【 Rain P埃豬憑「自肥效應」破萬 】
MeWe版本：https://bit.ly/3gm9xif

上月底播畢的《ERROR自肥企画》，是香港電視史上首次因為一個節目令幕後紅到出幕前。有人或會問：《全民造星》的「花姐」黃慧君不也是監製變紅人嗎？對，但她是一個人，最多連「旁白君」文卓森計算在內，也不過是兩個人，而今次是一 ─ 隊 ─ 人，所以「無制限OT編集団」絕對是前無古人，亦因為他們極速走紅，很大程度上能夠提升本地電視業幕後製作人員的地位。

事實上，除了無綫開台初期的頭十年，媒體文章和流行文化著作都將焦點放在連續劇與電視節目的幕後外，過去數十年，撈幕後如隱形，長期被忽略，直至近年因為社交網絡普及將扭轉這個局面，反觀日本、韓國、台灣，歐美，以至中國大陸，無論監製、編劇、導演，每逢有新作品推出時，他們都能夠在大眾輿輪和媒體佔重要席位，說穿了，重幕前、輕幕後，後者待遇差，是過去本地電視工業衰落的其中一個原因，希望今次「無制限熱潮」之後，ViuTV高層以至其他電視台都正視幕後薪酬待遇的問題。

加人工「不日獻映」，惟有先賺人氣振奮振奮。到底「無制限熱潮」有幾勁？看看Instagram的粉絲人數升幅就會知道。截至今天下午三時，「格仔導演」劉諾衡（Mike）達13.4萬。「Agent. L」導演曹梓沖（Alfred）的IG粉絲亦邁向五萬大關。素來極為低調，屬於「無制限文膽」的「長毛暉」麥可暉（個人覺得他勁似蔡楓華），自4月21日開啟IG帳戶後，雖然只得13次發文，但粉絲人數已迅速破萬，現為兩萬，實在黐綫。

但最需要說的，是身為《ERROR自肥企画》助理編導、現年27歲的方震揚（Rain P），他的IG粉絲數目已於日前成功破萬（ instagram.com/rainpfong ），截至今天已升至1.8萬。何解要將焦點放在Rain P身上？因為他曾經於2019年參加《全民造星II》。翻查資料，Rain P於21歲時曾經是跳唱組合S.W.A.G.的成員，惟經歷多次人事變動，組合出道失敗，為生計，他只好到電視台擔任PA。去年他接受《香港01》訪問 （ https://bit.ly/3pFRKqr ），提到原來早於2018年ViuTV舉辦第一屆《全民造星》的時候，監製「花姐」已主動邀請他參加，並順利入圍99強，惟Rain P退賽，豈料《造星II》海選時，他又主動向「花姐」舉手：「我覺得點解第一屆咁多特別嘅人、奇型怪狀嘅人都夠膽去參加，但心諗自己做咗兩年嘢，又學到啲嘢，即係（如果輸掉）你返去做嘢（當PA）都唔會死呀，搵工都唔會難呀。」

最終Rain P成功入圍（60強比賽曾發生「強尼造馬事件」），更愈見進步，躋身30強，他與Phoebus、Oscar Li、Stanley@MIRROR、 Lokman@MIRROR和Angus合跳的《黑鏡》非常出色 （ https://bit.ly/3gboQuY ） ，另一個自選項目《Michael、Jordan》，Rain P更是帥氣迫人 （ https://bit.ly/353nuMC ），而30強的《Real Talk》也令觀眾留下印象 （ https://bit.ly/3g9f5O3 ），惜與無緣晉身「終極十強」，於30強止步（其實根據劇情。MIRROR完成《造星II》賽事並退出後，「埋單計數」Rain P是屬於最後20強，但簡單而言是「30進10」，故有上述說法），而他在比賽結束後亦「如願」回到幕後崗位，過去一年半，他的知名度沒有很大增長，直至《ERROR自肥企画》才時來運到，引證「無制限団隊」威力驚人。

事實上，他在《自肥》和《美女郊遊遊》經常需要兼任幕前，如前者既擔任「激吻暴走族」MV導演 （ https://bit.ly/3cvRvsE ），又同時飾演「九龍灣四煞」鬼塚，後者則扮演二次大戰時的蘇格蘭步兵團，他是有演出的潛質，跳舞也挺有台型，將來他會不會轉型做藝人仍有很多未知數，但最重要是，他過去一段時間留在幕後，與「無制限団隊」一起成長、學習，對於日後他的事業發展打下紮實基礎。

【 ERROR ╳ 格仔導演系列報道 】
ERROR出道作《404》MV點擊破百萬大關：
https://bit.ly/3iALor1
「格仔導演」終於都開fb專頁！
https://bit.ly/2Squ6Sc
《ERROR自肥企画》最後一集最後一節想講甚麼？
https://bit.ly/3oXSTcv
《睡到三點》的創作理念：
https://bit.ly/3ynR2lw
《無制限OT編集団の行動綱領》MV點擊突破150萬：
https://bit.ly/3oDoNL3
「無限制OT編集団」的社會責任：
https://bit.ly/33XZ5Y9
「Mike導」承認兩年半前已構思「鳳凰不死鳥整蠱大計」：
https://bit.ly/3wixIo5
自肥可恥，但很感動：
https://bit.ly/2QiqUY4
「Mike導」IG暴升：
https://bit.ly/3eE91wd
「Mike導」親解《ERROR自肥企画》主題曲原因：
https://bit.ly/3xYwK22
《美女郊遊遊》第十集以山步行呼應亂世：
https://bit.ly/3wcjq8v
《花姐ERROR遊》的神奇魔法：
https://bit.ly/2QWOgTv
「格仔Mike」執導《我們很帥》MV兩萬蚊搞掂？
https://bit.ly/2QPvjCl
睇完開開心的《美女郊遊遊》：
https://bit.ly/2SNGb41
《美女郊遊遊》之陳欣妍係「保錡2.0」？
https://bit.ly/2RSrBb2

＃游大東 ＃游大東影視筆記 ＃ERROR自肥企画 ＃全民造星 ＃格仔導演 ＃劉諾衡 ＃格仔MIKE #AGENTL ＃方震揚 #RAINP 劉諾衡 Mike Lau Agent.L 格仔mike導絕對應該有應援會 做乜膠睇電視 港人講電視 我睇咗啲乜嘢 William on the way 港女講劇 ＃麥可暉

【 格仔導演劉諾衡fb開張粉絲湧入！】

「自從多咗人Follow之後，都有好多人PM鼓勵我哋嘅，其實每一句都好感動，但有一句特別啲嘅，好多人呢輪都講：『變咗好期待星期一，唔知點解？！』咁我覺得呢個係一句幾好嘅稱讚，因為星期一不嬲喺大家印象中，係一啲唔好嘅嘢嚟㗎嘛，但有好多人話因為《ERROR自肥企画》，好想星期一快啲到，平時都唔會咁講，我覺得呢句Comment係比較特別啲！」這是兩星期前「格仔導演」劉諾衡（Mike）透過WhatsApp短訊回覆時說的話。

的確，自從《ERROR自肥企画》周五（21/5）播畢之後，很多朋友、網友、粉絲都叫苦連天，尤其是「大結局」的最後一節「玩到咁大」，沒比較沒傷害，難怪他們都不約而同在個人社交網站打字「發洩」：「以後冇得睇《自肥》點算呀？世界末日喇！」

天下無不散的筵席，舊的不完，又怎會有新節目呢？所以奉勸各位讀者，如果真的想念「無制限OT編集団」，不如重溫他們過去兩年的舊作，包括兩輯《花姐ERROR遊》、《美女郊遊遊》，還有《大海男兒》和ERROR的《我們很帥》MV，甚至可以撈埋年代久遠一點的「Mike導」作品，比如《脫毒工程》和《胸╳計》，假如仍覺得心癢難耐，建議大家可以追蹤「無制限団隊」各成員的IG。

咩話？冇IG？fb專頁囉。最新消息：「Mike導」已於周日（23/5）凌晨開設fb專頁 劉諾衡 Mike Lau，消息傳出後，一班「無制限」粉絲於Telegram群組「發晒癲」，有點像「SOGO感謝祭」成千上萬的人等待百貨公司大門打開一刻衝入去掃平貨那樣，「Mike導」的fb專頁於短短24小時內，總追蹤人數（Followers）已衝破1.5萬人，截至周三（26/5）下午四時半，追蹤人數已升至為21,343人，走勢凌厲。

怎樣找到他的專頁？只需要fb搜尋「劉諾衡 Mike Lau」即可，你會見到他的個人簡介是一句歌詞「Life’s too short to not go for broke」，來自Eminem於2013年推出的單曲《Berzerk》，收錄於大碟《 The Marshall Mathers LP 2》裏，事實上，「Mike導」胸前的紋身「You only get one shot」同樣出自Eminem的歌曲《Lose Yourself》，於2002年出版，是電影《八里公路》（8 Mile）的主題曲。「Mike導」解釋：「Eminem係有一段時間我好鍾意嘅Rapper，我覺得佢嘅人生好熱血囉！」

✴️為慶祝「Mike導」fb專頁開張，特此向大家送上「Mike導在山上Chok晒Pose超型寫真」一張。

【 ERROR ╳ 格仔導演系列報道 】
《ERROR自肥企画》最後一集最後一節想講甚麼？
https://bit.ly/3oXSTcv
助理編導Rain P因「自肥」IG粉絲破萬：
https://bit.ly/3yynHVQ
《睡到三點》的創作理念：
https://bit.ly/3ynR2lw
《無制限OT編集団の行動綱領》MV點擊突破150萬：
https://bit.ly/3oDoNL3
「無限制OT編集団」的社會責任：
https://bit.ly/33XZ5Y9
「Mike導」承認兩年半前已構思「鳳凰不死鳥整蠱大計」：
https://bit.ly/3wixIo5
自肥可恥，但很感動：
https://bit.ly/2QiqUY4
「Mike導」IG暴升：
https://bit.ly/3eE91wd
「Mike導」親解《ERROR自肥企画》主題曲原因：
https://bit.ly/3xYwK22
《美女郊遊遊》第十集以山步行呼應亂世：
https://bit.ly/3wcjq8v
《花姐ERROR遊》的神奇魔法：
https://bit.ly/2QWOgTv
「格仔Mike」執導《我們很帥》MV兩萬蚊搞掂？
https://bit.ly/2QPvjCl
睇完開開心的《美女郊遊遊》：
https://bit.ly/2SNGb41
《美女郊遊遊》之陳欣妍係「保錡2.0」？
https://bit.ly/2RSrBb2

（26052021）

#游大東影視筆記 #游大東 #error自肥企画 #無制限ot編集団 #格仔導演 格仔mike導絕對應該有應援會 William on the way 做乜膠睇電視 我睇咗啲乜嘢 港女講劇 快樂的 港人講電視 葉一知 潘小濤

【 睡到三點 】

近日掀起網絡熱話的ViuTV節目《ERROR自肥企画》，四位主持：「Dee哥」何啟華、「193」郭嘉駿、「肥仔」梁業以及「反省中」的吳保錡各自獲製作團隊賦予「自肥」機會，其中「193」的新歌《睡到三點》MV （ https://bit.ly/2SgcDvv ） 於周二晚（18/5）的第12集裏正式公開，由「格仔導演」劉諾衡（Mike，化名MIKECOLD B.）掌鏡，「小薯茄」的阿冰和「啱Channel」的樊沛珈（阿Gi）擔正女主角，MV截至今日（21/5）下午四時半的點擊率已超過51萬，更成為YouTube本地熱門短片冠軍。

為配合新歌宣傳，「193」今天下午突然在個人Instagram直播「新歌解說會」，從歌曲創作理念、歌名，以至有批評指他靠Auto-Tune執聲幾個範疇，統統都有花時間耐心回應。在英國Bangor University主修心理學的「193」直言，《睡到三點》的歌名本來叫《Déjà vu》，此乃心理學專有名詞，中文解作「既視感」，簡單點說就是似曾相識，「意思係你明明印象中呢件事已經發生過，但其實你係剛剛先遇到，就係一個咁嘅思緒嘅交錯喇。」何解最終會變成今天的出街版本？原來跟市場推廣策略以及現年18歲的美國樂壇新人王Olivia Rodrigo有關。

《睡到三點》由 Madboii 作曲，並身兼編曲和監製，「193」則負責填詞。在Instagram的「新歌解說會」上，「193」解釋原本這首歌叫《Déjà vu》，並將這種「似曾相識」的意思放進歌詞和MV之中。「本身首歌無論係歌詞，定係MV上都有呢個意思，希望大家睇完之後會思考一下，究竟兩位女主角（阿冰與阿Gi）係咪真人呢？定係有一個係真，有一個係假呢？」

不過現在推出的歌名卻變成《睡到三點》，「193」坦言這是按照市場推廣策略而修改的新歌宣傳手法。第一個原因是撞歌名，「其實上一個月呢，有首英文歌叫《Déjà vu》派咗台，都有幾千萬人聽，我費事撞歌名。」

「193」沒有指出那是誰的作品，但那首《Déjà vu》其實是美國樂壇新人Olivia Rodrigo的新作，MV於4月2日在YouTube首播，至今累積瀏覽率已突破7,000萬 （https://bit.ly/2RyL3K0） ，這位被喻為「2021年最閃亮新人王」的Olivia Rodrigo本來是演員，今年一月推出第一首派台歌《Drivers License》 （ https://bit.ly/3oycvUs ），結果橫掃全球，深得年輕人喜愛，連續8個星期成為「Billboard Hot 100」冠軍，更在英國單曲榜達奪連續9周第一，更穩守Spotify全球單曲榜第一位連續54日，MV至今累積點擊高逾兩億，而日前她在「2021英國音樂大獎」（The BRIT Awards 2021）現場演繹《Drivers License》，YouTube的點擊率在一星期內累積超過900萬。 （ https://bit.ly/34a9bFr ）

撞名，亦因為太過常見。「193」直言試過在Google搜尋「Déjà vu」這個關鍵字，「應該會Search唔到我首歌，反而會Search咗呢啲心理學嘅Terms，會Search到人哋嘅MV，所以就諗住改一個中文嘅歌名，『Déjà vu』中文係叫『既視感，我覺我好奇怪呀呢個名，然後就同《自肥》Writer阿暉（麥可暉）傾，傾傾下就決定用《睡到三點》，幾有意思。」是的，以派台宣傳而言，叫《睡到三點》能夠用得到的點子確比「Déjà vu」來得多，當然選擇容易增加曝光的字眼吧，而「193」連DJ或音樂節目主持怎樣介紹新歌也想到了：「DJ Tag歌嘅時候可以講，個主唱都有個『三』字，同埋『睡到三點』嘅意思好廣泛，究竟係因為你身邊冇伴侶陪住你，所以你先三點都未起身，（因為）冇人叫醒你呀，定係你尋晚經歷一件好傷心嘅事，所以你需要瞓到三點？呢個係一個思考空間囉。」

如果細讀《睡到三點》的歌詞，譬如「Shawty的心／就像海底針／咪笑我痴筋 baby／사랑해요」、「睡到／三點／想起／Last night／気持ち」，既有廣東話，又有英文、韓文和日文，又如「總會想起天真講過同你結婚／想你為何藍剔不覆我／跟你遇見／令我一生改變Getting Better／到海角天邊／跟你浪漫相見」，乍看有點詞不達意，甚至有人站在道德高地看此曲，認為內容毫無涵養，負責填詞的「193」解釋，歌詞曾經多番修改，不一定要有意思，「我就係想佢盡量向MK方面發展，即係MK妹最鍾意聽嘅嗰啲情歌，老一輩係聽唔明㗎，其實啲歌詞你完全係睇唔明咩意思，因為歌詞唔係好需要有意思，而家嗰啲18、19歲嘅Rapper，佢哋加好多Auto-Tune嗰啲情歌，擺上YouTube已經有幾百萬人聽，我就係希望可以做到呢啲MK情歌。」

而在直播開始後不久，「193」便說《睡到三點》的編曲風格較為新穎，「聽開流行曲嘅人係唔慣聽呢啲歌，邊有流行曲係個Hook（即歌曲賣點，一般會把Chorus用來作為Hook），即係Chorus會擺喺最頭？我就係特登將呢個洗腦嘅Hook擺喺頭中尾，但一般流行曲只會出現兩次。」他還解釋新歌點解要用Auto-Tune。「大家好似仲未慣Auto-Tune，我唔係因為唱唔到所以加Auto-Tune，呢個係一個Trend，令到首歌嘅聲音更加有質感，呢啲係一啲新嘅嘢，希望帶到畀大家。」Auto-Tune為現時流行音樂製作很常用的一種人聲效果（Vocal Effect），其中一個常見用途為將歌手原本的聲線改變成仿如機械人的聲線，「193」指這種技術在中外相當流行，「你聽下Juice Wrld、Post Malone同埋Travis Scott等等Rapper全部都係用Auto-Tune，係好基本嘅嘢嚟，所以想澄清番，我絕對唔係唱唔到。」

【 ERROR ╳ 格仔導演系列報道 】
《無制限OT編集団の行動綱領》MV點擊突破150萬：
https://bit.ly/3oDoNL3
「無限制OT編集団」的社會責任：
https://bit.ly/33XZ5Y9
「Mike導」承認兩年半前已構思「鳳凰不死鳥整蠱大計」：
https://bit.ly/3wixIo5
自肥可恥，但很感動：
https://bit.ly/2QiqUY4
「Mike導」IG暴升：
https://bit.ly/3eE91wd
「Mike導」親解《ERROR自肥企画》主題曲原因：
https://bit.ly/3xYwK22
《美女郊遊遊》第十集以山步行呼應亂世：
https://bit.ly/3wcjq8v
《花姐ERROR遊》的神奇魔法：
https://bit.ly/2QWOgTv
「格仔Mike」執導《我們很帥》MV兩萬蚊搞掂？
https://bit.ly/2QPvjCl
睇完開開心的《美女郊遊遊》：
https://bit.ly/2SNGb41
《美女郊遊遊》之陳欣妍係「保錡2.0」？
https://bit.ly/2RSrBb2

（21052021）

#游大東 #游大東影視筆記 #睡到三點 #error自肥企画 #ERROR 郭嘉駿 Denis Kwok 193 阿冰 - PingpingNg Ah Gi 樊沛珈 #廣東歌 做乜膠睇電視 我睇咗啲乜嘢 港人講電視 港女講劇 格仔mike導絕對應該有應援會