［今日寫呢啲］週末專題，奈雪的茶。1689個訂閱了，不如月底前做到1700啦，順手賀我生日。反正而家入嗰啲下個月我會退錢。

TLDR：奈雪的茶，市值同隻維他奶差唔多咋！你估係咪真係好好賺？咁當然，你可以覺得隻嘢超抵嘅。大股東賺夠想益你平賣畀你呀可？

＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝

好啦，隻嘢都抽完，而家先講？係，因為忙。但反正關係不大，你齋係抽隻新股呢，根本唔使咩分析，反正只係玩一日兩日，睇乜都多餘。咪講「供求」，但甚至唔好以為超額幾百倍實升，嗰啲「需求」假嘅，啲友孖展之嘛，佢唔會上市追的。

咁但如果你想知應唔應該第一日沽，可唔可以長期持有，之後追唔追，或者純係想認識多啲間公司，睇下應該點睇招股書，咪睇篇文咯。100蚊都唔使，買幾杯奈雪咋！仲送晒以前嘅幾百篇文（差不多一年！）

首先要講，街外人睇，真係另一回事。唔好用你閣下嘅品味，去判斷啲嘢受唔受歡迎，更加唔好用受唔受歡迎去判斷隻嘢得唔得。首先有啲公司生意好唔好好易睇到（港交所！），但有啲唔係，例如賭廳，賭最大嘅係超級貴賓，你去研究多唔多人，嘥氣。正如ASML SPGI 之類生意好唔好，你街上邊睇得到？

仲有，受歡迎呢啲嘢，好易造出嚟，使錢咪得。受歡迎又未必真係多人幫襯，多人幫襯又未必高收入，高收入又未必高利潤，高利潤又唔等於個估值抵，根本係N咁多樣唔同嘅事

更重要嘅係，好多分析最後都係結果論。做好產品自然會有生意。咁即係冇講過。咩叫好產品？眾所周知，最大市值嘅餐廳，全部都係賣垃圾。麥當勞海底撈大家樂好食咩？即使你講星巴克，在咖啡撚心中，都係垃圾（我就唔識分）。但大公司一定係玩品質控制，行銷，控制成本。同你「煮好啲嘢」完全係兩回事。你要追夢嘅咪小野二郎咁，原宿開間Sushi Bar（＊），一晚做十幾個客算數。但你要上市一定係 味將軍 美心 LVMH。

所以，你有冇飲過奈雪，根本無關重要。你覺得好垃圾，who cares？我都唔明超級英雄片有乜好睇，但就係有好多人睇。唔好將自己放到咁大，反正香港得一間分店（日本都有一間！反擊日本成功！）。甚至大陸佬覺得奈雪好唔好，都係who cares．麥當勞大家樂好好食咩？「大家樂請分析員食飯都唔係在大家樂啦唏」

吾友高天佑話齋，呢隻係奶茶第一股。但，唔係奇在賣奶茶可以上市，中國十幾萬萬同胞，一人買一個胸圍都不得了（畢菲特都係咁上下講法）。唔好話賣奶蓋，大把古怪行業都上到市。所以奇怪根本係，做乜咁耐先有第一間奶茶股？真係好好賺？你話呢？

咁有啲人總係覺得好好賺唔使上市，all due respect，有乜公司真係好好賺唔上市？華懋霍英東定Subway Mars？你覺得佢地上市大得過而家啲龍頭？

咁睇數啦，奈雪上限都不過係拎340億市值。好多咩？一間維他奶咁嘅估值咋！（定你覺得好抵？）。係咪即時覺得奇怪？奈雪雖然唔係龍頭，但都二哥啦（大哥你估下係邊間？），先340億市值。你老味海底撈打邊爐賣到2000億市值（仲要高位跌咗一半！高峰時4300億！）。安踏賣鞋賣到5000億市值。覺唔覺得件事有啲問題（咁當然，安踏好似有海外嘅，雖然有人話冇鬼佬買）。

奈雪上限都不過係拎300億市值。Something is wrong la

BTW，話埋你知，奈雪全部店都直營，我都幾意外。因為傳銷同Franchise 係上世紀最仆街但亦最偉大嘅兩種發明，加盟店嘅嘢，利用啲友追夢做老細嘅心態，封晒蝕本門。但奈雪就係冇做。點解？會考Commerce 或而家咩　企會財教嘅基本嘢啦，加盟店咪難控制品質，啲友側邊租多個舖賣煎釀三寶。

仲有，奈雪全部舖都係租嘅。咁又睇你點演繹，香港嘅咪話賺埋都係益地產商，但大陸情況又唔同啦，地產商個巴京拎包華冇咁大。人工成本先最貴，而你奈雪我估總不能叫件大媽去做品員啩（冇飲過，唔好問我）。仲有，冇舖又可以扮asset light model啫

其他嘅，留返文入面講（4000字呀！）。但再講少少。首先你可以估下，奈雪一間舖一日幾多生意？不妨估下。我估冇你想像中咁多，而亦唔關城市事，唔同級別城市都差不多。但500間舖（話開到千幾間！），斬埋就好係嘢。

之但係，總有盡頭嘛。廿幾蚊杯，其實好係嘢！你不如諗下大陸幾錢人工？仲要二線城市喎。「不如真係反攻日本啦，而家得大阪一間」「星巴克都反攻意大利法國啦」「COCO老番屋都開到印度啦」

仲有講埋最後一個迷思，「呢啲咁嘅化學嘢好好賺」「啲茶使幾錢成本？」。Yes and no，當然你可以質疑佢造假數買貴貨（點解咁做？因為十派牙都係自己咯），但既然呢隻放上市，應該當住呢隻真。

事實呢種「呢啲咁嘅化學嘢好好賺」「啲茶使幾錢成本？」我聽咗冇四十年都三十幾年！真的！細個食早餐對面阿叔都係咁講。問題係：咁好賺你唔去開？真喎。以前就話資訊唔流通，而家我知道暴利嘅，點會冇人抄冇人搶？所以呢啲「好好賺」係迷思，你冇其他嘢嘅，兩下就抄到你收皮啦。亦所以點解啲公司要搞咁多行銷，因為貨物易抄，但品味氛圍價值冇咁易抄。
詳情就文入面講，但你不妨估下，到底佢賣一杯奶茶，入面有幾多係材料成本？（唔計員工舖租其他嘢，只講材料）。我估，一定比你想像中高好多！

你以為食水好深？我覺得唔係。拿，星巴克就真係杯嘢入面大約10%係材料錢—唔係你以為係乜？sorry破壞你童年。其實你杯咖啡，絶大多數去晒：人工—我總不能整件大媽同你Hello Ivan，租，稅，仲有賺你嗰份。「最仆街係個杯呀餐巾呀分分鐘貴過啲咖啡豆，下次記住拎多幾張返公司炆屎」

講遠咗，星巴克入面，10%係材料錢？咁奈雪呢？梗係唔止。但你可以估下幾多。

咁即係買唔買得過？咁就睇文咯。但你睇估值大約知。我當星巴克，1330億市值（美金啦），265億生意，36億純利。或者想睇大陸嘅，海底撈，2000億市值（港紙），290億收入，23億利潤（人仔）。

咁奈雪呢？咪話上限340億市值。你仲要預佢升喎！計下數咯。一年幾錢生意？文入面話你知（其實招股書都有），或者用心算。500間舖。然後頭先咪叫你估下每間每日做幾多生意咯。

＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝

（＊）OK，估都估到佢間嘢唔係在原宿，原宿只有龍蝦包同學生妹。呢句去原宿開間sushi bar係歌詞，小野二郎梗係開銀座，去銀座你就知自己窮。真係的，我在大阪福岡甚至京都食米芝蓮兩星都仲覺得唔貴 — 去銀座就知自己窮，都係去返嘉湖銀座算。

「7-Eleven x友」全港首間概念店隆重登場
超搶眼香港特色打卡牆，假日歎住啤酒Chill個夠

7仔今次再聯乘本地手工啤酒品牌「友」，於中環蘇豪區首設全新「概念店」！

店舖設計由本地插畫師 JASONTOMMY親手主理，從店外到店内每個角落均充滿了香港特色的插畫，加上「友」的獨特鬼馬元素，港味濃郁，足夠讓各位盡情打卡。

今次概念店更獨家發售2款「7-Eleven x 友」限定手工啤酒「波友」(Lager) 及「發燒友」(Pale Ale)。罐身包裝設計別出心裁，融合了梗有一間喺左近嘅7仔和香港本土文化及特色，設計創意無限，非常吸睛！

「發燒友」(Pale Ale)，用上了美國和紐西蘭多種啤酒花，以冷泡法混合釀製而成，口味揉合柑橘和熱帶果香，滲著淡淡清新麥芽味，帶來了令人回味的餘韻。

「波友」(Lager)，以德國冷泡法製作的拉格啤酒，配上清新柑橘味啤酒花，入口簡潔活潑，順滑而不失傳統的拉格風啤酒香。

另外「7-Eleven x 友」概念店與指定分店，更將會發售「友」手工啤酒的全新口味 —「最佳損友」Tangerine IPA。以本地食材柑橘萃取物釀製而成，為傳統IPA 注入更豐富的層次感，糅合了清新怡人的柑果香和啤酒獨特的苦澀味，入口微苦中有回甘，豐盈中帶清爽。

*於推廣期內購買指定啤酒產品滿額更即送限定禮品：

由6月9日起於指定期間，到「7-Eleven x 友」概念店購買任何「友」手工啤酒產品單次消費滿港幣$40，即可獲贈「友」限定禮品，數量有限，送完即止。

1️⃣「友」個袋/ 換領日期：由2021年6月9日起
2️⃣「友」木製杯墊/ 換領日期：由2021年6月23日起（聯乘本地品牌Saturn Wood）
3️⃣「友」香薰蠟燭/ 換領日期：由2021年7月14日起（聯乘本地品牌BeCandle）

概念店地點：
香港中環閣麟街 37號祥興商業大廈地下

#7ElevenHK #7Eleven便利店  #便利店尋寶 #假日打卡點 #友 #YAU #手工啤酒

@7elevenhk

#古家私房菜

🍻7-11 x 友+香港特色打卡牆🍻
依加屋企有2隻#哈士奇 唔好講話出去飲野，連出去食飯有時都廢事，又怕2隻野搞搞震，又怕佢地打交同鬧交，真係睇少眼都唔得！好彩夜晚同佢地出完街，食飽飽後，2個就會乖乖地休息下，總算有啲私人時間！
🐶🐶🐶🐶🐶🐶🐶🐶🐶🐶
無得出去飲，唯有買返屋企飲！
7-11又有新嘅概念店喇！今次就聯乘咗本地手工啤酒品牌「友」，地點係中環蘇豪區～
離遠已經睇到舖外大大幅嘅香港特色打卡牆！色彩繽紛夠晒搶眼！唔止舖外夠搶眼，舖內嘅唔同角落都貼滿晒插畫～
🚃🚃🚃🚃🚃🚃🚃🚃🚃🚃
啤酒方面有2款手工啤係概念店限定！「波友」(Lager) 同「發燒友」(Pale Ale)！罐身設計融入左香港本地文化同特色，顏色仲非常搶眼！即使唔飲啤酒，買嚟做裝飾得！
-「發燒友」(Pale Ale)
用咗冷泡法去釀製，帶有柑橘同熱帶果香，飲落帶少少嘅麥芽味
-「波友」(Lager)
用咗德國冷泡法，加入咗清新柑橘味嘅啤酒花，簡潔而不失傳統Lager嘅啤酒香
-「最佳損友」Tangerine IPA
依款新口味啤酒喺其他分店都會買得到，依款就用咗本地食材柑橘萃取物去釀製，帶有少少果味，又有啲啤酒嘅苦澀回甘，飲落好有層次感！
🐶「麻煩友」(Blue)🐶 ［非賣品］
同場加映，示範如何醉酒後影相又不失優雅
🍻🍻🍻🍻🍻🍻🍻🍻🍻🍻
其他優惠：
由6月9日起喺指定期間，去「7-Eleven x 友」概念店買任何「友」手工啤酒，消費滿$40，即可獲贈「友」限定禮品，數量有限，換完就冇！
-「友」個袋（2021年6月9日起）
-「友」木製杯墊（2021年6月23日起）
（聯乘本地品牌Saturn Wood）
-「友」香薰蠟燭（2021年7月14日起）
（聯乘本地品牌BeCandle）
📍📍📍📍📍📍📍📍📍📍
@7elevenhk
香港中環閣麟街 37號祥興商業大廈地下
📍📍📍📍📍📍📍📍📍📍📍
👉🏻想睇更多吃喝玩樂資訊？Follow我啦！
FB：stellasheafoodiary
Ig： stellasheaa
Blog：Stella's hea食玩部屋
YouTube : https://www.youtube.com/channel/UCXPATomyWsZumEe4cT4OBEw

#stellasheaa7仔
#香港 #吃貨 #香港美食 #便利店 #7ElevenHK #7Eleven便利店 #便利店尋寶 #假日打卡點 #友 #YAU #手工啤酒 #中環 #蘇豪 #打卡

薄餅方便飽肚又美味，不管上餐廳吃或叫外賣，向來是香港人的心水。在這城市中，既找到正宗意大利口味，也能嘗到香港人的獨創口味，你又喜愛哪一款呢？

Kytaly
地址：中環雲咸街77號5樓
電話：2808 1691
營業時間：7pm-12mn
詳情： http://bit.ly/2CnCgSO

提到薄餅，不能不提去年九月開業的Kytaly，價錢是全城最貴，味道亦是數一數二的好。

這間來自日內瓦的意大利餐廳，由三代都是薄餅大師的意大利人Franco Pepe主理。他改良了傳統拿坡里薄餅的成分，麵糰含水量高達七成，入口更鬆軟，薄餅邊能高達3-4吋，啖啖輕綿，是極難得的手工。

所以他在意大利經營的Pepe In Grani及日內瓦的Kytaly都是薄餅名店，在當地人氣極盛，連當地焗爐名牌Moretti都為他設計專用焗爐。Franco Pepe的薄餅，甚至被譽為世界最美味薄餅之一。


香港店由跟隨他多年的意大利廚師Antonio Cecere主理，餐牌非常簡單，只賣五款頭盤、十九款薄餅及三款甜品，每個薄餅由$200起。價錢貴，全因用料好，上至番茄下至橄欖油，吞拿魚罐頭洋葱醬，連薄餅上的番茄芥菜，亦通通從意大利的Caiazzo區運來。除了水是香港的外，其他通通都是意大利口味。

以薄餅鬆軟度品評，城中的確是無對手，入口輕柔，橄欖油醇香，配料亦出色，跟薄餅比例不多不少，不會搶過風頭，既吃得出薄餅底的麵粉香，亦能嘗到醬汁配料的味道組合。

Amalfitana
地址：淺水灣海灘道28號The Pulse地下105號鋪
電話： 2388 7787
營業時間：星期一、三至五 12nn-3pm，5pm-10pm；星期六、日12nn-10pm，星期二休息
詳情： http://bit.ly/2QhyRY6


意大利正宗口味的薄餅店，還有這間。位於沙灘旁，加上陽光、手繪 Amalfi Coast、意大利高溫磚石窰等，充滿意大利海邊風味。十多款薄餅，數款頭盤、沙律、甜品。不賣主菜，不賣意粉。

款式不花巧， Margherita(番茄、水牛芝士、羅勒)、 Amalfitana(巴馬火腿、火箭菜、牛肝菌)、 Smoked(加入煙燻過的火腿和芝士)等。重點在餅底，多吃不膩，箇中秘密在於粉糰，用意大利 Manitoba麵粉，依古法只下少許啤酒酵母，發酵二十四小時以上。坊間貪快的，多下酵母，吃罷胃裏產生空氣撑得人半死。再由意籍大廚一推一拋，在石窰以 350℃烘三分鐘，薄身、香脆，餅底無多餘麵粉。加上自製的惹味香草醬及番茄醬，清新鮮味，叫人追住吃。

The Mast' of Mozzarella & Co.
地址：銅鑼灣禮頓道19號怡慶大廈地鋪
電話：2529 0115
營業時間：11:30am-2:30pm，6pm-10:30pm
詳情： http://bit.ly/2FpmF5b

這家The Mast' of Mozzarella & Co.來自羅馬，賣點是自家水牛芝士，於羅馬及新加坡都有分店，去年尾才在香港開業，店內的水牛芝士，全是自家以意大利牛奶製作，能吃得出新鮮水牛芝士柔軟淡香的質感味道。店內一共有8款薄餅，餅底都是羅馬風格，所以餅底偏向薄脆，是另一種薄餅風味。

掌門精釀啤酒
地址：西營盤高街53-65號富裕大廈地下
電話：2650 0511
營業時間：12nn-11pm
詳情： http://bit.ly/2PlEx2N

薄餅最重要就是餅底，這間來自台灣的手工啤酒品牌，去年在西營盤開設分店後，以「啤酒餐廳」為主題。除了有二十多款每星期都不同的台灣手工啤酒，亦新增多款食物，最特別的是多款食物皆加入啤酒。

最特別是薄餅，以小麥啤酒代替水的No.53薄餅，入口特別鬆軟，另外還有啤酒Tiramisu等，由前菜到甜品都包含啤酒。

Alvy’s
地址：西環荷蘭街8號地鋪
電話：2312 2996
營業時間：星期一至五5pm-12mn，星期六日11am-12mn
詳情： http://bit.ly/2TGtLWM

跟城中手工啤酒品牌少爺麥啤同一集團，所以這間前年開業的薄餅吧，所有薄餅餅底都加入釀啤酒時的酵母，所以質感獨一無二，入口特別鬆軟，配料如三文魚、芝士、叉燒都做得香噴噴，和正宗意大利口味比較，配料更豐富，薄餅磚爐亦溫度十足，能烘出香噴噴薄餅。

編輯：楊志強
攝影：《飲食男女》攝影組

===================================
立即Subscribe我哋YouTube頻道：http://bit.ly/2Mc1aZA (飲食男女)

新店食評，名家食譜，一App睇晒！
立即免費下載飲食男女App： http://onelink.to/etwapp

《飲食男女》Facebook：http://www.facebook.com/eatandtravel

飲食男女網站：http://etw.hk

Follow我哋Instagram，睇更多靚片靚相：http://bit.ly/2J4wWlC (@eat_travel_weekly)

10月除了是BBQ、郊遊的好日子，更是喝啤酒的時候，因為全城都有不同主題的啤酒節活動！從德國風味到手工啤酒都應有盡有，有喝有吃還有現場樂隊表演，不過在有限時間、酒量、肝臟還有荷包的情況下，到底不同啤酒節有甚麼賣點？一一幫大家分析介紹。

1.氣氛最熱鬧啤酒節
今年舉辦第27屆，是城中歷史最悠久的德國啤酒節。氣氛就是最大賣點，在露天場所搭帳篷，一次可容納過千人大喝特喝，加上年年都請來德國樂隊現場表演，非常熱鬧。

入場費已包括一杯啤酒，其他食物如腸仔、豬手就要現場購買。缺點是啤酒品牌及款式選擇不多，味道平平，而且每份豬手、香腸價錢接近$200，不太划算。

2018 馬哥孛羅德國啤酒節
地址﹕尖沙咀海港城馬哥孛羅香港酒店6樓海景露天廣場
時間﹕17/10，19/10-10/11，6pm-11pm
收費﹕$160/人-280/人
購票﹕ https://premier.hkticketing......h=MARCO1018&langpref=zh-cht


2.撐本土啤酒節
由本地多間啤酒名牌如少爺麥啤、門神、城釀等組織的手工啤酒節，也有不少本地新晉品牌如The Brew Commons、Deadman參加，更邀請了台灣名牌如臺虎、日本名牌如角屋等參加，今年是第一屆。

香港人，撐本土製作是理所當然的事吧﹖連場內小食都是麻辣真漢子等本地新晉小食名牌，夠噱頭，不同品牌又推出新口味。當然最吸引是啤酒節不收入場費！現場舉行的啤酒講座亦是免費，一家大小都可以參加。可惜位於中環元創坊，地點不算方便。

Great Hong Kong Craft Beer Festival
地址﹕中環鴨巴甸街35號元創坊
時間﹕12/10，6pm-10pm；13/10，10am-10pm
收費﹕免費入場
查詢﹕ https://www.beerfesthk.com


3.啤酒款式最多
以近年大熱的手工啤酒為號召，2012年舉辦第一屆後，規模愈來愈大。

對貪新鮮的啤酒迷而言，啤酒款式是眾多啤酒節之冠，澳洲、印尼、比利時、捷克、意大利、德國、印度、拉脫維亞、波蘭、蘇格蘭、台灣，連越南出品都有，超過100款選擇，同場還賣不少講究佐酒小食，漢堡名店Beef & Liberty、印尼小食專門店白鬚等都有，從吃到喝都有水準。

入場費已包1杯啤酒或10個代幣，亦可在現場即席換購代幣買小食及啤酒。消費貴，以親身去過的啤酒節為例，由於每杯啤酒只有4安士，對酒徒而言，這分量只是濕潤喉嚨罷了，現場小吃亦不便宜，一晚下來每人起碼要付$600-$700才算盡興，非人人捨得。

Beertopia
地址﹕中環海濱活動空間
時間﹕5/10，6pm-11pm；6/10，12nn-11pm
收費﹕$250/人-$495/人
購票﹕ https://beertopiahk.com/pages/tickets

4.勁飲贏機票
另一間以啤酒節成名的德國餐廳，就是開業多年的King Ludwig及同系集團，全線8間分店，會於8/10至21/10期間舉行啤酒節，其中以銅鑼灣、元朗這兩間分店氣氛最好，木屋佈置，加上所有侍應都身穿傳統德國啤酒節制服，又有德國樂隊表演，氣氛好。

限定菜式如巴馬臣芝士德國麵包、爆花米炸雞、啤酒豬肋骨等都不是重點，反而是每晚於各分店舉行的勁食勁飲大賽，26/10當晚舉行的決賽冠軍，會獲贈兩張前往日本的機票。另外從即日起至31/10，全線分店亦有啤酒通行證，$520換10杯半公升啤酒，較平日也便宜了1/4，值得喝一杯。

景樂集團．德國啤酒節2018
地址﹕銅鑼灣、赤柱、尖東、元朗
時間﹕即日起至30/11，決賽26/10的7:30pm於尖東分店舉行
收費﹕$520/10杯半公升啤酒，任何人付一杯啤酒價錢，就可報名參加競飲比賽
查詢﹕ http://www.kingparrot.com/Oktoberfest/index.html
詳情： http://bit.ly/2Pb1WUC

5.叫乾杯贏免費啤
不少德國餐廳，也會舉行自家啤酒節。這間有6間分店的德國餐廳也是其一，款式都是德國名牌如Erdinger麥啤，麥味香。

啤酒節就有特別菜式，於即日起至31/10，全線分店都會5pm後（周六、日為全日），推出夠2至3人用的德國拼盤，$438包括沙律、燒雞及兩杯啤酒；另外全線分店於10月內，逢星期日至四的6pm後，一整枱客人光顧滿$200，讚好面書然後高呼德語中的乾杯（Prost），就獲贈2公升桶裝生啤券，可即席飲用或過後換領（15/11為止）。

條款繁複得離譜，不是晚晚可以玩，但勝在分店多，換免費啤酒方法亦容易，值得乾杯。

Beerliner German Bar & Restaurant十月啤酒節
地址﹕沙田、黃埔、旺角、屯門、葵芳及奧海城分店
時間﹕即日起至31/10，送生啤活動為星期日至四的6pm後
查詢﹕ http://www.cafedecogroup.com
詳情： http://bit.ly/2y0IUdg

編輯：楊志強
相片：官方網站

===================================
立即Subscribe我哋YouTube頻道：http://bit.ly/2Mc1aZA (飲食男女)

新店食評，名家食譜，一App睇晒！
立即免費下載飲食男女App： http://onelink.to/etwapp

《飲食男女》Facebook：http://www.facebook.com/eatandtravel

飲食男女網站：http://etw.hk

Follow我哋Instagram，睇更多靚片靚相：http://bit.ly/2J4wWlC (@eat_travel_weekly)

說到手工啤酒，愛好此道的人大概知道掌門啤酒這個名字。
來自台灣掌門精釀啤酒，自前年於尖沙咀開店後，最近於西營盤開設分店，以「啤酒餐廳」為主題，店內除了有二十多款台灣精釀啤酒，每星期都會更換配方外，亦新增多款食物，最特別的是多款食物皆加入啤酒，如以小麥啤酒代替水的No.53薄餅，及啤酒Tiramisu等，由前菜到甜品都包含酒類在當中。
自問是酒徒，這裏絕對適合三五知己來一聚。

採訪：范名雅
攝影：陳永威

掌門精釀啤酒
地址：西營盤高街53-65號裕大廈地下
電話：2650 0511
營業時間：12nn-11pm
詳情： http://bit.ly/2PlEx2N

===================================
立即Subscribe我哋YouTube頻道：http://bit.ly/2Mc1aZA (飲食男女)

新店食評，名家食譜，一App睇晒！
立即免費下載飲食男女App： http://onelink.to/etwapp

《飲食男女》Facebook：http://www.facebook.com/eatandtravel

飲食男女網站：http://etw.hk

Follow我哋Instagram，睇更多靚片靚相：http://bit.ly/2J4wWlC (@eat_travel_weekly)