. 【9月號 關於生活專欄】 . 香港今年奧運豐收，人皆賀之，突然間運動變成焦點，街市阿嬸會講劍擊，文青會捉你討論「凱林賽」同「競輪賽」分別，連十世都冇人提起嘅超小國聖馬利諾都有人留意。填詞人個腦，又點會唔參與埋一份？學黃偉文話齋，填詞人同時裝設計師其中一種絕活，就係將任何嘢嘗試放喺自己作品中。 然後又開始摷吓，究竟廣東歌同運動呢個題目，有幾多詞人寫過呢？相信最多嘅，就係足球，而用足球做主題嘅原因，就係卡通片或動畫。〈足球小將〉呢首係「廣一」（唔係世一，係廣東歌第一），鄭國江老師包辦片頭片尾兩曲，張衛健殿堂作。之後有李克勤〈足球小旋風〉，至到千禧後周國賢〈黃金入球〉，至於純粹唔關動畫事但又講足球嘅，就有C AllStar 嘅〈足球先生〉，小克填詞，用字獨到：扱、斬、推、扭、恰西、挑、剔、剷、窩利⋯⋯旁述員常用動詞都被佢用咗三分一。（至於足球會會歌則另計，好奇可以搵下陳年〈擁南躉之歌〉同〈精工體育〉。） 至於其他運動，長跑有陳奕迅〈人生馬拉松〉（潘源良填），借練跑講對抗失戀嘅有連詩雅〈起跑〉（係呀我填嘅），當然仲有容祖兒〈跑步機上〉（黃偉文填）。〈單車〉，係講父子，運動成份唔太重，唔算，反而〈韻律泳〉（何韻詩唱）就入圍，兩首都係黃偉文填。有一首算偏門，何雁詩嘅〈洞天〉，講高爾夫球（何小姐本身係高手，歌名係向衛斯理同名小說致敬，點解會知，因為都係我填嘅）。拳擊都有一首，〈鐵拳之道〉（Kolor唱），填詞嘅連揸筆嘅基本腕力都冇，我自己唔知點寫出嚟。 當然仲有好多遺珠，一時間醒唔起，但可以肯定嘅係，每一項運動嘅動作或者專有名詞，都未必個個識，歌手同聽眾都有機會黑人問號，再者點將呢項運動投放感情，此難之二。另外歷代除咗某三兩位填詞人係經常運動之外，其他都係文官，你叫林夕寫摔交同擲鐵餅，唔係唔得，有得揀佢未必會揀咁囉。之但係歌詞同運動紀錄一樣，係不斷玩突破嘅，如果Mirror、Error 可以講奧運，叫佢哋唱馬術同自由體操亦唔係冇可能嘅事。 . ——〈歌詞運動會〉 文／梁栢堅 @leungpakkin . 關於生活專欄載於九月號《藝文青》。九月號《藝文青》已上架，可在7-11便利店、OK便利店以及各大書報攤購買。 . #梁栢堅 #奧運 #藝文青 #藝文青9月號 #asartisticasyou #asartisticasyou43

【 播足22年！商業二台音樂節目《短期租約》11月結束 】 _ 繼上周五（3/9）「叱咤903」商業二台DJ @colinmakkk Colin（麥濠麟）主持最後一集節目《廣東爆谷》並離開商台後，自一九九九年五月開始於同一頻道首播的經典深夜音樂節目《短期租約》，主持人兼現職商業一台創作主管的資深傳媒人鄺兆昌（Wasabi）周日晚（5/9）於節目開始後不久隨即宣布：「短期租約，約滿喇！」其後他在個人Instagram表示，2021年11月28日會播出《短期租約》最後一集，又指出他參與創作和演出的舞台劇《久天長地》會是近來最後一次公開演出。 _ 節目「休業」的消息一出，一班忠實聽眾隨即議論紛紛，其中有人直接問Wasabi：是否受到壓迫，他坦言並非如此。「係咪被壓迫？唔好太多想像啦！冇乜任何大嘅壓迫！」之後Wasabi解釋，決定要將一個播足22年的電台節目結束，跟年紀和體力有關，「始終我哋要接受一樣嘢就係，生命裏面係會有好多嘅轉變，有啲嘢係控制唔到㗎，譬如係年齡啦，年齡同心態係有唔同嘅。」開咪只是Wasabi的副業，平日本身已有很多正職的工作需要處理，工時長，但因為周日需要返電台為主持三個小時的節目做準備，他坦言：「中間有段好長嘅時間我係返七日工！」Wasabi承認，近年無論體力和精神消耗得相當快，「真係做少少嘢呢，都會令到個人好攰，咁就開始諗下，究竟每個星期日，我仲要做節目嘅話，咁我係需要調節我自己嘅心態呢？」 _ 對於是否離開商台，抑或停薪留職，Wasabi沒有明確交代，只是說：「唔好諗係咪公司唔要我，可幸都未係！」又指暫時未知道節目停播之後會有何打算，但最想可以休息半年，「因為我真係好需要瞓覺！」他又直言，明白聽眾對於節目結束會感到不捨和不習慣，但相信大家會隨時日過去而適應，對於會不會將來再度開咪，他在節目裏借播放RubberBand的新歌《Ciao》表明心意：「說了再見，真的可以再見嘅，但唔知幾時。」 _ Wasabi於一九九〇年加入商台，擔任廣告部文案撰稿人，又參加了為期三個月的DJ訓練班，黃偉文是其同班同學。隨後時任商業二台創作總監鄭丹瑞突然要求他需要負責主持一個一小時的雜誌式節目，只有一天時間撰寫計劃會和決定藝名，同事因為他喜歡吃山葵，因此建議他取藝名Wasabi（山葵的英文），正式開始他的咪前生涯。後來Wasabi移民加拿大，加入溫哥華中文電台主持節目及從事廣告創作，其後回流香港，一九九九年回歸商台，擔任節目監製及主持《短期租約》，此外他亦身兼多職，除了創作過多首廣東歌詞，又先後推出多本散文和小說，近日他正積極為舞台劇《久天長地》排練，此劇將於9月24日於香港演藝學院公演，改編其原著小說《甚麽天長 怎樣地久》，同劇演員包括游學修、當奴、楊淇、朱栢謙、白只和王曉怡，張珮華則是監製和出品人。 _ （06092021） _ #游大東 #游大東影視筆記 #商台 #叱咤903 #WASABI #短期租約 #久天長地 #游學修 #白只 #當奴 #楊淇 #朱栢謙 #王曉怡 #06092021 @schoolmates.cc.studio @schoolmates.noveltheatre #張珮華 #廣東爆谷 @28music.journal

📣 預告 📣 留言集（2021限量版專訪系列） 訪問/撰文：林蕾 🕯快將登場🕯 . 「留言集」是某本已休刊主流娛樂雜誌一個有超過12年歷史的人物專訪，聽說圈中人都很怕成為這本雜誌的封面人物，但卻樂於接受這欄位的專訪⋯⋯打「林蕾留言集」搜尋，會顯示約 5,500,000 項搜尋結果。 主筆林蕾Alice是監製張珮華的中學同學，多年前移居澳洲，離港前除主筆「留言集」外，亦曾執筆撰寫《三角演義‧草蜢從屋村跳到紅館的香港故事》及《羅賓看・進入泰迪羅賓的影音世界》。這次《久天長地》舞台劇，亦是在林蕾建議下選材改編 Wasabi小說《甚麼天長・怎樣地久》。現在Joyce力邀下「出山」越洋訪問，利用文字和讀者分享更多關於這劇故事中的故事。 . 同窗文化亦喜獲本地某大傳媒集團出版總監黃庭桄先生Billy賜簡介文，以行內人眼光讓大家認識Alice：「前資深傳媒人，洋名Alice，這位愛麗絲是否常夢遊仙境，我相信不是，因為她擅寫人物專訪，筆觸細膩，以心會友，寫成有血有肉的被訪者故事，筆下生花，蕾放紙上。」 請大家密切留意！ ❣️本土文創聯乘・同窗小說類劇場❣️ 《久天長地》舞台劇 . 改編自小說《甚麽天長 怎樣地久》* 導演： 伍潔茵@榞劇場 原著：Wasabi . 領銜主演：游學修．楊淇 特別演出：白只．當奴 演出：朱栢謙**．王曉怡．Wasabi 音樂總監 / 現場演奏：賴映彤 . 🎟 門票現於快達票公開發售 🎟 訂票請到：https://premier.hkticketing.com/shows/show.aspx...... . 演出場地：香港演藝學院歌劇院 . 2021年9月24至25、29至30日、10月1至2、7至9日 晚上8時 2021年9月25至26日、10月2至3日 下午3時 票價：$638 （送Wasabi親筆簽名《甚麽天長 怎樣地久》（重塑版）小說 | 價值$88） | $588 | $488 | $388 | $288 . *$588 | $488（高座）票價限量門票設全日制學生 / 60歲或以上長者 / 殘疾人士優惠 . ✦✦✦✦✦✦✦✦✦✦✦✦✦✦✦✦✦✦✦✦✦✦✦ 《久天長地》 （同窗小說類劇場《久天長地》舞台劇主題曲） 主唱：許廷鏗 作曲/編曲/監製：賴映彤 填詞：青介 MV導演 / 概念：車正軒 . Apple Music: https://apple.co/3BqSlAW JOOX: https://bit.ly/3yu2VFn KKBOX: https://bit.ly/3zzc5Sv Spotify: https://spoti.fi/38turs0 Youtube Music: https://bit.ly/3ywjbWr 📽️ 音樂錄像 同步上架: https://youtu.be/zcYUH8VoxTE ✦✦✦✦✦✦✦✦✦✦✦✦✦✦✦✦✦✦✦✦✦✦✦