《牌品唔好　即係人品唔好》
　
麻雀嘅玩法好多，無論大陸牌，廣東牌，台灣牌，我都覺得no problem，最大嘅problem 係我發現次次打牌，大家對於個玩法都有唔同定義...
各位玩家對唔同玩法嘅定義，係會產生無盡嘅問題，高層次問題包括天胡食出幾多番，花胡係唔係摸到7隻就食得出。低層次問題包括，到底順時針方向拎定逆時針方向拎。道德問題包括，佢第一次打小相公好唔好俾佢補返隻，食炸胡好唔好叫佢賠3家。資深玩家如我呀媽，日日打都會有無盡嘅問題。
　
我其實好靈活變通，我唔mind 你對打牌有定義，但可唔可以定咗義，開咗波，唔好再改你個定義.....
有啲仆街，你初次同佢打牌你估唔到佢咁仆街，佢見你食得出，佢就改玩法，去到九章落地，就同你講「我哋玩開無包出銃」。
　
然後你出聲屌佢啦「一開始又唔講」.....
佢會話「麻雀咁多守則，點一開波講得哂你知，緊係之後再作補充啦」
※※※※※※※※※※※※※
　
今日釋法就係咁......
「基本法條例咁少點足夠講明香港咁多狀況呀，之後補充係國家責任，係好事呀」，我覺得我落咗場打牌，你改玩法已經夠仆街，更加仆街係而家三娘教子，三家都牌品都唔好，佢哋三家，一個國家，一個商家，一個「撐國家」，三家誅死我一家，聯手破壞「我的家」，我真係注定係輸家。
　
如果我注定要做魚腩，我仲落場鄧腳做咩？你玩埋佢啦......
我有品，三家都無品，繼續打就真係把L.....