📍ᴛsɪᴍ sʜᴀ ᴛsᴜɪ, ʜᴏɴɢ ᴋᴏɴɢ 🇭🇰 對上果次去淨係試咗佢哋嘅奶茶，而冇試到其他嘢。而且嗰陣由於佢哋啱啱新開舖，所以嗰陣仲未有千層糕賣。 🍴招牌水果茶［少糖］ 評分：8.5/10 話說小編第一杯水果茶飲左幾啖就發現裏面有夠橙發咗霉，即刻攞返去同店員講，好彩佢哋都即刻沖過另一杯俾小編。 雖然叫咗少糖但係入口小編都仲覺得有少少甜。水果茶入口有好香嘅鳳梨味，酸酸甜甜咁，味道超級Fresh，而且隱約都飲到有少少茶味，不過就唔係太飲到有百香果嘅味道。水果茶裏面嘅蘋果同橙都算幾大塊下，而且裏面都有好多一粒粒嘅鳳梨粒係度，不過裏面嘅百香果基本上全部都冇肉食，因為佢淨係得返粒核喺度。 味道整體上來講都唔錯，小編推介鍾意飲鳳梨底嘅人試。 價格：HKD $33 🍴皇家伯爵紅茶配熊貓珍珠［無糖］ 評分：7/10 講真其實叫無糖真係好驚茶嘅苦澀味會好重，雖然出嚟嘅結果真係有少少苦但係就一啲都唔澀。紅茶嘅茶底味真係好香，紅茶飲落有少少幽香。而且今次仲加左熊貓珍珠，本身珍珠都大有少少甜味同個紅茶一齊飲反而會中和左少少苦味，甜到反而胖啱啱好。至於熊貓珍珠嘅口感小編就覺得比第一次試嗰陣好咗好多，口感更加煙韌，而且黑糖同蜂蜜嘅味更加出。 價格：HKD $17（皇家伯爵紅茶）+ HKD $5（熊貓珍珠） 🍴荔枝千層蛋糕 評分：6.5/10 講真其實平時好少見到話有荔枝千層蛋糕，所以今次見到都即刻買咗嚟試。 雖然佢哋呢個荔枝千層蛋糕裏面冇荔枝肉，但佢中間因為加左一層荔枝雪芭，所以千層蛋糕整體嘅荔枝味都幾香下。不過由於佢個雪櫃真係太凍，一嚟蛋糕攞出黎嗰陣已經說到硬左，二嚟個蛋糕雪到超級乾，所以一篤落去嗰陣基本上已經散左一半，所以個口感真係超級唔掂。而且千層蛋糕嘅層數好少，Size又細，以咁嘅價錢來講有少少貴。 價格：HKD $28 —————————— 店舖名稱：鮮茶道 環境：4/5 服務：4.5/5 地址：尖沙咀彌敦道100號The ONE LG1層LG104號舖 交通：港鐵尖沙咀站B1出口，步行約3分鐘 —————————— #hkfoodie_life_尖沙咀 附近鐵路沿線仲有咩食👇 #hkfoodie_life_荃灣綫 #hkfoodie_life_西鐵綫 同類型食物嘅介紹👇 #hkfoodie_life_茶飲 #hkfoodie_life_蛋糕 ． ． ． ． ． #bubbles #bubbletea #presotea #theone #dessert #desserthk #cake #蛋糕 #千層蛋糕 #水果茶 #伯爵紅茶 #鮮茶道 #珍珠 #台式飲品 #飲品 #台灣 #手搖飲料 #甜品 #熊貓珍珠 #タピオカ

📍ᴛsɪᴍ sʜᴀ ᴛsᴜɪ, ʜᴏɴɢ ᴋᴏɴɢ 🇭🇰 話說唔知大家知唔知尼期The ONE開咗間新嘅台茶舖呢😊 因為全部嘢飲裏面都加左珍珠，所以等小編介紹咗佢哋嘅珍珠先啦！小編今次買嘅基本上都係加左熊貓珍珠同黑珍珠。 熊貓珍珠就係黑珍珠加白珍珠，珍珠嘅口感好煙韌，而且珍珠同珍珠之間完全冇黏住嘅問題出現，好耐冇食過咁高質嘅珍珠👍聽聞黑珍珠係用黑糖去浸，而白珍珠就係用蜜糖。 🍴熊貓珍珠沖繩黑糖奶茶 評分：8.5/10 今次三款裏面小編就最鍾意呢個，飲落真係有好香嘅黑糖味，但係佢淨係可以揀冰量，而甜到係冇得揀嘅，因為店員話嘢飲嘅甜度都係尼至黑糖。小編個人覺得唔算太甜，但係入口就唔多覺有橙味，比較似係飲緊黑糖奶多啲。 如果係黑糖控可以試吓喎！ 價格：HKD $22（沖繩黑糖奶茶）+ HKD $5（熊貓珍珠） 🍴熊貓珍珠鮮奶茶 評分：7/10 講真其實個奶茶底都算唔錯，係屬於中上嘅水平，而且不論係冰量定甜度都可以由你自己選擇。奶茶飲落有茶味又有奶味，而且連用全脂奶定低脂奶都有得揀。雖然個奶茶底就普通咗啲，但就勝在價錢夠合理。另外由於店舖選用左十字牌嘅鮮奶，所以鮮奶嘅味道就冇話特別香。 價格：HKD $24 🍴黑珍珠皇家伯爵奶茶 評分：7/10 明明加多HKD $1 就可以多舊布丁，但係落單嗰陣眼殘睇唔到囉🤦🏻‍♀️ 算啦！講返個皇家伯爵奶茶先，明顯飲得出隻味係同普通奶茶有分別，而且個分別都幾明顯下架。呢隻奶茶飲落有好香嘅伯爵茶味，而且不論係奶定係茶嘅味道都好出。 鍾意飲伯爵茶嘅都可以試吓，不過小編都係比較鍾意食返伯爵茶味嘅甜品多啲😂 價格：HKD $22（皇家伯爵奶茶）+ HKD $5（黑珍珠） —————————— 店舖名稱：鮮茶道 環境：4/5 服務：4.5/5 地址：尖沙咀彌敦道100號The ONE LG1層LG104號舖 交通：港鐵尖沙咀站B1出口，步行約3分鐘 —————————— #hkfoodie_life_尖沙咀 附近鐵路沿線仲有咩食👇 #hkfoodie_life_荃灣綫 #hkfoodie_life_西鐵綫 同類型食物嘅介紹👇 #hkfoodie_life_茶飲 ． ． ． ． ． #bubbles #milktea #bubbletea #pearlmilktea #presotea #blacksugarmilktea #theone #鮮茶道 #黑糖珍珠 #沖繩黑糖奶茶 #伯爵茶 #伯爵奶茶 #奶茶 #珍珠 #台式飲品 #飲品 #台灣 #台式飲品 #手搖飲料 #鮮奶 #十字奶 #タピオカ