🇭🇰葵芳區 _______________________________________________________ 於旺角大熱多時的任食火鍋一鍋堂進駐葵芳新都會! 重點係呢間佔地成13,000 呎嘅分店係品牌旗艦店! 最有福氣當然係我地呢d 葵青區的打工仔啦~ 哈哈! 餐廳環境一定要講左先，就係座位舒適空間感同私隱都唔錯， 門口入少少有個特色霓虹燈打卡位#吃飽才有力氣減肥， 大大幅中國藝術壁畫更加令其店內變得開揚寬落豪華， 120 分鐘多嘅自由度比你慢慢食! 簡而清共3個ABC餐選擇! 放縱級養生靚湯一鍋堂、共有15款湯底+兩款期間限定湯底比你揀 揀新湯底還贈送餐具套裝!! 好痴線 哈哈! 性價比極高完全滿足到我地呢D街坊同返工客~ =̶晚市放題B：特選安格斯牛=̶ 推介:⭐️⭐️⭐️⭐️⭐️ 邪惡級另+$50 選了鴛鴦湯底:蕃茄牛尾湯 & 沙爹湯 大熱天時咩都唔講講左飲品先! =飲品=̶ 推薦! 自家製有營花果茶: 營養蝶豆花茶 & 養生洛神花茶 前者含豐富的維他命A、C、E以及類黃酮與花青素。保護眼睛控制血糖對抗老化。 後者清熱解渴 、清心降火、 生津止咳，增加皮膚保水性與紅潤度。 重有提神薄荷烏龍茶(如果飲呢款要第一杯飲，因為較為清淡) 最可惜就係呢晚冰糖燉檸檬完全無哂! 駛唔駛咁搶手先! =自助食物區域=̶ 推薦: 麻辣鴨血: 材料豐富有鴨血、金錢肚以及炸豆腐，麻辣濃湯伴碟。 黄金炸魚皮: 每日新鮮即炒鬆化薄脆，點為炸過了火，但咸蛋王粒足料抵讚。 最正當然係有大量麻醬秋葵小編任食，還有麻辣豬手、泡椒鳳爪等開胃小食。 好啦, 手機QR CODE 落單主角出場，大量黃色盒仔出場， 而估佢唔到原來黃盒係有專利設計，牛肉會用竹蓆分隔開保持牛肉嘅質素，避免血水影響其他食物， 呢點同其他放題火鍋唔同之處又值得一讚。 =̶肉類款=̶ 6款 推薦: 封門柳、牛橫隔膜肌肉，罕有部位，肉味較重，油花較少， 最適合怕食肥牛又可以任意做火鍋材料的一款。 推薦: 牛脷心托、係牛舌最近喉嚨嘅部位，入口又腍又甘香。 其次有美國安格斯牛肉、西班牙豬肉等 =̶海鮮煩=̶ 手串生猛海蝦、每日開店前會將海蝦逐隻逐隻人手串好竹簽並非外來貨， 另外有「花膠勁大塊、差D食唔哂!」 手作陳皮鯪魚滑、珍珠蜆等真心新鮮。 =̶丸煩餃類=̶ 推薦: 細細粒嘅一鍋堂自家制手打三寶丸， 墨魚丸、孜然雞丸、潮汕豬肉丸三款值得一試。 必叫推薦: 流心魚蛋，入面注滿金黃咸蛋流心，咬落去咸蛋流心湧出來， 外層用蟹籽魚蛋包住彈形牙好味。 其他有自家製鮮蝦雲吞、蟹籽手打蝦滑， 哎呀! 多野食到唔記得叫巨型八吋長蟹棒!! 下次再來食一定點左先! =野菜類=̶ 豐富營養價值羽衣甘藍、高纖低卡冰菜、 兩款必狂攞的高纖維，低熱量，含有豐富維他命C的菜! 其他還有菠菜苗、西洋菜、西生菜、娃娃菜等 =甜品= 雖然沒有平時必定見到的H/M字雪糕，但有乳酪軟雪糕任裝， 質地香滑，味道濃郁，乳酪酸甜完滿了整餐作為句號。 ______________________________________________________ 👅美味: 9️⃣ 😮驚喜: 9️⃣ ✨環境: 9️⃣ 💆‍♂️服務: 8️⃣ 💡性價: 9️⃣ 🐽飽肚: 9️⃣ 💫回頭: 9️⃣ 👍推薦: 9️⃣ 🔍餐廳: #一鍋堂 🏠地區: #sharefood2you_葵芳 🍽菜式: #sharefood2you_火鍋放題 💸價錢: $1102 四人份量已加一 📍地址: 葵芳興芳路223號新都會廣場6樓601-610號舖 👟前往: 新都會廣場地鐵站天橋直行上兩層 ⏰時間: 11:30 - 00:00 MON-SUN _______________________________________________________ #sharefood2you #食評 #葵芳美食 #香港美食 Disclaimer: ALL opinions are 100% Honest 相片經燈光處理攝影， 與現場光線可能有所偏差。

#久違了的雞煲 #外賣同樣滋味 終於終於！可以重拾雞煲的懷抱，帶著兩個小孩不方便外出食雞煲+火鍋，外賣自取幫到你！今次叫了位於山林道的尚上下夏，掂，非常推介！ 「好食喎個雞煲！」「真係好食喎！」「呢個好食呀！」「得呀個雞煲！」「下次可以再叫喎！」的確是好吃到字窮～弱弱的一邊翻熱雞煲一邊食只能道出這些……嗯嗯！雞肉夠嫩滑、醬汁份量味道剛剛好，為咗配合理性的人愛好，我們更加多一大紮芫荽齊齊滾，好正呀喂～～～～～吃完雞煲後、就直接倒入 #蕃茄二重奏健康滿分湯 就可以拾下拾下喇，無味精喎！配合雞煲的餘韻，兄妹一人一個齋烏冬都全清！ 拿，火鍋可以沒豬沒羊，但牛是必須的你知道～來碟 #手切頂級安格斯，見識少睇樣唔太識看紋理油脂分佈，但淥一淥就知龍與鳯，正囉～厚薄適中，牛味濃！再來些特色小食，全部有驚喜，芫茜牛肉卷 不得了！同場兩位芫茜熱愛者表示大讚，而我這位芫荽初哥（本來抗拒）都覺得這個組合非常好、再來多個菜式推介給各位芫茜控： 芫茜餐肉餃 ，平時吃火鍋盡量都少點水餃雲吞類，因為經常變了一堆漿/好粉/個皮好溶......但這個完全不會，即使放在鍋中時間過長但餃子皮仍然好有口感！另外 #金沙魚蛋 流心鹹蛋雖邪惡但相當吸引、 #鬼馬墨魚 有趣同驚喜！是油炸鬼加墨魚加蟹子，未放過入口你好難想像到竟然如此合襯，我們還是第一次吃火鍋吃到有多重驚喜！大力推推哦～ 如此放任的晚上去家姐屋企一齊食！開支白酒加幾罐啤酒，孩子就 Netflix 放題，食到十一點，身心肚子大滿意，外賣自取有8折、堂食的話 下午6時前結帳離座火鍋、雞煲85折、 外賣滿$1,000免運費哦～一定會encore！（更多相片在留言區） 芫茜控必點菜式： #新春開運奶茜湯 （湯底） #鮮蝦芫茜燒賣 #芫茜餐肉餃 #芫茜牛肉卷 #皮蛋芫茜子薑胡椒餃 #芫茜煉奶煎蛋卷 其他推介食品： 火鍋配料 - 紅酒豬頸肉$79、爽脆墨魚咀$79 小食 - 麻麻辣辣豬耳仔$49 尚上下夏 - 養生雞煲火鍋 地址：尖沙咀山林道23號地下 https://www.facebook.com/JKJPOT/ https://instagram.com/jkjpot?igshid=l4du0758k896 #尚上下夏 #雞煲 #火鍋 #尖沙咀美食 #尖沙咀 #外賣自取一樣得 #死神辣椒 #JKJPOT #hkfoodie #hkfood #hkhotpot #安安飲食 #安安飲食集團 #一定encore #慢慢喜歡上芫茜 #芫茜控之選 @jkjpot

🇭🇰灣仔區 _______________________________________________________ 難得約了住港島的舊朋友久別短聚， 介紹左一間足足有120分鐘任飲任食， 慢慢傾下計的日韓火鍋放題， 樓上3樓全層餐廳的座位寬敞舒適， 店員禮貌地探熱帶位，服務環境都不錯。 放題套餐分為三個等級， 叫了最高級享受的澳洲M6和牛肉眼套餐($348) 套餐包括有日本刺身盛、 包括赤海蝦、三文魚、帆立貝、北寄貝、象拔蚌及墨魚三文魚籽， 小食便當包括黃金炸皮、雞串、日本甜薯粒、枝豆、沙律 及直送新鮮海鮮拼盤。包括海蝦、扇貝、 日本鮮鮑魚、龍躉魚塊及沙白，款款新鮮甜美。 火鍋前先選一款熱菜：韓國炸雞或麻辣雞煲， 韓國炸雞比想像中吸引， 二人份量的小炸雞粒香脆有咬口， 配返個韓國可樂即時起了韓風食慾。 湯底共有五款選擇 我們點了美人花膠鍋及日式海帶豆腐鍋， 兩歌湯底清甜濃郁，首推花膠鍋， 大大片花膠從鍋底拉上來魅力驚人! 日式海帶豆腐鍋健康清甜。 醬料飲品區及火鍋材料區選擇都唔錯， 飲品除了有韓國罐裝汽水， 還有自家杯裝養生飲品，健康檸檬薏米水、 宇治金時、洛神花茶及士多啤梨乳酪爆爆珠。 一人一個火鍋夠晒衛生， 高質嘅M6澳洲和牛肉眼餐包括 M6澳洲和牛肉眼、頂級黑牛肩脊肉、 極上安格斯牛小排、特級雪花牛板腱、 日本黑毛豬腩肉及日本豚肉。 每款要讚一讚薄切得非常一致， 肉質嫩滑，肉味合格，脂肪油花平均， 當清楚每款肉名後再慢慢加單就更滿足啦。 另外有其他50幾款火鍋配料任加任選! 絕對適合大黑洞來食餐勁的!加 最後還有回本必食的韓國BINGGRAE MELONA雪條， 以港島區少有的任飲任食價CP的確非常高， 整體用餐體驗亦十分良好，是小聚會推介之選。 ______________________________________________________ 👅美味: ⭐️⭐️⭐️⭐️/5 ✨環境: ⭐️⭐️⭐️⭐️/5 💫回頭: ⭐️⭐️⭐️⭐️/5 💡性價: ⭐️⭐️⭐️⭐️⭐️/5 💆‍♂️服務: ⭐️⭐️⭐️⭐️⭐️/5 🔍餐廳: #最想吃 🏠地區: #sharefood2you_灣仔 🍽菜式: #sharefood2you_火鍋放題 💸價錢: $383 each (連加一) 📍地址: 灣仔灣仔道83號3樓 ⏰時間: 17:00 - 00:00 _______________________________________________________ #sharefood2you #食評 #灣仔美食 #香港美食 Disclaimer: ALL opinions are 100% Honest 相片經燈光處理攝影， 與現場光線可能有所偏差。