浪漫月巴睇2000（166） 【阿卵不靚仔，愈睇愈好睇】 楊偉倫靚仔嗎？不排除有人獨具慧眼覺得他靚仔，但對大部分人來說，他肯定不及霆鋒靚仔，所以楊偉倫父母應該不怕自己個仔自小被寵壞。 1.有理由相信，大部分人未必答到你楊偉倫靚不靚仔——他們根本不知道楊偉倫是誰，自然不會知道這個姓楊名偉倫的人樣子如何。 2.他就是《大叔的愛》的平哥，那個跟Carmen姐野餐食手撕雞髀的平哥。 3.無論幾努力撕雞髀食，依然改變不了平哥命運，平哥在《大叔的愛》由始至終都只是陪襯，陪襯阿牧田田和KK，以一個丑角身份，得閒整些怪菜式叫阿牧試食。有他在，固然得；沒有了他？似乎也一樣得。他存在與否，不會對「大叔的愛Universe」構成問題。 4.阿卵心知肚明自己不會成為主角——他不是欠缺做主角的材料，而是欠缺（在擁抱主流價值的主流世界）做主角的樣子。他曾在訪問中自嘲：若有朝一日開拍《Simpson傳》，自己就可以做主角嘞。 5.你的樣子如何，你的日子也必如何。樣子天生，不夠靚的，固然可以後天執執佢，但回看阿卵，可不是執執佢就搞得掂，一天都光晒，而是要「散版」——這是紙媒行內術語，意指版面砌得太核突，要由頭砌過。 6.似Simpson，還勉強可以說成Cute，但問題是，阿卵個樣同時被認為似黃一飛、廖偉雄、那個壞咗的人（這已是最好的一個類比對象）以及——李X持，就算阿卵真的把心一橫，將自己個樣交由專業人士散版，完成品，也頂籠是一個李X持的比較順眼版。真係不好笑。 7.其實樣子與才華無關。其貎絕對Very不揚的阿卵，早就在劇場展露才華，只是我沒有看劇場的習慣，沒有踏足他存在的領土；是直到2017年，才真正看見他——W創作社《小人國6》，其中一Part單元《Hong Kong『黑的』》，阿卵化身「撚Chan」，一個有點粗魯會講下粗口亦即你同我都總會遇過的Taxi Driver，這個Taxi Driver可不是羅拔迪尼路，沒有因偶然接載未成年的茱迪科士打而變成英雄，命運只安排不幸的「撚Chan」，在銅鑼灣戴了兩個來自America的一男一女乞兒客，這Pair ABC，話要去灣仔會展，期間要求撚Chan兜路，又拆他咪錶自行調校，校到由正常跳錶變成濫收車資；這Pair ABC還即席做FB Live，直播搭乘香港黑的初體驗——我忘了在那短短十分鐘自己笑了幾多十次，只記得一度笑到嚴重氣促，而且，肯定不只我一個。那是還可以隨時大笑笑到氣促忘我的年份，香港地道人和事，還可以濃縮成一場十分鐘玩笑。 8.到了今年看《大MK日》已經笑不出——其實當然有笑，笑到氣促，但同時明白，箇中的笑墊住一層悲，悲但真地，展示了MK正在消逝，阿卵與兩個老死，只能在這場終將來臨的消逝前，一追再追，追回MK和自己種種已過去的；而他的角色，為了老婆（曾經是MK妹），為了個仔，為了有個相對美好的未來，決定離開MK，移民去天水圍。 9.回到現實，1982年出生、先天注定不靚仔的阿卵，在香港走著很多平凡人走過的路：平平凡凡，無心向學，學業失敗Repeat逃避，偶然發現鍾意演戲，一心考入演藝，但入學要求會考五科合格，當中包括英文，他自修重考，剛好合格，成功入讀，讀到懷疑自己，讀到差點想放棄，好彩被老師一言驚醒；畢業，入行做演員，即使明知自己做不成主角。 10.這個沒資格被寵壞的人，毫不靚仔，但愈睇愈好睇。 （原文刊於am730） #浪漫月巴睇2000

【@girlstyle.mag 】明星收入排名大公開！ . 內地媒體日前統計了各明星於2017年至2020年期間的收入，並公布「華裔明星收入排行榜」前40名。榮登第一的是台灣歌手周杰倫，四年總收入達到21.5億元人民幣（港幣約26億元）。緊隨其後的是內地一線女星周迅，四年總收入有16.7億元人民幣（港幣約20億元），一起來看看其他明星的收入排名吧！ . 台灣天王周杰倫勇奪首位 周杰倫近年舉行了多個巡迴演唱會、又接下不少廣告代言、更連內地真人騷與近年流行的直播互動都有他份，據悉他去年單是在直播平台表演魔術半小時，已經獲得超過2,000萬人民幣（港幣約2,300萬）的「打賞」，吸金力如此驚人，難怪能以26億港元排名首位！ . 周迅成吸金力最強女星 作為台灣金馬獎、香港電影金像獎、以及中國電影金雞獎三金影后的周迅，一向是品牌與廣告商的搶手貨。有指她2018年回歸出演的劇集《如懿傳》，片酬高達9,500萬元人民幣（港幣約約1.1億元）！ . 內地一線女星孫儷以四年總收入14.3億人民幣（港幣約17億元）排名第3，比排名第18位的老公鄧超高出2.8億人民幣。雖然鄧超吸金力比老婆稍低，但他們仍然是排名最高的明星夫婦，被譽為「吸金孖寶」！ . 而多位內地一姐如楊冪、趙麗穎和趙薇等都順利打入十強，楊冪以14.3億人民幣（港幣約約17億元）排名第5，稍勝收入約13.7億人民幣（港幣約16.4億元）排名第9位的趙麗穎。今年因為棄養與逃稅風波而形象崩壞的鄭爽，則以10.9億人民幣（港幣約約13億元）排第26位，而同樣於2018年捲入逃稅風波的范冰冰就於40強外。 . 多位港星打入40強 在眾多內地明星裡亦有不少港星打入40強。香港𡃁模出身的女星Angelababy（楊穎），與內地男星黃曉明結婚後將事業重心移到內地，並憑著混血美貌在內地大受歡迎，過去四年她的總收入為12.58億人民幣（港幣約約15億元），排名第13的她比排名31的老公9.54億人民幣（港幣約11.43億元）還要高。 . 而憑參選《我是歌手》在內地爆紅的歌手鄧紫棋（G.E.M.），就於四年間狂吸金約12.56億人民幣（港幣約約15億元），排名第14位。 . 歌神陳奕迅就以11.49億人民幣（港幣約13.76億）進佔第21位。而密密接劇兼成為電影製作人的古天樂則以總收入10.3億人民幣（港幣約約12.3億元）排第29位，天王劉德華更是打進前10強，位居第6位！ . 大家有對他們的收入感到驚訝嗎？ . #女生gossip熱話 . 【GirlStyle Club 隆重登場 】 立即入會獨家免費贏取豐富禮品💕 . 陳凱琳【維持幸福婚姻的秘訣】 Cover story vol.13 . FB: GirlStyle 女生日常⠀ 『 💌如果妳都有打卡靚相／情侶甜蜜照想同讀者分享 📷即刻 #GirlStyle女生日常 或tag我哋或inbox比小編！我哋會係女生日常嘅IG同大家分享💕 』⠀ .⠀⠀ #hkig #hkgirls #beauty #lyrics #hkiger #love #sisters #lovemygirls #mygirls #hklife #hkboy #hkgirl #hkboys #hkgirls #852 #hkcouples #hkstore #hkonlineshop #hklover

【 港版《大叔的愛》預告片出爐 】 _ 改編日劇《大叔的愛》（おっさんずラブ）的香港史上首套同名BL連續劇，於4月底煞科，並將於6月28日在ViuTV首播。第一條預告片於周六（12/6）晚在ViuTV播出。港版全長15集，較原版7集多出一倍，身兼監製和編審的盧思麟（Tommy）解釋，當初看原版的時候，覺得部份情節有很多發揮空間。「有啲角色，佢哋嘅故事線，我睇原裝版本嘅時候，我係覺得有啲唔夠喉，所以就同ViuTV講：香港版我想拍得長啲。」 _ 今時今日，能夠拍的劇集題材何其多，何解一定要購買版權，將原本在朝日電視台（tv asahi）播出、由德尾浩司編劇的《大叔的愛》變成港版？Tommy直言基於一個原因 ── 想拍開心嘢！「跟題材上係唔係BL冇直接關係，因為我本身拍好多開心嘅綜藝節目，令觀眾睇得開心係我嘅出發點。當初我係睇咗《大叔的愛》之後，同魯生（魯庭暉）、Edward（ViuTV負責買片）傾開，話想做一啲類似嘅嘢，佢哋話其實可以傾版權㗎喎，然後就開始呢個Project。」Tommy指劇本創作和角色設定上，日本那邊提供不少支援。「佢哋嘅Support好足嘅，譬如當我哋寫咗啲大綱之後，或者分場呢，畀咗日本佢哋睇，佢哋建議有啲角色可以咁處理，我哋能夠參考一下。」 _ 版權到手，再完成劇本，只是開始，往後要籌備的工作可多了，單單是故事創作已經過多番修訂。「因為原裝版本太成功，比較一定會有，所以我哋放咗好多時間喺創作上，開拍之前已經寫咗四、五稿（版本）。」開拍前，所有演員已收到15集劇本，又為他們安排圍讀，「我哋會同佢哋開會傾，傾完之後去到現場再Jam（即興創作），喺前期準備上，我哋已經盡咗力。至於有網民擔心話，會唔會將呢套劇拍爛，我又唔係好擔心，始終今次演員同幕後，都好Into（投入）呢件事。」 _ 雖說是同樣的故事題材、同樣的人物角色、同樣的情節和場景（地產公司），但《大叔的愛》的日本版只有7集，變成香港版後卻增加至15集，Tommy解釋，為劇本加料是看中原版有些情節未有完全發揮，「原裝版係Focus大叔、春田田同阿牧三個角色，但其他線，即係大叔老婆（慧珠），或者係青梅竹馬嘅方梓芊，我覺得原裝版有啲唔夠喉嘅，當決定要拍香港版嗰陣，我就同ViuTV講想變長啲，所以之後你睇到嘅香港版，呢啲角色，佢哋嗰條線好豐富㗎，感情線加強咗，亦有啲笑料。 _ Tommy續指，日本版的致勝之道，是劇本好和演員落力，但來到香港，就有必要加強本土元素。「原裝版嘅演員，係因為做到嗰啲浮誇表情，或者係靠個人演技令到件事好笑，但今次香港嘅編劇團隊都想加番一啲特登貼地嘅笑料，觀眾睇完係會有親切感同識得笑。」選角上當然也得花心思，Tommy直言，今次有份參演《大叔的愛》的陣容都經過細心考慮，而且以效果為先，就以飾演大叔翟國強（KK）的黃德斌為例，他們希望這個名字能夠令觀眾期待。 _ 「我諗觀眾睇開嘅德斌，都係一啲硬橋硬馬嘅角色，所以同佢傾嘅時候，我係想將嗰種反差放大，我哋要思考點樣可以將佢嘅柔情一面帶出嚟？」至於飾演方梓芊的Asha Cuthbert，本身是混血兒，胞兄方梓平竟然是「阿卵」楊偉倫飾演，完全「九唔搭八」咁都得！「搵Asha去演，都係用一種「效果向」嘅態度去諗，我想嗰件事就係出到來啲觀眾會有啲估唔到，點解會有啲咁嘅配搭呢？基本上，阿卵、Asha加埋娟姐（練美娟）三個人一企出嚟，自自然然會覺得有種喜感，呢個就係點解會揀佢哋。阿卵同去做情侶，你都會幻想到唔係正經嘅愛啦？呢啲就係比日本版加強咗嘅細節。」 _ 今次開劇最令網民驚喜的，是邀得久未露面的簡慕華（Rachel）專誠由加拿大返港拍劇，Tommy指原來跟黃德斌有關。「我哋覺得Rachel同黃德斌真係一行出嚟就好襯，所以傾完德斌（合作），就決定搵佢，都係問人先知道原來Rachel喺加拿大，問朋友拎完Contact後直接同佢傾，話係有個咁嘅角色，有一個咁嘅劇，原來Rachel睇過日本版，聽到係德斌做大叔，佢就立即應承返嚟香港，嗰陣時仲話返來香港係隔離14日，點知之後話要隔離21日，佢都好配合，好多謝佢。」 _ 至於兩位年輕的男主角，飾演港版「春田田」田一雄的呂爵安（Edan），以及港版「阿牧」凌少牧的盧瀚霆（Anson Lo），雖然他倆的拍劇經驗不多，但Tommy力讚二人演出水準遠超預期。「阿田呢個角色好需要喜感，Edan係完全做到，佢有種親和力，當佢做完一啲表情或者一啲動作，你會覺得呢個男仔好得意，我相信播出街的時候，觀眾都會喜愛佢。」 _ 阿牧深愛阿田，但二人發展得不算順利，故性格設定上較多愁善感，Tommy指這一點跟Anson Lo的真實性格頗為相似，所以他每次埋位都能夠很快進入情緒，「譬如有幾場戲，我要拍佢醞釀情緒呢，佢真係喺現場喊出嚟，你睇住啲眼淚係咁滴，所以我覺得佢哋兩個好犀利囉，雖然拍劇的經驗不是太豐富，但係今次佢哋兩個都拿揑得好好。」 _ （13062021） _ #游大東影視筆記 #游大東 #大叔的愛 #呂爵安 #盧瀚霆 #港劇 #viutv #lgbt @edanlui_fansclub @ahfa0908 @ansonlohontingfansclub #yautaitung #13062021 #簡慕華 #邱士縉 #黃德斌 @daisukslove