偽君子 VS 真小人 你或許兩個都不欣賞。 但黃子華會點揀，你又記得嗎？

微辣笑林寺第一季正式閉寺了📢 這幾個月，過程好辛苦🥺 每晚通頂的晚上還在想幾時會完結 但發覺完結後才知道這段時間過得很快 🕒🕒🕒🕒 仲記得幾個月前，卡特話想攪一個廣東話棟篤笑節目😂😂 當時我對呢個可行性半信半疑，最後公司話比佢搞 而佢話第一屆搞住內部先，所以直接預左我同阿丞玩， 而其他位置就公開比藝人報名去玩 起初我真係有諗過呢樣野唔適合自己玩，想推 卡特話：『唔係唔撐下？』 所以我決定左繼續參加。💪🏻💪🏻 😅😅😅😅 老實講，對我地7個黎講，大家以往完全無參加過任何棟篤笑的經驗， 7個新鮮人靠自己摸索去玩 起初都抱著我地大家都可以去試下去搞下笑喎 結果由第一集出街之後，先發現大家既標準異常地高👀 好似只要我地搞棟篤笑比賽，就一定要有黃子華既級數 只要我地搞綜藝節目，就一定要好睇過RunningMan 留言區充滿罵聲～🗣🗣 好悶、抄人既、好尷尬、拍番啲綜藝節目好過啦 我地個個都開始心諗大獲，原來唔係我地想像中咁簡單💡 當然洗濕左個頭，我地只好繼續研究點樣做得更好 （當然，都有好多人支持我地，同埋客觀去評論每一位表現既） 呢段時間，基本上每寫一份稿，就通幾晚頂📃📄 但每一晚的通頂都充滿住怨氣、自責、歡笑、吵嘈 悲喜交集🎤 每一份稿，每一句文字都係用心諗過去分享出黎，為博大家一笑。🤹🏻‍♀️🤹🏻‍♀️ 你永遠不會知道，做喜劇的人背後的付出係幾咁悲劇 經歷過幾多事情同汗水才可以搏大家一笑 我成日都話，除非佢唔努力而成功 但只要佢有努力過，無人可以踐踏別人的汗水同付出 每人都可以有自己喜歡的同支持的，我自己都會有 但真心希望大家可以支持自己中意的人的同時，無必要去透過踐踏其它人黎支持自己的 最後講番我自己～🤓 我無後悔過參加呢次笑林寺，我慶幸自己有參加過 比我簡多次我都會參加～ 今次令我更認識呢個文化，亦更認清自己性格及能力上的不足🤩 我不怪Haters們，因為我理解大家認為我唔好笑，因為真係唔好笑。 我感恩喜歡我的朋友們，因為能遇到懂得欣賞你的人，真係唔容易，講到咁都仲有人欣賞我，更唔加唔容易💕💕 真心多謝呢段時間裏面一直都有留言話支持我既各位觀眾。 多謝中意聽食字GAG的各位。 🤣🤣🤣 呢種成班人一齊係同一段時間內為住一件事既奮鬥，好似入左微辣咁耐 今次呢種感覺係最強烈的😁😁 這段時間可能會成為人生中一件大事吧～ 唔知仲有冇下一季 如果有，我唔會再參加了 不過我都會盡我能力，去幫下一季的各位既～ 👊🏻👊🏻👊🏻👊🏻👊🏻 微辣笑林寺第一季 閉寺啦。 @manner_standup #微辣笑林寺 #第一季 #食字

. 【7月號 關於生活專欄】 . 《蘋果日報》宣佈停刊，友人都說打開 YouTube有種悵然若失的感覺，不談時事，只談風月，很多高質素、甚受歡迎的副刊影片，一夜間消失無影無蹤。若不是失去， 我們又何曾會發現，《蘋果日報》的兩大副刊 ——《果籽》 與《飲食男女》，對於香港人來說，早已入骨自然如一呼一吸，在難過日子給過我們滋養，在動盪日子給過我們娛樂？ . 有幸在《飲食男女》工作接近三年，那絕對是行內的木人巷，有讓人聞風喪膽的「鋤書會」；門口大剌剌的銷量排行榜；每天鞭策我們力臻完美。有同事試過做一期茶餐廳的封面，編輯隨便說了一句想要三十多個不同款式 「茄汁焗豬扒飯」退地，記者和攝影師便吃了足足一星期，為的是印在雜誌上只有鼻屎般大小的相片。 . 又愛又恨是對壹傳媒最貼切的形容，有時同舟共濟，有時同仇敵愾，很少人會單純說愛，有多少愛也有多少恨。 而說回《飲食男女》，那不只是一個要求員工做到最好的地方，那是一個，「只要你有做到最好的心，所有人都會奉陪到底」的傳奇，做好一件事不是最癲，最癲是，你說要咁咁咁做，上司又okay，好多人和你一起付諸實行。我不肯定這種氣氛多少是因為哪一位老闆或高層促成，但是感謝黎智英老闆，是他堅信內容有價，建立了這個最後堡壘，給予員工資源進步、奮鬥和做到最好。 . 我於2018年離職，雖然沒有了全職員工的身份，但有幸受惠於非常風光的外判制度。供稿給《飲食男女》，並不像坊間一般傳媒，被動地等待公關 feed 料，或是見別家傳媒報甚麼就跟隊。我們都用上傳統的採訪模式——落街搵故仔。那幾年，我到過香港古老的醬園；也訪過碩果僅存的馬仔師傅，很多是親身去到工場，和他們真誠傾計，說服他們你不是一般的記者，你來自的機構，何等尊重和用心對待每個故事。 . 我每年都會去拜訪腐乳老字號廖孖記，他們一如既往地拒絕。有次無功而回，我一個人在佐敦的街上蹓躂，有點不甘心，「我就不信香港只有一家香港製造的腐乳」。 我不放棄，後來終於找到一位當時29歲、全香港最年輕腐乳師傅，給當時的總編輯讚賞。而那篇稿，也讓人更加認識香港製造的品牌。直至我去了別家媒體工作，也不忘這份做故仔的初心。 . 雖然《果籽》和《飲食男女》總是被喻為「世仇」，但一笑泯恩仇，《果籽》用心做內容的心態也是讓我歎為觀止。 所以，我看《果籽畢業了》一片，還是會看到潸然淚下。 . 影片尾段，一位記者說到哭起來，她說，他們可以做到再好的稿，都是因為有一個這麼自由去發揮的平台，他們真的很想「賴死唔走」。是的，像黃子華於 2003 年無炭用棟督笑說結構性失業，「我果行畀人炒咗」，往後到哪裏，才找得到這麼自由發揮的樂土？ . ——〈我果行畀人炒咗〉 文／莫坤菱 . 七月號《藝文青》已上架，可在7-11便利店、OK便利店以及各大書報攤購買。 . #莫坤菱 #專欄 #關於生活 #藝文青7月號 #藝文青 #asartisticasyou