【龔成問答信箱】（Q21041-Q21060）

Q21041：

老師，比亞迪電子
由幾個月38.8買入到而家冇放到
近期回到接近我買既價
我想知我應吾應該繼續持有

由60見到佢跌到而家
個心好累

係咪我太貪心以為佢會繼續升
定係e個就係價值投資要經歷既過程？

龔成老師：

其實買股票，是好正常的，我隻1211，10年前，都由$10上到$88，跌翻去$12，之後先慢慢上，睇住自己身家幾百萬上落（當時我仍打緊工，$1萬人工）

成功投資者，就要有好強的心理質素！

我是睇「長遠企業價值」，而你就睇「短期股價」，所以你要學懂唔睇短期股價。

285有潛力，你可長線，但如果你心理壓力太大，不如轉其他股價無咁波動的股。你預左買潛力股，一定會這樣的。

------------------------------------------------

Q21042：

龔sir,另外想問下你對2380的睇法，這股票有8厘息，但上年除淨後股價跌到1.4，應該繼續持有收息還是先賺錢呢？

龔成老師︰

中國電力（2380）有質素的，可以長線投資。但要留意，中國的電力市場與香港的不同，香港的，有利潤「保障」協議，助電力公司賺穩定的利潤，但中國的，電力價格由國家主導，電力公司處被動位。

受燃料成本，以及國家主導的因素影響，中國電力過往的收入略有波動，而盈利亦有不穩影響。國家會給電力公司「合理」的利潤，但不會過多。

你用佢收息係可以，但要留意佢股息率雖然高，但都會有一定波動性，故不宜持有過多。

------------------------------------------------

Q21043：

龔sir你好，留意左你專頁一段時間，亦開始讀你的著作，十分同意你的投資理念，作為投資新手唔想行咁多冤枉路，所以果斷報了你堂。

我現在28歲目標係若干年後，靠收息+工作每月有十萬蚊收入，唔知會唔會太大想頭呢？

另外我想請教你點睇用桿槓買REITs呢？我見坊間有導師會教學生襯現在低息環境，借槓桿買REITs買債等相對穩定和低風險的投資產品，回報可達10厘以上，唔知你又點睇呢？

謝謝你的回覆，期待上堂親眼目睹龔sir的廬山真面目

龔成老師︰

借錢槓杆這個方法，賺錢時候你會加倍，但損失架時候同樣會被放大。風險唔細，唔建議你用。

除非出現「明顯的投資機會」，才考慮利用借貸投資，否則，有機會出現賺息蝕價的情況，小心。

我地投資一般期望合理回報係每年10-15%，如果想做到收息+工作收入加起每月有10萬現金流（我先假設你每月收入有5萬來自工作 + 5萬來自股息）。以股息率5%計，你需要本金1200萬。

你可以用上面架計法，大約推算要達至這個目標，所需要架總資金和時間。

上堂見!!!

------------------------------------------------

Q21044：

Hi 龔Sir，有事想請你比意見

現在同另一半租屋12500，住東九龍
男友是公務員，可申請綠表資格
想買返東九龍嘅居屋自住

二人每月收入共$60000
之前有睇過私樓，但因為我從事美容行業，近年疫情影響，銀行對美容行業按揭比較嚴謹，
所以我哋都偏向買二手居屋有政府擔保
近日睇咗鑽石山
以下都系13,14年樓齡，同一條街，
步行3分鐘到，港鐵站需要搭多一程小巴，或步行15分鐘

1，嘉峰臺 私人參建居屋屋苑
422尺實用，兩房 叫538萬
需月供 $23000左右
間隔不能大改動，感覺不太實用

2，瓊軒苑 單幢居屋
398尺實用，一房 叫438萬
間隔實用四正
需月供$18500左右

基本開支每月二人合共$28000
包括保儉，水電煤雜費，卡數，交通，食飯，電話費，寬頻

我地手持大約流動資金有$65萬
股票有$30萬
所以會做95%按揭，25年供款

想睇下老師比d意見
會揀選屋苑定單幢

龔成老師︰

以你地的情況，買居屋的確是較好選擇。

2間物業位置好近，交通、生活配套、地區發展、落成年份、尺寸等條件都好相近。

屋苑的價值，雖然比單幢樓高，但見兩者呎價都有更段差距，因此要思考值唔值得。

嘉峰臺相對貴成100萬，除非有其他原因（例如預將來會有小朋友，要留定多間房），否則應該瓊軒苑較好。

因為大家質素相若，但瓊軒苑可令你節省近100萬，用作投資增值，長線會對你較有利。

------------------------------------------------

Q21045：

你好， 有問題想請教。
有一層自住樓，幾十年前買斷了。
我地一家三口 為照顧老人家搬咗返去同住。
我係一個從來無買過股票的年輕師奶，要照顧自己的小朋友 和照顧自己個妹的小朋友

也辭去護士的工作 做緊全職媽媽。
靠老公一份人工 生活普普通通。

可惜，自住樓日益老化，維修事項漸多，已投放幾十萬裝修，小朋友也漸漸大個，兩房樓也漸漸唔夠住

在這裡認識了你的專頁，想問問：

1. 想賣左層樓套現，利用套現的錢來增值財富。是否太進取？

2. 我為人穩陣，十分不喜歡炒炒賣賣，如何在這範疇中能平平穩穩地賺取回報，讓老人晚年生活得更舒適？

3.我喜歡文字，不怕閱讀大量資料，想認真地認識自己在進行什麼投資，不是人云亦云地買一兩個什麼號碼，有付出才有收穫 嘛！

4. 前路有點模糊， 請指點下。

註： 自住樓大約值 600萬
手拎零股票
有買 金粒的習慣 大約10萬值
買了兩份儲蓄保險單 給女兒 和年老的家父

龔成老師︰

1）唔建議賣樓。自住樓不應賣出。你換樓可以，但賣出自住樓就不建議。

其實，以你現時奬況，但長線計，你都要增值一筆錢，為換樓作準備。你可以用月供優質股，去做增值。

2） 投資股票，其實係希望買入一些優質企業，透過佢自然增長，達至財富增值目的。絕對唔係"短炒"，只你要選對股票，並長線持有，就會有唔錯架財富增值效果。

你要做架事，就係先睇下每個月扣除開支後，有無多餘錢可儲。無就要睇翻有無支出可以删減，重點係每月要空出一筆資金用來增值。

你可以投資"平穏增長股" 和 "潛力股"。你先用每月5成儲蓄做月供，其餘先儲起，用一邊月供一邊儲蓄的策略。

選股上，你可以投資在平穏增長股︰盈富（2800）、金沙（1928）、恆基（0012）、平安（2318）、中銀（2388）、港鐵（0066）、煤氣（0003）、長建（1038）、粵海（0270）、領展（0823）。

增長力較強的，可選安碩恒生科技（3067）、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、福壽園（1448）。但佢地波動性和風險會較高，你要自己平衡。

餘下的另一半現金，我地就等機會，當大市出現較大回調，就加大力度掃貨，然後作長線投資。

但由於你家庭靠老公一份收入，開始投資前，必需儲起一半約為半年開支的應急錢，咁會較穏當。

3） 你這想法正確，我地唔好對企業毫無認知之下，做投資決定。你可以先睇我寫架"80後百萬富翁"、"財務自由行"和"股票勝經"，會適合你這類的初學者。

4）你現時每增加知識，並利用股票去進行財富增值，最簡單的方法是月供盈富。另外，如有需要就考慮換樓，但要視乎你地的資金、需要等。

至於金粒，都可以儲。但黃金主要係用來對沖突如其來架風險，所以唔洗多，佔總資產3%左右好了。

而"保險"只係理財中防守部份，只要買足夠保障就可以，增值可以留比優質資產（如優質股、物業等）去做，咁會較有效率。

------------------------------------------------

Q21046：

老師，我看到你的相“你是宇宙最大的奇蹟”
我都有留意 “吸引力”

入左一間公司做半年多， 同team兩個一開始共事既好同事都都走

一個辭職，另一個比人調組（調左一陣都辭職）

之後新來兩個同事 合作得暫時都一般，加野比我做
前日我又沖口而出話自己未必handle到咗多野，跟住佢地對的工作開始質疑，背後對我有微言

係咪我吸引左d負面野比自己
好擔心連份工都無埋
另外，前排可以左投資

買一手藍月亮，一手中國生物製藥

龔成老師：

吸引力法則是一個大方向，而在現實中，有好多變數的。

我地最重要就是自己有正面思維，往往會有好的事情發生，不過，現時仍是有野不是我地控制，你都要明白這點。

由於與你較友好的同事走左，所以你產生左一些負面想法，強加在新同事裡，不如你試下改變對新本同事的睇法，改善大家關係，否則會出現惡性循環。

至於你持有的兩股，有質素的，不用太擔心短期股價波動，持有一手無問題的。

------------------------------------------------

Q21047：

龔sir，你好，我都有啲概念野唔太明，股票係買賣，買/賣要有人接貨先叫成交，照計買賣既金額應該係一樣，咁點解D沽空既金額唔係成交既一半既？

龔成老師：

因為沽空不是正常的「賣出」，是一些無貨的人通過證券行借貨，先賣後買，因此要特別申報的。

------------------------------------------------

Q21048：

老師 我真係好迷茫 唔知應該點行 希望你能夠以過來人身份指點一下我

我27歲 無大學學位 只係普通DSE畢業
依家有份工作 admin 19k 返10:30 放6:30 無晉升機會 但好安穩 基本上都一定唔會踢我走 但19K已經係頂盡唔會再加

最近收到一個HSBC既teller offer , 人工少左, 15-16K左右, 我應唔應該轉去做teller? teller既晉升機會大唔大呢..唔係好清楚佢career path係點

希望你能夠解答一下我既難題

龔成老師：

其實好簡單，你從長遠角度去想就得。

你比較一下，5年後，10年後，這兩份工對你有那些分別。

從長遠角度去想，到時的收入、事業、生活、發展等因素，那個較好，那個較近你的長期目標。

你原有職業，突破唔高，除非你懂得善用餘下時間及利用資金投資有理想回報，否則發展唔高。至於銀行，teller的發展唔算高，不過，算是好過你原有職業，因為有機會再轉其他職位，以及有機會令你將來更有動力轉工，慢慢上。從突破角度，轉工會好少少。

你最重要問翻自己，長遠想點？有這個答案，就知選那份工。

------------------------------------------------

Q21049：

成哥，請問我買1177一手

1）甘我比一手價錢，啲錢係比1177間公司定比左邊個？

2）當我用1000投資，買左這股，升到1300蚊我放左，甘賺果300蚊係1177間公司比我定邊個比我?

我想了解運作，謝謝你

龔成老師：

1）交易所是一個二手市場，你是幫「另一個股東」買的。

你平時見到的股價上落及成交，就是每天不斷在買買賣賣，即是貨由投資者A轉給投資者B，不斷轉來轉去。

2）你可以當現時，你比$1000，在二手市場買了一部手機，然後過了一段時間，以$1300賣這手機賣給了另一位買家。

------------------------------------------------

Q21050：

老師，我知道你不建議借父母錢買樓。
不過我男朋友屋企人預備左1百萬(現時做緊定期)俾佢，係預備俾佢大約3-5年左右買樓付首期。

男朋友既父母話唔係好識投資，所以放左係定期。
雖然我覺得自己唔係太應該俾建議佢父母，但我都想問老師

1. 100萬應該拎出部分作投資嗎？

2. 應該拎多少作投資？

3. 應該投資係咩方面？係應該以佢哋既年齡而投資收息股嗎？謝謝。

龔成老師：

如果這筆錢會在中短期，例如1、2年內買樓，咁就最好持有現金，不要投資，因為投資始終有上落，無人知你買樓時的投資市況，萬一股市下跌，就會到時唔知賣唔賣股票去買樓好。

如果在3年後先買樓，就可以動用這筆資金，最好是投資「收息股」+「平穩增長股」，唔建議面對太多風險，同時，投資金額最好在$20萬-$50萬，不要太多。

------------------------------------------------

Q21051：

Sir，我Q19941見你早前的問答，我好想分享，我前後睇樓差唔多一年了，由6百幾萬睇到7百幾萬，又因為已經橫跨成年，可負擔的樓價已經就快可以去到8百萬

我由尖旺單幢20年左右的舊樓2房，睇到半新樓1房，再睇到黃埔細兩房，再愈睇愈貴睇到黃埔靚景中型兩房，已經去到8百幾萬

如果買去買800萬的樓，我就要用盡晒我啲錢同埋要賣晒啲股票，要賣晒股票，我會好唔捨得

後來我有一日本身已經睇左大半日樓，見仲未算好晏，就walk in去睇一個九龍上車屋苑，佢無我之前睇既樓咁近地鐵，但其實都叫walking distance

搭小巴去亦都好快，平均成交價講緊3百幾呎細兩房係6百尾至7百頭，頓時覺得好平，而且比起我之前睇既黃埔新好多好多

同埋一直以為呢個屋苑唔係咁好，但睇完實物又似乎都係一個唔錯的選擇

所以我會建議Q19941的讀者在考慮800萬dream house時，都去睇下啲細價樓，睇下自己感覺如何

就好似我咁，我睇完呢個上車屋苑後，感覺好ok，樓價低啲，唔需要套現晒我啲股票，供得輕鬆啲，可以繼續月供咁上下的股票，成個資產分配又唔會側重晒在住宅物業上面

最後我都想講下我近月的感受，我發現有啲同樣想買樓的朋友，與一年前的自己好似，就係好中意網上睇樓，而好少落場睇實物

親身睇樓真係好重要，而且唔係要買樓前至去睇，而係日後都會想買樓時，已經要早啲去睇下樓，到真係急住要買樓住時，至可以好快決定到。

龔成老師：

多謝你的意見，我都會同佢講聲。

這是一個好好的分享。

而你所講的「睇實物」，這點好認同，我相信網上只是輔助，並不能變成主力，我地一定要親手睇樓先得。

都恭喜你，你找到了你的目標物業！

------------------------------------------------

Q21052：

sir，1337雷蛇點解你睇好佢潛力？

龔成老師：

雷蛇（1337）有潛力的原因，主要係佢發展緊的業務，都是潛力類，加上見佢財務數據等資料，應該過了最差時機，因此可能有轉機。

當然，佢本質好波動，盈利不足，所有的市值，都只是基於「將來預期」去產生，這個預期可以變得好快，因為大家都只是「估」。

同時，電競行業的真正營運模式，賺錢能力如何，充滿了未知數，一個遊戲可以好受歡迎，亦可以好快無人玩。

另外，佢近年都有發展一些新興業務，潛力度有的，但仍左有不確定性。

因此，這股有前景，但有風險，無人知真正的價值。而佢另一些業務較是較新興，同樣有危有機類，所以，佢有可能有潛力，但風險方面就要注意。

------------------------------------------------

Q21053：

龔sir 你好
本人35歲
現時持有以下股票，請問組合ok 嗎？

0005 - 2手 平均買入價$42
0017 - 1 手 買入價$41
1177 - 2手平均買入價$7.9
0175 - 2手平均買入價$30

0017 買入後一直下跌，但個人認為企業有質素，但增長確實太慢，甚至不停下跌，很有衝動賣出，應如何是好？希望收到你的回覆，謝謝

龔成老師︰

就算再優質企業，中短期股價都會有機會波動。原因不一定是本質出問題，可以係一些與其本質無關的因素。只要長線質素無變，中短期波動我地唔需要理會，長線持有就可以。

中生（1177）和吉利（0175）都係適合你，可持有。

新世界發展（0017）不錯的，本身有一定的規模，業務廣泛，從事物業投資及發展、合約工程、服務提供、經營基建項目、電訊服務、百貨、酒店及餐廳、電訊、媒體、科技等業務。

但這類綜合企業，一般的增長力都不會太強，佢近年的生意亦只是平穩，你可以持有這股，但不要預佢有好大的增長力。因此不建議持有太過多。你暫時可持有，但不要心急加注。

匯控（0005）增長力一般，主要係收息，以你年紀，不宜持有太多。

------------------------------------------------

Q21054：

成sir 1883和3988各有一手，係當年招股時買一直到而家。你見議應該點看待依兩隻股？

可長持嗎還是平手時放左佢好嗎？

龔成老師：

中信國際電訊（1883）業務穩定，整體質素算是不差，過往股價的波動亦不大。佢近年的生意都保持穩定，盈利亦是一樣，相信市場結構令佢處於一個穩定賺錢的狀態，不過，增長力就不強。

盈利就穩定並平穩增長，但始終生意無上升，點都會有扣分的地方。

相信佢能平穩發展，收息可以，但就不要對股價有太大期望。

中行（3988）由於內地經濟無過往年代咁強，股價無過往咁好，由中美貿易戰開始，中國的經濟動力已有所減少，加上最近的疫情，都是影響經濟的因素。不過，初步已好轉，但不是高增長型。

現價合理區中間，這股收息可以，但就唔好對股價有太大期望。

所以，持有與否，要睇你本身投資目標，如果你想收息，就持有。想增值，就賣出。

------------------------------------------------

Q21055：

你好龔sir, 想問下，近期地產/物業企業既物業重估都系向下，是否可以代表香港物業其實系處於跌價方向，但似乎住宅物業冇乜跌價跡象。其實當中有冇關係呢？

龔成老師：

第一，這些物業重估只是一個「估」的數字，更只是一個會計上的因素，對企業無實際現金流的影響。

第二，我地分析時，會著重長期分析，唔需要太理會中短期情況。

所以當我地分析時，重業重估會影響盈利，但只是會計上，因此唔會太過著重的。

而佢地係重估時，不單考慮這刻的住宅樓價，仲要考慮租金，不同類的物業，以及將來發展情況等。

------------------------------------------------

Q21056：

你好老師，我係澳門人，早兩日去珠海金灣睇樓, 嗰度係 珠海新區 發展勢頭好勁但係依家 就係地盤多, 好多嘢都話會起好 將來點點點!

但係 現時比較荒蕪 但係都賣到兩萬五一方 不過有好多大品牌嘅地產商喺度都 喺度開盤 依家 15 16 唔知 買唔買好

因為我覺得個價錢都幾貴, 我覺得佢有啲潛力, 因為見佢之前啲新城區都 搞得幾好!

老師！中鐵建有投資價值嗎？
現價如何

龔成老師：

你最重要睇翻長遠的配置，該地區的交通及價值，以及，本身是否近商業地區。

如果有潛力，就時貴少少都是值得（當然不能過份地貴），建議你進一步分析該區的長遠城市規劃，以及發展等。

中國鐵建（1186）質素算是中等，不算好強，但都不差。

如果有分析佢多年的業績，會見到佢生意其實都幾穩定，但就無增長力，至於股本回報率處合理水平。但這股最大的問題，就是負債太多，雖然佢現金流好穩定，但太多負債始終會扣分。

而這一點，亦令佢企業價值不會太高的原因。而現價處於合理水平，但發展力不算強。

------------------------------------------------

Q21057：

想問下龔Sir對於
686 北京能源國際
668 東銀國際控股
1628 禹洲集團
3883 中國奧園

哩幾間公司嘅潛力，未來趨勢，現時股價值得持有嗎？

留意到近兩月內地房地產成交量急升，80，90後成家置業，可以從呢個方向同埋業績搵現價較平潛力股嗎？

龔成老師：

北京能源國際（0686）風險高。東銀國際控股（0668）賺錢能力唔強。

禹洲集團（1628）主要於中國廈門、上海、福州及合肥從事物業開發、物業投資、物業管理以及酒店業務。

佢係新加坡、香港、上海、合肥、福州、廈門等地均設有分支機搆。

整體質素都有，但未算好強，佢在行業中，未算有好大的規模與優勢，另外，負債較高都對這股造成風險。加上業務有點波動，這股唔建議投資太多。

現價合理，如果控制注碼都可考慮這股，長線投資價值都有，但未去到最高質類別。

中國奧園（3883）主要於中國從事物業發展及物業投資業務，近年增長快速，這是受中國樓市保持向好的情況帶動，加上佢利用大量負債運作，當好景時，佢就會好好賺。

但佢的負債有點多，有危有機，好景時好好賺，但逆景時，就幾大件事。

所以，這類股不是無前景，但風險較高，唔算好建議大注。

至於你從地房地產成交量急升，80，90後成家置業這方向，只能參考下，因為短期成交不一定反映真正的市況情況，而內地往往受政策等因素影響。年輕人成家這是需求，其實一直都有，你要確定是近期短期多左，還是長期核心需求的反映，我暫時未能確定一定是長期需求湧現。

------------------------------------------------

Q21058：

龔老師，我大陸有層樓
值439萬hkd

純粹問下

如果你攞左依439萬hkd
你會做d咩投資
如果做果個投資風險大唔大

龔成老師：

要睇翻你的年齡與風險程度，你可以考慮股票、基金、債券、銀行產品、車位等。

這是一個財富配置的過程，因此無話風險一定大，要視乎你怎樣配置。

就算股票，都有收息股、平穩增長股、潛力股等。

要睇你現時的配置，及將來的配置。

------------------------------------------------

Q21059：

老師，若我希望收息，哪些股票較合適？331豐盛服務可以嗎？659 新創建可以嗎？

龔成老師：

豐盛服務集團（0331）主要係於香港、中國內地及澳門，從事機電工程服務、建築材料買賣、環保產品貿易及提供相關工程諮詢，亦於香港從事清潔及廢物處置管理服務、回收及環保處置服務以及洗衣服務。

過往生意都有穩定的增長，而盈利都是，但企業的規模較細，因此風險較大，同時規模效益不高。但以佢現時的估值計算，價格是在合理區。

你可以投資這股，分注買入就得，長線持有，但就不建議投資得太多，始終這企業有點風險。

新創建集團（0659）都有質素的，佢係是新世界發展（0017）的基建及服務旗艦，業務遍及中國內地、香港、澳門。

新創建係一間綜合企業，可分為7大業務：道路、環境、物流、航空、設施管理、建築及交通、策略性投資。當中可分為兩大類，即是基建及服務

整體的質素，算是不差，但又未到最高級別，業務分散於多個範疇，部分與公共事業有關，過往的生意雖然穩定上升，但盈利卻停滯不前。

企業本身不是沒有優勢，長遠仍有增長能力，但由於賺錢能力略有下降，加上企業本身已很龐大，增長期望不會太多，過往過價大致穩定，投資宜集中在股息多於股價回報。

另外，近期的肺炎對佢有一定的影響，相信中短期仍弱，不過長期來說。仍是有投資價值。

現價合理，分注投資可以，但這股不建議太大注。同時要耐心等好轉，明白佢增長力不強。

------------------------------------------------

Q21060：

龔生你好，本人37歲，月入5萬左右，有一份穩定既收入，同先生財政獨立。現時自住樓先生名下，沒有很大固定開支，現家有大約80萬現金，十萬左右蟹貨股票。

平時無做其他投資，扣除生活開支後，每月大約可以儲2萬蚊。如果想投資，有咩選擇？

另外，如果想買樓投資，應該買咩價位既單位，同埋有無話咩地區比較好。

主要想10年內可以買2層細單位，想留比小朋友
謝謝你給予意見

龔成老師：

我地在財富配置上，最好是建立一個「平衡的組合」，如果太集中買樓，其實會出現集中風險。

當然，你不是不能這樣做，但就明白當中在風險，同時不是最好的配置模式。較好的做法是「股樓平衡」。

你可以先利用現時的$80萬，其中$40萬投資股票，再加上每月用$15000月供或分注買入股票。利用股票去進行財富增值，之後到適當時機先買入（這一步不用急）。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股小注好了。

平穩增長股：潛力股
8：2（如果你投資實力較強，可增加潛力股比例）

平穩增長股：考慮盈富（2800）。

另外再加：銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

潛力股：安碩恆生科技ETF（3067）

另外再加：阿里（9988）、騰訊（0700）、港交所（0388）、舜宇光學（2382）、小米（1810）、ＧＸ中國電車基金（2845）、中生製藥（1177），但就要明白波動性比上述會高左，同時風險大左，你要自己平衡。部分要等回少少先入。

現時大市波動，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

也該是成長到了學會懂得應付黃腔的時候了🤣
謝謝沛學 聯合報報導

感謝 噓！星聞 記者 杜沛學 報導
蘇晏霈在「我」劇中是個「肉食女」，跟媽媽討論與男友「害羞的事」，還對張書偉發出呻吟聲，她笑說，看到播出都驚訝自己：「怎麼那麼敢演啊？」現場都很容易「被導演（鄧安寧）控制」，鄧安寧都會虧她：「上了賊船吧！」但經過這次經驗，她覺得下次再演喜劇更能得心應手。—［全文請點連結］

公視粉絲團 | 蘇晏霈

💜首播時間：每週六晚間9點公視13頻道
其他時間：
🧡公視重播：隔週六中午12：30
🧡公視+（公視網路平台）：每週六晚間11點
🧡愛奇藝台灣站：每週六晚間11點
🧡MOD(含HamiVideo)：週日中午12點
🧡myVideo：週日中午12點
🧡LINE TV：週日晚間8點
🧡遠傳friDay影音：週日晚間8點

#我的婆婆怎麼那麼可愛
#製作人陳慧玲
#導演鄧安寧
#編劇溫怡惠
#追劇 #台劇

那套乜…宗師出了劇照，但我仍未忘記去年睇棟乜特工的憤怒。
—————
【我是凡人，我不明白子華神】
回想，我的確好嬲自己晨咁早買飛睇《棟篤特工》。
由開波到散場，我都周身唔聚財。我不介意自己半滴都笑唔出（但場內其他人又笑得出），我真正介意的是黃子華——已由人變成神的子華神，究竟想點？
看在眼裡，只見到一個唔知想點的神，在大量凡人串星拱照下，做出一連串不明所以的舉動——介乎嚴肅與搞笑之間，或許，他可能想在這個他眼中毫不和平的世界普渡眾生。
我曾經明白《沙甸魚殺人事件》的沙甸魚。
沙甸魚，一個生活在90年代初香港、毫無安全感的人。他打一份超級市場的工，有冇前途唔緊要，最重要的是他可以因利成便，將超市賣唔出的罐頭收集起來，囤積在家——這些各自擁有著一個使用期限的罐頭，比起生勾勾的人，給予沙甸魚更大安全感。罐頭有冇變壞？一睇日期就知；人心有冇變壞？從外表睇唔出——例如沙甸魚知道一個同事在背後唱衰自己，但他生日那天，同事又會唱生日歌祝自己生日快樂……沙甸魚搲晒頭。
我曾經明白《亞李爸爸．兩個大盜》的爸爸。
爸爸，一個生活在回歸後的古惑仔，但冇人講得出他在江湖究竟有甚麼戰績，只知他是個無業遊民，做任何事都只得三分鐘熱度。咁廢的古惑仔，竟然都有一條𡃁，但呢條𡃁比起大佬生性十萬倍，至少知道人生在世，是要腳踏實地搵食的，而跟住爸爸呢個大佬，根本搵唔到食……（不知自己）廢到核爆的爸爸，遇上（明知自己）廢到核爆的亞李，兩個同是天涯廢爆人，決定打劫。當兩個廢人決意為自己做番單嘢時，卻發現生命比起他們的打劫行動，更光怪陸離。
我也明白《男歌女唱》的黃勁。黃勁，一個普通辦工室的普通職員，不普通的地方是：超級極度熱愛唱K，晏晝要唱Noon K，夜晚要唱通頂K，甚至連返工都唱K——這麼一個熱愛唱K（但唱功超級麻麻）的廢人，你根本不會從他身上學到甚麼，但偏偏就是這一個對生活毫不認真（而只會認真唱K）的人，啟發了朱维德，一個被花心男友狠評為「五等人」的平凡人——等食，等屙，等瞓，等老，等死，而且冇人緣，冇朋友，冇希望。真正擁有唱功但在過去人生中一直被忽視的朱維德，在黃勁鼓勵下，終於為自己渺小人生唱了一闕動聽的歌（補充：《男歌女唱》絕對是梅姐備受忽視的好戲）。
我最明白的是的幫幫。
幫幫，因為童年時一宗交通意外，他只能活在屯門，出不了市區……這麼一個只識發夢的廢人，偶然下結識了一班同樣有著缺憾的人，組成一蚊雞保鑣同撈同煲，共同創造了一個（儘管卑微的）奇蹟。
以上每一齣黃子華電影的票房都是災難，但每一齣裡頭的黃子華，都在分演著一些儘管荒誕但絕對真實的人，真實在跟你同樣面對著殘酷、不和平世界諸種難題的平凡失意人。我不是不能接受黃子華終於成為男神了——作為Fans，我也真心希望他能夠擺脫失敗者的枷鎖，但當這麼一齣《棟篤特工》竟然為他換來千萬票房的金漆招牌，我只看到一種諷刺，又或聽了一個毫不好笑兼替表演者尷尬的笑話。
而更嬲的是我竟然買了《棟篤特工》blu-ray，迫自己睇多一次，似要迫自己承認當日散場後的憤怒純屬誤會；我也嬲自己因為太憎《棟篤特工》，而放棄睇黃子華最後一次棟篤笑……
Mr. Chan口中的「世界和平」所指的究竟是甚麼狀況？會否只是「和諧」的另一種表述方式？而戲中那場由後生仔引起的亂局，又是否對近幾年不和諧現實的一場隱喻？

​完整影片播放在 @衛視中文台
影片連結
上集
https://www.youtube.com/watch?v=_2m2ei8U3AA
下集
https://www.youtube.com/watch?v=tlCxk4O3ykE

@陳零九 NINE CHEN
@黃偉晉Wayne Huang
@Feng Ze邱鋒澤
@歡迎來到Wa仔頻道
@婁峻碩SHOU
@官方頻道小賴
​
#carry吧玩家們 #五堅情 #胡小禎

《來不及對你說》https://reurl.cc/5q3yKM
《開箱閨蜜》https://reurl.cc/WdAke5
《比熊的Vlog》https://reurl.cc/Y149MO
《Youtuber的一天》https://reurl.cc/9E6GoX

---------------------------【比熊社群資訊】---------------------------
Instagram：https://www.instagram.com/bibear322/
Facebook：https://www.facebook.com/bibear322/
TIKTOK：http://bit.ly/2M9VFLn
Weibo：https://ppt.cc/fAtiSx
Twitter.：https://twitter.com/JwsMaxO8ooKisNV
---------------------------【工作邀約請洽】---------------------------
✉️：Bibear322@Gmail.com
Line：0975023903(Andy）
-----------------------------------------------------------------------------------

#法國女子 #ValérieBacot #長期虐待 #當庭獲釋
法國法院在6月25日當庭釋放殺夫的40多歲婦女巴寇（Valerie Bacot），她長期遭到繼父兼丈夫的波萊特（Daniel Polette）性侵和毆打多年，忍無可忍的她最終開槍擊斃波萊特。2017年巴寇以殺人罪被捕，審判中她在法庭痛訴遭丈夫虐待的悲慘歲月，精神科醫師認為，當時巴寇求助警方及訴諸法律都無效，除了讓波萊特消失別無他法，最終法官判刑四年緩刑三年，加上之前已羈押一年，於是巴寇當庭獲釋。

#被迫賣淫 #悲慘童年 #法國社會問題
巴寇出版自傳《舉世皆知（TOUT LE MONDE SAVAIT ）》，一開賣就登上暢銷書排行榜。她在書中憶述，12歲時遭當時是母親男友的波萊特性侵，導致17歲時就懷上波萊特的孩子，幾年後，還被迫在波萊特的車上賣淫，直到波萊特意圖染指自己14歲女兒，讓她下定決心殺掉丈夫。

#法國社會問題 #家暴 #政府失能
巴寇的親人曾兩度向警方求助，但警方未受理。這宗人倫悲劇突顯法國的家暴問題，及司法警政體系的失能。在法國，被現任或前任伴侶施暴的比例，為西歐國家中最高，巴寇被釋放後說道：「為所有的婦女對抗所有施暴者，新的戰役才要開始」。
-
詳細新聞內容請見【公視新聞網】 https://news.pts.org.tw/article/

-
由台灣公共電視新聞部製播，提供每日正確、即時的新聞內容及多元觀點。

■ 按讚【公視新聞網FB】https://www.facebook.com/pnnpts
■ 訂閱【公視新聞網IG】https://www.instagram.com/pts.news/
■ 追蹤【公視新聞網TG】https://t.me/PTS_TW_NEWS

#公視新聞 #即時新聞
-
看更多：
■【P sharp新聞實驗室】全媒體新聞實驗，提供新一代的新聞資訊服務。 （https://newslab.pts.org.tw）
■【PNN公視新聞議題中心】聚焦台灣土地環境、勞工司法、族群及平權等重要議題。 （https://pnn.pts.org.tw）

堅持不負責任，拒聽酸民聲音！
關注每週趨勢脈動，深度參與個人意見！
絕對失控報導😂
浮誇！
荒誕！ ！
不間斷！！
【 Ruby盧世界 】

想看更多的Ruby，歡迎加入頻道會員！
解鎖【上帝的黑名單】會員專屬案件：
https://www.youtube.com/channel/UC1AZWfxKem018XQLZk__fEA/join

【Ruby基本資料】
姓名：盧春如
學歷：英屬哥倫比亞科技學院電視媒體傳播系、美國鳳凰城大學犯罪法律學系、飛碟電台DJ、主持


【創意油管FB】
https://www.facebook.com/ideastubemedia/
【創意油管IG】
https://www.instagram.com/ideastubetv/
【Ruby粉絲專頁】
https://www.facebook.com/loverubylu/

#週報
#不負責任報導
#娛樂新聞