落廣告啲人啦，間間都加緊價，你就日日鬧「哎吔Facebook唔派reach 唔畀錢就好少人睇到」，問題係，有人畀緊錢喎，仲係不停畀更多錢，咁你係Facebook你會派邊個？

亦留意，一般Twitter已經係成個行業比較弱嘅，媽劇些牙講緊1%，Facebook係25。咁，既然呢兩間都掂，之後Facebook Google應該唔會唔掂啦。一葉知秋呀，亦係因為咁先要睇Twitter Snap Pinterest，因為早出業績，我星期六篇文一早做咗preview，而家將啲數再update埋

不過都留意返，都唔少人合理地擔心，蘋果iOS嘅新私隱政策。美其名保護用家，實則可能係見人地咁好賺，點解要益人，不如自己賺埋。誰是誰非不重要，但見到Twitter同Snap都話影響不大。點解？Patreon入面會講。

最後，Facebook似乎係重災區，Twitter同Snap冇事未必佢冇事。點解？文入面會講。

但又不過，唔好忘記，iOS用家係少數啫，公司大可以加返Android 嘅廣告價，亦都已經加緊。你心諗，你係客落廣告嘅覺得，喂，你iOS收少咗錢關我乜事？做乜轉嫁落我度？我落Android咋喎。但就係咁架，邊個話你知唔可以咁？邊個話你知公司成本冇多到就唔可以加價？護城河呀小朋友。唔鍾意嘅你去落TVB咯。

講返Twitter，都冇乜好講，收入遠勝預期，按年升74%。但當然有啲低基數效應，咁點去處理？呢啲小技巧就文入面會講。

另外，公司預全年收入升30%以上，即係點？Patreon入面有晒數，你可以撚下啲數，會發現30%嘅收入增長都幾進取，實情公司N咁多年都冇試過。亦因為咁有信心，股價咪盤後勁升。

Snap仲西飛利，又係遠勝預期，幾乎賺錢咁滯，實情on adjusted basis已經有盈利，估唔到。你計報表嘅數字，仲蝕緊億幾，但往年係幾億，收窄好多了

收入增速？116%，近乎史上最勁。都有少少低基數效應，但冇Twitter咁明顯。下季指引預放慢到大約60%，但都係近年新高

仲有，細心睇下，個ARPU（average revenue per use）．見到北美係高過其他地方好多的，好多公司都會咁，但分野冇咁大。文入面有詳細數字

港股，都冇乜好講，王維基1137 改埋名，不過英文都仲係HKTV，由Television變咗Technology Venture．昨日勁升喎，升乜？唔知喎，就似乎因為改名。改名會影響公司？冇影響的。但真係過1000萬股成交，都比較少見。

至於會唔會出盈喜？唔難估啦，計下數咪知，文入面有答案

最最最後嘅，昨晚美國首次申領失業救濟人數，都唔賣關子。再上次係37萬，街估跌到35萬人拎，出嚟係升到42萬。你見媒體話美國工搶人，度度都要加人工。但實際全國個情況又點？似乎就唔係咩 人工升通脹升 聯儲局加息了。話咁快又變咗驚放慢。

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

.

【龔成問答信箱】（Q19141-Q19160）

Q19141：

老師你好
今年終於達成目標了 係我人生的 第一個100萬....本來是非常開心的

但是下個月開始 失業了.......

現在 65萬本金 股票 現值 58萬
股票有 1211 1448 66 2388 2018

全部月供的 由於冇嘢做
所以暫時停供

現金 35 萬
現在的我應該怎樣呢
才可以達成第二個一百萬呢.....

龔成老師：

你要從長遠的方向去想，你現時有累積財富的能力，這一點是最重要，至於失業，人生總會有高低，你可以視為你休息，再突破的機會。

短期來說，當然會影響了你的收入，但如果你可以在這段時間，找到更適合你的大方向，對你長遠更有利的發展，這個失業是突破的關鍵時間。

現時股票，持有，現金，保持現時情況，唔好心急投資，反而在事業上尋找突破先。之後先慢慢啟動翻月供。

------------------------------------------------

Q19142：

Hello，老師我係你早排股票班既學生，落堂成日問你野果位男仔。我計388估值，我計到既係合理區域(261-377元)，同埋有小小問題想。

1. 點解市盈率先由小至大排列，用中間年份範圍係合理區域既?

如果用中間最高果3年咪會忽略左?特別係如果最高果三年係因為有利好因素/政策有利中長期，咁係咪會低估左，我地係咪要調高番或者改用最近呢幾年既市盈率?

2. 承接問題1, 如果有D公司唔似得港交所咁樣，個P/E同埋EPS都係平穩增長，而係中間由某年起急劇增長既(例如騰信

2014年10.75既PE，2015年急升至45.39，然後一直都40~60倍PE既area到游走)，咁我係咪可以唔用中間平均4年?改用最近既年份?

3. 都係承接問題1, 你筆記話用年尾數據冇中位數咁準，但我發現你筆記(第5堂33頁)係用年尾數去計，而我係計既係用你比的價值投資網的中位數。

4. 想問下我個估值會唔會太進取?好似好多利好因素，定係大致正確?謝謝

龔成老師：

1）無絕對答案的，因為估值只是一個概念，只是「大約一半去做一個參考區」，所以10年選4年，其實，目的都是將較無代表性的數據刪去，希望餘下的數據更有代表性，能反映到這公司在正常情況下，市場情況如何。

所以，你其實可以做一些自行的調整，分析該年的代表性。

最重要是「這些數能反映企業情況」。

2）其實用10年數據，還是5年數據，無絕對的。

你最重要明白這個估值的原理，尋找有代表性的數據，港交所（0388）10年經營環境有少少變化，但不算是核心性，而騰訊（0700）變化相對較大，你就要思考，過往太舊的數據，是否適用，代表性高嗎？

所以，騰訊用較近的5年數據，是比較合適的。

3）因為我只是示範，我成日教大家，你要舉一反三，我的答案不是最重要，你要學懂原理。你用中位數其實更加好。

4）其實都合理的，就算我自己考慮佢最新的估值，都同你差不多，只是比你低約10%。

------------------------------------------------

Q19143：

Hi 點睇一眾的汽車經銷商？
係咪好過汽車股

龔成老師：

未必，因為佢地未必有自己的品牌與獨特性，而是要依靠汽車公司去生存。

同時，可能經銷商的對手都有類似的銷售網絡，因此未必算好賺錢。當然，如果佢本身的銷售網絡好強，令汽車公司變得好需要佢，佢的價值的高。

------------------------------------------------

Q19144：

龔sir，想問下咩叫股票出借？有風險嗎？還可以收股息嗎？

龔成老師：

即是同證券行定立協議，將你手頭上的股票借出，你可以從中收取利息的。具體的情況，你要向證券行了解下。

這個動作你本身一定要長線投資，不打算短期賣出股票，才可以借出股票。

至於風險，則是你忽然想賣出時無得出貨。又或該企業及大環境轉差，股價持續下跌，你想賣都無得賣。要等協議取回股票先得。

------------------------------------------------

Q19145：

如果3067同中國鐵塔，邊隻更有潛力？聽你分析3067係水桶一，中國鐵塔介乎一同二之間，咁係唔係即係話， 3067更有潛力？謝謝阿Sir！

兩隻等到股災，我都會入，阿sir謝謝你，繼續加油。

其實我想買埋舜宇光學，三隻來講佢嘅潛力係咪相對細咗啲？

龔成老師：

安碩恒生科技（3067）在平衡度，以及潛力度都較好。

這基金追蹤恆生科技指數之表現，而恆生科技指數，都是一些有質素的潛力股，例如阿里（9988）、騰訊（0700）、小米（1810）、美團（3690）等的新經濟類公司，長遠有潛力。所以有長線持有價值。由於基金有30隻股票，比起單一股票，風險能減低。

不過，現價都唔平，大約在合理區頂，因此，這刻不能大注投資。最好的策略，就是月供，或自行分注小注慢慢收貨，原理如同不斷儲貨，這樣就能平均買入價，減少風險。然後就長線持有。

你唔一定等股災，可以小注入d先，等自己的組合有少少貨，之後再等股災，這樣會較平衡。

至於中國鐵塔（0788）同舜宇光學（2382）都有質素，以增長力來說，舜宇光學會好少少。

------------------------------------------------

Q19146：

老師 我打算係Saas版塊度長線投資 如果明源雲會唔係一個增長力比較強既公司？

內地百強房地產中有大部分都係佢既客戶 現價算唔算處於入理區同埋係呢隻股上面有冇啲咩值得注意呢 謝謝

龔成老師：

明源雲（0909）的確在行業中，有一定的投資價值，相信長遠有潛力。

佢主要係中國房地產開發商及房地產鏈參與者，提供企業級ERP解決方案及SaaS產品。

睇翻佢之前的資料，佢係中國房地產開發商的第一大軟件解決方案供應商，市佔率有約2成。係呢個市場裡面，按收入計，亦為ERP解決方案及SaaS產品的最大提供商。

其實，佢的角色可以話中國房地產行業的數字化轉型，為房地產開發商及其他參與者，開發了一套行業垂直的ERP解決方案及SaaS產品，以助其管理廣泛的業務運營。

包括銷售及營銷、採購、成本管理、項目管理、預算以及房地產資產管理，佢的SaaS產品包括雲客、雲鏈、雲採購及雲空間。

業務雖然有增長力，但股價都唔平，如果初步分析，處貴水平，值博率未算強，始終市場現時對這類股有好大期望。只可以話，如投資，小注可以，長線可以。

------------------------------------------------

Q19147：

你好
我有15萬資金 打算分散幾隻類別投資

第一隻：小米 5萬
第二隻：汽車股
未諗好
吉利 尉來 小鵬 理想 呢4隻邊隻會比較好潛力

第三隻：仲有一個類別老師會有推薦？我比較想簡細價啲既股

目標擺一年 獲利係50%
老師可唔可以比啲意見
第3隻可能是飲食股 9毛9

龔成老師：

長遠來說，應該分散在更多股票，唔好只集中在3股。

小米（1810）可以佔一席位，不過現價唔平，所以投資要慢慢分注，等回翻D先入。

至於汽車股，尉來、小鵬增長力較強，而吉利（0175）就較平衡及未算貴。

另外，「細價/大價」「入場費」不是投資的理由，企業質素才是。同時，一年要有50%回報，股神都做唔到，所以要平衡翻風險與回報。

九毛九（9922）係內地中式快時尚餐飲品牌管理及運營者，佢係內地所有中式快時尚餐飲餐廳收入中排名第三，於華南地區則排名第一。

可見，在業務上、品牌上、市佔率上都不差。現時運營269間餐廳，以及管理41間加盟餐廳，而「九毛九」及「太二」為佢的兩個主力品牌。

睇翻佢的財務數據，唔差的，不過現價就少少貴，雖然這股都有長線投資的價值，無貨，就唔太建議這刻追，或小小注好了。

如果要潛力度較高的項目，可考慮安碩恒生科技（3067），可長線。

這基金追蹤恆生科技指數之表現，而恆生科技指數，都是一些有質素的潛力股，例如阿里（9988）、騰訊（0700）、小米（1810）、美團（3690）等的新經濟類公司，長遠有潛力。所以有長線持有價值。由於基金有30隻股票，比起單一股票，風險能減低。

不過，現價都唔平，大約在合理區頂，因此，這刻不能大注投資。最好的策略，就是月供，或自行分注小注慢慢收貨，原理如同不斷儲貨，這樣就能平均買入價，減少風險。然後就長線持有。

------------------------------------------------

Q19148：

老師，每月3500點分配好？
我25歲，比較防守求穩和親早增長財富

龔成老師：

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

其實你25歲，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股小注好了。加上你較保守，因此，建議你集中在平穩增長股。

你可以考慮盈富（2800）$2000。

另外再加1、2隻（每隻$1000）：銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

你可以月供，長期進行。

------------------------------------------------

Q19149：

hello 老師 我係你股票班早幾個月學生，我今日睇自己股票組合 終於買到一隻倍升股！（其實差唔多仲有一隻小米 - 今日升到70%）所以我想多謝你。

雖然想繼續上晉升班，但係因為其實我上之前個個堂d數仲係未能夠完全掌握到

咁所以都係繼續溫下書先～
希望有機會再上你堂啦

龔成老師：

太好了！

最重要你明白投資的方向，買入優質股，長線，同時，我相信你已有一定的選股能力，長遠這個方向進行就得。

另外，心理質素都好重要，股價總會上落，你要平常心面對。

好，你溫下書先，同時可以睇《股票勝經》打好基礎，要溫課堂內容，睇年報，同「企業評估表」，我相信你會不斷進步，你有信心再上進階啦！

------------------------------------------------

Q19150：

成哥 2333係咪最好都等佢回一回 近期破頂 之前本想12/13蚊個陣入

龔成老師：

長城汽車（2333）有質素的，業務都不差，不過，過往的增長力不算好強，長遠業務發展雖然正面，但未必是潛力型。這股都有長線投資價值。

近期股價上左唔少，反而擔心貴左。

如果想入貨，最好回少少先考慮，或者跌少少入一注等跌再入。

------------------------------------------------

Q19151：

呀sir想問下305，thanks

龔成老師：

五菱汽車（0305）質素算中等，業務都不算差，但潛力度未必算好高。

佢之主要業務為於中國從事汽車零部件、發動機及專用汽車之製造及銷售業務。為中國商用微車發動機及汽車零部件之領導製造商，製造設施設於柳州及青島。

佢係上汽通用五菱的最大供應商，為上汽通用五菱提供約8成的各類零部件及發動機等主要汽車組裝部件。主要業務概述如下：

（１）發動機及其部件：主要生產供微車使用之發動機及其部件。

（２）汽車零部件及附件：主要由六家專門工廠組成，包括車橋廠、制動器廠、塑膠件廠、沖焊件廠、座椅廠
和車身附件廠。產品覆蓋近20大類共數百規格品種。

（３）專用汽車：以「五菱」作為品牌，生產１００多個不同種類的專用汽車品種，包括多用途小型客車、觀
光遊覽車、高爾夫球車、警車、微型消防車、郵政車、醫護車、微型廂式運輸車、冷藏車、保溫車及環境衛生車等。

（４）原材料貿易、用水及動力供應服務：為集團成員公司、客戶及供應商提供集中採購服務，提供原材料、
水和電力等生產因素。

（５）其他業務：包括金融服務及地產投資等。

業務不算差，有中國車市增長前提下，都佢正面。不過，技術與規模未算好強，優質度未算高。加上過往的生意與盈利增長唔強，都反映潛力度不足。

近期股價上升不少，這刻投資價值博率未算高。

------------------------------------------------

Q19152：

龔sir，本人今年36歲，2018年開始學投資，但一直都輸多賺少，直至今年朋友介紹我留意下龔成老師。我就下決心月供股票，我每月供15000。

想請教下龔成老師，希望俾少少意見我！

長和001供3000
煤氣003供1000
中生1177供2000
長江基建1038供3000
中銀香港2238供3000。

重有3000係供823

想將1038轉供，想請教下轉1810好，還是3033好。多謝你抽寶貴時間！

龔成老師：

月供股票是累積財富的好方法，你保持進行，最重要是長線。

以你的年齡，其實可以投資平穩增長股為核心，再加少少潛力股。

上述組合有少少保守。你的確可以將長建（1038）轉去供潛力類股票，小米（1810）雖然都可以選擇，但以平衡角度，你供3033/3067這類ETF會較好。

要留意，你都最好有基本的現金剩，如果出現大跌市，就可以把握到機會。

------------------------------------------------

Q19153：

老師你好，今晚剛上了你的股票班裡面有講及濠賭股，希望了解賭業應該用什麼指標估值，另外若不麻煩的話，可以分析現時疫情下的銀娛價位適宜直接買入嗎？十分感激！

龔成老師：

過幾堂會講企業估值，當中都會講述澳門賭業股的估值。

金沙（1928）你預現價合理區中間，如果去到$27以下，就初步開始平。

至於銀娛（0027）現時合理區中上部，要跌2、3成先算平。

銀娛可以現價入，但要控制注碼，因為唔算平，同時升左唔少，投資值博率比之前減左，因此，要分注，或月供。現價買入後等跌再加。

------------------------------------------------

Q19154：

龔sir, 你好，尋日上完堂，今日再溫返筆記嘅時候，有幾個問題想問：

1. 金沙因為係美國，而家中美關係唔穩定，會唔會影響到長遠發展？

2. 中國好似有政策監管人民係海外賭博，會否影響賭股長遠潛力？謝謝

龔成老師：

1）整體的影響唔算大，始終業務對大家都有利，金沙（1928）對澳門都有一定的貢獻。當然，有時政治因素無得估，但我相信影響唔算大。

金沙長遠仍是正面，但不是高增長類，比過往的增長力減左，平穩增長型。

2）其實對金沙無乜影響，唔需要太過擔心。

------------------------------------------------

Q19155：

你好，請問我們夫婦想10年後退休，自己有物業供緊（當年買220萬左右，而家大概值7百幾萬），本來10年後供完，但想阿仔5年後到外國讀大學（預120萬）

自己有儲緊錢，但到時要加按拿多50萬出來，想問下而家趁息口低加按先拿70萬出來（可再作其他投資）

再分10年供，還是5年後先加按（50萬）比佢做學費好

龔成老師：

如果你能承受少少風險，這刻都可以加按，因為有5年時間，其實都可以做到一定的財富增長。

現時低息，以及你現時負債不多，可以考慮。

你可以投資一些平穩增長股+收息股，分注去入，只要有適當的增長及收息，相信對你整體財富有利的。

------------------------------------------------

Q19156：

謝謝老師，因我公司公積金的股票基金及債券基金主要集中投資國家是美國，沒其他可選。老師是否認為美股現在真的偏貴？

因我主要留意老師分析在香港上市的股票，投資美股基金和債券都是因公司公積金沒有其他國家基金選擇，故對美股真不熟但又別無他法一定要選

現在美股由高位下跌未決定如何部署。老師是否認為美股已被推高偏貴？

龔成老師：

美股長遠正面的，現價仍算合理區內，都可以投資，如果你是每月供款，其實會長垃平均左買入價，就不用太擔心平貴問題，同時，唔需要太理會中短期股市波動。

可以投資，長線持有就得。

------------------------------------------------

Q19157：

龔sir, 已經睇完80後百萬富翁，準備睇財務自由行

想問一問當我想深入研究一間公司或一隻股票，應該從何入手？或者問我應該點樣做？麻煩你

龔成老師：

你可以睇《股票勝經》，會具體教你。

分析企業，你要考慮企業的生意、盈利、現金流、資產、負債等財務數據，同時要比較行業，考慮這企業的經營情況，之後的環境又會如何。這都是計算的基礎。

分析業務，大環境，長遠的發展。

------------------------------------------------

Q19158：

66 可以作長遠投資？

龔成老師

港鐵（0066）有質素，就算近年的不利事件，雖然會扣分，但最核心的本質不變。

港鐵上年賺$160億，就算扣除物業重估，都有過百億，當中包括了鐵路經營部分，以及物業的發展、物業的租金收入。基本上，每年都過百億的。

鐵路部分，無論佢有咩事故，高層點變，你會唔會唔搭港鐵？問心，絕大部分人都會搭。

另外就是物業發展部分，完全見唔到有影響。

長遠來說，這是優質股，現價合理區中上部，仍可分注投資，長線持有。

------------------------------------------------

Q19159：

老師 請問你覺得HKTV同香港電訊如何？暫時想月供住其中一個先 每月$1000

龔成老師：

兩個方向好唔同，香港電訊（6823）是收息股。

香港電視（1137）是潛力股，佢業務有前景，但有兩點都存有風險的。

第一，佢都會依靠人的因素，王維基成為了公司最值錢的資產，佢的想法好多，有生意頭腦，但我對這類太依靠個人的企業，不建議太過大注。

第二，這企業現時搞網購，有增長力的，但同時存有一定的未知數。疫情過後的增長力會否減慢？另外就是估值方面，我都好難講這刻的估值，只能話唔算平，如果投資，不建議大注。

你首先要了解翻，自己的風險承受能力與目標。

------------------------------------------------

Q19160：

龔sir，我有吉利汽車(175)，1000股，2017年$24.2買入。我現有14隻股票，希望逐步減少隻數至5隻。

請問現時咩價位放吉利適合?
多謝指教 !

龔成老師：

如果你組合都有質素，其實可保持約10隻股。而賣出那一隻，應該用「質素」去衡量，而不是賺蝕數。

吉利（0175）有質素的，你可以留，可減其他的股。如果真的想賣吉利，就升多2成賣部分。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

［肺炎死得人多有利殯儀館？］就唔係喎，諗下解？

獨角號FB Post：https://fbook.cc/3EL3　
全文：https://fbook.cc/3ES8

TLDR：個個求其燒咗佢算啦，仲搞風光大葬咩。量升，補唔返價跌。

彭博參考文：Virus Deaths Hit 100,000 and U.S. Funeral Business Is in Trouble　（https://bityl.co/3BOh）

1. 照舊，重點合作機構，獨家供稿。支持埃汾就支持埋獨角金融，記得like 佢地Page．

2. 繼續都係舊文回帶，但已經過時嘅我當然唔會。實則我寫文時都會顧及呢樣嘢，供稿畀其他人多數都揀啲講大環境嘢嘅，唔係下星期市況，唔係新聞評論。

3. 咁亦照舊，又係整篇導讀畀你，分分鐘導讀長過原因。而以上呢堆嘢，我每次都照寫一次新的，唔鍾意畀讀者見到copy and paste．

4. 十分簡單，肺炎嘅嘢，好多人死。中國聽講之前好多，而家唔知（但似乎之前講咩武漢排隊領骨灰呀之類，而家冇乜）。美國亦係重災區。固然係因為人口多，亦因為多人留意。

5. 最初甚至有人質疑，會唔會啲人唔出街唔返工唔會畀車撞，加上又戴口罩應該少啲人流感死。會唔會 net net 計，死嘅人冇多咗，甚至係少咗？

6. 咁得個講字，就冇任何結論。當然有數字睇，睇excess death，睇未有肺炎嘅年份一年死幾多人，同埋而家相比，咪睇得到。答案當然係，肺炎死嘅人，多過potentially 因為封城而「救返」嘅人

7. 咁既然有excess death，咩人最開心？錢鍾書話頭，首先係文人（＊），然後就係棺材舖殯儀館。

8. 加上香港啲評論，有啲又拎埋香港啲所L謂殯儀股嚟講，甚麼安賢園福壽園嗰啲（＊＊）。

9. 係喎，好似之前炒過一輪。作個故事都言之成理：多人死，咪有利殯儀館生意咯。即係好似王維基HKTV Mall咁之嘛，疫情受惠股

10. 真係？未必。埃汾本質上都係一個contrarian（＊＊＊），師承Peter Thiel （應好快寫文講佢）。聽到人講嘅嘢，特別係似乎唔係特別叻嘅人講嘅嘢，我可能唔出聲，但心入面經常諗，Really？
11. 多人死，殯儀館生意做唔切，當然可以借機加價，實有利盈利同股價。即係好似王維基HKTV Mall咁之嘛，疫情受惠股．好似係，除非唔係．

12. 至少在美國，就唔係

13. 其實你唔使好叻，亦唔使好了解美國，甚至亦唔使好了解個行業，諗真啲，都估到點解。

14. 但先講事實，美國有隻好出名嘅殯儀股，SCI，英文叫Service Corporation International – 美股就係呢樣好。首先，乜都有得企業化。第二，乜都有得炒。第三，就係個名夠虛偽。你話就咁叫「謝奀仔道館」「永福盛殯儀」（＊＊＊＊）咁，加埋件福伯咁嘅友企在門口，幾咁驚恐呢。正如坐監嘅，都有監獄股炒，CCA，CoreCivic，以前叫 Corrections Corporation of America．幾好聽。其實當REIT咁炒，本質上同酒店一樣，都係迎送生涯，管理掂啲客。

15. 咁呢隻SCI，疫情下表現，當然就認真麻麻。之前日日死人，但股價一樣高位跌三四成，近排先好返少少。

16. 點解？諗真啲咪知。疫情之下，仲畀你搞風光大葬幾千人聚集？梗係唔會啦。之前仲有殯儀館群組，你估真係死咗嘅客介紹多幾個幾死嘅客咩。

17. 根據從業員講，疫情之下，大家都係細搞，唔會再搞咁多嘢，有啲求其快手燒咗佢就算。最低消費算數，所以殯儀館就唔多過癮了。

18. 另外，不方便的真相係，經濟差嘛，工都冇得開。咁，先人嘅錢，意思意思，都係心意啫，慳得咪慳，先人會明白嘅。

19. 所以做生意嘅嘢，只得量又係唔夠，仲要做好個單價。殯儀館呢壇嘢，明顯見到個量升，係補唔到價跌嘅。全行都係。

20. 但又話說回頭，最近SCI股價又回勇返。好似因為出咗業績，仲keep到派息，仲贖回返之前嘅債券。底子厚呀下。其他同業就肯定苦苦經營。所以似乎係炒行業整合大食細？每次危機都有呢啲嘢。

（＊）一代才子錢鍾書在《圍城》入面寫嘅（https://bityl.co/3BNq）：「文人最喜歡有人死，可以有題目做哀悼的文章。棺材店和殯儀館只做新死人的生意，文人會向一年、幾年、幾十年、甚至幾百年的陳死人身上生發」—本書非常好睇，死前必睇。我細個睇都仲未明晒，而家就更加明入面嘅大智慧。

（＊＊）實情其中一間請過我食飯，但我都唔記得係邊間，所以都冇乜所謂（亦證明呢啲飯冇乜用，人地食完都唔記得你）。反正大圍飯，好多人去。嘢食就不甚那個啦，好普通酒樓一間。不過放心，八道菜的，亦唔係去殯儀館食。正如大家樂見分析員，都唔會同你食大家樂。「至少都去阿二靚湯啦」（講笑的）

———————————————————
Ivan Patreon 狼耳街華人，一個星期至少三篇，一個月一舊水唔使，兩星期已超過400人訂，仲有兩篇免費試睇：https://bit.ly/31QmYj7

———————————————————

（＊＊＊）但其實我係一個conforming contrarian．人生就係充滿矛盾。正如我係悲觀嘅樂觀者，外向嘅introvert，貪錢嘅文青，偏左嘅右翼。

（＊＊＊＊）呢度真係屯門友回億。謝奀仔仲存在，仁愛街市對面，而家好似叫謝奀仔紙號，但當年（三十年前）我幾肯定係叫謝奀仔道館。至於永福盛殯儀亦都仲存在，何福堂對面。童年陰影。點解？細個住兆康，成日坐67M定67X，夜晚就停在何福堂個站。就係呢間嘢前面停。佢老味就係有幾副棺材，加埋個福伯咁。夜晚返屋企驚驚。而我細個一路以為係　永福—盛殯儀。不過我好早就知係　商務—印書館，唔係商務印—書館。證明我都係食文化飯，唔係殯儀飯。

————————————————————————————————
最新收費影片：點解買金？點樣買金？點解港紙好快會下試7.85？咩公司20年冇減過派息？仲有咩疫情受惠公司少人講？

簡介及以前嘅片（未睇可訂）：https://bit.ly/3iYMD0F
報名嘅，課程編號CC007：https://bit.ly/3ahugA3
報完名交咗錢，呢度log in：https://bit.ly/3gYXu9e
之後按最頂「按此觀看」就得
仲搞唔掂嘅，睇埋下面，或者搵客服，或者PM我。
-------------------------------------------------------------------------------
內容:
*美元弱勢，港紙將更弱勢
*紙將將由7.75趺落7.85
*買黃金:美元受壓銀紙亂印
*買黃金的四個實戰方法
*另類疫情受惠股
本星期內特惠售價: $80
課程編號：CC007
觀看期限：首次播放後一星期及限每影片４次
客服whatsapp: 63832145

FB上的諧星組：https://www.facebook.com/spstarplayers
IG上的諧星組：STARPLAYERS


係柒頭？係戇鳩？唔係
佢係助人為快樂之俠！

FB上的諧星組：https://www.facebook.com/spstarplayers
IG上的諧星組：STARPLAYERS

故叔收到邀請，叫佢讀篇潮文，佢又真係讀。
故叔話：「好多謝高登位巴打，寫咗篇咁好嘅潮文，多謝高登先！」
但點解要喺廁所呢？

FB上的諧星組：https://www.facebook.com/spstarplayers
IG上的諧星組：STARPLAYERS


正所謂年紀大機器壞，故叔最近日咳夜咳
所以就挑戰下中藥嘅偏方！
故叔話：「身體健康好緊要，差啲飲到嘔。