雖然這篇黃昏越南版鄉民發文沒有被收入到精華區：在黃昏越南版這個話題中，我們另外找到其它相關的精選爆讚文章
在 黃昏越南版產品中有19篇Facebook貼文，粉絲數超過2萬的網紅君子馬蘭頭 - Ivan Li 李聲揚，也在其Facebook貼文中提到， ［KFC回歸香港上市］仲有我同KFC，Pizza Hut以及百事嘅恩怨情仇 1. 美國上市中資股回歸香港，一浪接一浪，唔一定要科技股 百度 網易 阿里巴巴 京東先得嘅。最新係呢隻，Yum China。 2. Yum China，可能有少數人唔知係乜東東。就係KFC同Pizza Hut．其實仲有T...
同時也有4部Youtube影片，追蹤數超過55萬的網紅新聞挖挖哇！，也在其Youtube影片中提到，【擄火純青仙人跳？】👉http://yt1.piee.pw/399van 【高仁和高大成聯手破案！】http://yt1.piee.pw/39jfuk ▶女星小三扶正42歲罹癌香消玉殞👉http://yt1.piee.pw/39yba5 ▶高金素梅爆癌症緊急動刀👉http://yt1.piee.pw...
「黃昏越南版」的推薦目錄
- 關於黃昏越南版 在 紙情 | 互動式兩性專欄 Instagram 的最讚貼文
- 關於黃昏越南版 在 Susan Shaw Instagram 的最讚貼文
- 關於黃昏越南版 在 君子馬蘭頭 - Ivan Li 李聲揚 Facebook 的最佳解答
- 關於黃昏越南版 在 君子馬蘭頭 - Ivan Li 李聲揚 Facebook 的精選貼文
- 關於黃昏越南版 在 君子馬蘭頭 - Ivan Li 李聲揚 Facebook 的最讚貼文
- 關於黃昏越南版 在 新聞挖挖哇！ Youtube 的最讚貼文
- 關於黃昏越南版 在 DJ家群の舊頻道 Youtube 的最讚貼文
- 關於黃昏越南版 在 DJ家群の舊頻道 Youtube 的最佳貼文
黃昏越南版 在 紙情 | 互動式兩性專欄 Instagram 的最讚貼文
2020-05-03 19:51:40
【lovestoryhk景點推介】 DAY4 食完酒店早餐 8點就起程 去極高好評既Bana Hill 巴拿山樂園 有啲人會喺當地搵導遊或預先book半日遊 但我唔建議 因為價錢差唔多又要限時玩game 不如直接喺grab叫車 車程30-45分鐘 你可以同司機傾 請佢等你玩完車返酒店 來回大約500...
黃昏越南版 在 Susan Shaw Instagram 的最讚貼文
2020-05-09 03:07:48
《時空之門》支持！ Repost @neomusicproduction with @repostapp. ・・・ 【 #時空之門 #chronosgate】 available NOW for download in Hong Kong App Store & Google Play! Musi...
-
黃昏越南版 在 新聞挖挖哇！ Youtube 的最讚貼文
2020-10-21 00:30:13【擄火純青仙人跳？】👉http://yt1.piee.pw/399van
【高仁和高大成聯手破案！】http://yt1.piee.pw/39jfuk
▶女星小三扶正42歲罹癌香消玉殞👉http://yt1.piee.pw/39yba5
▶高金素梅爆癌症緊急動刀👉http://yt1.piee.pw/39crss
▶地表最強婆媳大戰👉http://yt1.piee.pw/39ks4x
▶87歲國寶大師戀上末日桃花👉http://yt1.piee.pw/38b5f8
分段重點
00:00 開場介紹
01:04 司馬中原喪偶遇桃花，房產差點不保？
09:00 斷開司馬中原桃花？家人遭討債索討百萬！
12:00 長輩黃昏之戀！如何保障財產不被騙？
20:32 老年人談戀愛像老房子著火，沒得救？
25:14 喪偶的人常會問，還有沒有第二春？
27:34 立下遺囑家產給越南看護！
31:20 另一半老來外遇！該阻擋還是放任？
35:31 護家產最好避免找左鄰右舍幫忙？
39:51 台傭放長線釣大魚，計畫嫁老翁奪家產？
48:22 老闆娘人財兩失，最後連婚姻都不保？
57:50 婆婆驟逝留下遺產？公公回春交女友？
1:06:26 不爽被海噱上百萬？老爹四處放話暴走？
每周二到周六凌晨12點半準時上傳最新節目！
支持正版，尊重版權請訂閱【新聞挖挖哇】
官方 Youtube 頻道喲！
臉書請搜尋【新聞挖挖哇粉絲團】
http://www.facebook.com/newswawawa
#新聞挖挖哇#仙人跳#放火#鄭弘儀#愛情詐騙#司馬中原#新聞挖挖哇2020![post-title]()
-
黃昏越南版 在 DJ家群の舊頻道 Youtube 的最讚貼文
2018-01-31 15:06:50粉絲專頁：https://www.facebook.com/DJC.JStyle/
個人臉書：https://www.facebook.com/DjCJ1215
微信WeChat：CJ_Taiwan_1215
Instagram ：EDM_CJ
新浪微博 ：DJ家群
快手號碼：177167406
QQ：2097963458
01. 搖滾禽獸 - DJ家群 2010 edit
02. 睡美人 DjΩKuT 2007 Remix
03. 最美情侶
04. 我們不一樣
05. 愛河
06. 畢竟深愛過
07. 走了就別後悔
08. 苦行僧 (DJ家群越鼓修改版)
09. 金包銀 DjΩKuT 2010 Remix
10. 我的好兄弟 - Dj Piao 飄哥 2011 Remix
11. 黃昏 - Dj KuT 2007 Remix
12. 背信棄義
13. 出局
14. 迷人的危險
15. 當蝴離開了蝶
16. 投名狀
17. 最初的溫柔
18. 如果距離產生美
19. 此刻你聽好了
20. 失落西班牙 DjΩKuT 2007 Remix
21. 越南鼓電音之王
22. 如果寂寞了
23. 你就不要想起我
24. 別碰我的人 - DJ阿禾 2014 REMIX
25. 突然想起你
26. 像男人一樣去戰鬥
27. 穿心箭
28. 怨天怨地
29. 不要再纏著我
30. 多幸運
31. 咱們結婚吧
32. 讓全世界知道我愛你
33. 小幸運
34. 忘記你需要多久
35. 逆戰
36. DJ先生
37. 過期愛情
38. 別丟下我不管![post-title]()
-
黃昏越南版 在 DJ家群の舊頻道 Youtube 的最佳貼文
2016-01-09 00:51:15【《S-Poker》三五好友湊一桌 線上開打不囉唆】
『快加入我的團，輸入我的團長優惠碼 : 6581420』
活動期間內登入我的團，立即領取每日任務的獎勵！
————————————————————
S-Poker IOS版 : https://goo.gl/BhRIYq
S-Poker Android版 : https://goo.gl/8QF6vH
S-Poker 粉絲專頁 : https://www.facebook.com/spokertw/
————————————————————
微信：CJ_Taiwan_1215
臉書：https://www.facebook.com/DJC.JStyle
歌單：
01. 癡情玫瑰花 (DJ西瓜 & DJ家群)
02. 玖壹壹 - 9453 (DJ家群)
03. 走著走著就散了
04. 泰國洗 (DJ家群)
05. 那英-默
06. 不醉不會
07. 心之花
08. Show Me Your BBA Sae
09. We Want Some Pussy (DJ家群)
10. The Wolf 越南鼓 (DJ家群)
11. 單飛
12. 演員
13. BOOYAH越南鼓
14. 18歲博士 (DJ家群)
15. 單身派對 (DJ家群 & MC飛踢胖)
16. 奔跑吧兄弟
17. 給你機會誠實
18. 黃昏
19. 如果你也聽說
20. 千紙鶴
21. 玖壹壹 - 嘻哈莊角情 (DJ家群)![post-title]()
黃昏越南版 在 君子馬蘭頭 - Ivan Li 李聲揚 Facebook 的最佳解答
［KFC回歸香港上市］仲有我同KFC，Pizza Hut以及百事嘅恩怨情仇
1. 美國上市中資股回歸香港，一浪接一浪，唔一定要科技股 百度 網易 阿里巴巴 京東先得嘅。最新係呢隻，Yum China。
2. Yum China，可能有少數人唔知係乜東東。就係KFC同Pizza Hut．其實仲有Taco Bell （從冇食過）。仲有小肥羊都係佢嘅—小肥羊曾經在香港上市，但私有化咗。
3. 咁你話，唔係美資野咩？KFC喎。其實原本都係，Yum China獨立上市唔係好耐，係由Yum Brands分拆嚟的，2016年尾拆出嚟。原因當然係投資者要求，覺得拆出嚟先反映到價值。拆出嚟之後，股價係跑贏嘅。
4. 咁而家Yum China，講緊200億美金市值左右。Yum Brands講緊都未夠280億。喂，中國VS全世界其他喎，可見中國市場幾咁好賺。嘩，如果十三億人個個都中產，一個星期食一次KFC，真係不得了呀！（呢類呃鬼佬嘅廢話，雷曼爆煲前我都寫過唔少）。
5. Yum China 200億美金市值即係幾多？又比較下。麥當勞，講緊1400億市值。係Yum Brands 加埋Yum China 三位咁滯，單品牌咋。之前講過嗰間Chipotle，就280億市值。Wendy’s Shake Shack Jack in the box（全部都單品牌上市公司）之類就太細了。
6. 又，我好細個已經估KFC，Pizza Hut同百事係同一檔嘢。因為小埃汾係可口可樂支持支，細個係唔肯飲百事的。但KFC同 Pizza Hut就偏偏只係得百事七喜，應該係有路。正如細細個我已經發現，大家樂係用維他汽水的（！）。事實就係，Yum Brands，原本就係百事嘅快餐部門。亦即係，當年根本KFC Pizza hut係百事旗下嘅公司，當然而家已無直接關係。聽聞而家澳洲KFC Pizza Hut係可口可樂的。
7. 不過其實我到而家都唔係好知，點解吉野家係用百事七喜，應該唔係同一老細，至少香港唔係，只係因為平啲？外國吉野家呢？其實我台灣同日本都有食過，但唔係好肯定係咪百事，因為好似飲烏龍茶，同埋大個咗我已經冇咗呢種堅持唔飲百事嘅執著。呼，人大咗，放棄咗幾多堅持呢。在那些開放的路上，踏碎過多少理想。呼，我曾經餐餐都要食飯添，而家開始耐唔耐cold sandwich做午飯—唔係因為健康，係因為快，同埋冇咁易眼訓。我曾經只係鍾意東亞女仔添，呼，但而家覺得鬼妹都幾好睇。
8. 講返，應該好多人知，KFC在中國做得好成功，比麥當勞成功。其中一個原因亦係因為早入，應該係87年大陸已經有KFC，第一間西式快餐店—甚至係八九六四之前。麥當然就要八九六四後先有，舊文都講過，蘇聯麥當勞仲早過中國（https://bit.ly/2V9LNUP）。KFC在大陸成功之道，除咗入得早外，都好多人知，就係十分「在地」。有粥食，有涼茶飲，仲有其他古靈精怪嘢，可以問下常返大陸嘅版友。
9. 另外有個講法話，麥當勞呢啲係外來嘢，但炸雞本身都係中國人有嘅嘢云云。我係有啲懷疑嘅。「肉夾饃計唔計先？」。另外，就算個講法成立，都係任你講。如果係麥當勞跑出，你一樣可以話麥當勞係藍海，唔使同成堆中國炸雞爭。所以呢啲企管嘢都係任你鳩up，吹下水可以，但唔好當自然鐵律咁。我都係比較相信係因為早入，同埋在地。
10. 仲有幾樣嘢我想講。首先，本人並不算特別鍾意食KFC，但其實埃汾個人Facebook有個玩意，叫做KFC全球試爆。就真係食咗幾十個國家嘅KFC。比較出位嘅可能係柬埔寨同越南KFC，另外我在京都都係有食嘅，「一場嚟到古都食啲特色嘢」（唔通食古都光咩）。舊年生日我就在暹粒叫雞（炸嗰啲）。2017年平安夜就在鹿兒島食KFC！啲日本人真係當聖誕餐的！
11. 但，信我，除非你食嘅國家多過我。本人權威地講，最難食嘅，必然係香港，沒有其他。絶非偏見，有機會做個blind test，呢樣嘢甚至係發生在我仲係幾鍾意香港嗰時。另外，for some unknown reason，韓國KFC同台灣都係比較唔掂嘅。大陸嘅反而算中間水平。
12. 而仲有，得罪人我都要講。香港KFC啲員工，真係廢撚到一個點。咁你梗係屌，收你好高人工咩，你去做丫笨（而埃汾就真係做過麥當勞，拿呢啲到九十歲都仲講呀）。但我當然唔係同咩米芝蓮三星啲女比，我就蘋果對蘋果，同麥當勞之類比。KFC啲員工，真係唔知做乜撚的。永遠我未撚講完就同我講多謝幾錢，同佢講加多個葡撻又即時當你講完，漏單之類更係常見。啲員工各自各吹水亦都固然。係呀我知，拎你雞碎咁多人工比條命你好味嘛，咁我肯撚定大陸台灣日本嗰啲好撚高人工的。所以真係唔好問點解日本人得香港人唔得。（又，在日本有返元祖味道嘅鬆餅的說，好似仲有吉士布甸朱古力布甸）
13. 呀仲有一鑊，我叫外賣，個KFC外賣仔，居然走去調戲埃汾太。自此我就唔再叫KFC外賣，改為叫埃汾太落街買—係喎，寧願佢在舖頭畀人調戲，眼不見為乾凈（講笑，其實根本冇叫過佢買外賣，原因係我唔鍾意外賣，嗰次應該某啲特別原因）。
14. 至於Pizza Hut啦喎，其實係童年回憶。埃汾屯門置樂附近某中學讀書（得嗰兩間），細個呢，如果午餐去椰林閣呢，就好高級架啦（呢間嘢居然未死，仲一度傳上市，可見香港地做生意幾咁好）。去到Pizza Hut？喂，好撚大件事架，真係溝女先去。而我冇女溝。正如我話，我大學年代，溝女去百人一朱（原諒我對百人一朱十分執著）。但我啲名校同學？屌，中學已經去百人一朱，大學去有馬去友和去水車屋。真係階級分野。
15. 但亦都好肯定，當年嘅Pizza Hut，並未變到而家咁劣食嘅。我都幾肯定唔只係細個回憶美化，或者嗰時見識少。即係同一個忌廉磨菇雞湯，你可以比較下當年嘅濃度，同埋雞仲有菇嘅數目。都唔好講價錢。
16. 至於小肥羊云云，香港都有食過（你老味嗰時旺角店排鳩你個幾鐘，訂咗位都仲要等）。但我居然又係唔記得佢係唔係百事。不重要。但想講，小肥羊就真係衝出中國，打入日本（說好了的日本人崇優），開撚到去宮古島開撚到去札幌，甚至開到去美國開到緬甸。
17. 講咗一大輪，講到啲餐廳好唔掂咁。咁但，又未必。講真，快餐店啫，米芝蓮三星咩。主要係香港嘅KFC不知所謂，外國嘅，你見我去到京都都仲會食就知身體最誠實。
18. 況且，分析員第一戒：千其唔好用你自己嘅喜好去衡量個市場。你覺得狗也不屌嘅，可能大把人食。而好唔好食，同賺唔賺錢，同股票得唔得，往往冇乜關係，甚至係負相關。《食神》都有講啦。你嘅全世界最賺錢嘅，都係麥當勞，香港就大家樂。係靠呢啲流水作業機械式生產，先將啲成本壓到最低。或者好似美心咁，味將軍集團，多品牌經營—即係Yum Brands其實都係咁玩法，拎啲百事去KFC賣咁，美心就拎美心西餅啲排包去美心MX做早餐賣—是真的！我有鑊真係見佢話冇晒排包，就去隔離美心西餅買！inter segment sales 呀！
———————
版務：收費專欄已減價。支持埃汾高質文章。
一星期三篇，$175睇到6月22號，加埋過去兩個幾月所有文章。
請去呢度訂：bit.ly/2wVXndj
課程編號填: CC01
報完會有email通知，繳費後有Login及Password
逢一三五入去 homebloggerhk.com （入到去就睇到《事先張揚》）
亦睇得返以前嘅文。一般我都係會黃昏出文嘅。
黃昏越南版 在 君子馬蘭頭 - Ivan Li 李聲揚 Facebook 的精選貼文
［貨幣101—美匯指數］兼講金本位，同簡明貨幣制度史
繼續事忙（好快忙完！過埋生日啦），出啲簡單文教學。反正上個post 反應都不錯（https://bit.ly/3fgSP1i），話見到美股，同美金美匯指數，基本上係反向咁行。
TL:DR — 你日日見到嘅美匯指數，係1973年嘅產物，咁多年冇update過。而美匯指數出現，正係因為美元本位金本位收皮。
1. 但，好似都未講咩係美匯指數，其實唔難，Google就得。但都解下。照計細細個都會諗（我有啦下，你冇好奇心係你嘅事），世界上咁多貨幣，我細個年代甚至仲有咩西德馬克法國法郎意大利里拉之類，咁咪好多唔同嘅匯率？同埋，你講西德馬克強勢，係指對乜先？瑞士法郎？日圓？古巴披索？定乜呢？
2. 當然大個咗就知，Pax Americana嘛，美國美元獨大，所有嘢以對美國為準。英鎊弱，就係講對美元。日圓強，亦係指對美元。至於AUD/JPY呢啲咁niche嘅cross rate，就用嚟寫文嘅（＊）
3. 但，咁，講美金強弱呢？點算？對乜好？其中一個方法係講相對於黃金，「屌，咪即係金價咯」。咁另一方法，對返其他貨幣，「屌，咪即係EURO掉轉」，又唔多好喎，想對晒咁多隻。
4. 於是乎，就有所謂嘅「美匯指數」，Dollar Index，DXY，有時又會就咁叫「美金」「美匯」「greenback」。就係對返一籃子貨幣，不同比重。
5. 呢度就有問題啦，到底用咩貨幣呢？同埋比重點計？
6. 留意呢個「美匯指數」，可以直接拎嚟炒，有期貨賭，仲有ETF，有期權。而入面啲成份，係極之咁化學同兒嬉嘅。
7. 答案就係，歐元佔差不多六成，日圓十四巴仙，英鎊十二巴仙，加元九巴仙，剩返係瑞典克郎同瑞士法郎。
8. 人民幣呢？冇噃。咁當然啲網友梗係講人民幣點廢點乜。Fine，你覺得開心啲嘅，隨你。但，印度盧比呢？一樣冇。親，印度有民主啦掛，印度經濟規模大過英國添。瑞士瑞典都有，印度冇？仲有巴西韓國，全部唔見影。瑞典老幾呀？GDP細過泰國，好快就伊朗尼日利亞都大過佢
9. 明顯地，呢個美匯指數，係反映「舊世界」秩序。
10. 呢度講遠少少歷史，希望唔悶。可能有聽過Bretton Woods system，布列頓森林體系，亦可能冇。但冇都好，應該聽過「金本位制」，以前美好嘅年代，你阿爺嘅年代，好好的，貨幣背後有黃金支持（不過冇得上Facebook，亦冇得一年去幾次日本）。你有幾多金就印幾多錢，冇得係咁印。
11. 金本位制已不復再，而家行嘅係fiat currency，法幣，講個信字，任印。貨幣嘅「intrinsic value」，等於零。港紙叫做有美金支持，但美金背後一樣講個信字。具體啲就係誰大誰惡誰正確， monopoly of the legitimate use of physical force 即主權，亦好多時包埋鑄幣權。當然有啲國家選擇用其他貨幣，係選擇。但一般嚟講，你在越南就要用越南紙，餐廳肯收美金係選擇，但亦可以堅持你畀越南盾，你唔畀就打柒你。就是咁簡單。
12. 而在金本位，過渡去到而家fiat currency，中間嗰三十年左右，就係呢個Bretton Woods system。係邊三十年？係1944-1973。叻嘅大約估到同乜有關，正係二次大戰。
13. 二次大戰後，歐洲英國等等元氣大傷，日本炸到稀巴爛，中國褲都未有著。基本上就係美國獨大，Pax Americana嘛。最後重建秩序，好多人只留意咩馬歇爾計劃呀，日本天皇去神化之類，完全冇諗金融秩序。你而家見嘅咩IMF 同 World Bank，都係二戰後搞出嚟的東西
14. 講返，二戰後，歐洲日本打到仆街，英國亦正式退下神壇，美國成為無可爭議嘅唯一大國。亦都因為咁，呢套Bretton Woods system，就係人人掛美金，唔準貶值，然後美金掛黃金，咁咯。因為美國拎住最多黃金嘛。
15. 但，呢度唔講太深啦，大家都估到呢啲固定匯率有乜問題（其實亦係香港盯住美元嘅問題），總有人各懷鬼胎想貶值。更大鑊係，總有人覺得固定匯率對自己唔著數（＊＊），咁你保證我可以換金嘛，我就換金，於是美國嘅黃金都不停流失。
16. 結果你估到了，就係美國嘅黃金儲備都不停流失，等同擠提。然後當然係落閘，但唔使放狗。就係棄守呢樣嘢。美金再唔盯住黃金，其他貨幣亦唔盯住美金，全自由浮動。時為1973年，Bretton Woods system唔夠三十年後。點解係呢個時間？正因為歐洲經濟全面復蘇，同埋美國爆咗幾次危機。
17. 講到好遠，但，美匯指數，就正係Bretton Woods system收檔之後，1973年嘅產物。如果人人對美金固定匯率就唔使指數啦，日日一樣！而樓上講嘅「歐元佔差不多六成，日圓十四巴仙，英鎊十二巴仙，加元九巴仙」比重，正係嗰時定嘅！之後一路都冇郁過！死未，夠化學未？
18. 聰明嘅你又可以反駁，喂，1973年邊有歐元呀？冇錯，當時係冇的。當時係德國馬克法國法郎（唔知有冇意大利里拉西班牙比薩塔，懶查）。但，其實一樣。應該話，1973年之後，唯一再轉嘅一次，就係1999年，叫做歐元誕生，取替咗細細個屋村師奶炒嘅ECU歐洲貨幣單位（呢個詞好有歷史感）。
19. 打後咁多年，完全冇郁過。根本就係連1999年嗰次，亦只係將德國馬克法國法郎等等，加晒入去歐元。就所以，唔會見到人民幣，印度盧比，巴西雷亞爾，墨西哥披索等等東西。
20. 咁白痴都得？係咁的。所以早有人發明一個更與時並進嘅東西，叫TWEXB，Trade Weighted U.S. Dollar Index: Broad。唔複雜，就係用返而家美國嘅貿易額嚟做比重，加權咁計每一隻貨幣。同埋，可以每年update 一次，咁就當然有人民幣呀甚麼了
21. 不過，正如好早都寫過，美股道股係十分過時嘅東西，計法唔太科學，成份股又得三十隻。真係專業（＊＊＊）嘅，當然講標普指數。亦好合理，因為道指已經百幾年前嘅產品。但，新聞好多時都仲係報道指為先，甚至「專業」嘅都會講。歷史嘅嘢，唔係咁易取代。「即係好似，明明電路中電子就係負極流向正極，但conventional current 電流都係當正極流向負極咁」
下篇會講埋，美匯指數同港股
（＊）其實唔難，大約估到，AUD/JPY亦係量度「風險胃納」。後者係險避貨幣for some reason（唔記得有冇講過，第時再解），同美元同瑞士法郎一樣，但凡見兵荒馬亂，美金瑞郎日元都升。前者呢，澳元一般就係「冒險貨幣」，同韓WON印尼盾之類差不多。倒唔係因為地理，或者因為澳洲係新興市場。最主要係，其實澳元係China proxy，鐵礦石亦係，中國經濟差就全球都冇乜運行，澳元鐵礦銅價等等，多數都大插。
（＊＊）想像下，歐元亦係同一個問題，意大利同德國用同一種貨幣，廢柴意撚當然覺得唔公平。以前意撚就話貶值救經濟，而家冇呢回事。但，又諗返，歐元咁撚廢嘅，就人人爭住退出啦。但你見事實係點？事實你見意大利西班牙之類根本唔想退出，反而係有事個個想加入。原因亦好簡單：因為歐盟有錢分畀意大利西班牙之類，仲有意大利西班牙人可以去德國打工。當然歐盟同歐元區係兩樣嘢，但，正路地，只可以入歐盟唔用歐元（瑞典，同埋以前英國等等），唔可以用歐元唔入歐盟（非歐盟嘅黑山同科索沃理論上都用歐元，但只係單方面，在歐央行並冇任何話事權）
（＊＊＊）上次都有人挑機問何謂專業，係咪串人唔專業。咁只能答你，冇話專業一定叻，但就係講金融業界咯，基金經理，分析員之類。咁當然你唔著波砵都可以勁過美斯，理論上。
———————
版務：收費專欄已減價。支持埃汾高質文章。
一星期三篇，$175睇到6月22號，加埋過去兩個幾月所有文章。
請去呢度訂：bit.ly/2wVXndj
課程編號填: CC01
報完會有email通知，繳費後有Login及Password
逢一三五入去 homebloggerhk.com （入到去就睇到《事先張揚》）
亦睇得返以前嘅文。一般我都係會黃昏出文嘅。
黃昏越南版 在 君子馬蘭頭 - Ivan Li 李聲揚 Facebook 的最讚貼文
［版務］專欄減價！
1. OK，其實原本唔想用張咁粗俗嘅相。年紀細唔知嘅（到底呢度有冇年紀細嘅讀者？但Facebook Insights話有唔少細過我），尹光嘛（＊）。
2. 其實就一樣嘢，收費專欄減價。點解減價？好簡單，因為你地訂嘅，應該係去到6月22日。
3. 之前係3月23號開始的（唔計三篇免費試讀），話3個月，就當然去到6月22日。天地良心，埃汾從來冇甩過稿，最多晏咗啲。而你見當中好似有三四次公眾假期，我都照寫。難聽啲講句，就真係我唔寫都得的。
4. 咁去到最後一個月，仲要新讀者（如有）畀足錢，應該會有人覺得搵笨。但又由於你可以睇返晒之前嘅文，所以亦唔會係三份一錢。經過多番研究（即係沖咗個涼後），有結論：
5. 而家訂嘅，$175蚊，睇到6月22日，以及所有之前嘅文。其實如果呢十日八日新訂嘅都會發現。
6. 你問我呢，就係如果之前三百幾嫌多嘅，而家兩百蚊唔使，睇大半個月，睇下係乜咯。
7. 6月22號點？其實未知，係睇你地反應。但我當然傾向繼續寫。不過無論寫定唔寫，轉形式，加價減價咩都好，現有，同埋而家新訂嘅，全部都係去到6月22號完
8. 我自己呢，對專欄內容都係滿意的，覺得呢個形式啱我，啱大家，亦都對得住天地良心。當然有時晏咗出文呀，或者有時你發現出咗文你都唔知呀，要不停上去F5呀之類，將來應該會改善。
9. 有乜意見亦可以PM我，「除咗叫減價」。我幾相信，如果6月22號後繼續玩，都係唔會減價的。唔好咁啦大佬，一日幾蚊咋
（＊）當年呢，講呢句「你阿媽大減價益你阿爸」，已經係非常粗俗，在學校必定畀老師罰，在屋企畀老豆掌嘴都似。同而家普通中學女生都小狗懶擦鞋九七小能西，就真係兩個世界了。但事實尹光嘅歌差不多完全冇粗口乜滯，只係踩界，特登用啲相關嘅字，有人批評時就可以話「你心邪」。
補多句，舊年3月，我返新工前，就去咗「尋找尹光足迹」，當時Page都有提過下（https://bit.ly/3c6SyfD）。尹光在西貢出世，不過係越南西貢，即係而家胡志明市，越南華僑。堤岸區原本獨立一個城市，但後來併埋入西貢。當地就係華埠，而且多數係講廣東話嘅。我就去咗食飯，全程講廣東話，第二日病到九彩，作嘔作悶標冷汗咁，唔知係「錦麗」（正係太興帶嚟香港嗰間），定係夜晚間茶樓。越南朋友話九成九係啲嘢飲出事，識玩一定唔好飲加冰嘅嘢。
———————
版務：收費專欄已減價。支持埃汾高質文章。
一星期三篇，$175睇到6月22號，加埋過去兩個幾月所有文章。
請去呢度訂：bit.ly/2wVXndj
課程編號填: CC01
報完會有email通知，繳費後有Login及Password
逢一三五入去 homebloggerhk.com （入到去就睇到《事先張揚》）
亦睇得返以前嘅文。一般我都係會黃昏出文嘅。