👋🏻💦IGTV有片介紹 #帝景酒店 ・帝景軒（Tsuen Wan, HK) #e4帶你去荃灣 《黑鑽松露海鮮自助餐》 最近有優惠，都幾抵。 平日 $258*（成人）/ $216*（老幼） 假日 $314*（成人）/ $269*（老幼） 1️⃣食物 食物種類多，有中菜有西菜，亦照顧到素食朋友既需要，提供多款沙律。每位客人都會有半隻黑松露芝士焗龍蝦，都幾大隻。總括黎講，以三百蚊既價錢可以任食長腳蟹、肉眼排同哈根達斯雪糕，CP值都幾高！ - ♦️當中我最鍾意燒澳洲牛肉眼，約五成熟。廚師薄切牛排，不論淋上紅酒汁定黑椒汁都風味依然，肉本身牛味出，一咬亦好juicy，而且一啲都唔韌，呢點十分加分。 - ♦️哈根達斯雪糕（香蕉味） 🌕🌕🌕🌕🌑 點解要特別講？因為係獨有口味，出面都買唔到！蕉味好濃，再帶有小小牛奶味，同韓國隻香蕉牛奶味道差不多，蕉味一啲都唔假。 - 見到枱面有個飲品餐牌，R爆頭都諗唔到飲邊杯，一於4杯試哂啦！不過要留意，每杯都要額外加$42咖。 ♦️凍 楊枝甘露 ＋$42 🌕🌕🌕🌕🌗 超級濃郁既芒果味，感覺上同鴻福堂果枝差不多。 - ♦️暖 花膠冰糖雪耳甘露 ＋$42 🌕🌕🌕🌕🌗 唔會太甜，飲落好清幾解渴，仲有啖啖雪耳碎tim。 - ♦️暖 川貝杏仁露 ＋$42 🌕🌕🌕🌑🌑 如其名，係極濃杏仁露，鍾意南北杏味既人會鐘意，可惜我唔鍾意。 - ♦️凍 北海道牛乳百合木瓜露 ＋$42 🌕🌕🌕🌕🌑 係木瓜鮮奶，但可惜無台灣北回咁好飲，稀左啲，都用料都實在，唔會淡如水。 - 2️⃣環境 晚市外面黑ma ma，窗外景色睇唔到，不過內裏格調都唔錯，裝修型格modern，樓底高，無乜壓迫感。枱與枱之間唔會太近，私隱度都夠。不過，刺身同雪糕都放左係出面樓梯附近位置，大家去到唔好忽略呢啲位啊！ - 3️⃣服務 職員友善親切，幾勤力收碟，放出黎平均30秒會幫你收，不會視而不見。 - *需按原價加一 （約$40） - 📍 #荃灣 汀九青山公路353號帝景酒店 🙈搭到去荃灣站或荃灣西站，都有免費接駁車去酒店，消費完自助餐都會有免費乘車卷。仲可以去附近沙灘打下卡，之後再食自助餐！ 🧐班次方面，去帝景酒店官網，碌到底按「常見問題」，碌到底搵「交通」，之後就有。