- 📍食在深水埗 - 迷你毛Cafe 💎性價比(CP值): 🌕🌕🌕🌖🌑 ——————————————————— 近年深水埗都成為其中一區滿佈Café既地方！「迷你毛」呢間餐廳有別於一般既Cafe小店，鋪頭面積大，空間感十足！而且分成兩邊，一邊以淺木同白色為主，感覺自然簡約，而另一邊就有幅粉紅牆，充滿少女心！門口既圓形梳化亦係食客必定打卡之位。 - 1️⃣炸雞煎蛋窩夫💰95（👅: 7.6/10） 鹹香炸雞同甜香窩夫呢個配搭唔係好常見！但呢度廚師又拿捏得好好技術！炸雞香脆肉嫩，加上即製窩夫、燶邊煎蛋、香脆煙肉，最後淋上糖漿，味道同口感層次都好豐富。 - 2️⃣香煎帶子龍蝦汁闊條麵 💰128（👅: 7.6/10） 賣相好高質，有4粒大大厚切帶子，而闊條麵仲以魚子醬作點綴，食落麵質煙韌，龍蝦汁濃而不鹹！ - 3️⃣意大利芝士蛋糕💰72（👅: 7.5/10） 經典Tiramisu嘅變奏版，上層係Mascarpone芝士加上咖啡Crumble同朱古力薄脆，下面嘅手指餅就用咖啡酒同杏仁酒浸過。食落先係厚滑芝士口感，之後係可可粉同朱古力嘅甜味，後勁就有濃郁嘅咖啡同酒香。如果手指餅比例再多啲就perfect 喇～ - 4️⃣芝士蛋糕芭菲💰72（👅: 7.7/10） 好igable😍😍 最上層插上朱古力片既雲呢拿雪糕，下層係芝士蛋糕同紅桑子醬！值得一讚酸甜既紅桑子同雜莓醬配綿密芝士蛋糕食一流！ - 5️⃣ 檸檬青檸苦酒💰48（👅: 7/10） 以青檸、檸檬、梳打、苦酒（Bitter）等調配而成，苦酒令飲品有漸層效果！味道方面有好輕輕既澀味，再帶點氣泡口感，幾清爽。 - 6️⃣ 火龍果乳酪💰46（👅: 7.3/10） 火龍果夠足料，配乳酪撈埋黎飲，又唔會太甜，驚喜地解渴！ - ✨整體黎講，甜品比想像中有驚喜，主食亦都有番咁上下水準，環境簡約舒適，可以話係鬧市中歇息一會的好地方～ - 👅味道: 7.5/10 🍽賣相: 7.4/10 🏰環境: 7.3/10 🙇🏻‍♂服務: 6.7/10 💎CP值: 7.5/10 ⚖人均: $250-300 🔺服務費: ✖️ ↩回頭值: 75% ——————————————————— 📍 迷你毛 Minimal 深水埗鴨寮街121-123號地舖 🚇港鐵深水埗站 A2 出口, 步行約4分鐘 🕓星期一至日11:00 - 21:00 📞N/A - 🔎✨ #hkfs深水埗 #hkfscafe

室內環境以綠色植物佈置為主🌳, 感覺置身於秘密花園當中🎋, 亦設有露天座位, 可以喺度享受一個寫意既下午, 係唔錯既打卡餐廳🍴! ❀華麗寶盒下午茶❀ 賣相精緻, 有鹹點亦有甜點, Afternoon tea set 可以揀香檳🍾️/鮮榨果汁一杯, 仲有咖啡☕️、茶無限添飲 #頂級魚子醬配迷你鬆餅 - 有矜貴既冰鎮魚子醬🤩! Caviar鮮味十足, 就咁食已經好好味, 另一個食法就係將魚子醬連同其他配料, 放上迷你鬆餅上一齊食 #黑松露雜菌濃湯 - 菌味勁香濃, 又有黑松露香味, 質感好杰身, 細細杯, 份量啱啱好! #頂級意大利凍肉拼盤 - 上面有意大利辣肉腸、Parma ham、芝士🧀、橄欖🫒 #迷你和牛多士 - 香脆多士夾住和牛, 和牛味濃, 肉質嫩 #蛋糕首飾寶盒 - 4款蛋糕口味中, 我最鍾意朱古力冧酒蛋糕🍰, 朱古力味香濃🍫, 帶有冧酒香, 味道層次豐富 另外, 仲試咗「暖笠笠鵝肝飯系列」- 蜜汁炭燒黑豚肉鵝肝煎蛋飯, 係豪華版既黯然銷魂飯! #Karenkyt_九龍區 . 📍地址: Glasshouse Greenery 尖沙咀 Victoria Dockside K11 Musea 5樓501及503A號舖 ----------------------------------------------------- #美味しすぎ #hkfoodie #hkfoodblogger #hkig #hkblogger #美味しい #美味しかった #美味しそう #cheatmeal #Caviar #afternoon #desserts #cakes #sandwich #muffins #mushroom #platter

#heygoeat尖沙咀 今日同好友去k11 musea嘅glasshouse high tea，呢度環境好靚，啲野食又靚又好食😋我地叫左 Room enchanted afternoon tea set $388一位 1️⃣頂級魚子醬配迷你鬆餅及配料 魚子醬睇落粒粒都飽滿渾圓，就咁食食到海水鹹香，帶微甘，好新鮮。配料有忌廉、洋蔥碎、蛋白等，可以自己揀唔同嘅配搭，將魚子醬同配料放上鬆餅食，多重滋味，好有口感。 2️⃣頂級意大利凍肉拼盤 份量十足，辣肉腸帶鹹香，又有少許辣，巴馬火腿肉質柔軟，同芝士食口感非常之夾😆 3️⃣黑松露雜菌濃湯 夠曬香濃同creamy，好味道 4️⃣多士可以揀和牛或者鵝肝，我哋就揀咗香煎法國鵝肝多士 酥脆嘅甜餅上放咗油香洋溢嘅肥美鵝肝，令人齒頰留香 5️⃣精選蛋糕首飾盒 每一件蛋糕嘅賣相都好精緻啊！ 柚子芝士蛋糕好creamy，質感柔滑，正！ 橘子🍊造型嘅蛋糕好香甜，帶有淡淡橘子香，裏面仲好似糖心蛋咁流心，好有心思！ 法式紅桑子費南雪蛋糕一入口就令人好醒神，酸酸甜甜，好美味☺️ 而朱古力蘭姆酒蛋糕味道濃郁，鍾意朱古力嘅你一定鍾意❤️ 6️⃣香檳🍾️ 唔會太甜，都幾易入口，喺呢個環境都飲係好啱嘅😆 我地見餐廳有「暖笠笠鵝肝飯系列」，由於佢嘅鵝肝好出色，所以我哋叫咗蜜汁炭燒黑豚肉鵝肝煎蛋飯，叉燒用秘製醬料醃得好入味，食到炭燒嘅風味，加埋肥美嘅鵝肝，真係大滿足！ 呢度坐得好舒服，一邊享受着咩色，一邊同傾計，渡過咗一個悠閒嘅下午，chill🥰 #鵝肝 #hams #parmaham #hightea #下午茶 #cake #dessert #甜品 #蛋糕 #魚子醬 #caviar #foiegras #香檳 #champagne #hkfood #hkfoodie #hkfoodblogger #hkfoodblog #food #foodie #foods #相機食先 #手機食先 #全力食 #食左先講 #食好西 #食好西系列 #yummy #cakes