【短篇三則】

【優越】

他與眾不同，自己也是知道的。穿上戰衣，背部散發金黃色光芒，前方則雪白無比，胸前那三條獨特的間條條紋，全身色彩分明。相較身邊只穿上烏黑衣裳的伙伴，有著鮮明對比。團隊之中，每一個也羨慕著他，他也有著獨一無異的優越感，知道自己是個當領袖的材料。

「衰女！叫左你啲嘢咪亂放，上次又話唔見左，嗱！搵返隻三索喇！你放左係啲排九到呀！都唔知你地點打牌嘅！快啲放返去麻雀盒啦！」
自那天起，他再沒有一刻開心過。

【捉狼】

有兩個讀書人，在書本學到捉雪狼最好的方法。
「把刀鋒向上，刀柄倒轉插入雪地中，然後在刀鋒頂端，輕輕傷自己的手，讓一滴血留在刀鋒。雪狼遠遠嗅出血味，會過來舐刀鋒上的血。由於雪地冷得叫一切動物麻目，雪狼不知道，牠每舐一下，舌頭都會受傷並流出新血。牠不停舐，只感到有暖暖的血可以充飢。直到最後，雪狼會因失血倒下，獵人則毫無風險地把雪狼拾起，拿去賣錢。」

後來，這兩個讀書人，把方法學以致用：一位去了從政，後來當上知名政治領袖；另一位則去了做金融，現在住在牢獄裡。

【大人物】

從小到大，他的夢想是當個大人物，不過怎樣做到，從來沒有概念。

「你要做大人物？得。世界好公平，只要你會付出，凡事有希望。天時、地利、人和，你配搭到，一定成到大事。」算命先生告訴他，「天時我可以幫你安排，下個月十五，我同你作個福，開你天眼，求你順風順水。你一間放一封利是係神壇就可以。利是越大，誠意越足。唔使擔心，利是只係放係神壇，十五日後你就拎得返。」

「我身家得果八萬...」

「咁就八萬！誠意嘅嘢，唔可以輕手。以前有個亞伯，奉獻自己個仔比天神都係咁啦，何況你啲錢拎得返？一於咁啦。嗯，至於地利...有！我係大陸咁啱有埋福地，先人入宅，利子孫大富大貴。事不宜遲，你仲有無十萬，我幫你買左個陰宅，揀個日子移返你爺爺落去。放心，包你第日賺返突...」

「都ok嘅... 信用咭公司今朝打黎，話我得果萬零元人工都可以透支到40萬，咁...... 好吧就十萬！」

「而家天時、地利都搞掂晒，人和就要睇你命數。一間去完銀行，你放低利是，就返屋企等十五日再黎搵我啦！」

當晚，他收到電話，話筒裡面說：「你好，我地係中聯辦打黎。你愛國嗎？想報效國家嗎？咁就要睇你可以為國家付出幾多，付出越多，國家越唔會忘記你，越會比機會你。而家我地籌緊錢起農村公路，人人集資20萬...」

他放下電話，走向書枱，在電腦中按了幾下， 喜上眉梢。「算命先生真準！天時，地利搞掂，人和又自己走埋黎，今次我仲唔飛黃騰達？一於上注香比早師爺先...」